0 الديب فريزر الزانوسى التركى مميزاته وسعره

الموضوع للعضوة:
 

 

نوشى

من فتكات

 

السلام عليكم و رحمه الله و بركاته
كتير كنت بنصح بالنوع دا فى المواضيع الى بيستفسروا على انواع الديب فريزر و قلت انزل موضوع بيه بعد ما صورته علشان تشوفوه كمان و تبقى الفكره شبه كامله عنه للى ناوى يشترى

انا اول ديب فريزر استخدمته كان الاسكا حلو مش وحش و ادراجه واسعه و حلوه لكن بيعمل تلج كل فتره كدا

غيرته و جبت الكترو ستار حلو برضو لكن بيعمل تلج اكتر من الالسكا و فجأه حصل فيه عطل و احتاست و بقيت احط حاجتى فى الايس بوكس و لقيت تصليحه هايتكلف و قلت انا هاجيب النوفروست و اريح راسى بقا

كنت حاطه عينى على اريستون لانها ماركه محترمه و مجربها فى الغساله عندى

لكن لما نزلت شفت الزانوسى بصراحه عجبنى فى شكله و جودته و من جوا واسع و كبيررررررررررر

و الحمد لله جبته و شغلته و كان توفيق من ربنا انى اختاره طلع فى كل حاجه ماشا الله عليه

اولا نو فروست و دا كان طلبى يعنى مش هلاقى اكياس لزقت فى بعض

وثانيا فى ميزه انى لو سبت بابه مفتوح او ما قفلتوش كويس بيدينى صفارات انذار
كبير 6 ادراج و رف يعتبر 7 درج بس ماشاء الله كبار
حجمه كبيرر جدا ماشاء الله فى طول التلاجه و يمكن اطول من بعض التلاجات
و كمان فى درج فى النص مساحته اكبر بكتير
تبريد ولا اروع من كدا
تحت كل درج رف معدنى علشان يكون دعم للدرج
و مالوش صوووووووووت نهاااااااااااااائى
الفرق بينه و بين الاريستون كان 1000 جنيه بالظبط مع ان الاريستون كان اقل فى الحجم بكتيررررر و كمان 5 درج بس
و هاسيبكم مع الصور منهم صوره حاطه قدامه المقشه بطريقه مستقيمه مش مايله علشان تتخيلوا حجمه
و صور و انا فاتحاه علشان تشوفوا الادراج بتاعته بس كنت له ما نظمتش فيه الحاجه علشان حطيتها من الايس بوكس عليه علطول لانها كانت هاتبوظ

نسيت اقولكم ان ضمانه اوليمبك اليكترك 5 سنوات

و سعره كان 2950

تابع القراءة

0 عصير المانجو زى بتاع المحلات بالظبط

المقادير

3مانجو ناضج____

سكرحسب الرغبه___

ماء مثلج ــــــــــــــ

السر2 ملعقه كبيره تانج برتقالـ ـــــــــــ

(بيخلي العصير لونه وطعمه حلوووو اوووي
ومهما قعد عندك لونه ميغريش ابدددددددددا)

الطريقه

جيبت المانجو وقشرتها

معلومه لسهوله قشرها بحطها فى الفريزر عادى كتخزين

وبقطعها لما بتخرج من الفريزر ع طول

قطعتها كلها بالسكين حتى البذره تبعها بعملها بالسكين

و قطعت واحده فقط مكعبات وضيفت لها 2 ملعقه سكر تقريبا

وسيبتها شويه ع بال ما عصرت الباقى عاادى وهقولكم ليه

بعد ما ضربتها كويس مع التانج

جيبت المانجو المقطعه دى وضربتها نص ضربه

المهم تكون قطع مش عصيروضيفتها ع الباقى

واحلى كاس عصيرلاحلى حبيبات فى المنتدى

الموضوع للعضوة:ام صفية

من فتكات

تابع القراءة

0 طريقة عمل القمر الدين بالتفصيل

المقادير:
====
لفة قمر الدين اللى وزنها تقريبا نصف كيلو - أربع أكواب ماء - ربع كوب سكر - ملعقة كبيرة ماء ورد “مورد” - صنوبر منقوع قبلها بساعة لو متوفر - نعناع أخضر للتزيين

التحضير:
====
- قطعى عجينة قمر الدين قطع صغيرة وانقعيه فى نصف مقدار الماء (كوبين) وسيبيه فى الثلاجة بالليل.
- فى حلة صغيرة سخنى باقى الماء (كوبين) مع نصف كوب السكر مع التقليب المستمر لغاية ما يدوب السكر تماما.
- فى الخلاط حطى قمر الدين المنقوع مع الماء بالسكر واضربيهم كويس لغاية ما العصير يتجانس.
- ضيفى ماء الورد فى الآخر وعند التقديم ضيفى الصنوبر المنقوع لو متوفر والنعناع للتزيين وبألف هنا وشفا على قلوبكم

--------------

اما بقى لو حبيتى تعمليه بنفسك فى البيت




المقادير:
====
كوبين مشمش مفصص ومقطع - عصير ليمونة واحدة - ربع كوب ماء - ربع كوب سكر

التحضير:
====
- سخنى الفرن على أقل درجة حرارة.
- فى حلة على نار عالية حطى المشمش والماء والليمون وسيبيهم لحد الغليان.
- لما المشمش يبدأ يطرى ضيفى السكر بالملعقة واحدة واحدة وقلبى كويس، ودوقى باستمرار لغاية مايبقى السكر مظبوط حسب الرغبة.
- وطى النار خالص على الحلة وسيبيها عشر دقائق كمان.
- بعد كده اضربى الخليط فى الخلاط لغاية مايتجانس ويبقى عجينة.
- حطى ورق زبدة فى أرضية صينية وافردى فيها العجينة.
- دخليها الفرن على النار الواطية لمدة ٤ ساعات هتلاقى العجينة اغمقت ونشفت وبتلزق فى الإيد.
- لفى قمر الدين فى ورق الزبدة وشيليه فى الثلاجة فى علبة مقفولة كويس لحين الاستخدام، وبألف هنا وشفا على قلوبكم  

تابع القراءة

0 اسهل طريقة لفراخ تكا

اسهل طريقة لفراخ تكا بجد فى دقايق تعملى تكا زى الاصلية



فرخة متقطعة اربع ارباع ونشقها بالسكين ونغزها كويس عشان تتشرب التتبيلة

علبة بهارات تكا (هناخد نصها بس للفرخة) دى هتلاقيها فى ماركت فتح الله او مترو ماركت او اى سوبر ماركت كبير فى منطقتك



هناخد نص علبه التوابل ونقلبها مع تلات اربع علبه لبن رايب و معلقة خل صغيرة و رشة زيت زيتون و 3 فصوص توم نفرهم كويس



نتبل الفراخ جيدا ونتركها اقل حاجة اربع ساعات



فى كيس حرارى نرص الفراخ جنب بعض و نحط الباقى من التتبيله معاها فى الكيس الحرارى و كوباية مياه بتغلى وفى فرن سخن على 200 درجة مئوية (متوسط الحرارة ) فى الرف اللى النص ندخل صنية الفراخ ونسيبها من ساعة الى ساعة ونص حسب حجم الفراخ ولما تستوى نحط فيها فحم وندخنها



وتقدم بالهنا

منقول من فتكات 

تابع القراءة

0 حل أكيد لتساقط الشعر وجفافه ان شاء الله

بصي بداية كده لازم تفهمي ان شعرك ده ابنك الصغير , حبيه كده واهتمي بيه
غالبا هتلاقي اللي مش محجبات شعرهم بيبقى حلو جدا, ده طبيعي متتعقديش, لسببين وهما ان البنت بتهتم اكتر بالحاجات اللي باينة منها, يعني انتي لو شعرك بتخرجي بيه ف طبيعي هتهتمي بيه جدا و تحبي يبقى ف احسن صورة ديما لكن لو واحدة محجبة بتلاقيها مش مهتمة اوي عشان كده كده محدش هيشوفه غير اللي ف البيت فبتكسل تهتم وتلاقيها كل تركيزها على بشرة وشها بس, السبب التاني ان الحجاب ذات نفسه بيكتم الشعر و بيقلل التهوية خصوصا أيام الصيف الأمور بتبقى صعبة وكمان شوية ممارسات غلط بيعملوها المحجبات بتبهدل شعرهم

ف ده يقولك ان لازم تهتمي بشعرك اكتر من كده شوية والا على بال ما تكبري شوية هتلاقيه راح كله و فتلته بقت في الضياع

يمكنك قراءة

اعرفى نوع شعرك وطريقه علاجه والعناية به

 

نبدأ بقى
أولا انا متأكدة ان شعرك بيقع, وكل واحدة شعرها بيقع لأسباب مختلفة
فأنتي تروحي لدكتور محترم كده خليه يكشف على شعرك عشان الأسباب كتيييييييييييير للموضوع ده
طبعا انتي هتقولي دكتور ايه وبطيخ ايه وملوش لازمة
هقولك براحتك خليكي قاعدة كده بتبصي على البنات اللي شعرهم حلو و بتتقهري من جواكي

اللي محتاجة دكتور هي مين, اللي شعرها بيقع بغزاااااااااااااااارة, يعني فكي شعرك دلوقتي و مرري ايديكي فيه وشوفي كام شعراية بيطلعوا معاكي

لو 5 شعرات مثلا فمتقلقيش ده طبيعي
لو وصلتي ل 15 او 20 يبقى انتي ف مشكلة ومحتاجة دكتور يحلهالك
لو اكتر من كده يبقى غالبا الدكتور هيكتبلك على حاجة فيها مينوكسيديل وده بتفضلي تستخدميه طول عمرك

عموما خلال اليوم انتي بيقع منك 100 شعرة , يعني متقلقيش وتصوّتي, مفيش واحدة شعرها مش بيقع, ده لازم يحصل أصلا لان الشعر له دورة حياة
ومش معنى ان وانتي بتسرحي طلع ف الفرشة 5 ولا شعرات يبقى انتي بتعاني من التساقط ... RELAX يعني

هفهمك حاجة عشان لما تفهمي شعرك الأمور بتبقى أسهل
الشعرة بتاعتك بتمر ب 3 مراحل
اناجين وكتاجين و تالوجين
Anagen, Catagen & Talogen

مرحلة الأناجين دي هي اللي بتحدد شعرك هيبقى عامل ازاي, وهي السبب ف ان في ناس شعرها تقيل و ناس خفيف وناس طويل وناس قصير, والكلام ده له علاقة بالجينات, عشا كده بتلاقوا ان تلت تربع الهنود شعرهم رهيب ما شاء الله, مش عشان حاجة معينة بيعملوها بس هما أصلا جيناتهم كده
الشعر ممكن يفضل ف مرحلة الأناجين دي من سنتين ل 7 سنين, كل واحدة وجيناتها بقى, وكل ما يفضل ف المرحلة دي أكتر كل ما الشعر يبقى أكثف وأطول
عشان كده تلاقوا ناس شعرها ممكن يطول لحد كعبها و ناس شعرها مش بيعدي كتفها

المراحل التانية والتالتة مش ضروري تفهميهم اوي, بس اعرفي ان ف المرحلة التالتة البصيلة بتاعت الشعر بتفضل ساكنة او resting لمدة 2-4 شهور
يعني ايه
يعني لما تهتمي بشعرك متتوقعيش انه ف يوم وليلة هيقوم يجري قدامك ويوصل لركبتك
الموضوع محتاج صبر
مش أقل من 3 شهور عشان تبدأي تاخدي بالك ان شعرك بيتغير و بيحصله حاجة
بس طبعا خلال الفترة دي هتحسي ان صحته بقت أحسن بكتير و هيبان عليه انه متغذي

بعد ما ال 3 مراحل بيخلصوا الشعر بتموت وبتقع, والبصيلة بتعيد دورة حياتها تاني وتطلعلك شعرة جديدة

***************************
يمكنك ايضا زيارة هذا الموضوع للاستفادة

نصائح للعناية بشعرك أسفل الحجاب

 

 

طيب, بعد كل الرغي والكلام الفاضي اللي انا بقوله ده
أكيد كل واحدة فيكوا مش عارفة تبدأ منين
بصي يا ستي
اول حاجة افهمي ان البصيلة بتاعت شعرك دي هي ابنك, محتاج ياكل عشان يكبر والا هيتبهدل
أكلي شعرك
أنا مش عارفة ليه يا بنات مش بتقتنعوا بموضوع التغذية ده
بتعتبروه أي كلام وحاجة ملهاش لازمة والناس بتقولها وخلاص وان المهم هو المنتجات وماسك المايونيز و الزبادي و المكرونة و البامية
التغذية هي العامود الفقري بتاع شعرتك
اديها ماية تديكي طراوة
على رأي الأجانب You are what you eat
اي حاجة تاكليها بتنعكس على شعرك, اديله ماية كتيييييييييييييييييييييييير و فيتامينات و بروتينات وحاجات مفيدة

ال 8 كبايات ماية حلوين لبشرتك وشعرك
البروتينات كلها مهمة للشعر عشان شعرك ده عبارة عن بروتين أصلا
كتري من الفراخ واللحوم بشكل عام والسمك والجبنة
الجرجير ده أسطورة أصلا للشعر كتري منه
البيض مفيد اووووووووووووي عشان مليان بروتين بس ده بلاش تكتري منه عشان الكوليسترول, يعني 3 بيضات ف الأسبوع حلوين
الحدييييييييييييييييد ثم الحديد ثم الحديد
لو عندك انيميا اجري وعالجيها بسرعة
*****************************
بالنسبة للفيتامينات ف الزنك تحححححححححفة لتطويل الشعر
في كبسولات سترس تابس بالزنك ب 20 جنيه العلبة و فيها 20 حباية



و في فيتا زنك ب 5 جنيه الازازة و فيها 30 حباية



اختاري حاجة فيهم
دي تتاخد كل يوم بعد الغدا لمدة 3 شهور وبعدين توقفيها 3 شهور وترجعيلها تاني
بجد تجنن أنا شعري طول عليهم جداااااااااااااااااااااا

- بالنسبة بقى للبانتوجار



بصوا هو جميل , الدكتور كان كتبلي عليه وانا كنت خايفة أجيبه بس جربته من فترة , بيشتغل كويس وبيقلل التساقط جداااا و بيتقل الشعر
مشكلته هتبقى انه بيتقل شعر الوش شوية, يعني هتحتاجي تعملي وشك كل 4 أيام مثلا, و طبعا الموضوع بيختلف من بنت للتانية, في بنات بيزودلهم شعر جسمهم و بنات بيزودلهم وشهم وبنات الاتنين وبنات مش بيحصلهم حاجة, يعني انتي ونصيبك
وطبعا الكورس بتاعه 3 شهور, بلاش تاخديه من نفسك شهر واحد وتوقفيه فجأة وتصوتي وتقولي شعري كله وقع
و خلال اخر شهر الجرعة بتتقلل بالتدريج, يعني لو بتاخدي حبايتين ف اليوم يبقى ف اخر شهر تاخدي حباية واحدة ف اليوم اول 10 ايام, وتاني 10 ايام تخليهم حباية يوم ورا يوم, واخر 10 ايام يبقوا حباية كل 3 ايام مثلا وبعدين توقفيه
لازم بالتدريج

- أقراص الخميرة ( عبارة عن فيتامين B )



مفيدة جدا للبشرة والشعر و بتخلي الشعر صحته جامدة و بتطوله
انتوا بتخافوا منها عشان ناس بتحس انها بتطخن وناس بتحس انها بتخسس
اللي فهمته انها بتتاخد قبل الأكل بساعتين لو عايزة تخسي و بعديه بساعتين لو عايزة تطخني
انا عموما كنت باخدها قبل الأكل و متخنطش ولا خسيت

في ناس بتطلعلها حبوب ف وشها وناس بتصفيلها بشرتها
والله انا بالنسبة لي حسيت ان بشرتي بقت أصفى عليها
ف انتي ونصيبك برضه

****************************

نتكلم ف الشامبوهات

لو عندك قشرة ف شعرك لازم تتعالج قبل أي حاجة, القشرة سبب كبير جدا جدا لتساقط الشعر
لان بيبقى في فطريات وحاجات مش لطيفة
احسن حاجة للموضوع ده هو شامبو نيزابكس (17 جنيه )



تهتمي بالفروة جدا وانتي بتغسلي بيه مش الأطراف
و تدلكيه في الفروة كويس و تسيبيه 3 او 4 دقايق بعدين تغسليه
دلوقتي انتي المفروض بتغسلي شعرك مرتين بس ف الأسبوع واوعي تكتري عن كده
هتيجي لمدة شهر تغسلي شعرك بالشامبو ده, يعني تقريبا 8 مرات مرتين كل اسبوع
وبعدين بما ان القشرة مرض مزمن, هتحتاجي تستخدمي الشامبو ده بعد كده كل اسبوعين مرة
يعني ايه
يعني انتي قررتي تعالجي القشرة
هتروحي تشتري الشامبو ده, تقضي شهر كامل تستخدميه كل ما تغسلي شعرك, هتلاقي نفسك استخدمتيه 8 مرات لو بتغسلي شعرك مرتين ف الاسبوع
هتوقفيه بعد ما الشهر يخلص و تبدأي تستخدمي الشامبو اللي يريحك
بس هتيجي كل اسبوعين و تستخدميه مرة عشان تحمي نفسك من ان القشرة ترجع


- طيب عالجتي القشرة و الشهر خلص, تستخدمي ايه
شامبو أكرينال حلو جدا جدا جدا جدا للتساقط, هو غالي شوية بس ممتاز (العبوة الصغيرة 80 جنيه والكبيرة 120 تقريبا)




مشكلة الشامبوهين دول انهم بينشفوا الشعر ف لازم بعديهم بلسم او حمام كريم
أحسن بلسم جربته هو جليس الأسود (كان ب 28 جنيه باين)



تحفة و ريحته حلوة
ده بقى عكس الشامبو, تهتمي بالشعر ذات نفسه مش بالفروة
متحطيهوش على الفروة خالص, على الشعر بس
سيبيه شوية برضه كام دقيقة كده واشطفيه بالماية بس

عموما بلاش استخدام البلسم كتير, يعني هتستخدميه طول فترة علاج القشرة بشامبو نيزابكس
بعد كده تستخدميه كل اسبوع مرة او كل اسبوعين مرة

*********************************

السيرم بقى
طبعا لا غنى عن السيرم لانه مهم للشعر جدااااااااااااااااااااااااااااااا
في ناس مش عارفة ايه السيرم أصلا
بصي ده حاجة كده زي الزيت بس أخف بكتيييييييييييييييييييييير
بينعم ويطري ويقلل الهيشان ويغذي الشعر , يعني اوعي تبقي قاعدة دلوقتي ومفيش سيرم على سراحتك
ده بقى اللي هيخلي شعرك الهايش الناشف ده يروح مع السلامة
وأفضل اتنين جربتهم هما ليندو وتريس





الاتنين أحسن من بعض, يعني تجيبي واحد ولما يخلص تدخلي على التاني
وهيعيشوا معاكي كتير كل واحد هيعد ييجي 3 شهور, حسب طول شعرك وكثافته بقى

بعد ما تطلعي من الشاور بتاعك استني لما شعرك يبقى مندي كده و رشي على ايديكي 3 رشات ولا حاجة من السيرم ده و امسحي شعرك بيهم
وزيه زي البلسم بيتحط على الشعر مش على الفروة

************************************

-اشتري مشط خشب محترم سرحي بيه شعرك, وشعرك يتسرح من تحت لفوق مش من فوق لتحت وانتي بتسلكيه, بعد كده امشي من فوق لتحت براحتك



- امنعي السشوار والبيبي ليس والصبغة تماما الفترة دي لحد ما شعرك حالته تبقى محترمة, بعد كده حاولي تستخدميهم ف المناسبات وبس, لما تستخدميهم كل يوم شعرك بيموت كل يوم

- شوفي هتغسلي شعرك انهي يومين ف الأسبوع و ف اليومين دول تعملي حمام زيت لشعرك , أحسن زيوت هي الخروع والخردل و الجرجير و السمسم وجوز الهند
اخلطيهم مع بعض ولو عندك ميكروويف حطيهم 10 ثواني كده بحيث يبقوا دافيين
دول بقى اعملي بيهم ماساج لشعرك 5 دقايق و اهتمي بالفروة جدا و بالشعر كمان يعني حطي على راسك كلها
وبعدين لفي شعرك بأي بونيه و سيبيهم لمدة 4 ساعات على الأقل وبعدين تغسليهم

- انسي الماية السخنة لشعرك دي مصيبة سوددددددة, بتبهدل الشعر وتوقعه وتنشفه, و الماية الساقعة كمان انسيها عشان بتجيب قشرة بالهبل
تغسلي شعرك بماية فااااااااااااااااااااااااترة

- اوعي تغسلي شعرك وتقومي زي الشاطرة تعمليه كحكة قبل ما ينشف وتجي تلبسي الطرحة وتنزلي
دي كارثة يا جماعة بلاش الاهمال ده
استني لما شعرك ينشف او متغسليهوش وانتي عاملة حسابك انك تخرجي أصلا

- طبعا مش هوصيكوا, طرحة واحدة وبندانة واحدة لا غير, و لازم بندانة قطن قبل الطرحة

- سيبي شعرك, خليه يعيش شوية و يتهوى بلاش الكتمة ال 24 ساعة

الموضوع للعضوة: shereen ss

من فتكات

ملحوظة قبل استعمال اى دواء يجب استشارة الطبيب

تابع القراءة

0 تنظيف مطبخى بالصور الكتير

مطبخ لعضوة من المغرب








هنا فين غسلتهم و ديرتهم يقطرو

























هنا كندس حوايج الخاصين ببنتاي





هده الأواني للاحتياج اليومي








هنا كنحتافظ بالاواني الكهرمنزلية





هنا كنحتافظ بحويج الحلويات





هنا كنحتافظ برفطايما








هنا كندير بلطويات


















هنا الدقيق ولوازم العجن


 ملاعق وادوات الاستعمال اليومي




دولاب اغراض الضيوف

تابع القراءة