حركة هتخلى السمنة العادية تبقى بلدى بسهولة جدا وبالصور

مدونة مصريين: حركة هتخلى السمنة العادية تبقى بلدى بسهولة جدا وبالصور

من زمان شفت موضوع على فتكات عن ازاي تحولي السمنة العادية او الهولندي دي لسمنة زي البلدي وفضلت مكسلة لحد ما قلت اجرب واشوف
وياسلااااااام عاللي شوفته قبل ما تشوفك عنيا

ابطل رغي واخش في الموضوع

الطلبات

علبة سمنة روابي ..جنة.. كريستال ..اي ماركة تحبيها وزن كيلو وكمان نص كيلولبن حليب بس سااااااااااايب المعلب والبودرة لأ

عشان يكون بخيره كدة ومليان قشطة لأن هوا اللي هيعمل الشغل كله
بصوا القاعدة (السمنة ضعف اللبن ) وانا قلت اجرب في كيلو عشان ابو العيال ما يبيتنيش عالسلم النهاردة هههه
هتحطي اللبن بارد والسمنة من العلبة في حلة عالنار

استني لحد ما السمنة تسيح وقلبي تقليبة

اول ما يغلوا مع بعض

غطي الحلة وهدي النار خالص وانسيه بقة شوية

بعد ساعة تقريبا هتلاقيه بقة كدة

استمري وانسيه شوية كمان

اول ما تلاقي السمنة بقت صافية والمرتة اتجمعت عالوش شيليها وطفي بقة

هاتي علبة السمنة ومصفة سلك وكبي السمنة في العلبة

و  

 ودي المورتة اللي في الحلة من تحت

هتطلعيها في الطبق وترشي عليها شوية ملح وتقطعي جنبها طماطم وخيار وتقلي بيضتين وتتعشي مع العيال
يالله ريحتك من العشا اهو ابقي افتكري الجمايل دي

وادي شكل السمنة بعد ما تسبيها تبرد خاالص

ناعمممممممه ومرمللللللللللللللله وريحتها تحفة كانها سمنة بلدي ياولااااااااااااد
وانا طبعا مكدبتش خبر وقلت اجربها واعمل بيها كيكة برتقال

طلعت هشة وريحتها حلاوة ما شاء الله اتفضلوا معايا

منقول من فتكات