0 تعالى اقولك تخزنى ايه فى الفريزر بالتفصيل

ناس كتير بتسال ايه اللى ممكن يتخزن فى الفريزر 

هقولكم انا بخزن ايه 

التوم   انا جربت انى افرمه اولا طبعا كفايه ريحة التوم اللى بتملى البيت يوم ماتفكرى تعمليه غير بقى ريحة الفريزر اللى بتبقى كلها توم 

بس جربت انى اشتريه اخضر وافصصه واحطه فى برطمان واشيله فى الفريزر 

حلو جداااااااااااااااااااااا مفيش ريحة وكمان بفتح البرطمان اخد العدد اللى محتجاه 

وكمان ميزته مبيلزقش فى بعضه وريحته بتبقى افوح 

البطاطس   جربت طريقة انى اسلقها دقيقتين واشيلها فى الفريزر وكانت النتيجة سيئة 

طلعت ملزقة ومستوتش وحالتها حاله 

احسن حاجة تتقلى نص قليه وتتشال فى اكياس على قد الاكله 

الطماطم   جربت اشيلها زى ماهى وجربت اعصرها بس افضل نتيجة على الاطلاق

 انى اجيب حلة احط فيها الطماطم بعد ماقسمها بالنص واحط معلقة ملح واوطى 

خااااااالص هى هتنزل ميتها وهتتسبك والقشرة هدوب اطلعها اضربها فى الخلاط واشيلها تحفففففففففة 

الحمص   كنت فى الاول بنقعه واسلقه واحطه فى كيس كبير واخد على قد ماحتاج بس 

الكيس بقى يكرف من ريحة التلاجة وطبعا مبيتاكلش فاحسن حاجة بقيت اجيب اكياس

 وعلى قد احتياجى كيس كيس افضل 

البسلة   بفصصها واشيلها زى ماهى 

الجزر   ببشره واحفظه فى كيس

 

البامية   غلوتين مع لمونه واكيسهم على قد الاكله 

الفلفل الرومى  بقطعه مكعبات واشيله بينفع للنجرسكو والكبسة والبيتزا 

الجبنة الرومى والشيدر   ببشرهم واشيله فى اكياس للمكرونات والبيتزا 

البقدونس والشبت والكزبرة   جربت انى اغسلهم وانشفهم واقطعهم طلعت ريحتهم 

وحشة ودبلانين ولونهم مسود معرفش ليه

 

الكوسة  بغسلها واقطعها مككعبات للشوربة

 

الفاصوليا البيضا   وام عين سودا والفول بسلقهم وفى اكياس 

ورق العنب جربت احفظه زى ماهو ريحته معجبتنيش 

الملوخية بقطفها واشيلها من غير ما اخرطها وساعة الطبخ اشيلها من الفريزر وعلى الخلاط او الكبة واضربها وفى الشوربة المغلية على طول

ما استناش الكيس يفك 

الفراخ بغسلها بلمون وخل وملح واشيلها على قد الاكله 

الوراك فى كيس والسفاين بخليهم واعملهم بانية واتبلهم واشيلهم فى اطباف فيبر 

وجزء بقطعه صغير للشاورما والبيتزا 

البفتيك بتبله ساعتين واشيله 

الكبدة بغسلها واحفظها زى ماهى هى واللحمة 

السمك اللى بيحتاج يتقلى بقشره واقطعه واشيله واللى للشوى بنضف بطنه وبشيله 

اى شوربة عندى زيادة بخليها للمحشى 

الفرواله بغسلها واكيسها على قد الاحتياج 

هى والجوافه اما المانجا بشيلها زى ماهى حب بعد غسيلها 

انا مش جاى فى بالى حاجة تانية 

قولولنا انتوا بتخزنوا ايه تانى يابنات

تابع القراءة

0 عندك عيش كيزر بايت اعمليه بيه بيتزا

لو عندك عيش فينو بايت او ناشف ممكن تعملى به بيتزا !!
ماتستغربيش حقولك
اولا هاتى صنيه تيفال وقطعى العيش قطع صغيرة جداا وجيبى نص كيلو لبن و2 بيضة وضربيهم جامد وحطى عليهم ذرة ملح وفلفل وبعدين حطى الخليط على العيش وتاكدي ان العيش شرب كل الخليط ولوعايز ممكن تزودى ماء او لبن تمام
هاتى اى بواقى لحمة او فراخ او تونة او سجق او بسطرمة زى ماتحبى لو ملقتيش اعملى اللى حقولك عليه هاتى حلة صغيرة وحطى معلقتين زيت كباروبصلتين كبار قطعيهم حلقات وشوحيهم فى الزيت وحلقات فلفل كوبى وبعدين حطى حلقات طماطم وذرة ملح وفلفل وقلبي حوالى 10 دقائق بحيث مش عايزبن الخليط يتسبك عايزين نحس بطعم كل حاجة موجودة ونصب الخليط على العيش الفينو وحطى عليه جبنة موتزاريلا او اى نوع جبنة بتسيح وحطيها فى الفرن لمدة 10 دقائق وطلعيها وقطعيها مثلثات وقدميها فى الاطباق وبالهنا وشفا
وممكن لوعندك عيش كيزر بايت اقسميه نصين ورسيه في صنيه مدهونة زيت وحطى عليها خليط اللبن بالبيض وبعدين حطى الخليط السابق ورشي جبنة موتزاريلا ودخليه الفرن اصبحت كل واحدة بيتزا لوحدها

 

تابع القراءة

0 نصائح منزلية بالصور

يالى معايا يا بنات واحدة واحدة اولا
رائحة منزلك




وبعدين عشان تحفظى على الريموت بشكل جميل





ندخل على اوضة النوم لو عندك اى كمودينو وعايزة ترمية اوعى ترمية لانك ممكن بالدراج بتعتو تنظمى فيها حاجاتك الى ممكن متستعملهاش كتير وتحطيها تحت السرير وومكن تغطيها باى كيس عندك حفاظا عليها من الاتربة





ندخل على المطبخ بقى
لو عندك مساحة ومحتارة تحطيها فين وكل متبقى مبلولة تبهدلك الارض تانى تعالى شوفى الحل الجامدة دة




وعشان جمالك مطبخك وشكلو يفتح النفس


مش شرط جزرة طبعا ممكن اى حبوب عندك هتعمل شغل بردة


واخيرا بعد متعبتى يا عينى ونظفتى البيت وبقى بيبرق ارتاحى بقى وظبطى نفسك عبال مجوزك يرجع عشان نفسو تبقى مفتوحة وهو داخل البيت

 

 

 

منقول

تابع القراءة

0 طريقة عمل الجبنة المثلثات فى البيت سهلة جدا

الجبنه الكوبيات او السايله ...
سهله وتحففففففه جداااا...
كوب لبن سائل...
كوب مايه.
..
.معلقه ملح صغيره
ومعلقه ملح ليمون....
كوب زيت...
قطعتين جبنه كيري او مثلثات....


التحضير.
...
في الخلاط ...اللبن والمايه والملح والجبنه الكيري او المثلثات وتنزلي بزيت ثرثوب شويه شويه لحد ماتتقل معاكي وتضربي كويس جدااا بس كدا وكلي انضف واحلي جبنه كاسات .....الف هنا

تابع القراءة

0 جهزى اكلك لرمضان من دلوقتى

 الموضوع منقول من فتكات


فكرة حلوة لحفظ اكياس لحفظ الخضار فى الفريزر




وكمان لحفظ اي اكياس في دولاب المطبخ
يعني باقي كيس مكرونة
او سكر او غيره


الفكرة سهههههههلة

الادوات

مكواة



قطعة فويل ( ورق القصدير )
وبس



عند طرف الكيس الي عاوزة تقفليه حطي ورقة الفويل
وشغلي المكواة على درجة متوسطة

و مري بيها على قطعة الفويل على طرف الكيس

هايتقفل الكيس بمنتهى السهووووووووووووولة




وممكن تعملي كميات كبييييييييرة من الاكياس في دقيقة واحدة

لان مجرد ما بتمري بالمكواة الكيس بيتقفل في فيمتو ثانية

وعلى فكرة ممكن كمان نستخدم مكواة بيبي ليس
بتاعة الشعر




استاهل ايه على الفكرة

الحصـــــــــــــــــــــــــــــــــــــــرية

دي


لســــــــــــــــــــــــة
اتفضلــــــــــــــــــــــــــــــــــــــي
للمزيد يمكنك قراءة

طرق حفظ الخضروات للشيف شربيني

تجهيزات كتييييييييييييير لشهر الخيــــــــــــــــــــــــــر
جمعتها من تجهيزات احلى الفتوكات
دي صورهم وده مجهودهم
ربنا يجازيهم كل خير ويكتبه في ميزان حسناتهم يارب

افكار للتفريز وكلها بالصور

ممكن نفرزن ايه
ويساعدنا ويوفرلنا الوقت


الجزر يبشر او يتقطع مكعبات
للشوربات او الكبسة
ويحفظ في الفريزر
ولما يطلع نستخدمه وهو مجمد قبل ما يفك




البصل
ممكن نفرم كمية في الكبة و نشوحها في الزبدة .... صحي عن انك تفرزنيه وهو ني
وبعدين نفردها - نبططها - في كيس من اكياس التلاجة
ونفرزنها
وكل مرة نحتاج فيها نكسر جزء منها ونستخدمه



التوم المفروم الناعم
يتفصص التوم وفي الكبة مع ربع كوب زيت وقليل من الملح
يفرم نااااااعم
وزي ما عملنا مع البصل نفرده في كيس التلاجة
وعلى الفريزر هيوفر لنا وقت كتير




ودي تتبيلة السمك والمخللات جميييييييييلة وبتوفر وقت كبير جدا
وكمان مش بتتغير في الطعم
توم وفلفل وكسبرة وفلفل اخضر حامي وكمون وشطة وملح
يطحن في الكبة و نحتفظ بيه في الفريزر




وده موضوع كمان عن تفريزت رمضان
 

خلصت تجهيزات وتفريزات رمضان بالصور

صوص البيتزا
وممكن نحتفظ بيه في علب صغيرة
وكل علبة تكفي مثلا 2 او 3 من البيتزات





تسبيكة المحشي
ودي بتعمليها عااااااادي جدا
بصل يتشوح وبعدها عصير الطماطم والصالصة ولما تتسبك وتبرد خالص
نحفظها في الفريزر
ونطلعها تفك بسيط ونضيف لها الخضرة والرز
وبتكون جمييييييييييييلة جدا وبتوفر وقت جدا جدا






ودي جميلة وبتوفر في الوقت جدا جدا
انك تحشي القطايف
وعلى الفريزر
والشطارة كمان انك تكوني مجهزة الشربات عندك في باب التلاجة
مجرد تطلعي تقلي وتنزلي في الشربات الجاهز
وفي دقايق تكون احلى قطايف جاهزة وتفرحي اسرتك وتوفري وقتك للعبادة






ممكن كمان تفريز الكفتة او البانية
ولما يطلع من الفريزر يتقلي على طول بدون ما يفك



 
للمزيد يمكنك زيارة:

تفريز البسلة بالصور

 

أفضل طريقة لتفريز الملوخية ويظل لونها أخضر

تابع القراءة

0 افكار حلوة هتسهل عليكي فى مطبخك

حبيباتى اسمحولى اقدملكم 10 افكار للمطبخ
ويارب تستفيدوا منها


1- خلى دايما عندك فى التلاجة شربات جاهز للحلويات اعمليه واحفظيه فى برطمانات نضيفة وتاخدى منها حسب الطلب




2-شيلى فى الفريزر كام كيس عصير طماطم ينفعوا وقت الزنقة وخصوصا لو الكهربا مقطوعة كالعادة

2-اى طماطم تتوفر عندك خصوصا وهى رخيصة اغسليها ونضفيها وشيليها فى الفريزر بتنفع وقت الزنقات والعزومات



4- لسهولة تقشير التوم انقعيه فى شوية مية لمدة ربع ساعة هيتقشر بكل سهولة


5- لتحمير اللحوم المسلوقة بطريقة جديدة وصحية ابشرى واحدة طماطم وشوية فلفل اسود وبهارات لحمة وكبشة شوربة واغليهم مع اللحمة المسلوقة على البوتجاز غلوتين وبعدين دخليها الفرن 5دقايق تحت الشواية ودوقى الذ واخف لحمة محمرة









6- ونفس الخطوات اعمليها مع لحمة الفراخ المسلوقة بس تقطعيها الاول


7- لو عندك شوربة بط او وز هتلاقى على وشها طبقة سمنة كتيرة شيليها بالمعلقة فى طبق وحطيها فى التلاجة
وحطى منها معلقة على المحاشى بتديها طعم وريحة جميلة (لو طولت عندك احفظيها فى الفريزر احسن تبوظ)

شوفى شكلها ولا السمنة البلدى وطبعا هى افضل كتير واقل ضررا من السمن النباتى المهدرج


8-لما تعملى كباب فى البيت افرشى تحته حبتين بطاطس متقطعة طرنشات رقيقة هتشرب من اللحمة وتكون افضل كتير من الشيبسى الجاهز





9- لتجنب فوران اللبن حطى معلقة الشاى او اى معلقة معدن فى قعر الحلة ومعلقة خشب فوق الحلة بالشكل ده (بتمتص الحرارة الزيادة وتخلى اللبن ياخد كفايته من الغليان بدون فوران) بس اوعى تسيبه وتخرجى من المطبخ وتعتمدى على المعلقة
المعلقة بتهدى الحرارة شوية وتخليكى تقدرى تقلبى فيه براحتك من غير مايفور منك

10- لو عاوزة تعملى حاجة سريعة جنب الاكل ومفيش طماطم هاتى 2حبة بطاطس وقطعيها طرنشان رقيقة وعليها بصلة حلقات رفيعة ومعلقة سمن وفلفل وملح ورشة مية صغيرة واغليها على البوتجاز غلوة ودخليها الفرن وبعد 10 دقايق دوقى احلى صنية بطاطس بيضا


منقول من فتكات

تابع القراءة

0 استخدامات قشر الجمبرى

وانت بتنظفي الروبيان “القريدس، الجمبري،الكروفيت” …حاولي تحتفظي بالقشر وماترميه .

نصيحة آسيا …ممكن تعملي حاجتين اثنين ومهمين كثير وحيغيروا مجرى أطباقك ويزيدوها نكهة ولذة :

- اصنعي شوربة مركزة من قشور الروبيان…واحتفظي بيها بالفريزر واستخدميها لتمريق الرز وايدامات ويخنات الاسماك بدل المياه العادية …فقط اغلي القشر مع كمية كبيرة من الماء، قشور الليمون، جزرة ،بصلة مقطعة ارباع ، اوراق زعتر و رشة بابريكا.

- الشئ الثاني والمهم اصنعي بهارك الخاص (الابزار، الخلطة، العطرية) ..فقط ماعليك سوى وضع القشور بصينية فرن وضعي فوقها قشور ليمونتين حامضتين ودخليهم للفرن يتحمصوا مدة 35 دقيقة …طلعيهم من الفرن وهما مقرمشين ولما يبردوا اطحنيهم كويس في مطحنة البهارات …انخليهم واحتفظي بيهم ببرطمان بمطبخك .

هذه الخلطة ممتازة كإضافة لكل يخنات، طواجن، تتبيلات الاسماك والشوربات البحرية ….وفعلا نكهتها قوية ومميزة .

لو عجبتك المعلومة شاركي أصحابك وأفراد أسرتك بيها

 

منقول

تابع القراءة

0 تكات هتفيدك فى الاكلات

أسرار المطبخ :
-------------
1- للبسله المسبكه - قرب انتهائها وعندما تتسبك اضيفي لها 2 فص ثوم صحاح
2- للكوسه المطبوخه والمحشيه- إضافة النعناع الناشف أو الأخضر يضفي نكهه مميزه جدا
3- لصينية البطاطس - أضيفي الثوم المدقوق والكسبره
4- للباميه اطحني الثوم مع الفلفل الرومي البارد وحمريهم في الزبده واضيفي عصير الطماطم
5- للملوخيه لا تغطيها وهي سخنه اتركيها تبرد بعد إضفة التقليه- حتي لا تسقط ولا تسود
6- للقلقاس - بعد إضافة السلق لا تتركيه يغلي - لونه يصفر
7-الخرشوف - لا تسلقيه كثيرا اذا كنتي ستقومين بتخزينه في الثلاجه- وبصفه عامه الخرشوف يقدم مسلوق افيد واحلي من المطبوخ
8- للفراخ المشويه او الشيش طاووك اضيفي عصير الليمون بكثره في التتبيله
9-للكفته المشويه تتبل بتفل البصل فقط وليس بصل كاملا
10-للفراخ البانيه اضيفي الكاري البودر في التتبيله وفي بقسماط التغطيه
11-لورق العنب لا تكشفي غطائه وهو ساخن حتي لا يسود لونه(عكس الملوخيه) واضيفي الليمون اثناء التسويه
13-للخيار المخلل اضيفي الكرفس وفصوص الثوم
14-للبفتيك -يتبل ويغطي بالبقسماط ويدق ثم يغطي بالدقيق ثم البيض ثم البقسماط ثاني -يترك في الفريزرربع ساعه قبل القلي -ويطلع علي القلي علي طول ومش هاتشتكي تاني انه بيكش او قشرته بتتفك
15-للأرز بالبسله والجزر اسلقي البسله والجزر لوحدهم-سوي االأرز للنهاية وقبل التقديم أضيفي البسله وقلبيها جيدا -لو اضفتيهها في بدايه الطهو ستتهري وتعجن داخل الأرز
16-لعمل حشو للبط او الدجاج(أرز أو فريك )لابد ان يسوي الأرز خارجيا ثلاثة ارباع تسويه ليكمل النضج بداخل الدجاجه او البطه
17- لعمل العصاج افرمي البصل واضيفيه مع اللحم المفروم في مقلايه تيفال قلبي علي نار هادئه وقلبي حتي يتغير لونه اتركيه ينزل مائه -اضيفي التوابل وقلبي جيدا -ياعني بدون اضافه دهون نهائيا -ينفع للدايت ولا يجعل الكبيبه تفك -ويقلل السعرات الحراريه للأطباق مثل المكرونه بالبشاميل
18-لمنع الغازات اضيفي الكرفس لشوربة العدس والكمون لمحشي الكرنب
19-تسلق جميع انواع البقول في ماء وتصفي ويتم تغيير الماء عند التسويه او التسبيكه -وذلك لمنع مغص القولون العصبي
وبالهنا والشفا

تابع القراءة

0 موسوعة كاملة لورق العنب شرائه/ سلقه/تسويته / حفظه

بسم الله الرحمن الرحيم
ازيكم ياقمرات اناجيبلكم موضوع النهاردة عن ورق العنب بكل تكاته يارب يعجبكم


اولا:ازاى تشترى ورق العنب :
اولا :لازم تدققى فى ورق العنب اللى بتشتريه لانى الغش اعوذ بالله بقى كتير فى ناس بتبيع ورق توت او ورق جوافة وعلشان تفرقى ورق العنب من بنهم تعالي لى يابطة
اولا الورقة يكون لونها اخضر فاتح مش غامق ـ ناعمة مش خشنة ـ اقطفى عنقود ورقة العنب وعضعضية باسنانك اذا لقتيه مزز يبقى ورق عنب بناتى اصلى (مش ولادى) هههه دى معلومة قالتها ليا ست فلاحة
ثانيا:فى ستات بتحب تجيب ورق العنب المربط علشان سهولة السلق ولكن انا مش بحبذه لان ورقه بيكون ناشف خليكى فى السايب لانه اضمن وحقوللك تسلقيه ازاى
اشترينا ورق العنب خلاص نسلقه ازاى بقى ؟؟؟؟؟؟

 

 

 

 ثانيا سلق ورق العنب :
احنا جبنا الورق المفرط تعالى نتسلى فيه واحنا قاعدين جنب التلفزيون مثلا
بصى بقى هاتى الورق وافرديه واقطفى عنقوده ووافرديه الناحية الخشنة فوق والناعمة تحت حطيهم فوق بعض كل مقاس لوحده (ما احنا فضين بقى) وبعد لما تكونى شوية حلوين فوق بعض اركنيهم واعملى غيرهم لغاية لما يتكون عندك كذا صف هاتى فتلة من البكرة بتاعتك ولفى كل صف لوحده كانك بتلفى هدية ودة علشان تملكى الورق وما يفرطش منك فى الحلة
دلوقتى حطية فى الحلة وانتى مطمئنة انه مش حيفك وفى الحلة حطى مع الميه شوية زيت وعصرة لمونة وسلق ورق العنب مابياخدش وقت وترفعيه علشان يفضل محافظ عل نفسه وما يتهريش وتعرفى تلفيه من غير مايتقطع منك ملحوظة احتفظى بالعناقيد

ثالثا :تسوية ورق العنب 

اولا :ازاى المحشى بتاعك يكون مميز 

1ـ البهارات والتتبيلة /علشان يكون مميز وتدعى لى حطى فى الخلطة التالى
بهاراتك المنزلية اللى انتى عملاها) قرفة مطحونة+حبهان +قرنفل ناعم مخلوطين مع بعض وحط ودى التكاية المميزة نعناع ناشف +شطة حمرا

 

 

 رابعا :حفظ ورق العنب 

فى طريقتين الاولى :يا اما زى ماهو متربط كل صف فى كيس فى الفريزر اخضر بدون سلق ولما تطلعيه تسلقيه وتحشية 

الطريقة الثانية :/تبرمى الورق وتدخلية داخل زجاجة بلاستك لما تتملى غطيها وخزنيها فى اى مكان جاف 

 

منقول

تابع القراءة

0 عندك أرز بايت اوعى ترميه هنعلمه أكلة جديدة

لو عندك رز بايت اوعى ترميه ...
ممكن تستغليه وتغيرى منه ويبقى كأنه اكله جديدة...

كوب رز بايت 
 نص كوب بقدونس مفروم 
 بصلة مفرومة 
 ربع كوب بقصماط 
 بيضة 
 رشة كمون ورشة فلفل اسود ورشة صغيرة ملح ...


وفى الكبة كله ويتفرم فرم ناعم حتى تصبح عجينة ...
وتصبعيها زى الكفتة وتبقى كفتة كدابة وممكن لو عندك بواقى لحم تضيفيها ...
وتغمسيها فى الدقيق وتحمريها فى زيت عالنار ...
وتقدميها مع بطاطس مقلية وسلطة بابا غنوج وسلطة زبادى وبالهنا والشفا

 

تابع القراءة

1 شوية تكات بسيطة لكن الطعم هيفرق

شوية تكات بسيطة لكن الطعم هيفرق

1-عايزة الملوخية مزبوطة حطى ذرة سكر فيها وحطى فصين توم.مدقوقين نيين غير التقلية ومعاهم كزبرة ناشفة غير اللى فى التقلية

2-عايزة السمك والجمبرى المقلى متقرمش ومتماسك بعد الدقيق قبل التحمير هاتى طبق فيه مية غطسيه فى المية واحدة.واحدة بسرعة وحطى على النار...لالالالا مش هتطرطش خالص لاتقلقو لأن المية بتلزق فى الدقيق وتثبته

3-الكرنب عشان يبقى اطعم حطى فى الشوربة اللى هتتشربه توم مدقوق وكمون ومعلقتين صلصة

4-البامية عشان تبقى احلى حطى التوم على مرحلتين مرحلة مع تشويح البصل والمرحلة التانية مع الطماطم المعصورة وخليها كلها بالطماطم بلاش صلصة صناعية تبقى احلى

5-سلطة الكول سلو او الكرنب حطى مع المايونيز زبادى وسكر طعهمها هيبقى زى المطاعم بس سبيها فى التلاجة الأول كام ساعة فى الخليط

6-البهارات الصحيحة قبل ماتطحنيها شوحيها ع النار طعمها هيبان اكتر

7-البيتزا حطى على اطرافها زبدة وتوم بودرة متسيحين فى المايكرويف كلهم هياكلو الأطراف مش هيسيبوها بس إحشيها بجبنة

8-التومية حطى نشا متدوب فى مية ع النار لما تبقى مهلبية سيبيه يبرد وإضربيه مع فصين توم وخل وبعدين زيت طعمها افضل

9-ماتحطيش لمون خالص بقشره على صوانى السمك او الجمبرى او فى الشوربة فى النار الطعم هيبقى مر ضفيه بعد مايستوى المقصود القشر فقط

10-الكبدة الاسكندرانى حطى عليها طحينة قبل السوا حبة صغيرين
هفتكر حاجات تانية واقولكم عليها جربو التكات دى.

تابع القراءة

1 اعملى شكولاتة نوتيلا فى البيت ووفرى

 كلنا عارفين شوكولاتة نوتيلا اللى بتتعمل ساندوتشات دى وكتييير من الاولاد بيحبوها جدا وبياكلوها بس ياعينى البرطمان بالشئ الفلانى وبيخلص فى ساندوتشين عشان كدة انا جبتلكوا انهاردة طريقة عمل شوكولاتة النوتيلا عشان تعمليها فى البيت لاولادك ومتحرمهيمش من حاجة ابدا المقادير كوباية كاكاو خااااااام خلى بالك انا قولت خاااااام
كوباية سكر بودرة
كوباية لبن
كوباية الاربع زيت ذرة او عباد الشمس اوعى تحطى زيت تموين
كدة تماااام كل المقادير دى تحطيها فى خلاطك الجميل وتضربيها ضربا مبرحا حتى تستغيث
قصدى لحد ماتتخلط كويس اوى ودة شكلها بعد الخلط
شايفين الحلاوة ياولاد ولا اجدعها نوتيلا هاتى بقى برطمان نضيف وناشف وحلو كدة وعبيهاااا
انا كان عندى برطمان من بتاع حلاوة اسبريد اختراع ياكوتش عبيت فية النوتيلا بتاعتى حبيبتى علشان تدينى احساس انى شارياها من برة كمان وكمان حجم البرطمان 350 جرام يعنى الكمية اللى عملناها اكتر من ربع كيلو والمقادير بفضل الله متوفرة عندنا فى البيت ودة الشكل النهائى
تااااااااا تاااااااااا تااااااااااا اية رأيكوا والله وطعمها حكاية وخلى العيال تاكل وتفرح وتتبسط وممكن تضاعفى الكمية وتليها عندك هتنفع فى فطار او فى ساندويتشات للعشاا 

 

منقول من فتكات

تابع القراءة