0 طريقة تخليل البصل

السلام عليكم ورحمة الله وبركاته

تخليل البصل عمتو لولاloula shouman

المكونات
بصل صغير الحجم ويغضل طويل الحبه
ملح
خل
ملعقة صغيره سكر

الطريقه

ضعي البصل ببرطمان بقشره وضيفي له ملح
لكل 3 كوب ماء نصف كوب ملح
احكمي الغطاء واتركيه 10 ايام
قشري البصل ضيفي لجزء فلفل احمر حراق مفروم بعصرة ليمون
او بارد حسب رغبتك واعملي مية تخليل جديده وضيفي قليل من الخل
وظبطي الملح وملعقة صغيره سكر واغمري البصل فيها
واتركيه اسبوع وابدأي كلي منه
وبالف صحه وعافيه

ملحوظه
ممكن تتركي البصل في مرحلة تخليله الاولي شهور
وتقشري عند الحاجه وتضيفي مفروم الفلفل الاحمر
وبيكون افضل

تابع القراءة

0 الزبادى البيتي بطريقة سهلة

المكونات

1 كيلو لبن من اللبان سبق غليه ودافي

ملعقه كبير مليانه زبادي الخميره

الي هتحول اللبن الى زبادى

الطريقه

اضربي اللبن مع الخميره في الخلاط

صبي الخليط في اكواب زجاجيه او كل الكميه في بوله او طاجن

وممكن طواجن صغيره الحجم

جهزي صينيه عاليه الجدران بها ميه دافيه او سخنه شويه 

رصي الاكواب في الصينيه بحيث الميه تصل لنهايه كميه اللبن في الاكواب

غطي الصينيه بفويل وبعدين غطا

اتركيها في مكان دافي 5 ساعات او اكثر حسب حرارة مطبخك

وممكن تولعى الفرن 5 دقايق وتطفيه وتدخلي الصينيه فيه

اول الزبادي ما يربط غطي الاكواب بكلنج فيلم ودخليها التلاجه

الزبادي البيتي اطعم وانظف وخالى من المواد الحافظه

وارخص في السعر بكتير جدا

لو عاوزه الزبادي لايت

اغلي اللبن واما يبرد دخليه التلاجه يوم

وشيلي القشطه من على وش اللبن

واتبعى نفس الخطوات السابقه

لو عاوزه الزبادي بالفاكهه

الفاكهه تكون بحررة المطبخ

قبل ما تضربي الخميره مع اللبن الدافي اضربي الفاكهه الي بتحبيها ضرب بسيط خليها واضحه

وفي الحاله دى زودي الخميره يعنى كوب زبادي لكل كيلو لبن مضاف له ربع كيلو فاكهه

وكملي خطوات الزبادي عادى وبعد ما يجمد دخليه التلاجه وقبل الاكل ضيفي قطع فاكهه

على وش الزبادي ومن نفس نوع الفاكهه الي ضفتيها

ملحوظه مهمه جدا

الزبادي بيحفظ في التلاجه 3 ايام فقط

وبالف صحه وعافيه

منقول عمتو لولا شومان

تابع القراءة

1 ميلك شيك الأوريو

الموضوع للعضوة فتاة المهمات الصعبة

منتدى فتكات

6 بسكوت اوريو

3 بولات ايس كريم شيكولاتة ممكن فانيليا لو تحبى

نصف كوب لبن ساقع

معلقة كاكاو بودرة

سكر حسب الرغبة(انا مش بحط سكر)







تحطى كله على بعضه فى الخلاط

بس متنسيش تكسرى البسكوت علشان سكينة الخلاط متتكسرش 





عند التقديم

باحط بسكوت اوريو وقطعة سنيكرز


واصب الميلك شيك واستمتعى بطعم الشيكولاتة والبسكوت
























يمكنك ايضا قراءة:

طريقة عمل الباذنجان المخلل بالصور

طريقة عمل السحلب فى البيت

طريقة عمل التومية

طريقة تخليل الزيتون

طريقة تخليل الباذنجان الاسود بطريقة نجلاء الشرشابى

عصير المانجو زى بتاع المحلات بالظبط

تابع القراءة

0 طريقة عمل الباذنجان المخلل بالصور

باختصار انا جيبلكم طريقة عمل الباذنجان المخلل بالصور
لذيذ جدا وسهل فى نفس الوقت

اولا بنجيب الباذنجان ونشيل العنق بتاعه ونغسله ونحطه فى حلة مع شوية ميه عشان نسلقه
وادى صورته




وبعدين نسيبه حوالى عشر دقايق وهيكون اتسلق وبقى تمام وللى بيحبوه طرى جدا سايح يعنى يزودوا شوية فى السلق وتطلعى واحدة وتظغطى عليها لقيتيها زى ما انتى عايزة اطفى النار وحطي الباذنجان فى مصفاة عشان تبرد زى ما فى الصورة


وبعدين بقى على الباذنجان ما يبرد نجهز الحشو اللى هو عبارة عن ثوم + فلفل احمر بس انا مكنش عندى فلفل احمر جامد كان نصفه اخضر على احمر بس نفع وطلع المخلل جميل

اهو

الخلطة دى هنطحنها فى الكبة وبعد ما تطلع نحط عليها معلقة صغيرة ملح زى الصورة كده




الباذنجان طبعا هيكون برد نجيب واحدة واحدة نفتحها ونبدا نحشى بالخلطة



ودى الكمية كلها بعد ما حشتها



و


بعدها حطيت عليها ميه بملح
الملح يكون زيادة سنة صغيرة
وتسبيها ليلة كاملة برة الثلاجة
وبعدين تانى يوم تحطيها فى الثلاجة
وتستنى عليها شوية انا استنيت اسبوع
بس طلع تحفة

منقول

تابع القراءة

0 طريقة عمل السحلب فى البيت

بمناسبة موجة السقعه دى اللي مش عارفين حتنتهي امتى تعالوا نعمل بودرة السحلب اللي بنشتريها من العطار في البيت واهي تبقى أضمن وأطعم وأوفر من اللي بنشتريها
المشروب الشتوي
السحلب البيتي
*************
المكونات :
نص كوب سكر بودر
نص كوب لبن بودر
نص كوب دقيق أرز أو نص كوب أرز مطحون
4 معالق نشا
2 أكياس فانيليا
سمسم ومكسرات وجوز هند حسب الرغبه

الطريقه :
بنضيف كل المكونات علي بعض ونقلبهم كويس ونحفظهم في برطمان محكم الغلق في التلاجه
وناخد منهم وقت ما نحب ونعمل زي السحلب العادي بقي باللبن يعني حوالي5 معالق أو أقل على حسب السمك اللي تحبيه علي 3 كوب لبن ونفضل نقلب علي النار بالمضرب اليدوي عشان مايكلكعش ولما يتقل ننزله في الكوبايات ونزينه السمسم والمكسرات
وألف هنا

منقول

تابع القراءة

0 طريقة عمل التومية

التوميه اللذيذه

 

 وأحلى من بتاعة المطاعم كمان

الطريقه:

كوب ماء+ 2ملعقة ك نشا حندوبهم كويس ونحطهم على النار مع التقليب المستمر لحد ما تتقل ويبقى لونها شفاف
نسيبها تبرد شويه وبعدين نحطها في الخلاط مع 4ملاعق ك مايونيز ونص ملعقه صغيره توم مفروم ورشة ملح واضربهم كويس
وقدميها مع المشاوي أو حتى ساده
وبألف هنا 

 

 

تابع القراءة

0 طريقة تخليل الزيتون

السلام عليكم ورحمة الله وبركاته

وقت تخليل الزيتون السنوي

الزيتون هذه الايام اكثر من رائع
وكل الانواع نزلت السوق

طريقة تخليل الزيتون

الزيتون العزيزي
شققت الزيتون 3 شقوق لانى عاوزاه يتخلل بسرعه
لو عاوزه تخزنيه اعملي شق واحد او من غير شقوق
نقعت الزيتون 3 ايام مع تغيير الميه لا يقل عن 4 مرات يوميا

وقبل التخليل بليله بيت مية التخليل علشان الكلور يخرج وما يهريش او يطري الزيتون
وبدات اخلل دوبت ملح خشن في ميه ولكل 3 كوب ميه كوب ليمون معصور

 وربع كوب خل
الملح كتير انا عاوزه الملح يدخل في الزيتون ويقلل المراره
وفي برطمان صغير وباعمل اكتر من برطمان الصغير افضل بكتير
نزلت الزيتون مع فلفل طويل اخضر سليم وعلى الوش حشرت قشر الليمون كويس جدا حتى عنق البرطمان
وزودت الميه لقبل انتهاء الزيتون ب 5 سم لان الزيتون هينزل ميه
وقفلت البرطمان وتحته طبق علشان لو نزل ميه وتركته
وبعد 3 اسابيع لو في العمر باقيه هاغير الميه بنفس الميه الي خللته فيها
وحفظتها في زجاجه ميه وموجوده الصوره بتاعتها
وهيكون قرب يتخلل هاغير الميه المره واضيف الميه وبعد 10 ايام هيكون اتخلل
وممكن تزودى او تقللي الملح براحتك بعد ما يتخلل بانك تغيري الميه وبلمون وملح وخل

وبنفس الطريفه

الزيتون التفاحي

بادق على الزيتونه جوه كيس بالشاكوش دقه واحد قويه فبيتفتح وممكن البذره تخرج
ولازم جوه كيس علشان الميه المشبعه بالزيت بتطير في الجو وممكن تبوظ ملابسك او المطبخ
وبانقعه وبنفس الخطوات النقع وتغيير الميه
وفي برطمان وفي القاع بانزل كرفس مقطع وعليه جزر وتوم سليم ومشرط وليمون مقطع رفيع وعشوائي
وبعدين زيتون وهكدذا طبقات واحشر قشر الليمون
وبنفس الخطوات السابقه
وبيتخلل اسرع لان نسبة المراره فيه اقل بكتير من العزيزي
لو عاوزه تخزنيه خليليه في ملح كتير وليمون واتركيه شهور والمهم في مكان ما يكنش سخن

تكه مهمه جدا في تخليل الزيتون بعد الزيتون ما يبطل ينزل ميه ضيفي على الوش زيت سبق غليه
علشان الميه ما تتبخرش ويعفن وينشف وضيغي كميه مش قليله غطي الوش تماما

ويارب ما اكنش نسيت حاجه وعلى العموم لو افتكرت حاجه هاضيفها
على نفس التعليق

وبالف صحه وعافيه يارب
وكل سنه وحضراتكم طيبين

تابع القراءة

0 طريقة تخليل الباذنجان الاسود بطريقة نجلاء الشرشابى

• 1 كيلو باذنجان أسود عروس مسلوق 
• 
  
•      رأس ثوم – ملح                                          
•   1 كوب ماء مغلي
• 1 حزمة كرفس  يمكن الاستغناء عنها                                           1/2 زيت
• 1/4 كوب من الخل أو الليمون                      
•     قليل من الشطة حسب الرغبة
• 
  
• كمون

الطريقة :

1-نضع كل المقادير فى الكبة او الخلاط الثوم والملح والكمون والفلفل الاسود والفل الحامى والخل والليمون

2- يغسل الباذنجان المسلوق وينزع  راس الباذنجان

 و يحشي بالخلطة السابقة

وهو ساخن

3- يوضع الباذنجان في برطمان ويصب عليه باقى المزيج السابق اعداده حتي يغمره تماما .

5- يغطي السطح بالزيت ثم بغطاء البرطمان .

-

تابع القراءة

0 عصير المانجو زى بتاع المحلات بالظبط

المقادير

3مانجو ناضج____

سكرحسب الرغبه___

ماء مثلج ــــــــــــــ

السر2 ملعقه كبيره تانج برتقالـ ـــــــــــ

(بيخلي العصير لونه وطعمه حلوووو اوووي
ومهما قعد عندك لونه ميغريش ابدددددددددا)

الطريقه

جيبت المانجو وقشرتها

معلومه لسهوله قشرها بحطها فى الفريزر عادى كتخزين

وبقطعها لما بتخرج من الفريزر ع طول

قطعتها كلها بالسكين حتى البذره تبعها بعملها بالسكين

و قطعت واحده فقط مكعبات وضيفت لها 2 ملعقه سكر تقريبا

وسيبتها شويه ع بال ما عصرت الباقى عاادى وهقولكم ليه

بعد ما ضربتها كويس مع التانج

جيبت المانجو المقطعه دى وضربتها نص ضربه

المهم تكون قطع مش عصيروضيفتها ع الباقى

واحلى كاس عصيرلاحلى حبيبات فى المنتدى

الموضوع للعضوة:ام صفية

من فتكات

تابع القراءة

0 طريقة عمل القمر الدين بالتفصيل

المقادير:
====
لفة قمر الدين اللى وزنها تقريبا نصف كيلو - أربع أكواب ماء - ربع كوب سكر - ملعقة كبيرة ماء ورد “مورد” - صنوبر منقوع قبلها بساعة لو متوفر - نعناع أخضر للتزيين

التحضير:
====
- قطعى عجينة قمر الدين قطع صغيرة وانقعيه فى نصف مقدار الماء (كوبين) وسيبيه فى الثلاجة بالليل.
- فى حلة صغيرة سخنى باقى الماء (كوبين) مع نصف كوب السكر مع التقليب المستمر لغاية ما يدوب السكر تماما.
- فى الخلاط حطى قمر الدين المنقوع مع الماء بالسكر واضربيهم كويس لغاية ما العصير يتجانس.
- ضيفى ماء الورد فى الآخر وعند التقديم ضيفى الصنوبر المنقوع لو متوفر والنعناع للتزيين وبألف هنا وشفا على قلوبكم

--------------

اما بقى لو حبيتى تعمليه بنفسك فى البيت




المقادير:
====
كوبين مشمش مفصص ومقطع - عصير ليمونة واحدة - ربع كوب ماء - ربع كوب سكر

التحضير:
====
- سخنى الفرن على أقل درجة حرارة.
- فى حلة على نار عالية حطى المشمش والماء والليمون وسيبيهم لحد الغليان.
- لما المشمش يبدأ يطرى ضيفى السكر بالملعقة واحدة واحدة وقلبى كويس، ودوقى باستمرار لغاية مايبقى السكر مظبوط حسب الرغبة.
- وطى النار خالص على الحلة وسيبيها عشر دقائق كمان.
- بعد كده اضربى الخليط فى الخلاط لغاية مايتجانس ويبقى عجينة.
- حطى ورق زبدة فى أرضية صينية وافردى فيها العجينة.
- دخليها الفرن على النار الواطية لمدة ٤ ساعات هتلاقى العجينة اغمقت ونشفت وبتلزق فى الإيد.
- لفى قمر الدين فى ورق الزبدة وشيليه فى الثلاجة فى علبة مقفولة كويس لحين الاستخدام، وبألف هنا وشفا على قلوبكم  

تابع القراءة

0 البطاطس الفريسكاس بالصور

البطاطس الفريسكاس

تابعوا معايا الطريقه:

اول حاجه بقطع البطاطس صوابع (يحبذ انها تكون تخينه شويه) وانقعها فى ميه ورشه ملح ربعايه كده


وبعدين اقليها نص قليه..بس
ونطلعها ونسيبها تبرد


ابتدى اجهز باقى مكونات الخلطه بقا
او جزء :
دقيق+(كورن فليكس مطحون او بقسماط او فيجتار)+كركم+رشه توم بودر+بصل بودر +زعتر+ملح وفلفل اسود
-

تانى جزء:
بيض مع رشه ملح وفلفل مع معلقه ميه ونخلطهم مع معلقتين دقيق ع حسب مايحتاج القوام
قوامها يبقى متوسط يعنى لاتقيل اووى ولا خفيف ميه
-

اول حاجه بحط البطاطس فى خلطه الدقيق واغلفه
-

وبعدين فى خلطه البيض تمام كده وبعدين ارجعها فى خلطه الدقيق تانى
-

واقليها فى زيت سخن غزير ومقلبهاش غير لما الجنب الاول يقرمش معاكى تمام
-

ودى النتيجه بجد ماشاء الله طعمها فظيعه وتتاكل لوحدها او جنب اى حاجه تحبيها ومش مكلفه
-

منقوول

تابع القراءة

0 اسهل واطعم أرز باللبن زى المحلات بالظبط

السر بتاع المطاعم انهم بيسلقوه فى اللبن وبيحطوا عليه بسحلب
والسحلب اصلا طعمه وريحته جميله
فأنا قلت عشان اضمن سوى الرز
غسلته كويس بميه سخنه من السخان مش بارده وسبت عليه الميه السخنه لحد مابقت الميه صافيه والرز باين وصفيته كويس
وطلعت كيس اللبن من الفريزر

كيلو لبن استخدمت معاه نص كوباية رز المهم سخنت اللبن على نار هاديه

تمام نار هاديه و حطيت عليه الرز وكل شويه اقلب لحد ما اللبن غلى كويس والرز جواه طبعا وبعدين لاقيت الرز ابتدى يستوى فرحت اوى قمت قفلت النار وسيبتهم ساعه قلت عشان اضمن خااااااااالص سوى الرز وبعد ساعه فتحت النار عليه تانى وضيفت عليهم معلقتين او تلاته كبار سحلب مدوبين فى شوية ميه ع البارد مع نص كوب سكر وضفتهم وقلبت لحد ماوصلت للقوام المطلوب وقفلت وحطيت كيس فانيليا وقلبت

ونستمر فى التقليب باستمرار عشان الرز مايلزقش بس واسيبه معتش اقلب عشان يعمل وش حلو كده

وانصحكم بدل كيس الفانيليا استبدلوها بالفانيليا السايله جميييييييييله جدا
وصبى وحطى فى التلاجه ودوقى اجمل ررز بلبن بس يستحسن تغطى عليه فى التلاجه زى الجاهز كده عشان وشه مينشفش ان شاء الله

هقولكم بقى على شوية تكات تخلى الطعم احلى ان شاء الله

1-اخت جوزى كانت محوشه كميه كبيره من وش اللبن ولما عملت الرز بلبن ضافت كميه محترمه منه وطعمه كان رهيب

بس الافضل طبعا انكم تطلعوه قبلها بيوم يفك فى التلاجه وبعد ماتقفلى على الرز بلبن وتحطى الفانيليا تقومى حطه وش اللبن او القشطه وتقلبى حلو وتغرفى طبعا الطعم هيكون اغنى واحلى

2- الزبيب تنقعيه شويه فى ميه 5 دقايق تطريه وتضيفيه اثناء تسوية الرز بلبن قبل ماتحطى السحلب بيكون طعمه اجمل
بس لسه مجربتهاش

بعض الاخطاء اللى ممكن تقعوا فيها:

1- الرز بتضفيه للبن من الاول خااااااااالص يعنى تجيبى اللبن من اللبان وتحطيه ع اللبانه مع الرز
ولو كسلتى وحطتيه فى الفريزر عادى سبيه يفك شويه على النار وحطى معاه الرز

2- من فضلك النار تكون واااااااااطيه كانك بتسوى الرز العادى كده ليه بقى؟
عشان لو عليتى النار لما يجى يغلى للاسف الرز هيكون لسه نى
واحنا عاوزين الرز يستوى براحته خاااااااااالص

3- متقفليش خالص عليهم الا لما اللبن يغلى عشان تضمنى سوي الرز  وانه تمام ساعتها اقفلى وسبيه شويه

4 - ارجعى افتحى النار عليه تانى والاحسن انك تضيفى  سحلب زى ما قلت قبل كده وساعتها على النار براحتك مش لازم توطيها احنا كده خلاص ضمنا ان الرز استوى

وفىناس تحب تحط نشا لو كده ماتكتريش كفاية معلقة


اقول بقى الاضافه الجديده :

طبعا سمعنا كتير عن موضوع الكريمه اللبانى وانها بتدى طعم كريمى وبتعزز من طعم الرز بلبن
طب انا فكرت فى حاجه احسن واوفر وخصوصا ان كريمة الخفق بتكون غاليه
عملت اييييييييييه؟
جبت ربع كوباية كريم شانتيه بودره وضربتهم بالمضرب كويس اوى مع ربع كوباية لبن مثلللللجه لحد ما نفشت وبقت تمام
وبعدها حطيت عليها كام معلقة قشطه كنت محوشاها من وش اللبن بتاع 3 معالق كبار او زى ماتحبى وقلبتهم مع بعض بالمغلقه مش بالمضرب لحسن تتحول لذبده
المهم خلاص قوام الرز بلبن اتضبط
قفلت النار وضفت الفانيليا السايله ومعلقة كبيره مية مورد واللى عرفته من فتوكه ان ماء الزهر بيكون اجمل لسه مجربتوش
وبعدها ضفت الكريمه بتاعتى وصبيت فى الاطباق
وقمت صبيت فى برام صغير كده قصدى طاجن فخار صغنون وحطيت على وشه الباقى من الكريمه وركنته على جمب لحد ما ولعت الشوايه وحطيته تحت الشوايه ياخد لون دهبى جميل
وحطيتهم فى التلاجه لتانى يوم وغطيت عليهم طبعا
وكانت النتيجه زى الجاهز واجممممممممممل ولله الحمد
حبيت اقولكم على اضافتى
وفيه حاجه كمان لسه مجربتهاش
انك تنقعى شوية زبيب فى مية زهر وضيفهم اثناء تسوية الرز بلبن بيقولوا بتطلع جميله لسه مجربتهاش
وناس تانيه بتضيف حتة زبده وبرده مجربتهاش
ياريت اللى جرب يقولنا النتيجه
منقول

تابع القراءة

0 اعملى لانشون من غير لحمة خالص وصحى اكتر

المقادير

5بيضة
5قطع جبنه مثلثات
5معالق دقيق
نص كوب زيت (نوع كويس)
3 فص ثوم
3 حبات حبهان
2 مكعب مرقه دجاج
ملعقه صغيرة فلفل اسود صحيح

دم الغزال(لون من العطار) تضعي كمية قليلة في حجم رأس عود الكبريت

وممكن تحطى بدل دم الغزال بابريكا تدى نفس اللون

الطريقة

تحطي كل المكونات في كاس الخلاط وتضرب

هم جيدا علشان تتاكدي ان المرقه اتفتت والمكونات امتزجه ببعض
بعدها تحطي الخليط في كيس طويل زي الكيس الي بيكون فيه الجلاش او الاكياس الي بتكون فيها التوابل
نتاكد ان الكيس مفهوش هواء خالص يعني نخلي الكيس حول الخليط وماتسبيش فرغات علشان ما يفرقعش
احتياطي ان بحطه في كيس او 3 واقفل كل واحد كويس
وفي دلوقتي كبايات مخصوص في السوق للانشون لو عندك يكون افضل
نحط الخليط في حله مليانه ماء مغلي علي النار ونسيبها لمدة ساعة ونص
بعدها نطلعها نسيبها تبرد ونحطها في الثلاجه 

منقول

تابع القراءة

0 بطاطس بيوريه بالبيض المقلى والبقدونس

المقادير:
======
نصف كيلو بطاطس - ملعقة زبدة - حزمة بقدونس مفرومة - فصين ثوم مفرومين - 4 بيضات - ملح وفلفل

التحضير:
======
- اغسلى البطاطس واسلقيها وقشريها

- فى طاسة كبيرة أو حلة اهرسى البطاطس مع الزبدة والثوم والبقدونس

- حطى الحلة على النار وضيفى البيض على البطاطس مع التقليب المستمر لغاية 

مالبيض يستوى وبالهنا والشفا 

* تقدم مع السلطة الخضراء *

تابع القراءة

0 المكرونة بصوص الجبنة

النهاردة جايبالكم وصفة للأكلة الأشهر والأفضل للأطفال في بلاد كتير قوي علشان فيها 

عناصر مهمة بتزود من طاقة الطفل، الماك أند تشيز او المكرونة بصوص الجبنة 

وجبة سهلة وسريعة ومليانة كالسيوم وكمان تنفع للأطفال من سن سنة 

المقادير: 

=====

- نصف باكو مكرونة مرمرية (أصغر حجم) أو خواتم، على حسب سن الطفل وقدرته على المضغ.

- نصف ملعقة كبيرة زبدة أو زت زيتون (زيت الزيتون صحي اكتر)

- ثلث كوب جبنة شيدر مبشورة أو متقطعة صغير.

- مثلثين جبنه (اهريسيها بالشوكة) أو ملعقتين كبيرتين جبنة كوبايات (كريمة سبريد ).

- نصف كوب لبن.

- ملعقتين صغيرتين دقيق.

- ممكن تضيفى: ملح، فلفل، خلطة بهارات حسب الرغبة وعمر طفلك. كل ما تقللي الملح لولادك كل ما يكون احسن لصحتهم.

التحضير :

=====

المكرونة:

- هتحطى المكرونه فى مياه مغليه و تسلقيها

صوص الجبنة:

- هتخلطى نصف كمية الدقيق مع اللبن و تقلبيهم كويس.

- في طاسة سخني الزبدة/الزيت وضيفي باقي الدقيق وقلبي لحد ما يبدأ لونهم يصفر،

 ضيفي خليط اللبن بالدقيق

واحدة واحدة وأنتى بتقلبي لمدة خمس دقائق

- هتزودي الجبنة الشيدر و المثلثات وتقلبى لمدة دقيقتين وبعدين تطفي عليه.

دلوقتي اخلطي صوص المكرونة والجبنه في طبق بايركس أو طاجن (أو أي طبق ينفع تدخليه الفرن).

هتدخليه الفرن لمدة 20 دقيقة.

تابع القراءة

0 البيتزا والمعجنات الحلوة بعجينة العشر دقايق بالتفصيل

[quote=ام الوردتين الحلوين;123216773]

اولا العجينه عجينة 10 دقايق بتاعة الشيف لطيف ده بئت عندى قاعده فى كل عجينه ناجحه انا بعملها المقادير
انا عملت المقادير الاى تناسبنى بصو عملت
3 كوب دقيق
كوب ونص ماء دافى
معلقة خميره
نص معلق صغيره بكنج بودر
كيس لبن نيدو الاى بجنيه ده
2م ك سكر
نص م ص ملح
ربع كوب زيت وكله بنفس الكوبايه

طبعا هنقسم الدقيق كوب دقيق مع كل المكونات الالجافه الاى فوق ونحط المايه الدافيه ونسيبه يخمرو ما بين 15 الى 20 دقيقه
بعد كده نحط الكوبين الاى فضلين من الدقيق ولزيت واعجنى اعجنى لحد ما العجينه تبئه طريه ولينه ومفهاش اى خروم تكون ملساء افضلى اعجنى لحد ما توصل للشكل الناعم وسيبها ترتاح شويه وشكلى بئه
وتقطعى كده وتحسى ذى ما انتى عايزه
ده انا حشيتو كفته كانت عندى من اكله تانيه حطيت ما يونيز وصلصه جبنه وكفته وقفلتو زى السندويتش الفينو وطبعا على الوش سمسم او بيض بلبن تمسحى بيهم فى الكفته محطيتش سمسم انما البقى حطيت على وشه سمسم
وده كمان كفته بس اضفاتو مختلفه
بس والبتزا بئه الصلصه انا بحمر تومه قوى واحط عليه عصير طماطم واسبكهم وبعدين افرد العجينه واحط الصلصه واحط البصل ترنشات وزيتون وفلفل وطاطم وفراخ شرايح او سلامى او سوسيس اى حاجه وجبنه رومى وجبنه موتزريلا

ده بالسلامى بس كده وعملت كمان بالشوكلاته النوتلا
بس وده شكلهم
وده كمان

منقول من فتكات

تابع القراءة