0 حل أكيد لتساقط الشعر وجفافه ان شاء الله

بصي بداية كده لازم تفهمي ان شعرك ده ابنك الصغير , حبيه كده واهتمي بيه
غالبا هتلاقي اللي مش محجبات شعرهم بيبقى حلو جدا, ده طبيعي متتعقديش, لسببين وهما ان البنت بتهتم اكتر بالحاجات اللي باينة منها, يعني انتي لو شعرك بتخرجي بيه ف طبيعي هتهتمي بيه جدا و تحبي يبقى ف احسن صورة ديما لكن لو واحدة محجبة بتلاقيها مش مهتمة اوي عشان كده كده محدش هيشوفه غير اللي ف البيت فبتكسل تهتم وتلاقيها كل تركيزها على بشرة وشها بس, السبب التاني ان الحجاب ذات نفسه بيكتم الشعر و بيقلل التهوية خصوصا أيام الصيف الأمور بتبقى صعبة وكمان شوية ممارسات غلط بيعملوها المحجبات بتبهدل شعرهم

ف ده يقولك ان لازم تهتمي بشعرك اكتر من كده شوية والا على بال ما تكبري شوية هتلاقيه راح كله و فتلته بقت في الضياع

يمكنك قراءة

اعرفى نوع شعرك وطريقه علاجه والعناية به

 

نبدأ بقى
أولا انا متأكدة ان شعرك بيقع, وكل واحدة شعرها بيقع لأسباب مختلفة
فأنتي تروحي لدكتور محترم كده خليه يكشف على شعرك عشان الأسباب كتيييييييييييير للموضوع ده
طبعا انتي هتقولي دكتور ايه وبطيخ ايه وملوش لازمة
هقولك براحتك خليكي قاعدة كده بتبصي على البنات اللي شعرهم حلو و بتتقهري من جواكي

اللي محتاجة دكتور هي مين, اللي شعرها بيقع بغزاااااااااااااااارة, يعني فكي شعرك دلوقتي و مرري ايديكي فيه وشوفي كام شعراية بيطلعوا معاكي

لو 5 شعرات مثلا فمتقلقيش ده طبيعي
لو وصلتي ل 15 او 20 يبقى انتي ف مشكلة ومحتاجة دكتور يحلهالك
لو اكتر من كده يبقى غالبا الدكتور هيكتبلك على حاجة فيها مينوكسيديل وده بتفضلي تستخدميه طول عمرك

عموما خلال اليوم انتي بيقع منك 100 شعرة , يعني متقلقيش وتصوّتي, مفيش واحدة شعرها مش بيقع, ده لازم يحصل أصلا لان الشعر له دورة حياة
ومش معنى ان وانتي بتسرحي طلع ف الفرشة 5 ولا شعرات يبقى انتي بتعاني من التساقط ... RELAX يعني

هفهمك حاجة عشان لما تفهمي شعرك الأمور بتبقى أسهل
الشعرة بتاعتك بتمر ب 3 مراحل
اناجين وكتاجين و تالوجين
Anagen, Catagen & Talogen

مرحلة الأناجين دي هي اللي بتحدد شعرك هيبقى عامل ازاي, وهي السبب ف ان في ناس شعرها تقيل و ناس خفيف وناس طويل وناس قصير, والكلام ده له علاقة بالجينات, عشا كده بتلاقوا ان تلت تربع الهنود شعرهم رهيب ما شاء الله, مش عشان حاجة معينة بيعملوها بس هما أصلا جيناتهم كده
الشعر ممكن يفضل ف مرحلة الأناجين دي من سنتين ل 7 سنين, كل واحدة وجيناتها بقى, وكل ما يفضل ف المرحلة دي أكتر كل ما الشعر يبقى أكثف وأطول
عشان كده تلاقوا ناس شعرها ممكن يطول لحد كعبها و ناس شعرها مش بيعدي كتفها

المراحل التانية والتالتة مش ضروري تفهميهم اوي, بس اعرفي ان ف المرحلة التالتة البصيلة بتاعت الشعر بتفضل ساكنة او resting لمدة 2-4 شهور
يعني ايه
يعني لما تهتمي بشعرك متتوقعيش انه ف يوم وليلة هيقوم يجري قدامك ويوصل لركبتك
الموضوع محتاج صبر
مش أقل من 3 شهور عشان تبدأي تاخدي بالك ان شعرك بيتغير و بيحصله حاجة
بس طبعا خلال الفترة دي هتحسي ان صحته بقت أحسن بكتير و هيبان عليه انه متغذي

بعد ما ال 3 مراحل بيخلصوا الشعر بتموت وبتقع, والبصيلة بتعيد دورة حياتها تاني وتطلعلك شعرة جديدة

***************************
يمكنك ايضا زيارة هذا الموضوع للاستفادة

نصائح للعناية بشعرك أسفل الحجاب

 

 

طيب, بعد كل الرغي والكلام الفاضي اللي انا بقوله ده
أكيد كل واحدة فيكوا مش عارفة تبدأ منين
بصي يا ستي
اول حاجة افهمي ان البصيلة بتاعت شعرك دي هي ابنك, محتاج ياكل عشان يكبر والا هيتبهدل
أكلي شعرك
أنا مش عارفة ليه يا بنات مش بتقتنعوا بموضوع التغذية ده
بتعتبروه أي كلام وحاجة ملهاش لازمة والناس بتقولها وخلاص وان المهم هو المنتجات وماسك المايونيز و الزبادي و المكرونة و البامية
التغذية هي العامود الفقري بتاع شعرتك
اديها ماية تديكي طراوة
على رأي الأجانب You are what you eat
اي حاجة تاكليها بتنعكس على شعرك, اديله ماية كتيييييييييييييييييييييييير و فيتامينات و بروتينات وحاجات مفيدة

ال 8 كبايات ماية حلوين لبشرتك وشعرك
البروتينات كلها مهمة للشعر عشان شعرك ده عبارة عن بروتين أصلا
كتري من الفراخ واللحوم بشكل عام والسمك والجبنة
الجرجير ده أسطورة أصلا للشعر كتري منه
البيض مفيد اووووووووووووي عشان مليان بروتين بس ده بلاش تكتري منه عشان الكوليسترول, يعني 3 بيضات ف الأسبوع حلوين
الحدييييييييييييييييد ثم الحديد ثم الحديد
لو عندك انيميا اجري وعالجيها بسرعة
*****************************
بالنسبة للفيتامينات ف الزنك تحححححححححفة لتطويل الشعر
في كبسولات سترس تابس بالزنك ب 20 جنيه العلبة و فيها 20 حباية



و في فيتا زنك ب 5 جنيه الازازة و فيها 30 حباية



اختاري حاجة فيهم
دي تتاخد كل يوم بعد الغدا لمدة 3 شهور وبعدين توقفيها 3 شهور وترجعيلها تاني
بجد تجنن أنا شعري طول عليهم جداااااااااااااااااااااا

- بالنسبة بقى للبانتوجار



بصوا هو جميل , الدكتور كان كتبلي عليه وانا كنت خايفة أجيبه بس جربته من فترة , بيشتغل كويس وبيقلل التساقط جداااا و بيتقل الشعر
مشكلته هتبقى انه بيتقل شعر الوش شوية, يعني هتحتاجي تعملي وشك كل 4 أيام مثلا, و طبعا الموضوع بيختلف من بنت للتانية, في بنات بيزودلهم شعر جسمهم و بنات بيزودلهم وشهم وبنات الاتنين وبنات مش بيحصلهم حاجة, يعني انتي ونصيبك
وطبعا الكورس بتاعه 3 شهور, بلاش تاخديه من نفسك شهر واحد وتوقفيه فجأة وتصوتي وتقولي شعري كله وقع
و خلال اخر شهر الجرعة بتتقلل بالتدريج, يعني لو بتاخدي حبايتين ف اليوم يبقى ف اخر شهر تاخدي حباية واحدة ف اليوم اول 10 ايام, وتاني 10 ايام تخليهم حباية يوم ورا يوم, واخر 10 ايام يبقوا حباية كل 3 ايام مثلا وبعدين توقفيه
لازم بالتدريج

- أقراص الخميرة ( عبارة عن فيتامين B )



مفيدة جدا للبشرة والشعر و بتخلي الشعر صحته جامدة و بتطوله
انتوا بتخافوا منها عشان ناس بتحس انها بتطخن وناس بتحس انها بتخسس
اللي فهمته انها بتتاخد قبل الأكل بساعتين لو عايزة تخسي و بعديه بساعتين لو عايزة تطخني
انا عموما كنت باخدها قبل الأكل و متخنطش ولا خسيت

في ناس بتطلعلها حبوب ف وشها وناس بتصفيلها بشرتها
والله انا بالنسبة لي حسيت ان بشرتي بقت أصفى عليها
ف انتي ونصيبك برضه

****************************

نتكلم ف الشامبوهات

لو عندك قشرة ف شعرك لازم تتعالج قبل أي حاجة, القشرة سبب كبير جدا جدا لتساقط الشعر
لان بيبقى في فطريات وحاجات مش لطيفة
احسن حاجة للموضوع ده هو شامبو نيزابكس (17 جنيه )



تهتمي بالفروة جدا وانتي بتغسلي بيه مش الأطراف
و تدلكيه في الفروة كويس و تسيبيه 3 او 4 دقايق بعدين تغسليه
دلوقتي انتي المفروض بتغسلي شعرك مرتين بس ف الأسبوع واوعي تكتري عن كده
هتيجي لمدة شهر تغسلي شعرك بالشامبو ده, يعني تقريبا 8 مرات مرتين كل اسبوع
وبعدين بما ان القشرة مرض مزمن, هتحتاجي تستخدمي الشامبو ده بعد كده كل اسبوعين مرة
يعني ايه
يعني انتي قررتي تعالجي القشرة
هتروحي تشتري الشامبو ده, تقضي شهر كامل تستخدميه كل ما تغسلي شعرك, هتلاقي نفسك استخدمتيه 8 مرات لو بتغسلي شعرك مرتين ف الاسبوع
هتوقفيه بعد ما الشهر يخلص و تبدأي تستخدمي الشامبو اللي يريحك
بس هتيجي كل اسبوعين و تستخدميه مرة عشان تحمي نفسك من ان القشرة ترجع


- طيب عالجتي القشرة و الشهر خلص, تستخدمي ايه
شامبو أكرينال حلو جدا جدا جدا جدا للتساقط, هو غالي شوية بس ممتاز (العبوة الصغيرة 80 جنيه والكبيرة 120 تقريبا)




مشكلة الشامبوهين دول انهم بينشفوا الشعر ف لازم بعديهم بلسم او حمام كريم
أحسن بلسم جربته هو جليس الأسود (كان ب 28 جنيه باين)



تحفة و ريحته حلوة
ده بقى عكس الشامبو, تهتمي بالشعر ذات نفسه مش بالفروة
متحطيهوش على الفروة خالص, على الشعر بس
سيبيه شوية برضه كام دقيقة كده واشطفيه بالماية بس

عموما بلاش استخدام البلسم كتير, يعني هتستخدميه طول فترة علاج القشرة بشامبو نيزابكس
بعد كده تستخدميه كل اسبوع مرة او كل اسبوعين مرة

*********************************

السيرم بقى
طبعا لا غنى عن السيرم لانه مهم للشعر جدااااااااااااااااااااااااااااااا
في ناس مش عارفة ايه السيرم أصلا
بصي ده حاجة كده زي الزيت بس أخف بكتيييييييييييييييييييييير
بينعم ويطري ويقلل الهيشان ويغذي الشعر , يعني اوعي تبقي قاعدة دلوقتي ومفيش سيرم على سراحتك
ده بقى اللي هيخلي شعرك الهايش الناشف ده يروح مع السلامة
وأفضل اتنين جربتهم هما ليندو وتريس





الاتنين أحسن من بعض, يعني تجيبي واحد ولما يخلص تدخلي على التاني
وهيعيشوا معاكي كتير كل واحد هيعد ييجي 3 شهور, حسب طول شعرك وكثافته بقى

بعد ما تطلعي من الشاور بتاعك استني لما شعرك يبقى مندي كده و رشي على ايديكي 3 رشات ولا حاجة من السيرم ده و امسحي شعرك بيهم
وزيه زي البلسم بيتحط على الشعر مش على الفروة

************************************

-اشتري مشط خشب محترم سرحي بيه شعرك, وشعرك يتسرح من تحت لفوق مش من فوق لتحت وانتي بتسلكيه, بعد كده امشي من فوق لتحت براحتك



- امنعي السشوار والبيبي ليس والصبغة تماما الفترة دي لحد ما شعرك حالته تبقى محترمة, بعد كده حاولي تستخدميهم ف المناسبات وبس, لما تستخدميهم كل يوم شعرك بيموت كل يوم

- شوفي هتغسلي شعرك انهي يومين ف الأسبوع و ف اليومين دول تعملي حمام زيت لشعرك , أحسن زيوت هي الخروع والخردل و الجرجير و السمسم وجوز الهند
اخلطيهم مع بعض ولو عندك ميكروويف حطيهم 10 ثواني كده بحيث يبقوا دافيين
دول بقى اعملي بيهم ماساج لشعرك 5 دقايق و اهتمي بالفروة جدا و بالشعر كمان يعني حطي على راسك كلها
وبعدين لفي شعرك بأي بونيه و سيبيهم لمدة 4 ساعات على الأقل وبعدين تغسليهم

- انسي الماية السخنة لشعرك دي مصيبة سوددددددة, بتبهدل الشعر وتوقعه وتنشفه, و الماية الساقعة كمان انسيها عشان بتجيب قشرة بالهبل
تغسلي شعرك بماية فااااااااااااااااااااااااترة

- اوعي تغسلي شعرك وتقومي زي الشاطرة تعمليه كحكة قبل ما ينشف وتجي تلبسي الطرحة وتنزلي
دي كارثة يا جماعة بلاش الاهمال ده
استني لما شعرك ينشف او متغسليهوش وانتي عاملة حسابك انك تخرجي أصلا

- طبعا مش هوصيكوا, طرحة واحدة وبندانة واحدة لا غير, و لازم بندانة قطن قبل الطرحة

- سيبي شعرك, خليه يعيش شوية و يتهوى بلاش الكتمة ال 24 ساعة

الموضوع للعضوة: shereen ss

من فتكات

ملحوظة قبل استعمال اى دواء يجب استشارة الطبيب

تابع القراءة

0 اعرفى نوع شعرك وطريقه علاجه والعناية به

مسامات الشعر porosity بتعتمد على الكوتيكل cuticle وهى الطبقه الخارجيه الواقيه للشعره من عوامل الضرر ايا كانت





وهى في الغالب بتكون سليمه وصحيه واحنا اللى بنضرها ونبوظها وانا هقول ايه اللى بيضرها وبيدمرها



فوايد معرفة انواع مسامات الشعر



مهمه جدااا لان هى اللى بتحدد ايه اللى المفروض تستخدميه لشعرك عشان يبقى صحى وناعم مش نوع شعرك هو اللى بيحدد زى ما ناس كتير اوى بتعتقد

مسامات شعرك هى اللى بتحدد كميه ونوع الترطيب اللى شعرك بيحتاجه


ازاى تعرفى نوع مسامات شعرك



- الاختبار الاول


هاتى كوبايه ميه وخصله من شعرك تكون مغسوله بشامبو ومش عليها اى زيت او كريم وحطيها في الكوبايه

لو الشعره عامت على وش الميه يبقى انتى مسامات شعرك ( منخفضه او ضيقه )

لو الشعره نزلت لقاع الكوبايه تحت يبقى مسامات شعرك ( مرتفعه او واسعه )

لو الشعرة بقت في النص (عاديه )







- الاختبار الثانى



هاتى خصله من شعرك وبليها بالميه لو اتبلت بسرعه يبقى شعرك مساماته (واسعه او مرتفعه)

لو ما اتبلتش اوى يبقى (عاديه )

لو خدت وقت كبير عشان تتبل يبقى ( منخفضه او ضيقه)









طبعا الشعر بتاخد مغسول بشامبو مش عليه اى مرطبات من المشط او الفرشاه مش بتشدبه يعنى









طيب يعنى ايه الكلام ده :



مسامات الشعر porosity



هى قدرة الشعره على امتصاص واستقبال الميه والمغذيات والمرطبات ومنتجات الشعر المختلفه

وبتنقسم ل ( عاديه ، منخفضه ،مرتفعه)




مسامات الشعر المنخفضه او الضيقه low porosity



معناها ان الكوتيكل او الطبقه الخارجيه للشعره صحيه ومغلقه حتى انها بتستقبل المرطبات والمغذيات بصعوبه وده مش معناها ان الشعر مش صحى بس معناها ان الشعر بيحتاج مززززيد من الترطيب الصحيح

وبكده بتلاقى ان الكريم او الزيت او اى حاجه بتحطيها على شعرك بتحسى انها لسه على شعرك من برا وممكن تحسيه ملزق شويه لانهم بيفضلوا موجودين على وش الشعره

وهتلاقى ان نوع الشعر ده بيبقى فىالغالب جاف وناشف على طول وده اللى بيخليها تعوم على وش الميه لانها مسمحتش للميه باختراق جدارها وبالتالى مش بتسمح لاى مرطبات بالدخول لجو الشعره بسهوله

ونوع الشعر ده مش بيتصبغ بسهوله حتى الكوافيرات بتقول عليه (شعر مقاوم للصبغه) مش بيتصبغ بسهوله خاالص

بس فيه ميزة في نوع الشعر ده انه اول ما تقدرى تدخلى المرطبات لجوه الشعره هيفضل الشعر محتفظ بترطيبه لفتره كبيرة وغالبا الشعر ده بنشوفه جاف جداا



افضل طريقه للترطيب


بيحتاج مرطبات خفيفه زى زيت خفيف (ارجان ، جوجوبا، جوزهند ) او بديل الزيت او الليف ان كونديشنر واللى بيكون في الغالب هى وبديل الزيت داخلهم ميه aqua

لان هى دى اللى تقدر تخترق جدار الشعره بسهوله شويه وترطبها من جوه وبره من غير ما تخلى الشعر مزيت او ملزق





مسامات الشعر المرتفعه او الواسعه high porosity



معناها ان الكوتيكل او الطبقه الخارجيه للشعره مفتوحه وواسعه جدا high porosity ودى حاجه سيئه جدا لانها بتكون معرضه لكل انواع الضرر اللى ممكن تتخيلوه والنوع ده بتستقبل المرطبات والمغذيات بسهوله جدا وبتفقدها بسهوله جدااا عامله زى حاجه مخرومه انتى بتحطى من هنا وهو بيطير من الناحيه التانيه وده معناها ان الشعر مش صحى خالص

وبكده بتلاقى ان الكريم او الزيت او اى حاجه بتحطيها على شعرك بتحسى ان شعرك مترطب وحلو وبعد شويه تلاقيه ناشف وجاف ومقطع

وهتلاقى ان نوع الشعر ده بيبقى فى الغالب برضه جاف وناشف على طول وده اللى بيخلي الشعره تمتص كل الميه وتنزل لقاع الكوبايه لان المسامات واسعه جداا فبتسمح للميه باختراق جدارها بس عشان هى مخرومه فهى هتفقدهم بسرعه برضه

ونوع الشعر ده بيتصبغ بسهوله



افضل طريقه للترطيب


بيفقد الترطيب بسرعه كبيرة عشان كده بيحتاج مرطبات تقيله شويه زى ( بديل الزيت او الليف ان كونديشنر + زبده شيا ) او ( ميه + زيت + كريم )

لان هى دى الطريقه اللى تقدر تخلى الشعر يحتفظ بالترطيب جوه الشعر لاطول فترة ممكنه وغالبا الشعر بيحتاج يترطب مرة او مرتين ف اليوم



مسامات الشعر العاديه او المتوسطه normal porosity



معناها ان الشعر صحى بدرجه معقوله وان المسامات بتفتح للمغذيات بدرجه معقوله وبتقدر تحتفظ بالترطيب لفترة كويسه والشعر ده هو الشعر الصحى اللى غابا بنلاقيه ناعم او متوسط النعومه ولا ملزق ولا ناشف حاحه كده بين البينين



وده شكل بيوضح الفرق بين الانواع التلاته







افضل طريقه للترطيب


بيحتاج مرطبات خفيفه زى زيت خفيف (ارجان ، جوجوبا، جوزهند ) او بديل الزيت او الليف ان كونديشنر واللى بيكون في الغالب هى وبديل الزيت داخلهم ميه aqua

وممكن تستخدمى المرطبات التقيله زى زيت الخروع مخفف كدهان او الزبده بس مرة كل اسبوع



طيب عرفنا يعنى ايه مسامات وحددنا نوع شعرنا طيب ايه الحل او العلاج او الطريقه المناسبه لكل نوع شعر




الشعر اللى مساماته واسعه high



ده افضل مثال ليه هو (الشعر المتضرر المتهالك) اللى رايحه جايه تصبغ وتفرد باى نوع من انواع الفرد واللى بتستخدم السيشوار والبيبى ليس كتير جداااا

- سوء التسريح واستخدام فرش الشعر المعفنه ههههههههه اللى بتشده مش بتسرحه .

- كثرة التعرض للشمس

- فرد الشعر المستمر والصبغ المستمر.

- الستخدام المستمر للشامبوهات اللى بتحتوى على سلفات الصوديوم او الامينو لوريال سلفات

sodium lauryl ,ammonium lauryl sulfate shampoos





العلاج



ماسكات البروتين لانها بتساعد على تلزيق مسامات الشعر هههههه بحيث انها تعمل بلوك او حاجز بينها وبين اى نوع من انواع الضرر وكمان بتحافظ على مظهرها العام وبتعالجها من الداخل بس بياخد وقت كبير شويه

واشهرها



- ماسك البيض





- ماسك الافوكادو





-ماسك حليب جوزالهند





-ماسك المايونيز





-استخدام الزبده زى زبده الشيا وهى الوحيده اللى شبه متوفرة في مصر وفى غيرها بس مش متوفر زى زبده الكاكاو وزبده المانجو ودى بانها بتتحط فبتحفظ الترطيب جوه الشعر

الشعر اللى مساماته ضيقه او مغلقه low



وده افضل مثال ليه هو الشعر الجاف جدااا والشعر الافريقى والشعر الفيرجين اللى متعرضش لصبغه او فرد او اى حاجه خالص وبيكون غالبا وراثى واوقات بيسببه تراكم المنتجات على الشعر مش اكتر من كدا





العلاج



- وضع الجليسرين مع كريم او زيت الشعر

-تجنب الزيت الكتير على الشعر

- خلط بيكربونات الصوديوم مع الشامبو مرة في الشهر .

استخدام البخار او الحرارة الخفيفه على الشعر بعد وضع حمام كريم او كريم او زيت على الشعر او حمام زيت لان البخار بيساعد على فتح مسامات الشعر وبالتالى امتصاص الشعر للمغذيات

وممكن تستخدمى كيس بلاستيك بعد وضع الكريم او الزيت او اى مرطبات على الشعر لمده نصف ساعه وبعدين تشيليه بس كده

اى مرطب يتحط على الشعر يكون الشعر مندى مش مبلول .

-حمامات الكريم المرطبه جداا اللى بتكون بالشوكلاته او زيت الارجان او زبده الشيا





مسامات الشعر المتوسطه او العاديه normal



هو افضل مثال ليه (الشعر العادى متوسط النعومه ) ممكن يكون اتصبغ مرة او اتفرد مرة وبتستخدمى سيشوار او بيبى ليس كل مده



العلاج



- عمل حمام كريم مرطب جدااا ومكثف للشعر باستمرار

- تجني صبغه او فرده عشان ميتضررش

- تجنبى الكوى المستمر يعنى يكون على فترات متباعده





طيب برضه عايزين نفهم ليه لما بنعمل ماسك البيض بالذات اللى كثر القيل والقال عليه في المنتدى ناس تقول ده بيخلى الشعر حرير وناس تقول ده اكتر حاجه خلته زى اتش دبور ههههههههه



التفسير : ان ماسكات البروتين بتيجى بتملى الفراغات الموجوده جوه الشعره زى ما قولنا طيب تمام ايه المشكله ؟؟ لما بتملى فراغات للشعر المتضرر اللى مساماته واسعه ده بيخلى الشعره ماسكه نفسها تحتفظ بالترطيب بتملى الاخرام الموجوده للشعره بتحسن الشعره جداا

طيب لما ماسك البيض يتحط لشعر مساماته ضيقه هيملا الفراغات الموجوده في المسامات الضيقه دى وهيعمل زى بلوك او مانع او حاجز كده فبالتالى بتلاقى شعرك ناااااااااشف جداا ومش بيتسقبل ولا زيت ولا كريم ولا اى حاجه اطلاقا وده لانك سديتى الباب اللى كان بيدخله منه المغذيات والمرطبات لكن للشعر المتضرر انتى خليتيه يمسك نفسه ويتلم هههههههه ويستقبل المرطبات ويحتفظ بيها مش يبقى زى الخرم ويطيرها على طول


اللى زيه هو المايونيز والصبار والافوكادو وحليب جوزالهند


بس الافوكادو وحليب جوزالهند لو اتعادلو بزيوت هتلاقيهم بيعالجوا وبيرطبوا الشعر جدااااااااااااااا



اوقات بنفتكر شعرنا متضرر ومتهالك مع انه ناشف ومتقصف طيب ايه المشكله ؟


المشكله ان في فرق كبير جداا الشعر الناشف والمقصف عايز ترطيب

الشعر المتضرر المتهالك عايز علاج وحاجه تقويه

في فرق عشان كده منتجات الشعر بتكون للشعر الجاف غير المتضرر انتى لو جبتى حمام كريم مثلا للشعر المتضرر وحطيتيه هينشف شعرك جداا لو انتى شعرك جاف بس مش متضرر لانه هيكون في نسبه بروتين عاليه جداا انتى مش محتاجاها لانها ببساطه هتسد اى ثغرات في شعرك اللى شعرك بيتغذى منها

منقول

تابع القراءة

0 كيف تعتنى بشعر بنتك وافضل الشامبوهات والزيوت لها

خطوه غسيل الشعر

 مش عارفه ليه كتير بيحولها لمشكله وبيعقد الطفل فيه

 ابتسامة اولا حاولي تسلكي الشعر قبل الشاور قسميه اجزاء وسلكيه براحه

 من تحت لفوق ارجوكي براحه ابتسامة مش هتقدري وهايش وملعبك خالص مش مهم هقولك هتعملي ايه بالنسبه لطريقه الغسيل 

الاول اعرفي نوع الشامبو المناسب لو البنوته لسه صغيره اوي 

يبقي شامبوهات الاطفال زي جونسون او سنوسان لو بدأتي تستخدمي معاها اي كريمات 

وزيوت او وصفات يبقي الشامبو المخصص للاطفال مش هينفع معاها ركزي اوي فالجزئيه دي شامبو الاطفال المخصص للبيبي لان البيبي مش بيعرق زي الكبار مش بيستخدم مستحضرات عنايه 

من زيوت او وصفات زي الكبار بالتالي مخصص ليه لما الكبير بيغسل بيه الشعر مش بينضف بالتالي بتحسي بحكه في فروه الراس

 ده لان الفروه مش نضيفه شويه بتلاقي طبقه قشره القشره دي لان فروه الراس مش قادره تتنفس وفيها بقايا اتساخات لم تنضف شويه تلاقي الشعرايه بتغادر الفروه وتقع لان مش واصل ليها امداد الدم بالتغذيه اللي من الجسم اللي محتجاها الفروه

 كل ده انتي منعتيه وسببتي التساقط بالتالي هتستخدمي النوع المناسب بس تجيبي كوب او كوب مختبر بيكون لتر هو خليه دايما فالحمام 

علشان متكسليش ليها استعمالين الاول انك تخففي الشامبو تضيفي الشامبو تخففيه بالميه وتغسلي بيه الشعر

 الثاني هيكون بعد الوصفات او من وقت للتاني ربع كوب خل تفاح مش خل عادي وعليه لتر ميه وتشطفي بيه الشعر اخر شطفه بيلمع ويطري ويمنع القشره

 وله فوايد كتير جدا كده خلصت خطوه الشامو نيجي للبلسم او حمام الكريم اعتني بشعر بنتك وكمان شعرك وصفات.نصائح.بالشرح والصور مع ساسو خبيره التجميل اعتني 

بشعر بنتك وكمان شعرك 

 عادي جدا في ناس كتير بتخاف وتقول بيوقع الشعر يا جماعه البلسم او حمام الكريم بيوقع الشعر في الحالات الاتيه 

 اما ان يكون نوع رديئ مليان كيماويات وعادي في شركات كبيره برضه احيانا بتضيف نسبه تنعيم وترطيب عاليه اوي الشعر مش بيتسحمل او ان تكوني بتقربيه اوي من فروه الراس وده غلط الطريقه الصح عالاطراف

ومنتصف الشعر او تكون اصلا انتي في مرحله من مراحل نمو الشعر اللي هي الشعرايه الجديده بتدفع القديمه للنمو مكانها فهي كده كده كانت هتقع اصلا ومتقلقيش او بتتركيه وقت زياده ومش كل الانواع مخصصه لكده في انواع معينه زي الماسك بتكون مهيئه

 مثلا لوقت معين من ربع ساعه لساعه وبتتعرض للبخار وبتكون غاليه ومش كل الانواع كده وقت البلسم او حمام الكريم بالكتير 10 دقايق وتشطفيه اقسم بالله بقابل ناس بتسيبه ساعه وتدخل تشطفه

 او بتدلك بيه فروه الراس جامد في حجات كتير بنعملها غلط لازم نعرفها حكايه بئه لو الشعر ملعبك الي قلتلك مش مهم سيبيه هتسلكيه والشعر عليه حمام الكريم وزي ما 

وضحت مش هيقع الا فالحلات اللي فاتت متحسسونيش ان الشعر لاصق بماده لاصقه وهيطلع في اي لحظه 

 ومتنسيش عالاطراف والمنتصف التوزيع والتسريح من تحت لفوق خلاص خلص الشاور بأمان الحمد لله وسلكتي الشعر وكل حاجه ارفعيه فوق بتوكه مشبك وخلاص

 هيا بنا الي خطوه تسريح الشعر

 انتي دلوقتي خلصتي الشاور للبنوته وشعرها متسلك وتمام ومرفوع بتوكه مشبك مثلا براحه هتنشفي الشعر كويس وبدون جذب او شد الفرشاه دي حلوه اوي فالتسريح وشعر الفرشه نفسه يكون مناسب ولا ناعم اوي كده هتكون بتاعه البيبي ولا خشن اوي يجرح فروه الراس خليها تكون متوسطه شعر الفرشاه بين ناعم وسميك علشان في منها انواع طبعا هاتى الفرشة الطبية اللى اخرها مدور موجودة فى الصيدليات

بالنسبه للزيوت مش بنصح بيها للاطفال بس اخف زيت ليهم هو زيت اللوز الحلو
بيضيع الهيشان

طيب لو عندها تقصف او هيشان ممكن تستخدمي معاها سبراي زي تريس هيظبط الشعر جدا وارجوكم بلاش سيروم كتير ليكي او للاطفال

 لان كتر نسبه ماده السيليكون فيه بتظبط الشعر فالاول وبعدين تتلفه حتي الكريمات الطبيه كلها الي بتحتوي علي نسبه سيليكون الطبيب بيقولك 3 شهور و توقفيها الغلط للناس الي بيعجبها الكريم وتفضل تستمر عليه

 وترجع تقول كان فالاول بيظبط شعري وبعدين اتلفه لان فيه سيليكون زيه زي السيروم طبعا في انواع سيروم معالجه وبتكون غاليه اعتني بشعر بنتك وكمان شعرك وصفات.نصائح.بالشرح والصور مع ساسو خبيره التجميل كده انتي ظبطتي الشعر سواء بالتريس او بارشوت او كريم خفيف او دمج كريم مع زيت بارشوت خفيف اوي 

سرحي بئه عادي والفرشاه هتساعدك في ترتيب شكل الشعر طيب مشكله تسريح الذهاب للمدرسه الصبح ؟؟ 

 الحكايه ان البنوته بتكون صاحيه شعرها هايش اثناء النوم هقولك تعملي ايه ارجوكي بلاش حركه غسل الشعر من الامام بالميه علشان يطري وتعرفي تسرحيه ده كتره بيقصف الشعر اصلا من الامام وبلاش روتين شد الشعر علي ورا كتير علشان الشعر سنه في التانيه هتلاقيه بيرجع لورا واتنحل للاسف المهم البنوته صاحيه شعرها هايش من ادام هتجيبي سبراي بدل الحركه بتاعه الميه زي بايوبلاس

تحفه تحفه كل منتجات بايوبلاس هي منتجات تركي كلها بالاعشاب الطبيعيه وبتركز اوي علي مشاكل التساقط والتقصف ومعالجه الشعر

حاجه تانيه ممكن تجيبي علبه بخاخ تفضي فيها لسيون زي بانثينول او الوبانثين

 وبعد ما تخلصي التسريح ممكن لو حاسه الشعر جاف شويه نقطه كريم علي بسيط اوي 

الموضوع اسهل ما يكون

منقول

تابع القراءة

0 كيف تحضرين زيت معالج للشعر التالف والمتقصف فى المنزل بنفسك

كيف تحضرين زيت معالج للشعر التالف والمتقصف فى المنزل بنفسك؟؟؟

الشعر الجاف والمتقصف مشكلات تواجه الكثير من السيدات ويحاولن تجربة الكثير من مستحضرات التجميل دون جدوى .

لذلك نقدم لكم اليوم كيف تصنعين زيت معالج للشعر في المنزل ولن يكلف الكثير كما أن نتيجته مضمونة:

المكونات:

زيت زيتون - زيت جوز الهند أو زيت الجرجير

طريقة التحضير:
1-. قومى بوضع كمية من زيت الزيتون في كوب ثم تقوم بمزجه مع زيت الجرجير أو زيت الجوز الهند بكمية تتناسب مع طول وكثافة شعرك

2. قومى بوضع الكوب داخل إناء به مياه وضع المياه على النار بحيث تتم تدفئة الزيت بطريقة غير مباشرة أو يمكن إستخدام الميكرويف لتدفئته ويجب أن تحرص على ألا يتم تسخين الزيت بشكل زائد مجرد تدفئته فقط

طريقة الإستخدام:
1. من الأفضل أن تقومى بقص الأطراف المقصفة من شعرك أولًا .

2. اسكبى بعض من الزيت الدافئ في راحة يديكِ ودلكي به فروة الرأس وكرري ذلك حتى تتم تغطية شعرك بالكامل بالزيت “من الأفضل أن تقومِ بذلك في حمام دافئ ملئ بالبخار

3. مشطِى شعرك بأصابعك أو بالمشط كيفما تحبي بحيث تتأكدي من تخلل الزيت لشعرك جيدًا ويجب أن تنتبهِ إلى أن أطراف الشعر تكون متضررة بشكل أكبر من الأجزاء الأقرب إلى فروة الرأس فمن الأفضل التركيز عليها .

4. قومى بتغطية شعرك بكيس نظيف أو أي غطاء بلاستيك بحيث تحافظي على شعرك دافئ ومحتفظ بالزيت خلاله .

5. اتركى الزيت على شعرك لمدة ساعة مع تدليك فروة رأسك مرة كل نصف ساعة .

6. استخدمي الشامبو لإزالة الزيت عن شعرك ويمكنك أن تضطري لغسله مرتين لإزالة الزيت بشكل نهائي مع إستخدام أي بلسم تفضلين بعدها .

7. كرري هذه الخطوات مرتين شهريًا وسوف تلاحظين الفرق في قوة ونعومة شعرك .

تابع القراءة

0 شعر أحمركستنائى بالحنة وبدون اى مواد مضرة

المطلوب

هام جدا : قبل ان نحنى الشعر ينبغى ان يكون شعرك نظيفا وجافا ..ز يعنى لو كنت بتستعملى كريم او زيت للشعر فيجب ازالة اثاره من على الشعر حتى نزود من صبغ الشعر.

والان اليكم خلطتى :

اذاكنتى مثلى من عشاق  اللون الاحمر البنى :

1. حنة خمس خمسات
2. فنجان خل عادى
3. كركدية من عن العطار(بجنية واحد بس )
4. زبدية متوسطة
5. تفتة(من عند العطار ودى مادة لونها احمر بيحطوها عشان تلون المخلل)
6. حبات قرنفل
7. بيضة

الطريقة:

1. نغلى الكركدية فى حبة ميه مش كتير عشان يبقى مركز يعنى وبعد مايغلى ناخده نصفيه ونسيبه يبرد(يبقى دافى)
2. نحط التفته على الحنة فى طبق العجن
3. نجيب الكركدية ونحط نصه على الحنة والخل والزبادى ونعجن ولو احاتجت نحط بقت الكركدية ولو لسه محتاجة نحط خل
4. متحطوش ميه
5. نحط الحنة من 4 الى 6ساعات ولو اكتر مفيش مشكلة
6. الوصفة دى كرريها مرة (3اسابيع او شهر) من(3 الى ست مرات) 

ونلاحظ ان البيض والزبادى لتطرية الشعر ومنعه من الجفاف والقرنفل لتقوية الشعر وزيادة سمكها

ونعجن الحناء بالمكونات السابقة ونتركها تخمر يومين على الاقل

ثم نوزعها على الشعر من الجذور وحبذا لو وضعناها كمان على فروة الرأس فهى تمنع القشرة

ونرتدى بعد ذلك كيس بلاستيك او بونيه الحمام البلاستيكى ونتركها على الاقل على شعرنا 4 ساعات

نصيحة بعد الغسيل

كلنا عارفين ان الحنة بتنشف الشعر شوية وبتاخد وقت عقبال ماتتغسل............

ثم نشطف الشعر جيدا بالماء فقط وبدون استخدام شامبو وطبعا هانلاحظ انه لسه فيه اثار للحناء على الشعر ... مش مهم المهم اننا ندهن شعرنا بعدها كويس بأى زيت للشعر مثل زيت الزيتون او زيت جوز الهند او اى نوع تفضليه

وثانى يوم نغسل الشعر بالشامبو ونضع حمام كريم عليه لتطريته

 وبعدين حمام كريم (انا استخدمت حمام كريم بوناويل وهوه رائع)

واتفرجى على جماله وجمال لونه 

تابع القراءة

0 7 مشروبات طبيعية تقوي شعرك وتحفز نموه

أثبتت الدراسات العلمية أن تناول بعض المشروبات الطبيعية الغنية بالبروتينات والفيتامينات والمعادن الصحية تحدث فرقاُ كبيراُ فى صحة ومظهر شعرك بشكل عام وتعمل على تحفيز نموة وإضفاء اللمعان عليه بشكل خاص.
فمن المعروف أن النظام الغذائي الصحي للجسم يعمل على تحسين وظائف الجسم وتغذية البشرة والشعر والأسنان. فيما يلي قائمة بأهم المشروبات الطبيعية المفيدة لإمداد فروة الرأس بالمغذيات الطبيعية التى تساعد على تقوية خصلات الشعر وتحفيز نموها.
1- حساء الخضراوات

يعتبر حساء الخضروات الطبيعية من أهم وأفضل المشروبات الصحية التى تعتني بصحة الشعر لأنه يحتوى على المعادن والفيتامينات الطبيعية المفيدة فى تحفيز نمو الشعر كالحديد وفيتامين H وفيتامين B وكذلك عنصر البيوتين. فثمار الطماطم والخس والسلق السويسري والجزر غنية بعنصر البيوتين فى حين أن أوراق السبانخ والمشروم والكرنب واللفت والأوراق الخضراء تمد الجسم والشعر بالحديد وفيتامين B. تناولي هذه الخضراوات بشكل منتظم فى شكل حساء يومي بين الوجبات وتأكدي أنك ستلاحظين تحسنا ملموساً فى صحة ومظهر شعرك.
2- الماء المعدني
بشكل عام أي مورد نظيف ونقي للماء يحدث فرقا فى صحة وطبيعة نمو شعرك. فالشعر مثله مثل باقي أعضاء الجسم يحتاج للترطيب الكافي والمناسب ليستطيع الحفاظ على مظهره ومعدل نموه. تناولي مقداراً لا يقل عن 6 أكواب يوميا من الماء لضمان حصول شعرك وجسمك على الترطيب المطلوب.
3- الحليب.
البروتين الصحي هو سلاحك للحصول على شعر كثيف وصحي، فالشعر كما نعلم يتكون من البروتينات فى الأساس، وعندما يفقدها شعرك يصاب بالتقصف والضعف والتساقط، لذا ينصحك الخبراء بتناول ما لا يقل عن 45 جراما من الحليب يوميا.
4- مشروب الزبادي بالفواكه

استهلاك 13 جراما من الزبادي القليل الدسم يمنحك أكثر من 1/4 احتياجك للبروتين اليومي. ولأفضل النتائج، ينصح بمزج الزبادي مع الفواكه الطبيعية الغنية بمضادات الأكسدة مثل عصير البرتقال والتوت والفراولة والموز.
5 - شاي عشب ذيل الحصان
عشب ذيل الحصان من الأعشاب المعروفة بتأثيرها القوي على تحفيز نمو الشعر وزيادة كثافته بفضل احتوائه على عنصر الكبريت الذي يعمل على علاج بصيلات الشعر وتحفيز قدرتها على إنبات الشعر بشكل صحي وسريع. ستجدين هذا الشاي متوافرا فى المحال التجارية المتخصصة فى تقديم الأطعمة الطبيعية 100 %.
6- شاي نبات القراص.

لوحظ مؤخرا وجود نبات القراص فى العديد من مستحضرات الأعشاب المتخصصة فى العناية بالشعر كعامل مساعد بشكل داخلي وخارجي على تحفيز نمو الشعر فهو يحتوى على عنصر الحديد بالإضافة إلى البيتا كاروتين وفيتامين C والكلوروفيل وكثير مما تحتاجه فروة الرأس لتغذيتها وزيادة كثافة الشعر. يمكنك الاستفادة من نبات القرص من خلال تناول الشاي المصنوع منه أو من غسل الشعر بغسول طبيعي مصنوع من منقوع أوراق النبات الجافة.
7- عصير الليمون

عصير الليمون يحتوى على عناصر مغذية ممتازة فى محاربة تساقط الشعر مثل معدن الفسفور وفيتامين B وفيتامين A وكثير من مضادات الأكسدة. وتعتبر أفضل طريقة للاستفادة القصوى من هذا العصير هي استخدامه مباشرة على فروة الرأس بدلا شربه وذلك من خلال الطريقتين التاليتين:
الطريقة الأولى:
خذي 6 قطرات من ثمرة ليمون طازجة ودلكي بها فروة الرأس مرة كل أسبوع. اتركيها على شعرك لمدة 10 دقائق ثم اغسلي شعرك بالشامبو كالمعتاد. هذا المساج سيعمل على تقوية جذور الرأس وتخليص فروة الرأس من القشرة وإضفاء بعض اللمعان على خصلات الشعر.
الطريقة الثانية:
امزجي كوبا من الماء الدافئ مع بيضة و5 ملاعق من الحنا الطبيعي ثم أضيفي عصير نصف ثمرة ليمون ودلكي فروة الرأس بهذا الخليط واتركيه على شعرك لمدة ساعتين حتى يجف تماما. بعد انتهاء المدة أزيلي الخليط بالشامبو وستلاحظين بعد فترة من استخدامه أن شعرك بدا صحيا وكثيفا وأكثر قوة.

تابع القراءة

0 نصائح لتتمتعي بشعر كثيف وجذاب

هل تطمحين إلى شعر ذي مظهر صحي غني وكثيف؟ إذا كانت الإجابة بنعم، فعليكِ أن تعرفي أولا أن الضغوط اليومية ومستحضرات تجميل الشعر المليئة بالمواد الكيميائية والصبغات وغيرها من عوامل البيئة قد تقف دون الحصول على شعر ذي مظهر صحي، لذا عليكِ معرفة الطريقة الصحيحة لحماية شعركِ من الأسباب التي تجعله يبدو ضعيفا وخفيفا.


اختاري منتجات العناية بالشعر الطبيعية الخالية من المواد الكيميائية قدر الإمكان، فكثير من الأحيان يكون غسل الشعر بالشامبو هو السبب في جعل شعركِ خفيفا وضعيفا، خاصة إذا كان الشامبو غنيا بالمواد الغذائية، لذا يمكنكِ الحد من مرات غسل شعركِ الأسبوعية وتغيير نوع الشامبو الخاص بكِ.


استخدمي أنواع الشامبو الخالية من الكبريتات، فبالرغم من أن الكبريتات من المنظفات القوية إلا أنها تقضي أيضا على الزيوت الطبيعية التي تفرزها فروة الرأس لترطيب الشعر مما يؤدي إلى تلف الشعر، لذا يمكنكِ استخدام أنواع الشامبو المحتوية على الزيوت المرطبة أو أنواع الشامبو المستخلصة من الأعشاب الطبيعية، فهذه الأنواع ستقوم بتنظيف شعركِ والحفاظ عليه طريا لامعا.


احرصي أيضا على الابتعاد عن أنواع البلسم الغنية بالمواد الكيميائية الضارة، واختاري أنواع بلسم تتكون من مواد طبيعية مغذية ومفيدة للشعر كزيت جوز الهند أو الصبار أو غيرها من المرطبات والمواد المنظفة غير الكيميائية، فبعض أنواع البلسم تحتوي على الكبريتات أيضا، لذا عليكِ الاختيار بعناية.


يمكنكِ الاستغناء عن استخدام البلسم في بعض الأحيان، واستعمال خل التفاح المخفف كبديل، فخل التفاح يستطيع أن يجعل شعركِ طريا ولامعا كما تطمحين.



تجنبي الإسراف في استخدام مستحضرات العناية بالشعر الخاصة بالتصفيف كالجل واسبراي التثبيت وغيرها، فهذه المستحضرات تدمر الشعر مع الوقت، لذا ابحثي عن أنواع أخرى تتكون من مواد طبيعية أو بها نسبة أقل من المواد الكيميائية التي تؤذي الشعر.
عالجي شعركِ بصبر ولا تتعجلي النتائج، فالتعجل في علاج شعركِ قد يدفعكِ إلى الإسراف في غسل شعركِ أو استخدام كميات كبيرة من البلسم وحمامات الكريم، مما يجعلكِ تحصلين على نتائج عكسية تماما، فشعركِ ليس حقل تجارب، 

فقط ضعي لنفسكِ خطة مناسبة كالآتي:


اغسلي شعركِ ثلاث أو أربع مرات أسبوعيا على الأكثر حتى تتركي الفرصة لشعركِ للاحتفاظ بالزيوت المرطبة التي تفرزها فروة الرأس، ويمكنكِ إنعاش شعركِ خلال الأسبوع بين غسلة وأخرى باستخدام الشامبو الجاف
واحرصي على تجفيف شعركِ برقة بطريقة التربيت بالمنشفة وليس فرك شعركِ، واستخدمي مشطا خشبيا واسع الأسنان عند التصفيف، وابتعدي عن تجفيف شعركِ بالحرارة.

أما إذا أردتِ استخدام مجفف الشعر الكهربائي بغرض فرد شعركِ أو عمله كيرلي، يمكنكِ أيضا إيجاد طرق بديلة بعيدة عن الحرارة مثل عمل شعركِ دوامة إذا كنتِ تريدين فرده أو لفه على رولو إذا أردتِ الحصول على كيرلي مميز.

تجنبي الإسراف في استخدام الصبغات ومستحضرات تفتيح الشعر، لأنها تؤدي إلى تساقط شعركِ بشدة على المدى الطويل، كما تؤدي إلى جفافه، كما أن كريمات فرد الشعر تؤدي إلى تدمير الشعر بلا شك. يمكنكِ استخدام طرق طبيعية لتغيير لون شعركِ كالحناء مع الزيوت المرطبة أو الليمون أو العسل، فكل هذه المواد تستطيع تغيير لون شعركِ مع عدم الإضرار به على الإطلاق، بل إن العسل يعتبر مادة مرطبة قوية ومغذية لشعركِ.


لا تنسي قص أطراف شعركِ بانتظام، حتى لا تتعرضي لخطر تقصف الشعر، فقص أطراف الشعر يحميه من الضعف والهيشان والبهتان، ويضفي على شعركِ مظهرا كثيفا وجذابا، بالإضافة إلى أن قص أطراف الشعر يساعد على نموه بشكل أسرع.

تابع القراءة

1 نصائح للعناية بشعرك أسفل الحجاب

الحصول على شعر صحي، لامع وجذاب خالي من القشرة و الحكة و التقصف هو هدف كل فتاة بالتأكيد، فى حالة المحجبات تكن المهمة مضاعفة فى الحفاظ على صحة الشعر وعلى فروة الرأس أيضاً.

مع حلول الصيف عادة تواجهنا كمحجبات مشكلة الحكة و القشرة و ظهور بثور صغيرة فى مقدمة فروة الرأس نتيجة التعرق و درجة الحرارة المرتفعة.

 

كيف يمكن التغلب على هذه المشكلات؟ هذا ما سنعرفه معاً اليوم.

 

فى البداية هناك بعض النقاط التي يجب أت تراعيها أثناء اختيار و شراء حجابك ليحافظ على فروة رأسك و شعرك:

1- أن يكن من خامة جيدة ( القطن) مناسب تماماً للصيف.

2- ابعتدي عن الأنواع المصنوعة من البوليستر و الخامات الصناعية التي تضر فروة رأسك.

3- اغسلي حجابك يومياً أو يوم بعد أخر للتخلص من الأتربة و الميكروبات الموجودة بالهواء و يمكنها أن تؤذي فروة رأسك.

4- لا ترتدي حجاب غيرك حتي لو من باب التجربة، ولا تجربي ايشارب جديد أثناء الشراء على فروة رأسك مباشرة لأنكِ لا تعلمين الظروف الصحية لمن جربته قبلك.

5- احرصي على تهوية ايشارباتك يومياً فى الشمس حتي لو لم تقومي بغسلها.

 

و الآن كيف تحافظين على فروة رأسك وشعرك؟

 

1- ابتعدي تماماً عن ارتداء أكثر من طبقتين للحجاب ( واحدة كبندانة قطنية و الأخري حجابك الرئيسي).

2- احرصي على أن تكن الطبقة الملامسة لشعرك مباشرة مصنوعة من القطن لتمتص العرق و تسمح بالتهوية المناسبة لفروة رأسك و بالتالي لا تسبب الحكة و ظهور البثور.

3- لا ترتدي الحجاب و شعرك مبلل اطلاقاً ! انتظري حتي يجف أو إذا كنتِ على عجلة قومي بتجفيفه جيداً بالسيشوار لأن ارتداء الحجاب وشعرك مبلل يسبب ظهور قشرة الشعر والحكة.

4- احرصي على تهوية شعرك فى المنزل قدر الإمكان يومياً.

5- أثناء الخروج لا تقومي بعمل شعرك "كعكة" تحت الحجاب بل قومي بعمل ضفيرة أو ثنيه مرتين أو أكثر و ربطه برفق لكي لا يتقصف أو يسبب لكِ الصداع خاصة إذا كنتِ ستمضين فترة طويلة بالخارج.

6-الأقمشة مثل الشيفون و الحرير و الكورشيه و الخامات الصناعية، تضر شعرك إذا قمتِ بارتدائها بدون بندانة قطنية لأنها لا تسمح بالتهوية المناسبة لشعرك.

7- احرصي على غسل شعرك 3 مرات أسبوعياً فى الصيف مع استخدام المرطبات و الماسكات المتنوعة لتطرية شعرك.

8- قصّي شعرك كل 6 أشهر للتخلص من التقصف.

9- لا تقومي برشّ العطور على حجابك لأنها حتماً ستضر بشعرك خاصة أثناء الخروج فى الشمس.

10- كلمّا سنحت لكِ الفرصة قومي بغسل وجهك و خاصة منطقة الجبهة للتخلص من التعرق الذي يمكن أن يسبب البثور.

11- احرصي على تناول المياه بكثرة على مدار اليوم. بالإضافة لتمشيط شعرك يومياً لتجديد الدورة الدموية به و منع التشابك و تساقط الشعر.

 

و أخيراً اعلمي أن العناية بشعرك و الاهتمام بنظافته ومظهره هامة لكِ أنتِ و ليس معني ارتدائك للحجاب هو أن تهملي شعرك، خاصة فروة رأسك حتي تتجنبين الكثير من الأمراض التي يمكن أن تضر بشرتك -لاقدر الله-.

تابع القراءة

1 حمام كريم طبيعى مغذى مطرى للشعر بالخوخ ومش بيتغسل بشامبو

النهارده هنعملو حمام كريم للشعر بالخوخ حمام كريم طبيعى ومغذى وعملاه باديكى
والخوخ دة الموسم بتاعه مالى السوق انا جيباه النوع المستوى ب3 جنيه الكيلو اخدت منه وعملته لو عندك خوخ جامد او مستوى طبعا يتعمل بيهم ف الاخر هو خوخ
بس تغسليه حلو عشان الكمياوويات ى فتوكات وهيكون احسن مليون مرة من ال برة وفى برة بالخوخ والمشمش وغيرة وغيرةبس طبعا لما يكون طبيعى وصافى تبقى ضمانه اكتر وهتحطيه على فروتك وشعرك من غير خوف ولا قلق
فوايدة

1. بيغذى الشعر جدا
   
2. بيمدة فروة الراس بالفيتامينات
3. بيلمعه وينعمه
   
4. بيطريه جدا جدا
   
5. واحلى ميزة فيه انه مش هيتغسل بشامبو بميه بس هيتشطف
   
6. بيخلى ريحه الشعر جميله جدددددا
   

مكونات

1. عدد 2 خوخ فقط لا غير
   
2. ومعلقتين عسل نحل (( ودة اختيارى بس يفضل العسل عشان يطرى اكتر اكيد ويغذى معاه ))
   

الطريقه







































الاستخدام
هتحطيه على شعرك من الجذور لاطراف يا بنات ويتدهنى فروة راسك كويس اوى وشعرك وتغطيه بكيسه او بونيه شويه وبعدين تشيليه عشان ينشف شويه وبتحطيه على شعرك باديكى او بفرشاه صبغه او بخاخه زى ما تحبى
وخدى بالك
انتى مش بتحطى ميه خالص على الخوخ لما تحطيه فى الخلاط الميه ال سلقتى بيها الخوخ هتفضيها شويه منها عليه عشان لان الميه دى كلها فوايد من الخوخ

مدة الماسك
من نص ساعه : لساعه مش اكتر من كدة
خلى بااااااااااااااااااااااااااااااااااااااااااااااالك
الماسك دة مش بيتغسل بشامبو نهائى دة بتشطفيه بميه بس مش اكتر
وبعد ما تشطفيه اتفرجى على اللمعان والنعومه وكثافه شعرك وبيخلى ريحه الشعر جميله جددددددددددا
وبتعمليه مره فى الاسبوع ولو عملتيه مكوى ولا استشوار هتشوفى اللمعه فيه حلوة ازاى
انا بعد ما جربته قلت توبه لوكنت هشترى حمامات كريم تانى بعد ما شفت النتيجه وانتى اكيد هتجربى وهتقولى زى ما قولت




الماسك دة مش بيتغسل بشامبو نهائى دة بتشطفيه بميه بس مش اكتر 

منقول من فتكات

تابع القراءة

0 خلطة لعلاج تساقط الشعر

أخواتي الغاليات تساقط الشعر مشكلة معظم النساء وله أسباب كثيرة كما تعلمون كفقر الدم أو ضعف بالجسم أو الرضاعة أو أو أو
وإليكم أخواتي هذه الخلطة للتخلص نهائياُ من هذه المشكلة
أسكبي في وعاء 10 ملاعق كبيرة من زيت خروع.
أضيفي فوقها ملعقتين كبيرتين من زيت حبة البركة.
أضيفي كذلك 10 فصوص ثوم مهروسة جيّداً.
خلطي المكوّنات جيّداً ثمّ طبّقيها على فروة رأسكِ وشعركِ. دلّكي رأسكِ بها ثمّ لفّيه بفوطة ساخنة لمدة ساعة مع تغييرها كلّما بردت. بعدها، أغسلي رأسكِ جيّداً بالماء الفاتر والشامبو.
كرّري هذه الخلطة 3 مرّات في الأسبوع وتخلّصي من مشكلة تساقط الشعر.
أتمنى أن تخبرونا أخواتي عن النتائج

تابع القراءة