0 الديب فريزر الزانوسى التركى مميزاته وسعره

الموضوع للعضوة:
 

 

نوشى

من فتكات

 

السلام عليكم و رحمه الله و بركاته
كتير كنت بنصح بالنوع دا فى المواضيع الى بيستفسروا على انواع الديب فريزر و قلت انزل موضوع بيه بعد ما صورته علشان تشوفوه كمان و تبقى الفكره شبه كامله عنه للى ناوى يشترى

انا اول ديب فريزر استخدمته كان الاسكا حلو مش وحش و ادراجه واسعه و حلوه لكن بيعمل تلج كل فتره كدا

غيرته و جبت الكترو ستار حلو برضو لكن بيعمل تلج اكتر من الالسكا و فجأه حصل فيه عطل و احتاست و بقيت احط حاجتى فى الايس بوكس و لقيت تصليحه هايتكلف و قلت انا هاجيب النوفروست و اريح راسى بقا

كنت حاطه عينى على اريستون لانها ماركه محترمه و مجربها فى الغساله عندى

لكن لما نزلت شفت الزانوسى بصراحه عجبنى فى شكله و جودته و من جوا واسع و كبيررررررررررر

و الحمد لله جبته و شغلته و كان توفيق من ربنا انى اختاره طلع فى كل حاجه ماشا الله عليه

اولا نو فروست و دا كان طلبى يعنى مش هلاقى اكياس لزقت فى بعض

وثانيا فى ميزه انى لو سبت بابه مفتوح او ما قفلتوش كويس بيدينى صفارات انذار
كبير 6 ادراج و رف يعتبر 7 درج بس ماشاء الله كبار
حجمه كبيرر جدا ماشاء الله فى طول التلاجه و يمكن اطول من بعض التلاجات
و كمان فى درج فى النص مساحته اكبر بكتير
تبريد ولا اروع من كدا
تحت كل درج رف معدنى علشان يكون دعم للدرج
و مالوش صوووووووووت نهاااااااااااااائى
الفرق بينه و بين الاريستون كان 1000 جنيه بالظبط مع ان الاريستون كان اقل فى الحجم بكتيررررر و كمان 5 درج بس
و هاسيبكم مع الصور منهم صوره حاطه قدامه المقشه بطريقه مستقيمه مش مايله علشان تتخيلوا حجمه
و صور و انا فاتحاه علشان تشوفوا الادراج بتاعته بس كنت له ما نظمتش فيه الحاجه علشان حطيتها من الايس بوكس عليه علطول لانها كانت هاتبوظ

نسيت اقولكم ان ضمانه اوليمبك اليكترك 5 سنوات

و سعره كان 2950

تابع القراءة

3 مستلزمات العروسة من المنظفات

بصوا يا بنات
اولا الصور اللى هتنزل انا مش بقولكم اشترى الماركة دى لا كل واحد حر فى النوع بس انا بقول اسماء عشان التوضيح
وطبعا كل واحدة تجيب اللى هتعوزة من دة انا مش بجبر حد
ندخل بقى فى الموضوع

اولا الاريال على حسب نوع غسالتك واللى النوع اللى بتحبية

صابون سائل

ليفة للمواعين

صابون لاديكى ويكون ببخاخ زى دة عشان متروحيش تغسلى ايدك فى الحمام كل شوية

كلور

معطر جو

داونى

فنيك
واحدة هتقولى فنيك هقلها اة ابو2 جنية وانتى حرة

شامبو


شاور جيل

حمام كريم

بلسم

بديل الزيت

ليفة واحدة ليكى وواحدة للعريس



معجون و2 فرشة هاتى 2 لون مختلف

مكنة حلاقة ومعجون
مش ليكى يا عروسة
دول بتحطوا على المراية فى الحمام


سويت

اولويز
حطية فى الحمام اوعى تنسى

غسول للوجه ومزيل مكياج


غرغرة

يتبع


مشط وفرشة فى الحمام
ولازم تسرحى شعرك فى الحمام بعد الدش عشان لو شعر نزل على جسمك تغسليه تانى


بودرة للجسم


انا معرفش اسمها بس هى بتنظف الرجلين


مقص

صابون

كريم للشعر او زيت على حسب راحتك

تابع القراءة

0 العناية بالاسنان ورائحة الفم الكريهة

  الاسنان ورائحة الفم الكريهه:


*للاسف فى بنات بتبقى ريحة الفم كريهه جداا ومهما ما نظفت فمها بتفضل الريحة الكريهه فالفم

اولا: الاهتمام برائحة الفم لانها بتكون كريهه جداااااااااااااا وبالتالى بتجعل الزوج ينفر منك وبتكون احد اسباب الطلاق الله يسعدكم ويخلى ليكم ازواجكم ان شاء الله

تعالى دلوقتى نقضى ع الرائحة الكريهه للفم ونعرف ازاى نهتم بالاسنان ونقوم بتبيض الاسنان بوصفات طبيعية

** القضاء على رائحة الفم الكريهه:
1- ضرووووورى الذهاب لطبيب مختص عشان ممكن تكون رائحة الفم الكريهه سببها التهابات فى اللثة او تكون ضرس العقل وبيبقى ضرس العقل الضرس رقم 8 ففرشة الاسنان مش بتنظفه كويس او مش بتنظفى اسنانك كويس فبقايا الاكل بتتراكم فى الاسنان وجناب الاسنان فبتالى بتكون ريحة كريهه للفم او عدم تنظيف اللسان فبيتكون على اللسان بكتريا وفطريات
2- استخدام مضمضة ميرديول للفم Merdiol من الصيدليه لانها تقتل البكتريا والفطريات بالفم
3- طحن القرنفل ليكون بودرة وتضعيه فى علبة صغيرة وتقومى ببل الفرشاة وتغمسيها فى القرنفل المطحون وتغسلى بها أسنانك و الفم فان القرنفل يعمل على اعطاءك نفس منعش وايضا ازالة الأم اللثة
4- اصنعى بيديكى مضمضة طبيعية لقتل البكتريا والفطريات بالفم وتعتبر مطهر طبيعى للفم بأكمله
كوب ماء وتذوبى فيه ملعقة فم وتترغرى بيه لمدة من 3 الى 5 دقائق

5- فى الصيدليه زى زجاجة رشاش او بخاخة لتعطير الفم و لتغير رائحة الفم ولنفس منعش وبتبقى بالنعناع وبأى طعم تريديه ومعروفة خليها معاكى على طوول

* لتبيض الاسنان وتستخدميها مرتين الى 3 مرات بالاسبووع قبل استخدام معجون الاسنان:
تتضعى ع الفرشاة عسل أبيض وفوقها معجون الاسنان وتدعكى بها أسنانك ثبت فعليا ان الوصفة دى فعالة لتبيض الاسنان لاسنان صانعة البياض + معجون الاسنان المبيض
و طحن المريمية لتصبح بودرة وتدعكى الاسنان بها فالمريمية تطهرة الفم وتجعل له نفس منعش وايضا تقاوم التسوس

تابع القراءة

0 تجهيز مطبخ العروسة من الالف الى الياء

اولا طقم الحلل وياريت طبعا منجبش المونيوم لانها اخطر انوع الحلل ونستبدلها بالاستانلس لانه صحى جدا ومتتخدعيش باى طقم استانلس هاتى طقم يكون اصلى وياريت تخلى معاكى مغناطيس وانتى بتشترى لان لو المغناطيس لزق فى الاستانلس اعرفى انه مغشوش ولو طقم الاسنانلس كان غالى عليكى هاتى المونيا بس تكون عاليه الجودة


تانى حاجة طقم الطاسات ودى لازم يبقى منها طاسة كبيرة للقلى وطاسات صغيرة للتحمير السريع او عمل البيض المقلى

صوانى الفرن ودى تقسميها نوع للاكل فى الفرن زى صوانى الباشميل والرقاق وهاتى صينية خاصة بالكيك وكمان فى صوانى للبسبوسة ودى ممتازة لعمل البيتزا

طقم الصينى وده على قد متقدرى جيبيه شيك ومودرن لان معظمنا كمصريين بنحطه فى النيش وبرضه طقم بيركس للاكل وهاتى منه ياريت الفرنساوى او التركى لانه بيستحمل

بالنسبة لطقم المعالق وده بيكون عبارة عن 12 معلقة كبيرة وصغيرة وشوك وسكاكين هاتى برده فردانى للمطبخ وولاستعمال اليومى علشان التانين ميتبهدلوش من كتر الاستخدام

طقم التوزيع على قد متقدرى هاتيه عملى علشان يفيدك فى الغرف والتقديم ولو عندك طقم حلل تيفال يبقى هاتى طقم خشب

صوانى التقديم راعى انه يكون فى منهم استانلس للضيوف ويكون احجام كبير ووسط وصغير وهاتى منهم ميلامين للبيت

هاتى طقم كنك للشاى وبراد كبير وطقم تانى للقهوة وغلاية للبن

دوارق الميا هاتى منها بلاستيك للبيت وللمطبخ وهاتى منهم زجاج

طقم البهارات راعى على قد متقدرى يكون عملى ولو انتى من النوع اللى بيحب الحاجات الانتيكة هاتى واحد للرخامة لكن لباقى البهارات هاتى حاجة عمليه

الكوبايات هاتى منهم للميا ووللعصير وهاتى كاسات خاصة للتقديم للضيوف وطقم مجات صينى وقزاز وفناجين للقهوة

بالنسبة للحلويات هاتى طباق للارز بلبن والايس كريم والفروت سلات

السكاكين هاتى منهم كذا حجم صغير وكبير ورفيع ومشرشر علشان يفيدك للتقطيع سواء لحوم او خضار او فاكهة وبرضه متنسيش مقص للمطبخ وساطور صغير ينفع للفراخ او البط ....ومقورة للكوسة ومقشرة للبطاطس

الهون بتاع المطبخ هاتيه المونيوم او خشبه يكون عالى

هاتى مساكات للمطبخ تفيدك لما تمسكى حاجة سخنة وجوانتى لغسيل المواعين ومريلة مطبخ وفوط للمطبخ

بالنسبة للبلاستيكات هاتى طباق لغسيل الفاكهة والارز وطشت صغير ينفعك لنقع الحاجة ومقشة ومساحة وجاروف وباسكيت للمطبخ
وهاتى مفارش بلاستيك لفرش دواليب المطبخ

******ونصيحة منى من واحدة متجوزة اقلهن مؤنة اكثرهن بركة كما اخبر الحبيب المصطفى
فلاداعى للفشخرة والتباهى قدام الناس والتفاخر بعدد الاطقم وانواعها وماركاتها واحمدى الله على نعمة الزواج لان انتى اللى خسرانه لانك هتدفعى كتير فى حاجات ملهاش لازمة وهتحتارى بعد الجواز تحطيهم فين ...وكمان الفشخرة دى ممكن تصيبك بعين حاسد ربنا يعافينا ويعافيكى ..

تابع القراءة

0 اتعلمى ازاى تشترى العطور عشان محدش يضحك عليكي

البعض منا يشتري عطر وبعدها يشتكى ويقول هذا العطر ليس ثابت و سرعان ما تزول رائحته لقد تعرضنا للغش من قبل البائع ، و يرجع السبب في هذا إلى جهلنا بالأنواع الثابته والغير ثابته و أيضا الأنواع المركزة و الغير مركزة .



عندما تذهب لشراء عطر جديد يجب عليك أن تقلب العبوه ثم تقرأ المكتوب على هذه العبوه من الأسفل و لكى تكتسب خبرة التميز بين الأنواع الجيدة التي تدوم فتره أطول عن غيرها من الأنواع الأخرى إليك الحل .

النوع الأول Perfume
إذا وجدت المكتوب على العبوة من الأسفل هو كلمة Perfume فهو عطر مركز جداً ويدوم إلى أكثر من 6 ساعات تقريباً و يمكن استعماله للسهرات لأن النقطه الواحده منه تدوم طويلاً و تُنشر العطر في جميع الأجواء المحيطة بك .

النوع الثاني Eau de perfume
إذا وجدت المكتوب على العبوة من الأسفل كلمة Eau de perfume فهو عطر متوسط التركيز ويدوم تقريباً إلى 5 ساعات و يمكن أستخدامه إذا كانت خروجتك لن تدوم طيلة اليوم و أيضا إذا كنت ذاهب للعمل أو نزهه خفيفه مع اصدقائك فهو الأكثر ملائمة وقتها .

النوع الثالث Eau de toilette
و هو النوع الأخير فإذا وجدت كلمة Eau de toilette هي المكتوبة على أسفل العبوه فهذا النوع خفيف ويدوم إلى 4 ساعات ومناسب للاستعمال اليومي

اما النوع الرابع Eau de cologne
و هو نوع خفيف خفيف جداً وغالباً نجده في قسم عطور الأطفال لأنه أكثر ملائمة لبشرتم و يدوم ساعتين بحد أقصى .

المشكله هنا أنك قد تصادف الكثير من المحلات الكبيرة وتجدهم يبيعونك نوع
Eau de perfume بسعر Perfume لذلك كُن أكثر حذراً و أنت تشتري هذا المنتج .

تابع القراءة

10 المفروشات التى تحتاجيها العروسة بالصور

المـلايات:



ملاياتك تبقى قطن اوعى تجيبي قماش مخلوط أو صناعى
القطن احسن حاجة

تجيبى 12 ملاية للاوضة الكبيرة و12 لاوضة الاطفال
وبكرر كل واحدة حسب مقدرتها المادية

تجيبى 4 او 5 غاليين عشان لو جالك ضيوف مهمين
والباقى تفرشيهم عادى


طيب تعملى ايه بقى ياشطورة
تروحى تشترى قماش وتفصليه تجيبى قماش مشجر وسادة
هتلاقى المتر ب10 جنيه وفى ب 16

المشجر هتعمليه عادى
طب والسادة بقى

هقولك هتروحى لبتوع الكلف وهتشترى من عندهم اشكال بتتخيط مش بتلزق
هتلاقى هناك كل الاشكال زهور وفروع شجر وقطط وكلاب ودباديب
كل حاجة
يعنى ممكن تعملى ملايات
للاطفال وللاوضة الكبيرة

وعيشى بقى ياستى

اشترى الاشكال دى وخيطيها فى الملاية من الجناب وعلى اكياس المخدة واعملى لنفسك احلى طقم سرير وماكلفتيش نفسك حاجة وخامة قطن نضيفة

وكمان ممكن تجيبى كام متر ستان وتحطيهم على الملاية على طرف الملاية وعلى طرف المخدة اتمنى تكونوا فاهمنى

وممكن كمان تجيبى اوراجنـزا وتخيطيها على طرف الملاية
وهتبان كانها ملاية غالية

وممكن تشتغلى على طرف الملاية بالكنافا للى بيعرفوا يشتغلوا كنافا
تابعى ردى اخر الصفحة وشوفى اشكال الملايات

وممكن تودي الملاية للراجل اللى بيطرز الستاير يطرزهم لك يعملك عليهم وردة او اى شكل تانى

اختى عملت كده فى ملاية عندها وطلعت روعة




طيب نفسك فى ملايات العشق الممنوع
سهلة اشترى ستان ووديه للراجل يفصهولك هتلاقيه ارخص
انا بودى لواحد بيفصلى الملاية ب 10 جنيه

واحنا اتفقنا اننا هنجيب 4 ملايات غالية والباقى هنفصله

واحلى ملايات للاطفال عن تجربة المجد بس طبعا بقوا غاليين جدا دلوقتى






***ماركات الملايات عشان البنات اللى سألت
على حسب علمى كالز -فوربد- العامرية -المجد -القطان


2- المراتب:


بصى اوعى تنجدى الله يخليكي انا ندمت ندم كبير على انى نجدت وغيرت وجبت مراتب جاهزة ولحاف جاهز

احلى مراتب بالترتيب كده

هابيتات

ألدورا التركى

ماستر بيد

انتركويل

فوربد دى اقل منهم

المرتبة الوجهين صيفي وشتوى او وجه قطن وفايبر
احسن حاجة
وتبقى تقلبى المرتبة كل شوية عشان السوست

***بالنسبة للمراتب الجاهزة لازم تشترى كفر للمرتبة
وده بيبدا من 20 جنيه وفى لغاية 200 و150
وده بيبقى كفر مبطن جلد
وده حلو جدا جدا
لانه بيحمي المرتبة من اى حاجة يعنى لو مايه اتكبت عليها بالغلط
او حد من الولاد عمل بيبي عليها والا حاجة
عشان سوست المرتبة ماتبوظش

المهم ان الكفر ده عشان الملاية ماتتزحلقش من على المرتبة يعنى اللى ب20 جنيه
ده موجود فى التوحيد والنور هتلاقيه كفر قطن


وتنسى بقى ان الملاية تتزحلق وكمان عشان يحمي المرتبة




3- اللحاف الفايبر





اللحاف الفيبر تجيبى 2 للنوم و واحد للاطفال

احلى نوع لحاف اطفال المجد عندى وماشاء الله روعة


ركة فوربد حلوة ناس كتير بتشكر فيها انا ماجربتهاش

وممكن لو مفيش ميزانية بقى تروحى التوحيد والنور
وتشترى من هناك كفر لحاف شكله يكون بتاع عرايس
عندك من 25 وطالع وهتلاقى احلى كفر ب 65 تقريبا
وتروحى للمنجد وتشترى الفايبر هو هيقولك اللحاف هيحتاج قد ايه فايبر
كام رول وقد ايه أجرة ايده

ده شكل لحاف فوربد





وبردوا ده فى لحاف الاطفال
تجيبى قماش حلو وتوديه للمنجد
يحشيه فايبر ويقفله

وده عملته بنات خالتى الاتنين وطلع رائع فعلا

بس اختارى قماش سادة او تشجيرة خفيفة عشان يطلع حلو

وممكن ايه كمان
تجيبى قماش الستاير قطن او ستان وتعملى الستاير واللحاف منه وبيطلع روعة
وبيكون احلى فى القماش السادة انا شفت صحبتى عملت كده فى اوضة الاطفال وكان لون اللحاف نبيتى غامق اوى
وقماشته ستان والراجل طرزه وحشاه فايبر واستغنت عن مفرش الزينة بتاع الاطفال



يارب تكونوا فهمتوا الفكرة


**** 4-وفى بقى المفرش القطيفة


فى ناس بتجيب للازضة الكبيرة ولاوضة الاطفال بيبقى عليه رسومات اطفال
وفى ناس مش بتجيبه

***5- وفى الكوفرتة
فى انواع كتير للكوفرتات
يعنى فى كوفرتة بالملاية دى بتبتقى فايبر
وافتكر سعرها كان 270 تقريبا بس مش فاكرة نوعها
وفى كوفرتة السروجي ب 350 جنيه تقريبا


وفى نوع اسمه تابلوه
وفى كوفرتة قطن مش فايبر
ودى افتكر سعرها 300 جنيه

وفى كوفرتة قطن عادية ب 100 جنيه بالمخدة

وفى الكوفرتات العادية اللى احنا عارفينها ودى بردوا انواع فى ب 50 خشنة شوية وفى قطن ب90 تقريبا


كوفرتات الاطفال
بقى زى ماقلت احلى حاجة المجد وبتبقى دبل فيس
ومعاه 2 تكوة و2 مخدة
انا فاكرة من مدة كده كانت ب 280تقريبا

***6- البطاطين بقى كفاية 1
وفى انواع كتيرة احلى نوع مورا الاسباني ما اعرفش سعرها
وفى المجد

وهاتى بطانية الاطفال المجد بيجيوا مع بعض فى علبة واحدة ومش عارفة تمنهم بس افتكر ممكن يبقوا ب 360 مثلا
بس خلى بالك دول بيبقى مقاسهم صغير فاللى مش عايزة ممكن تجيب بدلهم بطاطين عادية
ممكن تجيبى بطانية غالية للاوضة الكبيرة وبطانية اقل شوية لاوضة الاطفال



***مفارش الزينة او الستان انتى وراحتك بقى عشان حسب فرشك مودرن او استيل


يبقى قلنا:


12 ملاية لغرفة النوم
12 ملاية للاطفال
2 لحاف فايبر لنوم
1 لحاف فايبر للاطفال
1كوبرتة للنوم
1كوبرتة للاطفال (ممكن تستغنى عنها)
2مفرش قطيفة للنوم الكبيرة والاطفال
2او 3 بطانية


- الفوط:



تجيبى 30 فوطة او اكتر
اللى عايزة تجيب اقل براحتها بردوا

هاتى كام فوطة غالية من النوع التركى اللى ب 50

وكام واحدة من ال ب30 فيما فوق

وبلاش الفوط اللى فى علبة بتبقى رسمتهم مش حلوة
وهاتى لك 6 فوط استعمال من السادة اللى الواحدة ب 18




**طقم برنس للحمام

او 2 برنس ليكي وله مش شرط طقم كامل





** 2بشكير كبير
وممكن كمان بشكير للاطفال


**وفى ناس بتجيب فوط للطفال 6 تقريبا
لو عايزة ممكن ماتجيبيش مش اساسى



***ماتنسيش فوط العروسة الصغيرين اوى هاتى 12

***وفوط المطبخ هاتى 12 فى ال3 ب10 جنيه

وهاتى 3 فوط حجم صغير اوى على قد ايدك عشان تنشفة فيه الواحدة ب 2ونص والقطيفة ب3ونص





انا كده خلصت
وتعبت فى الموضوع اوى وفى رفع الصور
فياريت تقيموا يابنات
وياريت دعوة حلوة ربنا يحفظ زوجى وبناتى يارب ويسدد ديونا


وربنا يساعد كل عروسة واهلها ويوسع رزقهم لان الجهاز فعلا مكلف
ربنا يوفقكم يارب
غير مسموح بنقل الموضوع دون ذكر المصدر

تابع القراءة