• احذروا من شامبوهات الاطفال ومعجون الاسنان
  • حركة هتخلى السمنة العادية تبقى بلدى بسهولة جدا وبالصور
  •  ازاى تعرفى تشتري لحمة وتطبخيها
  •  أخطاء يجب ان تحذريها في التعامل مع طفلك
  • كيكه النسكافيه من مطبخى بالصور

0 فطاير للعشا والفطار سهلة اوى

الثلاثاء، 27 يناير 2015 التسميات:
السلام عليكم احبتي
كل كوبايه دقيق لها معلقه سكر ومعلقه لبن بودر ومعلقه 


خميره ومعلقه زيت وبيضه واحده ولمي بميه دافيه وضاعفي الكميه لو حابه 
فطاير مثلثات بالجبنه المثلثات للفطار والعشا مين قال هات§§
نسيبها تخمر متغطيه ونجهز الزيت للقلي ونفتح الجبنه 
فطاير مثلثات بالجبنه المثلثات للفطار والعشا مين قال هات§§
نقسم العجينه كور متساويه الحجم ونا خد الكوره نفرده دايره بس سميكه بتخن سم ونحط الجبنه في النصف نتني الطرف اللي تحت الاول
فطاير مثلثات بالجبنه المثلثات للفطار والعشا مين قال هات§§
وبعدين نتني الجوانب هايطلع مثلث نقلبه ونبططه بايدينا شويه وع الزيت السخن واقلي
فطاير مثلثات بالجبنه المثلثات للفطار والعشا مين قال هات§§
نطلع ورشه زعتر
فطاير مثلثات بالجبنه المثلثات للفطار والعشا مين قال هات§§
شوفوا جمالها من جوه
فطاير مثلثات بالجبنه المثلثات للفطار والعشا مين قال هات§§
سهله ومغذيه وبسيطه وعجبت عيالي جدا يارب تعجبكم 

فطاير مثلثات بالجبنه المثلثات للفطار والعشا مين قال هات§§
منقول من فتكات


للعضوة صابرين
تابع القراءة

0 عندك عيش كيزر بايت اعمليه بيه بيتزا

الجمعة، 23 يناير 2015 التسميات:
لو عندك عيش فينو بايت او ناشف ممكن تعملى به بيتزا !!
ماتستغربيش حقولك
اولا هاتى صنيه تيفال وقطعى العيش قطع صغيرة جداا وجيبى نص كيلو لبن و2 بيضة وضربيهم جامد وحطى عليهم ذرة ملح وفلفل وبعدين حطى الخليط على العيش وتاكدي ان العيش شرب كل الخليط ولوعايز ممكن تزودى ماء او لبن تمام
هاتى اى بواقى لحمة او فراخ او تونة او سجق او بسطرمة زى ماتحبى لو ملقتيش اعملى اللى حقولك عليه هاتى حلة صغيرة وحطى معلقتين زيت كباروبصلتين كبار قطعيهم حلقات وشوحيهم فى الزيت وحلقات فلفل كوبى وبعدين حطى حلقات طماطم وذرة ملح وفلفل وقلبي حوالى 10 دقائق بحيث مش عايزبن الخليط يتسبك عايزين نحس بطعم كل حاجة موجودة ونصب الخليط على العيش الفينو وحطى عليه جبنة موتزاريلا او اى نوع جبنة بتسيح وحطيها فى الفرن لمدة 10 دقائق وطلعيها وقطعيها مثلثات وقدميها فى الاطباق وبالهنا وشفا

وممكن لوعندك عيش كيزر بايت اقسميه نصين ورسيه في صنيه مدهونة زيت وحطى عليها خليط اللبن بالبيض وبعدين حطى الخليط السابق ورشي جبنة موتزاريلا ودخليه الفرن اصبحت كل واحدة بيتزا لوحدها
 
تابع القراءة

0 طريقة عمل الباذنجان المخلل بالصور

الأحد، 18 يناير 2015 التسميات:
باختصار انا جيبلكم طريقة عمل الباذنجان المخلل بالصور
لذيذ جدا وسهل فى نفس الوقت

اولا بنجيب الباذنجان ونشيل العنق بتاعه ونغسله ونحطه فى حلة مع شوية ميه عشان نسلقه
وادى صورته




وبعدين نسيبه حوالى عشر دقايق وهيكون اتسلق وبقى تمام وللى بيحبوه طرى جدا سايح يعنى يزودوا شوية فى السلق وتطلعى واحدة وتظغطى عليها لقيتيها زى ما انتى عايزة اطفى النار وحطي الباذنجان فى مصفاة عشان تبرد زى ما فى الصورة


وبعدين بقى على الباذنجان ما يبرد نجهز الحشو اللى هو عبارة عن ثوم + فلفل احمر بس انا مكنش عندى فلفل احمر جامد كان نصفه اخضر على احمر بس نفع وطلع المخلل جميل

اهو

الخلطة دى هنطحنها فى الكبة وبعد ما تطلع نحط عليها معلقة صغيرة ملح زى الصورة كده




الباذنجان طبعا هيكون برد نجيب واحدة واحدة نفتحها ونبدا نحشى بالخلطة



ودى الكمية كلها بعد ما حشتها



و


بعدها حطيت عليها ميه بملح
الملح يكون زيادة سنة صغيرة
وتسبيها ليلة كاملة برة الثلاجة
وبعدين تانى يوم تحطيها فى الثلاجة
وتستنى عليها شوية انا استنيت اسبوع
بس طلع تحفة
منقول
تابع القراءة

0 طريقة المدفونة بالبطاطس بالصور

التسميات:
الموضوع : للعضوة ام نوسو نوسو

صورة لطبق المدفونه بالبطاطس اسمها غر يب شو يتين




المقادير حسب عد د اسرتك
انا عملت
1 مج ارز
عصير طماطم
عد د 3 بطاطس حجم كبير مقشرة ومقطعه مكعبات
ملح وفلفل اسود وكمون
وشطه حسب رغبتك بس الشطه اللى بتخليها طعمها مشطشط
وبصله كبيره
زيت ومعلقه سمنه


الطريقه

نحمر البصل بالزيت ومعلقه السمنه واهم شئ تحمير البصل لحد مالونه يبقى غامق شويه
بعد ما البصل اتحمر نضع عليه البطاطس المكعبات يعنى بنشوحها مع البصل ونحط الفلفل عليها والكمون والشطه ونحط عصير الطماطم
ونسيبها شويه لحد ما تشمى ان ريحهتها داخله على الاستواء
نكون مجهزين الارز غسلينه نروح حطين الارز ونضع الملح ونظبط الملح والمياه لو الارز بتاعك بيشرب مياه زوديه حسب الارز
يارب اكون وضحت الاكله هى بسيطه واكون قدرت اوصلك المعلومه يارب

ممكن الصور مش موضحه الاكله





تابع القراءة

0 عجينة سحرية من غير بيض ولا زيت ولا لبن وتنفع لكل المعجنات والبيتزا

الجمعة، 16 يناير 2015 التسميات:
الموضوع للعضوة البليغة ام زيد:
 
 
اكيد كل كمحابين تعرفوا سر العجينه
 

وهي فعلا قنبله في عالم المعجنات بالنسبه ليا و
هي فعلا موفرة وسهله
لانها مش بتحتوي على زيت ولا بيض ولا حليب
لابودرة لاسائل ومع ذلك طريه وهشه شفتو انها سر وسحرفعلا .!!!
وهي عجينه الازمات
حتلاقيها وقت الزنقات والله

وانا راح احكيكلم عنه وباذن الله راح تعجبكم ويكفي انها ناجحه
وشامله لجميع انواع المعجنات وعن تجاربي فيها لمده ومباحثات عده
وكمان توصلت لاختراع حلو كمان
والصور تحكم وخير دليل
واحب انوه انه الفكرة شفتها على احدى المواقع


والعجينه اسمها
عجينه المايونيز!!!
.. ايوة المايونيز شيء غريب صح ؟!
لكن نتيجتها اغرب وممتازة ميه بالميه
نشوف المقادير والطريقه
وكله بالصور خير برهان
وياريت تبقوا معايه لاخر الموضوع




2 كوب ونصف دقيق ابيض ملعقه صغيرة خميرة فوريه
ملعقه صغيرة ملح
ملعقه صغيرة سكر
2 ملعقه كبيرة مايونيز
كل كوب دقيق ملعقه كبيرة مايونيز
3/4 كوب ماء دافي

بس شفتو موفرة وسهله ازاي !!!
ومفيهاش اي مكونات اخرى ومع ذلك هشه واكرر
وهي بتغني عن استخدام الحليب البودرة والزيت والزبده
والزبادي والبيض..



على فكرة مش بتظهر ليها اي رائحه مايونيز
عند الخبز والعجن والطعم مش بيباااااان
انما هشاشه وخفه مش طبيعيه كانه فيها محسن عجائن






حتخلطي كل المكونات وتسكبي الماء على العجين بالتدريج
لحد ما تلم معاكي بس ...انا ضاعفت المقدار
نشوف بالصور
 
 
 لاول مرة..العجينة القنبلة الموفرة الشاملة (المايونيز) من عند بليغة والصور اكبر برهان

لاول مرة..العجينة القنبلة الموفرة الشاملة (المايونيز) من عند بليغة والصور اكبر برهان


 http://files2.fatakat.com/2013/4/13667932909729.jpg
تابع القراءة

0 خلاصه الكلام فى الرشح و الكحه للأطفال لدكتور هانى عصام

الأحد، 11 يناير 2015 التسميات:
من عمر يوم
الطفل لما بيتولد و فى اول شهر مسموح ليه 10 مرات عطس و 10 مرات كحكه خفيفه
لكن لو انفه زكمت يبقى تسليكها بمحلول الملح مطلوب او بالبخاخ الخاص بالرضع
صوت الانف مقبول انه يكون عالى فى اول 4 شهور حتى لو هيسمع الجيران طالما الطفل مرتاح و بيعرف ينام و دا ممكن يكون ضيق فى ممرات الهوا فى الأنف و مفيش منها اى مشكله و فى الحاله دى محلول الملح مش مطلوب ابدا
لكن لو الطفل بيتضايق و مبيعرفش يرضع ولا بيعرف انه يتنفس و بيبكى كتير ف دا بيكون سببه انسداد الانف و دا موضوع صعب لازم و ضرورى يتسلك
بعض الافرازات عند الاطفال مبتتبلعش ولا بتنزل من الانف و بالتالى بنسمع صوت خروشه و بنحسها فى الظهر و دى مفيهاش اى مشاكل و الطفل مبيكونش عنده اى مشاكل على صدره علشان اللى بيعطوا الاطفال علاج و مذيبات بلغم بدون اى داعى دا غير المضاد الحيوى اللى لازم ينور فى اول كل روشته بدون داعى
بنأكد إن اول مراحل متابعه الطفل لما بيبتدى يكح او يبكى فى اى وقت هو تسليك الانف و بنعيد الكلام اما بنقط محلول الملح بالانف او بالبخاخ
و اى نوع نقط او بخاخ فيه اى ماده كيماويه يبقى تحت اشراف الطبيب و اقل عدد ايام  يعنى اخرنا اسبوع و متتكررش تانى لانها ممكن تتسبب فى التهاب اغشيه مخاطيه او تهيج ليها بدون داعى
على فكره مفيش اى جيوب انفيه عند الاطفال لحاد عمر 4 سنوات  لأنها مبتكونش اتكونت لسه
اى كحه عند الاطفال لو زادت
فى الموسم دا
ضرورى استبعد انها النزله الشعبيه الفيروسيه
اللى المضاد الحيوى ملوش اى دخل فى علاجها
و ادويه الكحه و مذيبات البلغم مينفعش نعطيها للطفل لانه مبيعرفش يطرد البلغم اللى على صدره و بالتالى بنديله موسع شعب و فى بعض الاوقات مضادات الحساسيه اللى منها
الكورتيزونات اللى الناس بتخاف تعطيها لأطفالها على غير معرفه
الشرط فى اعطاؤها هو
انه يكون تحت اشراف الطبيب
الجرعات محسوبه بالوزن
اقل عدد ايام
بتتاخد كعلاج مصاحب وليس علاج رئيسى

محتاجين نعرف
الجلسات مفيش منها اى تعود
النزلات اللى فى الوقت اللى احنا فيه دى فيروسيه و ممكن تستمر الى 3 اسابيع
العدوى بين الاشخاص بتحصل كتير اوى
التكييف و الدفايات غير مستحبه علشان تغيير الاماكن
لو طفلك عنده برد او نزله ياريت نرتاح فى البيت على الاقل يومين
الحراره المصاحبه لدور النزلات الشعبيه دلوقت ممكن توصل لحاد 40 و علاجها الكمادات و السوائل الدافئه و خوافض الحراره و مضادات الحساسيه مش اكتر
تطعيم الانفلونزا الموسمى اخر خبر انه ينفع يتاخد لحاااااااااااااااد اخر شهر فبراير
تسليك الانف بمحلول الملح و الشفاط او البخاخ  حاجه مهمه جدا
موسعات الشعب هى المهمه فى اغلب الحالات
الاطفال اللى بيكونوا زياده فى الوزن
بيكون عندهم نسبه تزييق على الصدر و دى متكرره فى اغلب الحالات و علاجها الجلسات بس و بلاش من الحقن و المضاد الشراب
و مينفعش نأكلهم بدرى الا بعد اما يخلص السادس
لو الحساسيه او التزييق على الصدر عند الطفل زياده
بنطلب من الام انها تمنع الفول السودانى و البيض و منتجات الالبان  لانها بتنزل فى الحليب اثناء الرضاعه و دا ممكن يزود عليهم الحساسيه و بالتالى مطلوب ان الام تاكل اى حاجه فيها لحم ابيض - فراخ او ارانب
نرجع و نقول
ادويه البرد و الحساسيه بتتاخد على سن سنتين و بينكتب عليها لا يستعمل لأقل من 6 سنوات علشان الاهل اللى بيعطوا الادويه عمال على بطال
و فيه انواع ينفع تتاخد من عمر 6 شهور و فيه منها بيتاخد من عمر يوم  لكن بشرط الجرعات
و حاجه اخيره
فيتامين سى اللى فى الليمون و البرتقال و الجوافه و الكيوى مطلوب علشان بيرفع المناعه 
 
تابع القراءة

0 طريقة عمل السحلب فى البيت

التسميات:
بمناسبة موجة السقعه دى اللي مش عارفين حتنتهي امتى تعالوا نعمل بودرة السحلب اللي بنشتريها من العطار في البيت واهي تبقى أضمن وأطعم وأوفر من اللي بنشتريها
المشروب الشتوي
السحلب البيتي
*************
المكونات :
نص كوب سكر بودر
نص كوب لبن بودر
نص كوب دقيق أرز أو نص كوب أرز مطحون
4 معالق نشا
2 أكياس فانيليا
سمسم ومكسرات وجوز هند حسب الرغبه

الطريقه :
بنضيف كل المكونات علي بعض ونقلبهم كويس ونحفظهم في برطمان محكم الغلق في التلاجه
وناخد منهم وقت ما نحب ونعمل زي السحلب العادي بقي باللبن يعني حوالي5 معالق أو أقل على حسب السمك اللي تحبيه علي 3 كوب لبن ونفضل نقلب علي النار بالمضرب اليدوي عشان مايكلكعش ولما يتقل ننزله في الكوبايات ونزينه السمسم والمكسرات
وألف هنا


منقول
‏بمناسبة موجة السقعه دى اللي مش عارفين حتنتهي امتى تعالوا نعمل بودرة السحلب اللي بنشتريها من العطار في البيت واهي تبقى أضمن وأطعم وأوفر من اللي بنشتريها

المشروب الشتوي
السحلب البيتي
*************
المكونات :
نص كوب سكر بودر
نص كوب لبن بودر
نص كوب دقيق أرز أو نص كوب أرز مطحون
4 معالق نشا
2 أكياس فانيليا
سمسم ومكسرات وجوز هند حسب الرغبه

الطريقه :
بنضيف كل المكونات علي بعض ونقلبهم كويس ونحفظهم في برطمان محكم الغلق في التلاجه
وناخد منهم وقت ما نحب ونعمل زي السحلب العادي بقي باللبن يعني حوالي5 معالق أو أقل على حسب السمك اللي تحبيه علي 3 كوب لبن ونفضل نقلب علي النار بالمضرب اليدوي عشان مايكلكعش ولما يتقل ننزله في الكوبايات ونزينه السمسم والمكسرات
وألف هنا‏
تابع القراءة

0 كيكة بدون بيض جميلة وسهلة

السبت، 10 يناير 2015 التسميات:
الكيكه دي مخصوص للناس اللي عندهم حساسيه من البيض

وهي كيكة الزبادى بدون بيض


كيكة بسيطة و مش بتاخد وقت فى عميلها او سواها



المقادير :


 2 كوب دقيق 2 م ك سمنة او نصف كوب زيت كيس بودر فانيليا
بشر برتقال وعصير برتقال ان وجد اوممكن ماء حسب حاجة العجينة كوب سكر و طبعا علبه زبادى اللى بجنيه و ربع




الطريقة :



 اضربى السكر مع الزبادى مع السمنة او الزيت مع الفانيليا مع بشر البرتقال جيدا بالمضرب

و بعدين حطى الدقيق مع البودر و عصير البرتقال او ماء حسب حاجة العجينة و اضربيهم بمضرب البيض او باليد من تحت لفوق لحد ما تظهر فقاعات الهوا
و بعدين صبيهم فى صنيه مدهونه و بالهنا و الشفا
و طعم مختلف و جميل



تابع القراءة

0 طريقة عمل التومية

التسميات:
التوميه اللذيذه

 
 وأحلى من بتاعة المطاعم كمان

الطريقه:

كوب ماء+ 2ملعقة ك نشا حندوبهم كويس ونحطهم على النار مع التقليب المستمر لحد ما تتقل ويبقى لونها شفاف
نسيبها تبرد شويه وبعدين نحطها في الخلاط مع 4ملاعق ك مايونيز ونص ملعقه صغيره توم مفروم ورشة ملح واضربهم كويس
وقدميها مع المشاوي أو حتى ساده
وبألف هنا 
 
 
تابع القراءة

0 سويسرول مالح ببواقي الفينو البايت

الأربعاء، 7 يناير 2015 التسميات:
 


المقادير:

فينو متبقي عندك بعد ما بيبات القشره البني بتاعته أو الوش بتنشف حبه وبتبقى سهل تتشال شيليها منه 
2/1كوب قشطة 
ملعقة بيكنج بودر
2ملعقة دقيق
3بيضات 
ملح وفلفل حسب الرغبه
جبنة مبشورة شيدر او رومى

الحشو: 

فراخ قطع صغيرة +اى نوع خضار+بصل+بقدونس +جبنه كريمي



الطريقة: - 

حنضع الخبز مع باقى المكونات فى الخلاط ونخلطهم جيدا حتى يصبح سائل بس تقيل شويه
- نجهز صينية مستطيلة جوانبها غير مرتفعة وندهنها زيت ونضع عليها ورق زبدة وندهنها بالزيت 
- نصب الخليط فى الصينية ونساويه و ندخله فى الفرن فى حرارة متوسطة لمدة 15-20 دقيقة يعنى حتى يصبح لونه ذهبى 
-نتركه ليبرد قليلا ولا ننزعه من الصينية الان حتى نجهز الحشو 
وهو : نضع البصل فى الزيت حتى يصفر ثم نضيف الدجاج ثم الخضروات مثل جزر كوسة اوتكتفى بالدجاج ونضع التوابل التى ترغبين فيها اوممكن يكون الحشو شاورمة دجاج او لحمة مفرومة وممكن تنوعي في الحشوات براحتك بسطرمه سجق أو حتى جبنه وسلطه أو تونه وممكن بالبيض المسلوق ابدعي وغيري فيه كل مره
-الخطوه دي مهمه علشان السويسرول يمسك معاكي في اللف حندهن السويسرول بالجبنه الكريمي قبل وضع الحشو
- ثم نضع الحشو على طرف الصينية ونحاول نلف السويسرول عليه ممسكين بورق الزبدة ونلف الرول لاخره ويكون ورق الزبدة ملفوف عليه ونقفل الورقة من الجانبين باحكام شديد ونضعها فى الثلاجة لمدة 4ساعات عند التقديم يفك ورق الزبدة ويقطع الرول وهايكون شكله شهي ويفتح النفس وخصوصا للاطفال كمان هاتحبه
وبألف هنا





منقول
تابع القراءة

0 تعالى معايا ننضف تلاجتنا وننظمها

الأحد، 4 يناير 2015 التسميات:

* ابدئي طلعي كل اللي في تلاجتك وممكن تفصليها قبلها بفترة
اغسلي التلاجة كويس جدا ونظفيها وبعدين لمعيها باي معقم او خل او ليمون
* طبعا لما تطلعى الحاجة برة التلاجة ممكن اساسا تلاقي حاجات ناسياها ودا طبعا خطأ في التنظيم ودا اللى هاكلمكوا عنه دلوقتى
* قسمي حاجتك على رخامة المطبخ طبعا بعد ما ترمي الحاجات اللى مركونة من فترة او تاريخ الصلاحية انتهى زى الزبادى
اعملى مجموعات من الحاجات اللى زى بعض يعنى صينية او سبت لحاجة السندويتشات زى الجبنة النستو والمربى والرومى كدا عشان لما تيجي تحطى العشا او الفطار يبقى سهل عليكي
* اى طبق عندك شيليه فورا وحطي كل الاكل في علب وبلاش الاطباق خالص
* اعملي رف للحاجات اللى مش هتستمر طويلا ممكن تقسميها لسبتين : سبت فيه الخضرة الورق زي جرجير كرات لانها بتدبل وتصفر بسرعة تبقى قدام عينك في الرف تخلص وهيا طازة , والسبت التانى لباقي اكل امبارح اما تاكلوه تانى يوم او تاكليه لعيالك طول النهار ولو كتير وزهقانة يبقى ع الفيزر , وطبعا حطى معاهم علبة فيها اللانشون لانه كبيره يومين
نصيحة كمان حطي اللانشون في الفريزر وخرجي على الاد ويكون بينهم كيس علشان تفصليهم بسهولة
وشيرين كانت عاملة بوست حلو لحفظ البقدونس والخضرة وبتعد بالاسبوعين
تحطيهم فى علبة بلاستيك وفوق وتحتهم مناديل ورق اهم حاجة مايكونش مبلولين خالص
*درج الخضار واه من درج الخضار ممكن تحطي فيع علب بحيث الاوطة تكون لوحدها وعلى جمب الفلفل والخيار والجزر مثلا وطبعا الجزر تحت والخفيف فوق لانه بيبوظ بسرعة , الفايدة ان المية هتنزل في العلب مش في الدرج وهتفضل نظيفة فترة اكبر مش 3 ايام وتبقى لازم تنظفيها تاني
* حطي الفاكهة بعيد عن الخضار علشان تكون ناشفة وطازة ممكن في سبت لوحدها على الرف اللي فوق الدرج
ملحوظة ممكن تغسلي الخضار كلله والفاكهه علشان تكون جاهزة بس لو عملتى كدا لاااااااااااااااازم تنشفيهم كويس جدا في فوطة نظيفة
وممكن تنتهزيها فرصة وتاخدي واحدة من خضار او فاكهة على جمب مثلا خيارة مع جزرة مع قرن فلفل في علبة نظيفة او كيس ليه بلوك لو تعرفوه بحيث لو جعتى او ابنك جاع يبقى عندك حاجة جاهزة وهتعجبه الفكرة وهياكل بدل الشيبسيهات والحاجات دى
سيبي دايما مكان واسع كبير فاضي ليه؟ لو جبتي مثلا بطيخة فجأة او تورتاية او محتاجة حلة مليانة عصير لرمضان والضيوف او كاسات الحلو يكون ليهم مكان دايما فاضي للمفاجآت
* لو اشترتي زبادي مثلا شوفي تاريخ الصلاحية وحطي دايما كل الحاجات اللى تاريخها قديم لبرة والجديدة وتقعد دخليها لجوة , وكمان الحاجات الطويلة لورة والحاجات العلب القصيرة قدام
* لما تجيبي برطمان عسل اسود او ابيض بيوقع ويلزق تحته وحتى زجاجات الدوا بتاعة الاطفال ( الحل انك تحطي تحتيهم الآتي : علبة فاضية صغيرة , او تقصي غطيان بلاستيك م بتاعة علب السمن على قدهم علشان دايما اللي يوقع يوقع عليهم ويلزق فيهم مش تفضلي تزقي في الازازة تطلع ما بتطلعشي
* كدا بقى فاضل الباب بتاع التلاجة
طبعا البيض كتير تلاجات نظامها بيكون البيض فوق
ملحوظة اللي مش عايزة اكلها ينشف ما تحطهوش فوق جمب البيض
حطي دايما في الارفف الزجاجات ( مية عصير صوصات كاتشاب مايونيز تتبيلات انتى عملاها ) وكمان الزجاجات الصغيرة فوق والطويلة تحت
واعملى مكان للادوية اما سبت على بعضه واما في باب التلاجة لو اطفالك مش هياخدوه لوحدهم
حطي بقى شوية كربوناته في علبة مفتوحة في الفريزر لو بيلقط روايح بسرعة فيه ناس بيكون بلاستيك التلاجة عندهم كدا مهما نظفوا الاكل يلقط ريحة وطعم دايما معروف من الفريزر وممكن زيها في التلاجة
البرطمانات بقى يا بناااات : ليه يتبقى منك شوية ملوخية او طبيخ او تتبيلة تروحي حطاها في طبق غويط زى ما هيا كدا في التلاجة ؟ هه سامعانى ياللي هناك ؟ ايه رايك لو تحطيها في برطمان زجاج نظيف ومتنشف وتقفلي عليها وبكدا مش هتتقلب في التلاجة وكمان هتبقى مقفولة كويس وهتاخد ربع مسافة الطبق تقريبا ها ايه رايكوا؟
آخر حاجة بقى هاتى قلم واستيكر وورقة
القلم علشان نكتب بيه على العلب التاريخ وكمان في الفريزر تقدري تفرقي فين عصير الطماطم العادي من التقلية ام توم وخل مثلا
كمان ممكن تعلمى على البيض علشان تفرقيه من بعضه لو بيضة قديمة علمى عليها اى علامة مثلا رقم 1 علشان تستخدميها اول واحدة وكمان لو سلقتى بيض وماحدش كله ولسه بقشره ممكن تعملى عليه اى رسمة او خط حتى تعلميه من البيض النى
واخيرا كل سنة وانتم بالف خير وياريت اللى تعمل حاجة تيجي تقوللي علشان نتشجع
إعجاب · 
تابع القراءة

0 كل مشاكل الكيك وهتعرفي سبب عيب الكيكه بتاعتك

السبت، 3 يناير 2015 التسميات:

هاقول كل مشاكل الكيك وهتعرفي سبب عيب الكيكه بتاعتك

1-اول حاجه واهمها اختاري المكونات تكون فريش ومش مخزونه
2- الدقه في المعيار لانه لو زاد اي مكون او قل
له اثاره على الكيك
3- الماده الدهنيه تكون بدرجة حرارة المطبخ يعني لينه سواء زبده او سمنه لسهوله ضربها مع السكر بسرعه واحتفاظها بالهواء
4- الزيت لانه سائل يصلح للطريقه السريعه فقط ( طريقة الخلاط)
لانه لا يصلح لحبس الهواء
5- لو زودتي مقدار الماده الدهنيه عن نصف مقدار الدقيق
هتكون الكيكه دسمه جدا وضعيفه وسهلة التفتيت
ومش هترتفع في الخبزوهيحمر الوش بسرعه وطبعا تقيله وصعبة الهضم
6- طبعا بيفضل استخدام السكر البودر لانه سريع الزوبان وبيحفظ الهواء اكتر
مع مراعاة ان كوب سكر السنترفيش او المبلور 200 جرام
ومعيار كوب سكر البودر 125 جرام
7- لو السكر زاد في المعيار هيخلي سطح الكيكه ناشف وتحمر بسرعه وقلبها عجين
8- لو مقدار الدقيق زاد الكيكه هتنشف وجافه وطعمها مش حلو
لو مقدار الدقيق قل هتكون العجينه لينه جدا وهترتفع بسرعه ويخرج الهواء وتهبط تاني وممكن العجين يقع بره الصينيه في الفرن
9- لما تيجي تضيفي الدقيق يستحسن تقلبي بملعقه خشب للمحافظه على الهواء جوه العجين ومن فوق لتحت
10- لو السائل زاد منك العجينه هتكون طريه جدا وهتعجن في السوى وتبقى من غير مسام وحجمها قليل وهتتفتت بسرعه
11- لو البيض زاد منك هيقلل نعومة الكيك
12-لو البكنج بودر زاد منك هيكون كميه كبيره من الهواء والعجينه هترتفع بسرعه في الفرن وتهبط تاني وهيغير طعم الكيك
13-ادهني الصينيه سمن ودقيق وبلاش زيت
14-السمن بيتحمل الحراره ويحافظ على جوانب واسفل الكيكه
15-لو عاوزه تضيفي زبيب ادعكيه بدقيق وضيفيه آخر حاجه بعد العجن تماما
وتقلي العجينه شويه ويكون الفرن هادي
16-وبطني الصينيه بورق زبده لان طول وقت خبز الانجليش كيك (كيكة الزبيب)ممكن يحرق القاع والجوانب
ومن الافضل بس السمنه مع الدقيق اولا في الانجليش كيك
17-لو الحراره زادت الكيكه بتشقق
18-عند الخبز يجب الا تزيد العجينه عن تلت الصينيه او القالب
تابع القراءة

0 طريقة كفتة الفراخ

التسميات:
كفتة الفراخ بطريقة لولا شومان


كفتة الفراخ Loula shouman
المكونات
1 كيلو فيليه فراخ صدور غسلته بميه وخل وملح
وشطفته كويس وصفيته ونشفته بفوطة مطبخ
1 بصله متوسطه
من 5 الى 7 فصوص توم حسب الحجم
فلفله خضراء وواحد قرن شطه
1 بيضه
التوابل
فلفل اسمر بردقوش بودر
روز ماري بودر توم بودر
جنزبيل بودر حبهان مطحون
بصل بودر زعتر بودر
لاورا بودر
ملح وشطه
ملعقه كبيره بقسماط ناعم
الطريقه
ضربت التوم في الاستور ماستر وضفت البصله وضربتهم كويس وضفت الفلفله الخضرا
وقرن الشطه وضربت كويس جدا وضفت فيليه الفراخ وفرمتهم مع بعض وضفت البيضه
والتوابل وقلبتهم كويس جدا وضفت ملعقة بقسماط ودخلت الخليط التلاجه حوالي ساعه
وخرجته عملته كور متساويه وشكلتها صوابه وضغط عليها من النص فردتها شويه
علشان تستوي من جوه ودخلتها التلاجه نصف ساعه
وحضرت طبق فيه دقيق وطبق فيه بقسماط وقليل من نفس توابل الكفته
وطبق فيه بيض مضروب بقليل من اللبن وملح وفلفل اسود
خرجت الكفته نزلتها في الدقيق وبعدين البيض وبعدين البقسماط
وضغط عليها كويس مع البقسماط ودخلتها التلاجه
وحضرت زيت غزير وحمرتها في زيت وسط مش سخن قوي ولا بارد قوي
علشان تستوي من جوه وخرجتها على فوط مطبخ
وقدمتها سخنه مع بطاطس صوابع محمره ومكرونه وسلطه خضراء
وسلطة طحينه
وبالف صحه وعافيه
جربوها هتعجبكوا
معلومه
بياض البيض ما اضربش كويس كنت مستعجله جدا فاستوى بسرعه
رمضان والوقت سرقنى
وعمل لون غامق شويه في بعض اجزاء الكفته مش مشكله
المهم تعرفوا الطريقه

تابع القراءة

0 قرص هشة طرية بالصور

التسميات:
(قرص طرية هشة)

بسم الله نبدا...
1)نص كيلو دقيق(المعيار يكون3شوب من بتاع العصير).
2)ام.ص خميرة فورية.
3)نص م.ص ملح.
4)م.ص سكر.
5)ربع م.ص بيكنج بودر.
6)نصف كوب سمن على زيت او زبدة .
7)ربع ليتر رايب.
((المقادير دى بتطلع 10وحدات متوسطة الحجم))



الطريقة:

-توضع ملعقة الخميرة على قليل من الماء الفاتر وعليه السكر وتترك حتى التخمر.
نضع البودر والملح على الدقيق وعليهم السمن وتدعك جيدا حتى يتشرب الدقيق بالسمن جيدا.
-نبدا بوضع اللبن الرايب حتى تماسك العجينه وتفصل من اليد.
-تترك حتر تتخمروترتفع.
-بعد التخمر تقطع كور وتشكل قرص .نتركها تتخمر ساعه.
-يسخن الفرن جيدا .ثم نهدى النار 180وتوضع صينية القرص وبعد ان تاخذ لون ءهبى من اسفل
نشغل الشواية عشان الوش ياخد لون ذهبى .
وبالهنا .


تابع القراءة

مدونة ست مصرية

 
مدونة ست مصرية © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates