مدونة ست مصرية |مدونة نسائية تهتم بكل مايخص المراة

0 تفريز البسلة بالصور

السبت، 7 ديسمبر 2013 التسميات: تدبير منزلى

المقادير :-

انا هنا خزنت 2 كيلو بسلة متفصصة طبعا ومغسولة في المصفاة

وعليها كمي جزر بالنظر كده مقطع مكعبات صغيرة

نص ليمونة

في حلة هحط قيمة تلتها ماية واغطي عليها

واول ما الاقي الماية غلت بالشكل ده هحط فيها البسلة والجزر مع بعض

وده شكلهم اول ما حطتيهم اغطي عليها لحد ما احس ان الماي هتغلي

واول ما الاقيها بتغلي بالشكل ده ومخليهاش تغلي كتير يدوب دقيقة بس مش اكتر واشيلها ع طول واصفيها في المصفأة

وهنا صفتها بفتح عليها ع طول اول ما اصفها ماية الحنفية واقلبها بحيث يتوقف نشاط السخونية والحرارة فيها

وبعدين بحطها في طبق واحط عليها ماية متلجة بالشكل ده واقلبها كويس

واخيرا اصفيها واعصر عليها نصف الليمونة واخلطها

وبعدين اعبيبها في الاكياس بالشكل ده وع الفريزر

تابع القراءة

0 تنظيف ترمس الشاى من الداخل بالصور

الخميس، 5 ديسمبر 2013 التسميات: تنظيف وترتيب المنزل

من منتدي بيت حواء طريقه تنظيف ترمس الشاي من الداخل و اعاده اللمعان اليه بسهوله

اول خطوه سخنت ماء

مسحوق غسيل عادي

ضعيه داخل الترمس

صبي فوقهم الماء المغلي

حيفور و بعدين حيهدا .. اتركيه 3 ساعات

بعد الثلاث ساعات اغسليه و ادعكيه

النتيجه

تابع القراءة

0 أفضل طريقة لتفريز الملوخية ويظل لونها أخضر

التسميات: تدبير منزلى

الطريقه دي بجد حتغير علاقتكم بالملوخيه المفرزه 180 درجه .. بتكون الملوخيه فيها لونها اخضر زرعي لاخر لحظه .. و طعمها و قوامها و لا احلي الطريقه صادفتني للشيف مني عبد المنعم في مدونتها عايزين ناكل و جربتها و طلعت فوق فوق الممتازه الطريقه مختلفه شويه علشان كده ما نقلتهاش الا ما جربتها و صورتها من مطبخي ليكم و صورت لكم ملوخيه مطبوخه من التفريز بالطريقه دي علشان تشوفو اللون بس سهله و سريعه و مضموووونه تابعو الخطوات بتفطفي الملوخيه و تغسليها

بتغلي ميه في حله علي النار و لما تغلي تضيفي عليها معلقه كبييييره مليانه بيكربونات او البيكنج صودا ( من العطار زي اللي في الصوره غير البيكنج بودر ) حتلاقي الميه بتفور ضيفي الملوخيه و قلبيها تقليبتين حوالي نص دقيقه بالكتير انتي بس بتديها صدمه البيكربونات و الميه السخنه

طلعيها في مصفاه و افتحي عليها ميه الحنفيه و صفيها دقيقتين تلاته حتلاقيها نزلت ربع الحجم و لزجه ما تقلقيش و اضربيها في الكبه و شيليها في اكياس التفريز

و بس انا باحب افرزها في اكياسي المفضله دي و لما احتاج منها باكسر قطعه من الكيس و اقفله علي الباقي و اللي اخرجه اسيبه 5 دقايق يفك حاجه بسيطه قبل ما اضيفها للشوربه دي كانت كميه كبيره فرزتها

ما شاء الله شكلها و لونها تحفه و دي اكله ملوخيه خارجه من التفريز شوفي لونها

منقول

تابع القراءة

3 مستلزمات العروسة من المنظفات

التسميات: مسلتزمات العروسة

بصوا يا بنات
اولا الصور اللى هتنزل انا مش بقولكم اشترى الماركة دى لا كل واحد حر فى النوع بس انا بقول اسماء عشان التوضيح
وطبعا كل واحدة تجيب اللى هتعوزة من دة انا مش بجبر حد
ندخل بقى فى الموضوع

اولا الاريال على حسب نوع غسالتك واللى النوع اللى بتحبية

صابون سائل

ليفة للمواعين

صابون لاديكى ويكون ببخاخ زى دة عشان متروحيش تغسلى ايدك فى الحمام كل شوية

كلور

معطر جو

داونى

فنيك
واحدة هتقولى فنيك هقلها اة ابو2 جنية وانتى حرة

شامبو

شاور جيل

حمام كريم

بلسم

بديل الزيت

ليفة واحدة ليكى وواحدة للعريس

معجون و2 فرشة هاتى 2 لون مختلف

مكنة حلاقة ومعجون
مش ليكى يا عروسة
دول بتحطوا على المراية فى الحمام

سويت

اولويز
حطية فى الحمام اوعى تنسى

غسول للوجه ومزيل مكياج

غرغرة

يتبع

مشط وفرشة فى الحمام
ولازم تسرحى شعرك فى الحمام بعد الدش عشان لو شعر نزل على جسمك تغسليه تانى

بودرة للجسم

انا معرفش اسمها بس هى بتنظف الرجلين

مقص

صابون

كريم للشعر او زيت على حسب راحتك