0 فول بالسجق والفلفل الألوان

الطريقة : بجيب طاسه وبحطها على النار وعليها معلقه سمنة وبنزل فيها حوالى فصين توم مفرومين بالكزبرة الناشفة وبقلبهم بس لحد ما التوم يدبل وبعدين بنزل السجق المتقطع قطع وبشوحه كويس لحد ما يستوى وبعدين بنزل عليه الفلفل الالوان المتقطع شرايح وبقلبهم كويس مع بعض وبنزل عليهم الفول وبقلبه وبضيف الملح والفلفل والكمون وبيتقدم وبألف هنا

تابع القراءة

0 كيف تحفظين الطعام في الفريزر بطريقة صحيحة؟

عندما تزوجت وجدت أنه من الضروري لكي أقلل من الوقت الذي أقضيه في المطبخ أن أعد أصنافاً من الطعام وأضعها في الفريزر بحيث تكون جاهزة على التسوية، ولاحظت أن هذا ما تفعله كثيراً من السيدات لتوفير الوقت الذي يضيق بالمسئوليات الكثيرة. 

 

وقد عرفت أن تجميد الطعام في الفريزر له أصول يجب علينا معرفتها لنحافظ على لون الطعام ورائحته وقيمته الغذائية. فما هي هذه القواعد والأصول؟

تعرفي عليها في هذا المقال.

 

تجميد الخضروات والفواكه:

• لا تجمدي الخضروات أكثر من ثلاثة إلى ستة أشهر حتى تظل محتفظة بطعمها وقيمتها الغذائية.
• معظم الفواكه يمكن تجميدها في الفريزر من ثمانية إلى اثني عشر شهراً (والموالح من أربعة إلى ستة أشهر).
• اغسلي ونظفي الفاكهة قبل تجميدها حتى لا يصبح لونها بنياً عند تجميدها. اشطفيها تحت الماء الجاري ثم قطعيها إلى شرائح. 

بالنسبة إلى اللحوم: 

• أزيلي منها الدهون والعظام قدر الإمكان لتخليصها من السوائل والغازات الزائدة والحفاظ عليها طازجة وجيدة.
• خزنيها في الفريزر للفترة المناسبة وهذا يختلف من نوع إلى آخر من اللحوم حسب كمية السوائل بها:
  • اللحوم المقطعة إلى شرائح والهوت دوج: أسبوعين.
  • اللحوم المطبوخة: شهرين
  • اللحم المفروم: ثلاثة أشهر
  • اللحوم المقطعة قطعاً كبيرة كالإستيك: اثني عشر شهراً.

تجميد الأسماك:

• قطعي الأسماك الكبيرة إلى قطع صغيرة قبل تجميدها.
• بعد تجميد السمكة أخرجيها من الفريزر واغمسيها في إناء من الماء ثم ضعيها مرة أخرى في الفريزر. لماذا؟ لتكوين طبقة ثلج إضافية حول السمكة مما يضمن بقاءها طازجة وإزالة الروائح التي قد تنبعث من السمك أثناء تجميده.
• يمكن تخزين الأسماك في الفريزر لثلاثة أشهر أما المحاريات فيمكن أن تمكث حنى ستة أشهر.

بالنسبة إلى الأطعمة المحتوية على دهون: 

برديها أولاً وأزيلي طبقة الدهون التي تتكون على السطح لأن الدهون تفسد مع بقائها وقتاً في الفريزر مقللة عمر الطبق.

 

لاحظي أن بعض الأطعمة لا يناسبها التجميد، مثل: 

• المرق والصوص المضاف إليه نشا أو دقيق حيث ستنفصل المكونات أثناء التجميد، لذا يمكنك إضافة مثخنات القوام بعد إخراجها من الفريزر وعند إعدادها للتقديم.
• الفواكه والخضروات التي تحتوي على نسبة عالية من الماء كالخس والبطيخ، والبطاطس المطبوخة والمكرونات عند تسويتها تماماً لأنها ستصبح متشبعة بالماء عند إخراجها من الفريزر.
• بعض منتجات الألبان كالزبادي واللبن تفصل عند تجميدها.

بردي الطعام قبل تجميده في الفريزر:

حتى لا يحتفظ بالرطوبة داخله إذا وضعتيه في الفريزر ساخناً، وحتى لا يتسبب في سيحان الأطعمة المجاورة جزئياً فيتغير طعمها وتركيبها. 

كيف تبردينه إذن؟ 

• اتركيه يبرد حتى يتوقف بخار الماء عن الخروج منه قبل أن تضعيه في وعاء التخزين ثم في الفريزر. 
• لتبريده بشكل أسرع ضعيه في حمام ثلج ثم ضعيه في الثلاجة مكشوفاً
• وبالنسبة إلى الأطعمة السائلة يمكنك وضعها في إناء معدني وقلبيها كل فترة.

أوعية حفظ الطعام:

• فرغي أكياس الثلاجة من الهواء قبل حفظ الطعام فيها، وأغلقي أوعية تخزين الطعام بإحكام حتى لا يتسرب إليه الهواء فيفسد الطعام.
• تجنبي استخدام الآنية الزجاجية لتخزين طعامك في الفريزر لأنه قد ينكسر بسبب الحرارة وبسبب تمدد الطعام عند تجميده.
• "بططي" الطعام في الأكياس بحيث يصبح مثل طبقة رقيقة ويتجمد بسرعة ويسيح بسرعة أيضاً عندما تريدين استخدامه.
• احفظي في كل كيس أو إناء القدر من الطعام الذي تحتاجينه في الطبخة حتى لا تضطري إلى تسييح الكمية كلها لتأخذي جزءاً منها فقط وتعيديها إلى الفريزر لتتجمد مرة أخرى.
• سجلي على وعاء الحفظ اسم الطعام الموجود بداخله وتاريخ وضعه في الفريزر.

عند صهر الطعام:

• يفضل أن تصهريه في الثلاجة أو في فرن الميكروويف إذا كنتِ متعجلة، وليس بتركه خارج الثلاجة في حرارة الغرفة.
• تأكدي أن اللحوم والأسماك قد انصهرت حتى مركزها من الداخل قبل طهوها.

وأخيراً إليكِ هذه النصائح الهامة:

• احفظي الطعام وهو بحالة جيدة لأن هذا سيؤثر على مذاقه عند تناوله.
• احفظي الطعام عند درجة حرارة صفر أو أقل حتى يحتفظ بلونه وملمسه وطعمه وقيمته الغذائية.
• كلما تجمد الطعام أسرع كلما كان ذلك أفضل. لذا لا تزحمي الفريزر بالطعام حتى تسمحي للهواء بأن يتوزع على الطعام جيداً. عندما يتجمد الطعام ببطء فإنه يكون بداخله بلورات من الثلج تتسبب في جعل الطعام "بايش" عند إخراجه من الفريزر. 
• تجنبي شراء طعام مجمد إذا كان بقي خارج الفريزر.

تابع القراءة

0 أهم النصائح لحفظ الأطعمة والمشروبات بالطريقة الصحيحة فى الثلاجة

تذكرني أمي دائماً بأن «الست الشاطرة هي اللي يكون بيتها جاهز ديما»، ولأنكِ المديرة التنفيذية للمنزل، التي ترسم وتخطط وتنفذ كل ما يخص المنزل، فمن الضروري أن تجهزي منزلك دوماً، وتشرفي علي تحضير ما تحتاجينه، خاصة فيما يخص الأطعمة والمشروبات التي تتناولها الأسرة.

إليكِ أهم النصائح لحفظ الأطعمة والمشروبات بالطريقة الصحيحة..

• فيما يخص حفظ الطعام.. فالقاعدة الذهبية التي ينبغي عليكِ مراعاتها، أن الهواء والرطوبة هما العدوان الأكثر تأثيراً علي صلاحية الأطعمة المختلفة، فحاولي دوماً تقليل تعرض الأطعمة للهواء والماء، خاصة أثناء حفظها بالثلاجة.

• أفضل وسائل لحفظ الطعام عموماً والمطبوخ خصوصاً، هو وضعه في أوعية زجاجية مفرغة من الهواء «air tight containers»، لمدة يومين أو ثلاثة في الثلاجة، فإذا شعرتي أن الطعام لن يؤكل خلال هذه المدة، فالجائي فوراً لحفظة في الفريزر، كذلك يمكنكِ حفظ الأطعمة والمشروبات في أكياس بلاستيكية مفرغة من الهواء، ويمكنكِ الاستثمار في جهاز «vacuum sealer» خاص بإفراغ الهواء من الأكياس، ثم غلقها إلكترونياً، أو حاولي إخراج الهواء قدر المستطاع من الكيس، ثم سخني حافة سكين طويل علي النار، واغلقي بها طرف الكيس.
• تذكري دوماً أن تدوني نوع الطعام وتاريخ تجميده، والكمية إن كانت تكفي لوجبة واحدة أو أكثر أو بحسب عدد الأفراد.

• أما الخضروات والفاكهة التي تضعينها في الثلاجة، فراجعي محتويات الثلاجة كل يومين أو ثلاثة أيام، وافصلي بين الأطعمة التي قاربت علي الفساد، وينبغي أن تستهلك فوراً بأن تضعينها في المقدمة، والأشياء التي لازال أمامها بعض الوقت ضعيها في الخلف، إذا غسلتي الخضروات والفاكهة قبل وضعها في الثلاجة، فتأكدي من تركها تجف تماماً أولاً، أو جففيها بفوطة نظيفة قبل وضعها في الثلاجة، وراجعيها كل يومين لتتأكدي من جفافها تماماً، وأزيلي الأجزاء الفاسدة منها، كي لا تتسبب في فساد الخضروات والفواكة المجاورة لها.
• احتفظي ببعض الطعام المطهو المجمد.. إذا جاءكِ ضيف مفاجئ، أو ليوم تكوني مرهقة ولا تستطيعين الطهو، أو كنتِ ستخرجين ولا يوجد لديكِ وقت أيضاً، كذلك اجعلي في الفريزر دوماً بعض الشوربة سواء شوربة دجاج أو لحم أو بط، فستكون طوق نجاة في بعض الأيام حينما تحتاجين لشوربة للمحشي أو لأي شيء أخر. 

• احرصي علي فصل أي أطعمة ذات رائحة قوية في الثلاجة، أو الفريزر.. فلا تريدين أن تجدي نفسك تتناولين يوماً ما مانجو بنكهة الثوم مثلاً!! 
•  
• لا تذيبي الخضروات والفاكهة المجمدة بل اطبخيها فوراً كما هي، أما الفاكهة إذا أردتي إعدادها للعصير وهي مجمدة وصلبة، يمكنك أن تتركيها تلين قليلاً بدون أن تسيح تماماً، حتي لا تضيع القيمة الغذائية منها، أما اللحوم والدواجن ففكي تجميدها في وعاء مغطي داخل الثلاجة وليس في حرارة الغرفة العادية.
• يمكنكِ أيضاً حفظ المواد السائلة كالشوربة وعصير الليمون في مكعبات الثلج، ثم بعد أن تتجمد تماماً انقليها لكيس بلاستيكي أو ضعيها في علب بلاستيكية أو أوعية خاصة من الزجاج أو الصاج، ولا توضع السوائل في أكياس مباشرة حتي لا تأخذ مكانا كبيراً، أو تتجمد فتعلق بين قضبان الرف.
• ضعي طبقات من البلاستيك بين الأطعمة التي تلتصق ببعضها ويصعب فصلها وقت الحاجة، كالهامبرجر وقواعد البيتزا المجمدة والبانيهات عموما.
• تجنبي تكديس الثلاجة أو الفريزر حتي تصبح عملية التبريد جيدة، ويستطيع الهواء البارد أن يصل لجميع الأطعمة علي حد سواء، حافظي دوماً علي نظافة الثلاجة حتي تتأكدي من نظافة وسلامة الطعام بداخلها.
• لا تستخدمي الأوعية المصنوعة من الألومنيوم ولا التيفال في حفظ الطعام، خاصة الأطعمة التي تحتوي علي الصلصة والحمضيات، كذلك تجنبي وضع الفويل ملاصقاً للطعام قدر الإمكان، بل لفيه أولاً في طبقة من البلاستيك ثم غلفيه بالفويل بعدها.
• اتركي مساحة فارغة في العلبة أو الكيس لأن الطعام حينما يتجمد يزداد حجمه.
• لا تضعي الطعام في الثلاجة أو الفريزر وهو ساخن أبداً، لكن اتركيه دوماً ليبرد لحرارة الغرفة أولا. لتجميد اللحوم والدواجن اغسليها جيداً، ثم جففيها وقطعيها حسب الاستخدام، ثم لفيها بالبلاستيك واكتبي عليها النوع والكمية والتاريخ وجمديها، يمكنك حفظها نيئة أو متبله بالبصل والتوابل أو في البيض والبقسماط وجاهزة للقلي أو حتي مطهية.

• لتجميد الخضروات: نظفيها ثم قطعيها حسب الأكلة، ثم اكتبي عليها التاريخ والكمية واحفظيها في أكياس مفرغة من الهواء، يمكنك سلق الخضروات لمدة 4-5 دقائق في ماء مغلي مع الملح، ثم توضع مباشرة في ماء مثلج، ثم تصفي جيداً وتحفظ، ويمكنكِ أيضاً تجميدها بدون سلق. )
• لتجميد الفاكهة: ازيلي الأجزاء المعيوبة والبذور وقطعيها، ثم ضعيها في الفريزر، يمكنكِ أيضاً حفظها في صورة كمبوت، بأن تسلقيها لبعض الوقت في ماء بسكر وعصير نصف ليمونة، ثم تتركينها لتبرد ثم تحفظ في الفريزر.
• لتجميد البقوليات: تنقع لليلة كاملة في ماء، مع تغيير الماء عدة مرات، ثم تسلق نصف سلقة وتصفي، ثم تحفظ في أكياس مفرغة من الهواء، وتستخدم مباشرة علي الطبخة بدون إذابتها.
• لحفظ الأعشاب والخضروات الورقية: اغسليها جيداً ونظفي الزوائد والأوراق الفاسدة، ثم ضعيها في فوطة مبللة في الثلاجة داخل كيس مثقوب، أو قطعيها قطع صغيرة واحفظيها مجمدة في الفريزر للاستخدام الفوري.
•  
• منقول

تابع القراءة

0 طريقة عمل اوريو باللبن

اوريو باللبن
المكونات:
٢ باكت اوريو الحجم العادى
١كوب لبن حليب بارد
رشه قرفة
كريم شانتيه للتزيين
الطريقه:
يخلط الاوريو مع اللبن والقرفهفى الخلاط
ويقدم بارد ويمكن تزيينه بالكريم شانتيه

قدميه بطريقه مختلفه لضيوفك
وايضا لفتح شهيه الاطفال الى كمان مش بيحبوا يشربوا الحليب ساده
ويمكن عمله لاطفالك فالصباح وشربه اثناء الذهاب الى المدرسه
داليا شبانة

تابع القراءة

0 مينى بيتزا بعجينة العشر دقايق

مينى بيتزا بعجينة العشر دقايق..........

انا بعمل البيتزا بعجينة العشر دقايق اللى كلنا عارفينها حقولك المقادير وبالصور كمان

أهم 3 أمور لازم تراعيها عند عمل عجنية العشر دقايق علشان تطلع معاكي ممتازة:

1- ننخل الدقيق بمنخل ضيق
2- الكوبايه اللى حتستخدميها فى تعيير الدقيق هى هياها نفس المقاس اللى حتسخدميها فى تعيير المايه والزيت
3- لما تيجي تقيسي الدقيق لازم تكون الكباية ممسوحةوالمعلقة المستخدمة هي معلقة الاكل العادية

عجينة العشر دقايق بتتكون من مجموعتين , نجهز المجموعة الأولى ونخمرها وبعد كدة نضيف لها المجموعة التاني ونعجن كويس







مقادير المجموعة الأولى:
2 كوب دقيق
2كوباية ماية دافية
2 معلقة لبن بودرة (ما ينفعش اللبن السائل)
2معلقة خميرة فورية
2 معلقة سكر

وعشان اسهل عليكى حفظهم كل مقادير المجموعه الاولى عباره عن اتنينات يعنى اتنين من كل حاجه

مقادير المجموعة التانية:
3 كوباية دقيق
1/2 كوباية زيت

تقدرى تنصفى الكميه والمقادير زى منتى عاوزه بس لو نصفتى يبقى كله يبقى بالنص يعنى ممكن تعملى الكميه دى او نص الكميه دى او كميه ونص منها وهكذا المهم تراعى ان كل المقادير بتتنصف او تتضاعف مع بعض مش تنصفى او تضاعفى حاجه وتنسى حاجه تانيه وصور المقادير اهى

السكر والخميره الفوريه واللبن البودره ولو مش عندك خميره فوريه ممكن تستخدمى الخميره البيره وتعايرى بدل معلقه فوريه تبقى قطعه قد عين الجمل من الخميره البيره

 

 انا استخدمت زيت سيلايت عباد الشمس وممكن تحطى نص كمية الزيت زيت والباقى سمنه او زبده زى ما تحبى بس انا المرادى عملتها بزيت بس


 

 دى صورة الهوت دوج اللى استخدمته فى الحشو ممكن بداله بسطرمه اوسوسيس او لانشون


 
 هنا بقى الطمتطم قطه وعليها ملح وفلفل وفلفل اخضر قطع وزتون مفروم وجبنه رومى مبشوره اللى نده موتزريلا طبعا تبقى احلى كمان والهوت دوج
 

 
دى الماجات اللى استخدمتها فى تعيير الدقيق والمايه والزيت يبقوا نفس المقاس
 

 
هنا بقى شكل العجينه الاولى اما خط مكوناتها مع بعض قبل اما تخمر


 
 
هنا بقى بعد اما سيبتها تخمر شوفتوا الفقاقيع طالعه منها ازاى؟؟ 




هنا بعد اما نزلت علي العجينه الاولى بالدقيق والزيت ولميت العجينه كويس
 


 دى بعد اما سيبتها تخمر تانى


 
 ده صلصلة البيتزا اللى انا استخدمتها ولو مش عارفه تجيبيها هو البرطمان ب 6 جنيه تقريبا لو مش عندك يبقى تعمليها زى الشاطره فى البيت عباره عن بصلايه وفصين تلات تون انزل بيهم على السمنه واشوحهم لما يتشوحوا انزل بعصير الطماطم ومعلقتين صلصه فاين فودز عشان تبقى حمره وملح وفلفل ورشة قرفه ولما تتسبك بضربها فى الخلاط وعن تجربه بتبقى زى الصلصه الجاهزه بالظبط وبتعملى وفر فى الكميه

 
 
لما العجينه بتخمر بقى باخدها افردها بالنشابه واقطعها حلقات قد بعض وابتدى ارصها فى الصنيه واكون داهنه الصنيه زيت عشان نتلزقش ولماتفردى العجينه ترشى تحتها الاول رشتين دقيق عشان متلزقش منك فى الرخامه وانتى بتشتغلى وبعدين برصها وانزل عليها الاول بالصلصه وبعدين الجبنه انا بحطها تحت مش فوق عشان تدى للعجينه طراوه من تحت وعشان متتحرقش من فوق وحقولكوا ايه اللى فوق البيتزا من فوق الخطوط ده فى الصوره الجايه وبعدين الزتون المفروم وبعدين انزل الهوت دوج او السوسيس او البسطرمه او شاورمة فراخ شاورمة لحمه او لحمه مفرومه او لانشون مفروم حسب ما بتحبى بقى وبعدين الفلفل الاخضر واخيرا الطماطم

تابع القراءة

8 ترتيب وتنظيم مطبخى بالصور الكتير

المطبخ من فتكات للعضوة:

cuty2015

الصور شوية منها قديم بس حطيتهم عشان تتخيلو شكل المطبخ من برة

ده المطبخ
الخمس ادراج السيلفر الصغيرين دول بحط فيهم قطاعات البسكوت والفطاير والحاجات الرفيعه بتاعة المطبخ اللي ممكن تضيع مني

اولا الخشب فرشته بالمشمع ده

اول حاجة نضفت برطمانات التوابل وروقتها ترويقة جامدة

التنضيف before

after

وكمان برطمانات الشاي والسكر والدرفة بتاعتهم

وهنا دولاب البهارات والزيت قبل انا اللي عملت البرطمانات دي وزينتها الحمد لله

ده قبل

وهنا بعد

الرز والمكرونات في االسلة الدوارة طبعا بس نسيت اصورهم

البوتوجاز كان الغطا بتاعه عليه زيوت طبعا من الاكل غسلته كويس واشتريت الستيكر ده ولزقته بجد حلو جدا وحسه انه عمل تغيير جامد في المطبخ اكيد كتير منكم شافه في المحلات هو ب3.5 وكل مايتبهدل من بواقي الشحوم والزيوت تشليه وتحطي غيره

هنا درفة الفوط ومساكات المطبخ دي ماما ربنا يخليهالي يارب ويديها الصحة عملتها من بواقي القماش بمكنة الخياطة فعلا جميلة و مبتتلسعش بسرعه طبعا حشيتهم سفنج وده كان قماش تنجيد متبقي عندنا

الدرفة فاضية اغلب الفوط في الغسيل

هنا درفة خزين الحلويات والجبن والذي منو

هنا درفة اكياس الباسكت والفويل واكياس المطبخ ...الخ

العلب البلاستيك

درج الملاعق وحاجات الاستخدام اليومي

درفة البايركس والطواجن

درفة الاجهزة الكهربائية بطلع اللي عايزاه ساعة الاستخدام

هنا درج الاطباق الزجاج والمكسرات

هنا دولاب كبير للكوبات والكاسات اللي بستخدمها دايما

الدولاب اللي جنب الكوبايات والكاسات على طول فيه المقشات والمكنسة والاكياس ..الخ

وهنا درفة المنظفات ..بستخدم برسيل جيل فعلا رائع وحلو جدا وريحته تجنن وميسبش اثر عالهدوم

هاربك للتواليت رائع معروف طبعا

ده الساحر بئى لتنظيف السيراميك من الاصفرار والبهتان اللي مبيطلعش بالطبل البلدي.....فعلا رائع

ودي صورة من حمامي للتجربة
هنا قبل..انا منضفتش الفواصل في الصورة تلاحظو فيه بقعه جوة البلاطة نفسها دي مطلعتش ابداااا بالسلك بالكلور مفيش فايدة ده بخيت منه بخة وسبته خمس دقايق وبالقماش طلعت على طول

ده بعد بئى ايه رايكو مريييييييح جدا في الاستخدام والنتيجة روعة

تابع القراءة

0 طريقة البوريك بالجبنة بالصور

المقادير:

  خمس كوبايات دقيق
بضتين
معلقتين سكر
رشه ملح
لبن بارد
كوبايه سمنه و تبقي نص لو حطت قشطه
نص كوب زيت
معلقه خميره

الطريقة:

 
و تعجنيها لغايه ما تطري و بعدين غطيها و سيبيها نصايه
و بعدين قطعيهل كور و افرديهل و احشيهل اي حاجه مش لازم جبن مثلا
و حطيها في الفرن و يكون سخن و شوفيها كل شويه انا عملتها في تلت ساعه
ممكن تحطي عليها سمسم

 عجبني انها خرفشت من بره و طريه من جوه و كمان بحطها في كيس و اشيلها في الفريزر و ممكن اسخنها في الميكروويف او الفرن و معاه كوبايه شاي في البرد ده مقلكوش ممكن ميتحطش في التلاجه الجو برد اصلا بس غطوها بحاجه حشيتها جبنه بالزتون و بسطرمه و زعتر و جبنه حادقه و في الاتنين عملتهم بالمربي

تابع القراءة