• احذروا من شامبوهات الاطفال ومعجون الاسنان
  • حركة هتخلى السمنة العادية تبقى بلدى بسهولة جدا وبالصور
  •  ازاى تعرفى تشتري لحمة وتطبخيها
  •  أخطاء يجب ان تحذريها في التعامل مع طفلك
  • كيكه النسكافيه من مطبخى بالصور

0 كيكة من غير بيض بس روعة

الخميس، 27 نوفمبر، 2014 التسميات:
المقادير
__________
 
كوب إلا ربع زيت
 وكوب إلا ربع برتقال أو(عصير فروتى برتقال)
 أنا حطيت عصير برتقال ومعلقه صغيره عصير فروتى عشان أزود طعم البرتقال فيها 
 وكوب إلا ربع ماء أو لبن 
أنا حطيت لبن
 كوب سكر عادى مش مطحون 
و3 كوب دقيق
 و 1 بيكينج بودر
 أنا حطيت بيكينج بودر كيك الشيف حلو أوى وبيرفع الكيكه .
 
 
الطريقة:
_________
 
نشغل الفرن
 
نضع المكونات كلها فى الخلاط ماعدا الدقيق والبيكنج بودر
 
نضع الدقيق والبيكنج بودر على بعض
 
وبعدين نحط فوقهم الخليط السابق
 
ونحطهم فى صينية مقاس 60 مدهونة زيت ودقيق
 
وتدخل الفرن على درجة حرارة 180
 
مانفتحش عليها قبل ثلث ساعة ابدا

وهى هتاخد تقريبا من  نص ساعة ل 45 دقيقة


تابع القراءة

0 مكرونة بالسويس و والوايت صوص سهلة اوى

الاثنين، 24 نوفمبر، 2014 التسميات:

المكونات : سوسيس - طماطمايه - فلفله خضراء - بصله مبشوره - زيتون اسود - كيس مكرونه

تسلق المكرونه

نيجى بقى للخلطه ..
نسخن الزيت ونشوح فيه السويس





 نحط البصل والفلفل معاه


 طريقة الوايت صوص .. تحمر فص ثوم فى معلقة سمن مع معلقه دقيق ثم نضع كوب لبن حتى تغلى



 



 نرجع لخلطة السوسيس ونحط الزيتون والفلفل ونقلبهم تغلى غلوه ونطفى عليها


 ممكن تحطى بشر جبنه رومى على الوايت صوص ..

 نقلب المكرونه مع خلطة السوسيس ..


 ونضع الوايت صوص على وش المكرونه .. وبالهنا والشفا



منقول من ست بيوت قدها وقدود







































 


تابع القراءة

0 كيكة سهلة وبسيطة فى الخلاط

الجمعة، 21 نوفمبر، 2014 التسميات:
المقادير:


3 كوب دقيق
كوب سكر وممكن تزودي نصف كوب
كوب لبن وممكن تكملي بعصير برتقال
3/4 كوب زيت على سمنه
4 بيضات
باكوبكنج بودر او كيك شيف
بشر برتقال او فانيليا وممكن الاتنين

 

الطريقه
 
ولعى الفرن اولا
وفي الخلاط الزيت والسكر والبيض والفانيليا وبشر البرتقال
واللبن وعصير البرتقال اضربيهم 5 دقايق





 
وضيفيهم على الدقيق المنخول والمضاف له البكنج بودر
وقلبي بملعقه خشب عريضه من فوق لتحت حتى يختفي الدقيق تماما
صبي الخليط في صينيه مدهونه زيت ومبطنه بالدقيق
ودخليها الفرن على حراره متوسطه على الرف الاوسط
وبلاش تفتحي الفرن ال 20 دقيقه الاولى
بعد 25 دقيقه اختبري الكيكه بسكينه او خله لو طلع فيها عجين اتركيها
حتى تنضج وتاخد لون دهبي جميل
وبالف صحه



تابع القراءة

0 الدجاج بالليمون طريقة روعة

الخميس، 20 نوفمبر، 2014 التسميات:
الدجاج بالليمون

منقول من فتكات:

[quote=لحظات صمت;131164885]
السلام عليكم ورحمة الله تعالى وبركااته


 الدجاج بالليمون

طعمه روعه ما شاء الله
حامض شوية و حاجة جديدة هتعجبكم باذن الله







المكونات


قطع دجاج
اعشاب جافة بودر ( اكليل و زعتر )
بصلة مبشورة بالمية بتاعتها
ملح
فلفل اسود
كركم
و اكيد ليمون
( اناا هنا استعملت قطعتين دجاج عشان بس حبيت اجرب الوصفة ومكنتش متاكده من انها هتكون روعه و استعملت معاهم ليمونتين )





الطريقة


اول حاجة هنسلق الدجاج مع ملعقة من خليط الاعشاب

في صحن نخلط البصل + الملح + الفلفل الاسود + كركم + ملعقة صغيرة من الاعشاب



في حلة نصب شوية زيت + خليط البصل و التوابل الي عملناه
نخليها ع النار شوية




بعدين هنضيف الدجاج و نقلبه في المزيج
بعدين هنضيف عصير الليمونتين + شوية بشر الليمون




و نخليه لحد ماا يغلي
بعدين هنضيف كاس ماء و نغطي الحلة




لماا المية تنشف نزود كاس ماء كمان
بس هالمرة منخليهوش لحد مااا ينشف لا
اول ما يغلي شوية نطفي و كل حاجة هتكون مستوية كده

في كيس الفرن هنحط الدجاج و الصوص الي عندنااا مع خضار مقطعه حسب الرغبة ( اناا هنا عملت بطاطس + فلفل + جزر )

ونقفل و ندخلها الفرن نصف ساعه لحد ما الخضار تستوي و يتحمر الدجاج
بس كده
و لو معندكيش كيس الفرن ممكن ورق الاليمينيوم





و دي النتيجة











تابع القراءة

0 طريقة عمل العزيزية زى المحلات بالظبط وعلى ضمانتى

السبت، 11 أكتوبر، 2014 التسميات:
 منقول من فتكات
المقادير
100 جرام مكرونه سباجيتى
كوب نشا متدوبه فى كوب ماء فاتر مش من التلاجه
كيلو لبن حليب طااااازه
كوب ونص سكر
فانيليا معلقه صغيره
معلقة سمنه او زبده

الطريقه
غليت اللبن مع السكر وسبته يبرد على ما سلقت المكرونه
ورحت واخده شوية لبن ضربت بيهم المكرونه فى الخلاط لانى سويتها اوى فميتها نشفت
وبعدين حطيت المكرونه المضروبه فى الخلاط على اللبن وقلبت كويس وحطيتها على النار ولما بدءت تغلى وطيت النار وحطيت كوب النشا المتدوب فى الميه لحد ما تقل الخليط
طفيت النار وحطيت الفانيليا وجوز الهند وقلبت وبعدين معلقة الزبده وقلبت كويس تانى
وجبت صينيه دهنتها زبده او زيت طبعا ورشيت دقيق بسيط عشان ما تلزقشى واعرف اقطعها
وصبيت الخليط فى الصينيه وحطيت على الوش معلقة زبدك كمان او سمنه عشان الوش يتحمر
وولعت الفرن وحطيتها فى النص لان فرنى مش مضبوط وولعت من تحت بس لمدة نص ساعه
وبعدين طفيت تحت وولعت الوش يتحمر

وبعدين لازم تتحط فى التلاجه كمان نص ساعه عشان تمسك كويس ونعرف نقطعها
وتقطعيها وتقدميها وكلى احلى عزيزيه

ودى الصور عشان تتشجعوا وتعملوها احسن من اللى بيتحط فيها بيض ميت مره
احسن طريقه لعمل العزيزيه فيكى يا فتكات وفعلا ولا اجدعها شيف

احسن طريقه لعمل العزيزيه فيكى يا فتكات وفعلا ولا اجدعها شيف

احسن طريقه لعمل العزيزيه فيكى يا فتكات وفعلا ولا اجدعها شيف
احسن طريقه لعمل العزيزيه فيكى يا فتكات وفعلا ولا اجدعها شيف
احسن طريقه لعمل العزيزيه فيكى يا فتكات وفعلا ولا اجدعها شيف
طبعا المفروض الوش بيكون احسن من كده بس انا فرنى مش مظبوط
احسن طريقه لعمل العزيزيه فيكى يا فتكات وفعلا ولا اجدعها شيف
احسن طريقه لعمل العزيزيه فيكى يا فتكات وفعلا ولا اجدعها شيف
احسن طريقه لعمل العزيزيه فيكى يا فتكات وفعلا ولا اجدعها شيف
تابع القراءة

0 طريقة عمل الكوارع بالصور وبالتفصيل

الجمعة، 3 أكتوبر، 2014 التسميات:
اليكم هذة الوصفة لأحلى أكلة شعبية ( البلدى يوكل )

نجيب الكوارع ونغسلها أحلى غسيل يعنى مرة بالملح ومرة تانية بالدقيق وطبعا مع النقع والشطف هتبقى فله
 
 مع مراعاة فى حالة وجود بعض الشعر بها أما ان تحرقه بالنار أو اننا نستخدم ماكينة الحلاقة الخاصة بالرجال 
وصدقينى دى طريقة مضمونة لأزالة الشعر منها
 
 

نجيب عدد 2 حلة كبيرة ونغلى المياه ثم نضع الكوارع بأحدى الحلتين ونتركها على النار أول ما تغلى نطفى فورا ونصفيها فى مصفاة ثم نشطف الكوارع مرة أخرى طبعا هتسألونى ليه !!!!

لأن الكوارع بيطلع ليها ريم بيخلى الشوربة لونها أسود أحنا كده بنمنع وجود الريم فى الطبخة كلها ( ملحوظة : هذا لا ينقص من قيمتها الغذائية )
 
 
طرقة عمل الكوارع بالصور ، طريقة طبخ الكوارع بالصور
بعد كدة نشوحها بمعلقة سمنة ومستكة وحبهان وورق لوري وبعد كدة نكب عليها مية سخنة ولما تغلي نحط بصل وفلفل اسود خفيف ونوطي عليها لغية ما تدخل في السوا نحط الملح وبالف هنا

طرقة عمل الكوارع بالصور ، طريقة طبخ الكوارع بالصور 
 
 ممكن بعد أن تستوى الكوارع نحضر عدد 10 فصوص ثوم وندقهم كويس ونحمرهم فى شوية زيت ( يمكن تحميرهم فى سمن بس بصراحة الكوارع تقيلة مش ناقصة سمن كمان ) أول لما الثوم يصفر نضعه على الشوربة ونترك الشورية تغلى لمدة 10 دقائق حتى تتشرب الكوراع نكهة الثوم ثم نغرفها مع وضع بعض الكرفس المقطع فى طبق التقديم وبالهناء
تابع القراءة

0 شوية تكات هتخلى أكلك روعة ان شاء الله

الخميس، 2 أكتوبر، 2014 التسميات:
الموضوع للعضوة

من فتكات

اتمني موضوعي ده كمان يعجبكم ويفيدكم دي شويه حاجات بعملها في الاكل بتخلي الكل ( ما شاء الله تبارك الله ) بيحب طعم اكلي والحمد لله
1 لما تعملي رز بشعريه حطي شويه بهار مشكل صغيرين في الشعريه بعد ما تتحمر وحطي ملح الرز والمايه ( بس مش تكتري عشان تعرفي تظبطيه ) وسيبيهم يغلو غلوه مع الشعريه وبعدين حطي الرز هيديكي طعم مميز كانك عملاه بمرقه


2 لما تعملي ملوخيه مثلا او فول بالطماطم ابشري الطماطم او قطعيها مكعبات صغيره واضغطي عليها كويس في طبق وبلاش تعصريها في الخلاط

3 لما يكون عندك شيت وكسبره وبقدونس خضر مش تغسليهم وجيبي علبه تلاجه وحطي فيها منديل وحطيهم مفرودين وفوقهم منديل هيفضلوا طاز وقت طويل

4 لما تسلقي فراخ بيضا شيلي جلدها ودهونها لانهم سبب الريحه الوحشه
( الزفاره ) واصلا كلوسترول في الفاضي وقطعيها اربع قطع عشان تستوي بسرعه وشوحيها في بصله و مستكه وحبهان وورقه لوري وقرنفلايه واحده ههههه وسيبيها معاهم علي نار هاديه كام دقيقه والحله متغطيه وبعدين حطي فلفل اسود و شويه بهار مشكل ( فلفل اسود وكمون وكسبره و قرفه وشطه وببريكا و معلقه جنزبيل )

5 لما تعملي عجينه بتزا زودي الكميه واحتفظي بقطعه او اتنين في الفريزر عشان لما تحبي تجهزي عشا سريع تكوني جاهزه

6 لو عاوزه تخلي فراخك المسلوقه بطعم المشويه بعد ما تسلقيها اعملي تتبيله عباره عن بصله متوسطه وفصين توم وطماطميتين وشويه كسبره خضرا وملح وبهار واضربيهم في الكبه وتبلي بيهم الفراخ المسلوقه وفي الطاسه نقطتين زيت وحمري علي نار هاديه لحد ما التتبيله تستوي عليهم وتديهم طعم

7 لو عندك سمك مشوي بارد حطي نقطتين زيت في الطاسه وسخنيهم علي نار هاديه بيكون طعمهم جميل جدا

8 لو عندك فراوله اغسليها واقطعي القمع بتاعها ونظفيها وسيبيها زي ما هي وفي علبه الثلاجه في الرف اللي فوق في الثلاجه وخدي للعصير علي طول

9 لما تعملي مرقه لحم او فراخ حطي فص توم ني بعد ما تستوي وقبل الغرف وصفي المرق ديما قبل التقديم

10 لو عندك بسله في الفريزر عشان طعمها يكون طاز شوحيها في بصله صغيره وبهار وورقه لوري واعملي تسبيكه وحطيها عليها و بعد ما تستوي حطي قطعه فلفل اخضر وفص توم صغير فيها وسيبيها تغلي غلوه هتديها نكهه جميله

11 لما تقلي سمك اقطعي الراس بتاعته واعملي منها احلي رز صياديه مع السمك جيبي شويه زيت و بصله وحمريها جاااااامد وشويه فلفل اسود وحطي روس السمك و سيبيهم لحد ما لونهم يكون بني غامق وحطي الميه ومش تكتري وسيبيهم يعملوا مرقه وصفيها وجيبي الرز الابيض المغسول وحطي المرقه دي عليه مع الملح وسويه عادي 
12- وفى تكه غيرت خالص طعم المعجنات
انى بقيت اعجنها بزبادى بس بدل السؤال بتطلع هشه وتحففففه


13- لما باعمل تسبية الماحشى باحط الرز وابش عليه جزر واهدى النار عليه دقيقتين
فى عجينة البيتزا بخرمها بالشوكة وبعدين ادخلها خمس دقايق الفرن وبعدين اطلعها واحط عليها الحبشتكنات


14- -الفراخ قبل ما أسلقها بكون بشره بصله واحط عليها فلفل اسمر وشوية ملح صغيرين خالص وبحشي الفرخه بس من تحت الجلد يعني بين الجلد واللحم بس مش حشو كتير لا بسيط جدا مجرد نكهه وتحاولي تنشري التتبيله في كل الفرخه.. دي بتخلي الفراخ ريحتها عالنار تحفه وطعمها مختلف وخصوصا للملوخيه
وقبل ماتستوي بشويه بحط باقي البصل المبشور في الشوربه وعليه معلقه صغيره كسبرة ناشفه وممكن فص توم


15- - البسله بحط لها معلقه سكر وهي عالنار بتخليها معسله وحلوه اوي وساعات بحط نص معلقة سكر علي صلصة المكرونه وهي عالنار
- الباميه بعد ماتستوي حطي لها معلقة سمنه بلدي وشوية كسبره ناشفه وتقفلي غطا الحله عليها شويه


16- - المحشي لو هتعمليه بالسمنه البلدي يبقي بعد ما الصلصه تتسبك تحطي السمنه لانك لو حطتيها من الاول مش هيبان الطعم في الاكل
وبعد ماتدوبي السمنه في الصلصه حطي الرز عالنار وقلبيه تقلبتين في صلصه المحشي عشان يشرب من الصلصه بيكون حلو اوي


تابع القراءة

مدونة ست مصرية

 
مدونة ست مصرية © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates