0 طريقتى فى تفريز أكل الاسبوع الجاهز على التسوية بالصور

الصنف الثاني
صينية الفراخ في الفرن



بغسل الفرخة كويس اووي
واتبلها وادخلها الفريزير وتطلع علي التسوية مباشرة


الصنف الثالث
صينية السمك ومعاها سمك مقلي

جبت السمك وغسلته نضفته كويس
وتبلته وقسمته جزءين جزء قلي
والجزء التاني هعمله صينية
وبكدة هطلعهم عالطول الصينية تدخل الفرن وهقلي السمك واعمل الرز وخلاص


الصينية طريقتها بسيطة جدااا

بقطع الخضار في الصينية بصل وفلفل وطماطم وجزر

وارص السمك المتبل وفوقيه طبقة تانية خضار واحط التوابل ملح وفلفل وكمون
وفصين توم

وده شكلها النهائي
واشيلها كدة في الفريزير
واول مطلعها بعصر عليها ليمون واحط شوية زيت وربع فنجان مية وتدخل الفرن


الصنف الرابع الحمام المحشي

بحشية واطلعه اسلقة واعمل جنبة ملوخية وسلطة وخلاص
ودي طريقة حشو الحمام
بغسل الحمام كويس

بقطع كبد وقوانص عندي في الفريزير قطع صغيرة

بقطع بصلة واسيبها تحمر شوية في زيت زرة
واضيف عليها الكبد والقوانص
واسيبها لحد ملونها يغمق وكل شوية اقلبها

اضيف الرز المغسول وملقة صلصة وواحدة فلفلة خضرا وده اختياري والتوابل وربع فنجان مية
واخلي الرز نص سوا عشان هيكمل تسويته مع الحمام

ده شكل الرز الحشي بيه الحمام
.
وهنا حشيته خلاص وبدأت ادخله الفريزير خرجته اصوره وارجعه تاني مكانة اصلي كنت نسيت


الصنف الخامس
السمبوسة باللحمة

ودي بعمل جنبها بطاطس محمرة وسلطة
وبعمل العجينة بطريقة الشيف لطيفة بصراحة نتيجتها روووعة
وبعصج اللحمة واحشي العجينة وبس كدة
مطلعلكم الست وتعباها من الفريزير عشان اصورهلكم
منقول من فتكات

تابع القراءة

0 فطائر لحمة من مطبخى روعة

وصفتنا انهاردة هي (فطائر باللحمة المفرومة)
و دي صورتها للتشويق يم يم

كان عندي كمية من اللحمة المفرومة و عاوزة اعملها بطريقة جديدة و ممتعة
و بجد طلعت قمة في الجمااااااال و هشة جدا
يلا نشوف المكونات
3 كوب دقيق
معلقة كبيرة خميرة فورية
معلقة صغيرة ملح
نص معلقة صغيرة بيكنج بودر
2 معلقة كبار سكر
نص كوب زبادي
ربع كوباية زيت ذرة
كوباية ماية دافية
الطريقة:
نجيب طبق و نحط فيه كل النواشف و بعدين نضيف الزيت و الزبادي
و نقلب كل المكونات دي مع بعض كويس جدااااااااااااااا
و نحط الماية لحد ما العجينة تبقي مش بتلزق في الطبق
((انا بعجنها بايدي مش بالالة))
و في طريقتين للتخمير :
اول حاجة طبعا تغطي العجينة بفوطة مطبخ نظيفة و تحطيها في مكان دافئ
و تاني طريقة انك تكوني مولعة الفرن و يكون دافئ
لا سخن اوي و لا بارد اوي و تحطي الطبق فيه
و هتخمر لمدة ساااااااااعة
******الحشوة******
نجيبطاسة و نحط فيها شوية زيت مع بصلة مقطعة مكعبات صغيرة
و نضيف اللحمة المفرومة و الملح و الفلفل الاسود و الكمون و الشطة و البقدونس

بعد ما العجينة اختمرت شكلتها كرات بحجم البيضة تقريبا
و حشيتها باللحمة بتاعتنا شوفوا الصور




و بسطتها بايدي لتتحول من كرة لشكل مستطيل زي كدا :


و بعد ما الكمية خلصت حطيتهم في صينية


و عملت بسكين حاد بعض الفتحات


هنا قبل دخولها للفرن

و سبتها تخمر لمدة ربع ساعة
و دهنتها بالبيض و عليه شوية ماية و سمسم
وندخلها الفرن
و هنا اول ما طلعت و ريحتها تححححححححفة

اتفضلوا مدوا ايديكم


يا رب يكون موضوعي نال اعجابكم
و متنسوش التقييم يا فتووووووكات
انا عارفة ان انتوا كرما و هتقييموا
في امان الله و حفظه


منقوووووووووول

تابع القراءة

0 قرص بالزبدة واللبن بالصور من مطبخى

بسم الله الرحمن الرحيم
طريقتى فى القرص بالزبدة واللبن ومالقوش عالطعم ماشاء الله روعة
وكمان خفيفة عالمعدة علشان كمية الزبدة بالنسبة للدقيق قليلة والحمد لله باكلها لابخاف من الحموضة ولاالسعرات الحرارية
وانا بعملها بالسكر يعنى طعمها بيقى مسكر يابنات جوزى وولادى بيحبوها كده
لكن ممكن تنفع من غير اضافة السكر ونكتفى بمعلقتين كبار يتحطوا مع الخميرة لما اذوبها

المقادير

5كيلو دقيق
كيلو زبدة
2لتر لبن
2كوب ماء دافى تحت الطلب ممكن تحتاجيهم كلهم او نصهم حيب الدقيق
قطعتين خميرة بيرة فى حجم عين الجمل

معلقة صغيرة ملح

3/4 كيلو سكر وممن الاستغناء عنه للى مش بيحبها مسكرة

ولو عندك قشطة من اللى بتحوشيها من وش اللبن يبقى تمام قوى

الطريقة

احط الزبدة فى حلة عالنار يادوب تفك من غير ماتتقدح ولاتسخن
دافية بس اقدر احط ايدى فيها

وادفى اللبن
وادوب فيه السكر ولو عندك قشطة حطيها مع اللبن تتدفى معاه

ادوب الخميرة فى شوية لبن او مية دافين وشوية سكر واتركها على جنب تخمر

وانخل الدقيق واحط عليه الملح

ابدأ باضافة 3/4 كمية اللبن عالدقيق والف العجينة من غير ماألتها ولااعجنها يادوب تتلف تتشرب اللبن اضيف الزبدة الدافية والف بيها العجينة والمها كويس لو قيتها لسه فيها دقيق ضيفى باقى اللبن ولفى لواحتاجت سائل تانى كملى بالمية الدافية

هيكون ده شكلها العجينة ماسكة نفسها وناعمة لاجامدة ولاطرية
ده شكلها



تسوى وش العجينة كده





وتغطيها ببلاستيك




وخليها على جنب مش هنسيبها تخمر لا يادوب على ماتجهزى اللى الصاجات

هتكوريها باديكى ده شكلها من تحت




وكمان منظر ناعمة خالص


وده شكلها من فوق



يعنى تقرصيها تعملى الكمية كلها وده شكلها لما تقرصت كلها بتسيبى فرق بسيط علشان لما تخمر



وتخلى جنبك مشمع تغطى بيه الجزء اللى تقرصيه علشان وشها مايقشفشى ولما تخلصى الكمية كلها
تتغطى بالكامل بالمشمع
وتبدأى تبططى القرص ابدأى بأول اللى قرصتيه هتكون رفعت شوية ده شكلها
بالشكل ده


وبتتفرد بسهوله

وده شكلها لما تتبطط





سمكها حوالى سم





ودى صوابع لأبنى الغير بيحبها بالشكل ده علشان يحطها فى اللبن
واغطيها واسيبها تخمر
وده شكلها لماخمرت





ارصها فى الصاج اللى هخبز فيه انا ببقى عاملة كمية كبيرة فماعنديش صيجان كفاية
فبرصها على صوانى لغاية ماتخمر وانقلهم فى الصاج لما اجى اخبز واحط الصاج اللى رصيته على البوتوجاز واشغل الفرن عقبال مايسخن تكون القرص رفعت كويس ادخلها الفرن واجهز صاجين تانين واحطهم عالبوتجاز لغاية اللى جوه مايطلعوا
اشكشكها بالشوكة علشان ماتقبش قوى وهى بتتخبز وكمان بيبقى شكلها حلو




بتاخد حوالى تلت ساعة على درجة حرارة 200 وكل واحدة حسب فرنها
هى بتتخبز زى العيش مش الكيك يعنى حرارة مرتفعة شوية
وده شكلها لما خرجت من الفرن


ماشاء الله عالريحة واللون





ودى من جوه هشة وخفيفة





وده طبق للحبايب اللى هيدخلوا بردوا ويقيموا
علشان بجد تعبت فى كتابة الموضوع ورفع الصور
ومن قلبهم فى العجن والخبز






واللى حاسة ان الكمية كبيرة تقسم المقادير
وان شاء الله تجربوها وتعجبكم 


منقول

تابع القراءة

0 نصائح منزلية مهمة

نصــــائح منــــزلية :

خدوا بقي النصايح دي وادعولى

1 . حطي في ملاحة الطعام .. كام حباية رز عشان الملح ميتجمدش منك في ايام الرطوبة

2 . لو عندك شرابات بيضاء اللون .. عاوزاها تبقي زي الفل ..

انقعيها الاول نص ساعة في ماية سخنه ومعاها لمونة متقطعة شرائح .. هتفرق كتير في النضافة

3 . لو بتستعملى شموع في بيتك و حابة انها تعيش و تقعد فترة اطول و متخلصش بسرعة .. حطيها قبل الاستخدام بفترة في الفريز . كده هتعيش معاكي اطول

4 . لو جبتي جزمة جديدة ليكي او لحد من اولادك او حتي جوزك و اكتشفتوا انها بتعمل صوت اثناء المشي ( بتزيأء) هاتي زيت و دفيه او سخنيه و هاتي قماشة و ادهني النعل و الجناب بيه .. والصوت هيختفى تماماً

5 . لو حطيتي كوبايتن جوا بعض و معرفتيش تخرجيهم .. حطي الكوباية الي تحت في ماية سخنه جدا .. و صبي في اللي فوق مايه ساقعة جدا . هينفصلوا بسهوله

6 . لو بتستعملى مفرمة لحمة في البيت . و حابة انك تنضفيها يسهولة ..ومن غير ما تسيب اثر لريحة اللحمة فيها .. بعد ما تخلصى الفرم هاتى قطعة عيش ناشفة و افرميها جواها .. و اغسليها . هتلاقي غسيلها سهل و مفيش روايح

7 . لو الانترية او السجادة او اي مفرش عندك اتبقع . اتعاملى مع تنضيفة بطريقة الضغط .. مش الدعك . لانك لو دعكتي البقعة هتنتشر و تكبر اكتر .. انما هتجيبي فوطة نضيفة و فيها المنضف بتاعك و تضغطي مرة ورا مرة لحد ما البقعة تختفى تدريجيا .

8. لو عندك دهون في البوتجاز صعبة التنضيف .. هتجيبي ماية دافية و نقطتين سائل تنضيف الصحون و 3 معالق كبيرة خل .. هتفرق معاكي كتير و بدعكة خفيفة الدهون هتنضف .

9 . عشان تقللى كتير من ريحة السمك المقلى جوا البيت .. حطي في الزيت الي هتقلى فيه نص لمونة او او نصيين . هتقلل من الريحة كتير

10 . لو عندك في التلاجة صدا او خدش مشوه شكلها نضفى المكان المخدوش او المصدي كويس و هاتى منوكير ابيض او كوريكتور و ادهني المكان ده و سيبيه ينشف .. و هتلاقي الشكل بقي احلى كتير من الاول

تابع القراءة

0 قبل ماتفطمى ابنك أو بنتك اسألى

هناك العديد من البرامج المقترحة للفطام اعتمدها أطباء الأطفال واختصاصيو التغذية اخترت منها ما يلي:

أولاً: برنامج شهري

عمر الطفل (بالشهر) الأغذية المقترحة

1 ـ 4 لبن الأم فقط.

4 ـ 6 مستحضرات الحبوب المطبوخة مثل القمح والأرز.


6 ـ 7 عصائر خضراوات طازجة مصفاة وتشجيع الطفل على شرب اللبن البقري بواسطة الكأس.

7 ـ 8 عصائر وفواكه طازجة.

8 ـ 9 البدء في إعطاء الطفل أغذية يمسكها بيده مثل البسكويت والموز وأغذية مهروسة

بالخلاط.

9 لحوم وعصائر ثمار الحمضيات الطازجة.

10 صفار البيض وأغذية مطبوخة يمكنه بلعها.

12 البيض بكامله وجميع الأغذية العادية على مائدة الطعام.
ثانيًا: برنامج تفصيلي للفطام

الطفل بعمر 4 ـ 6 شهور:

موعد وجبة الطعام (الساعة) مكونات الطعام

6 ـ 8 صباحًا لبن الأم أو الحليب الصناعي.
10 صباحًا لبن الأم أو الحليب الصناعي + مستحضرات حبوب مطبوخة.

2 بعد الظهر لبن الأم أو الحليب الصناعي + عصائر فواكه وخضروات طازجة

6 مساءً لبن الأم أو الحليب الصناعي.

10 ليلاً لبن الأم أو اللبن الصناعي
2ـ الطفل بعمر 6 ـ 7 شهور:

موعد وجبة الطعام (الساعة) مكونات الطعام

6 صباحًا لبن الأم أو الحليب الصناعي

9 ـ 10 صباحًا مستحضرات حبوب مطبوخة + لبن أو بيضة مسلوقة أو مهلبية.
1 ـ 2 بعد الظهر لحم أو سمك مهروس + خضراوات مهروسة + بطاطس وعصائر فواكه مخففة بالماء أو مهلبية

3 ـ 4 بعد الظهر عصائر فواكه طازجة مخففة بالماء.

5 ـ 6 مساءً مهروس فواكه وبطاطس مهروسة أو كسترد أو مهلبية

3 ـ الطفل بعمر 8 شهور:

مهروس الفواكه الطازجة + أغذية مطحونة بالخلاط + بسكويت.

4 ـ الطفل بعمر يزيد عن 6 ـ 7 شهور:
يشجع الطفل على شرب الحليب البقري العادي بالكأس.

5 ـ الطفل بعمر يتراوح بين 9 ـ 12 شهرًا:

يعطى نفس الأغذية التي يتناولها باقي أفراد أسرته بعد تقطيعها أو هرسها بشكل يستطيع

بلعها مثل منتجات الألبان واللحوم بأنواعها والحبوب.

تابع القراءة

26 طريقة عمل الجاتوه زى بتاع المحلات بالظبط

المقادير

   4بيض
ملعقه فانيليا
125 جم سكر
125 جم دقيق فاخر
ملعقه بيكنج بودر

  للحشو والتزيين كريم شانتيه فزدق وشيكولاته وجوز هند محمص قليلا(او حسب رغبتك)

  الطريقه

اول حاجه بنحط البيض فى اناء ونضربه قليلا مع السكر والفانيليا بالمضرب اليدوى. بعدين نعمله فى حمام مائى لحد ما يوصل لدرجه حراره 50 درجه.وطبعا اللى معندهاش ترمومتر

 
هتعرف انو جهز لما تلاقى رغاوى بيضاء ظهرت وانتى بتقلبى البيض زى الصوره كده


نقلب السكر والبيض بالمضرب اليدوى الاول لحد لما تيجى تحطى صابعك
فى الخليط تحسى انو سخن تقدرى تستحمليه تشيليه على طول

هنكمل ضرب بقى بالمضرب الكهربائى

لحد مانوصل للدرجه دى انو يفضل فوق الوش فترة طويله

نضيف بقى الدقيق واحده واحده ونقلب بالرااااااحه

ونجيب صينيه مستطيله مفروده ونحط عليها ورق الومينيوم او ورق خبز لو عندك

ونصب فيها العجينه ونساويها

ونحطها فى فرن متوسط الحراره حوالى تلت ساعه
ولما تطلع نغطى الوش ونتركها تبرد خااالص

ونشيل منها الورق بالشكل ده ونغطيها بالحشو ونلفها رول
وبعد الانتهاء نغطيها بباقى الكريم شانتيه(انا زودته نص كيس نسكافيه ادالو طعم رائع)

والتزيين بقى حسب زوقك اللى انتى بتحبيه
انا والله كان عندى افكار موووت بس يومها كنت عامله الجاتو اخر اليوم
غسيل بقى وتنفيض وغدا وانتو عارفين فكنت هلكانه جدا مش قادرة ازين اكتر من كده
لكن البركه فيكى انتى بقى

منقول من فتكات

تابع القراءة

0 طريقة عمل بسكوت الزبدة

كوب دقيق
بيضتين
كوب سكر بودرة
فانيليا
2 معلقة صغيرة بكينج بودر
5 معالق كبيرة زبده طريه

بضرب الزبده مع سكر البودره لحد ماتكون عجينه لينه وبعدين اضيف البيض والفانيليا ونضربهم كويس بالمضرب وبعد كده بنضيف الدقيق والبيكينج بودر ونعجن لحد ما تتشكل العجينه وبكورها بايدي وبحطها في التلاجه لمده عشر دقايق عشان العجينه تتماسك
وبكون مسخنه الفرن قبلها وبعدين بتشكليها زي ماتحبي وتتحط في صاجات مدهونه سمنه في فرن حرارته 180 وبتاخد حوالي ربع ساعه او اقل علي حسب الفرن
وبالهنا والشفا ....

تابع القراءة