8 ترتيب وتنظيم مطبخى بالصور الكتير

المطبخ من فتكات للعضوة:

cuty2015

الصور شوية منها قديم بس حطيتهم عشان تتخيلو شكل المطبخ من برة

ده المطبخ
الخمس ادراج السيلفر الصغيرين دول بحط فيهم قطاعات البسكوت والفطاير والحاجات الرفيعه بتاعة المطبخ اللي ممكن تضيع مني

اولا الخشب فرشته بالمشمع ده

اول حاجة نضفت برطمانات التوابل وروقتها ترويقة جامدة

التنضيف before

after

وكمان برطمانات الشاي والسكر والدرفة بتاعتهم

وهنا دولاب البهارات والزيت قبل انا اللي عملت البرطمانات دي وزينتها الحمد لله

ده قبل

وهنا بعد

الرز والمكرونات في االسلة الدوارة طبعا بس نسيت اصورهم

البوتوجاز كان الغطا بتاعه عليه زيوت طبعا من الاكل غسلته كويس واشتريت الستيكر ده ولزقته بجد حلو جدا وحسه انه عمل تغيير جامد في المطبخ اكيد كتير منكم شافه في المحلات هو ب3.5 وكل مايتبهدل من بواقي الشحوم والزيوت تشليه وتحطي غيره

هنا درفة الفوط ومساكات المطبخ دي ماما ربنا يخليهالي يارب ويديها الصحة عملتها من بواقي القماش بمكنة الخياطة فعلا جميلة و مبتتلسعش بسرعه طبعا حشيتهم سفنج وده كان قماش تنجيد متبقي عندنا

الدرفة فاضية اغلب الفوط في الغسيل

هنا درفة خزين الحلويات والجبن والذي منو

هنا درفة اكياس الباسكت والفويل واكياس المطبخ ...الخ

العلب البلاستيك

درج الملاعق وحاجات الاستخدام اليومي

درفة البايركس والطواجن

درفة الاجهزة الكهربائية بطلع اللي عايزاه ساعة الاستخدام

هنا درج الاطباق الزجاج والمكسرات

هنا دولاب كبير للكوبات والكاسات اللي بستخدمها دايما

الدولاب اللي جنب الكوبايات والكاسات على طول فيه المقشات والمكنسة والاكياس ..الخ

وهنا درفة المنظفات ..بستخدم برسيل جيل فعلا رائع وحلو جدا وريحته تجنن وميسبش اثر عالهدوم

هاربك للتواليت رائع معروف طبعا

ده الساحر بئى لتنظيف السيراميك من الاصفرار والبهتان اللي مبيطلعش بالطبل البلدي.....فعلا رائع

ودي صورة من حمامي للتجربة
هنا قبل..انا منضفتش الفواصل في الصورة تلاحظو فيه بقعه جوة البلاطة نفسها دي مطلعتش ابداااا بالسلك بالكلور مفيش فايدة ده بخيت منه بخة وسبته خمس دقايق وبالقماش طلعت على طول

ده بعد بئى ايه رايكو مريييييييح جدا في الاستخدام والنتيجة روعة

تابع القراءة

0 طريقة البوريك بالجبنة بالصور

المقادير:

  خمس كوبايات دقيق
بضتين
معلقتين سكر
رشه ملح
لبن بارد
كوبايه سمنه و تبقي نص لو حطت قشطه
نص كوب زيت
معلقه خميره

الطريقة:

 
و تعجنيها لغايه ما تطري و بعدين غطيها و سيبيها نصايه
و بعدين قطعيهل كور و افرديهل و احشيهل اي حاجه مش لازم جبن مثلا
و حطيها في الفرن و يكون سخن و شوفيها كل شويه انا عملتها في تلت ساعه
ممكن تحطي عليها سمسم

 عجبني انها خرفشت من بره و طريه من جوه و كمان بحطها في كيس و اشيلها في الفريزر و ممكن اسخنها في الميكروويف او الفرن و معاه كوبايه شاي في البرد ده مقلكوش ممكن ميتحطش في التلاجه الجو برد اصلا بس غطوها بحاجه حشيتها جبنه بالزتون و بسطرمه و زعتر و جبنه حادقه و في الاتنين عملتهم بالمربي

تابع القراءة

0 أنواع و ألوان البراز عند الرضع

هذا الموضوع على أهميته ذو رائحة مميزة!! فبراز الأطفال من الأمور الهامة التي لابد أن تكوني على دراية بها، حيث تدل أشكاله وألوانه ورائحته على الحالات الصحية المختلفة للطفل.
عليك، كأم، أن تكوني قادرة على التفريق بين الحالات المختلفة لبراز الطفل لأنه ينبهك لحالته الصحية. إليك دليلا بهذه الحالات:

أسود مخضر ذو قوام لزج:

• وهو البراز الذي يخرج بعد الولادة وهو حالة طبيعية جدا لكنها مؤقتة لا تستمر لأكثر من ٣ أيام. إذا طالت، عليك باستشارة الطبيب.

أصفر ذو قوام محبب:

• إذا كنت ترضعين ابنك لبنا طبيعيا، فهذا القوام واللون طبيعي لبراز الطفل ويكون ذو رائحة خفيفة وأحيانا يصدر صوت غازات عالي. 

بيج ذو قوام غليظ:

• إذا كنت ترضيعن ابنك لبنا صناعيا، فهذا القوام واللون طبيعي. انتبهي حتى لا يكون جاف بزيادة أو خفيف بزيادة.

بني مخضر:

• هل بدأت اطعام ابنك طعاما صلبا؟ إذا كانت إجابتك نعم، فهذا إذن اللون الطبيعي الآن.

أخضر غامق:

• قد يكون هذا بسبب سولفات الحديد الموجود في الاطعمة الجاهزة للأطفال. لا داعي للقلق، حيث لا تؤثر تلك المواد على عملية الهضم.

أخضر فاتح ومزبد:

• الأخضر الفاتح لون طبيعي لبراز الأطفال. وهو ينتج بسبب ارضاع الطفل من كل صدر فترة قصيرة وبالتالي يحصل على نسبة أعلى من اللبن الخفيف الذي يكون في البداية ولا يحصل على اللبن الأثقل منه ( أفيد وأكثر دهون) تأكدي أن يحصل الطفل على اللبن من كل صدر لمدة ٢٠ دقيقة على الأقل.

أحمر وردي:

• مع تقديم الطعام الصلب، سوف يتلون براز الطفل لعدة ألوان وأشكال حسب الوجبة. راقبي العلاقة بين كل وجبة وبراز الطفل. 

بني ذو قوام خفيف متفكك:

• إذا كنت ترين هذا القوام كل فترة فلا داعي للقلق. ولكن إذا استمر لأكثر من يومين فقد يتسبب في حدوث إسهال، وهو علامة على الإصابة بالجفاف. اعطي الطفل سوائل ولبن كثير واستشيري الطبيب.
• ربما كان هذا دليلا على الإمساك. الإمساك أمر عادي وخصوصا مع اللبن الصناعي وكذلك في فترة التحويل إلى الطعام الصلب. وهو علامة على أن الطفل لا يحصل على سوائل كافية. قد يفقد الطفل السوائل بسبب الحرارة أو المرض أو الحمى. 
• بالنسبة للأطفال في مرحلة الطعام الصلب تأكدي أن الطفل يحصل على السوائل الكافية وابدأي في تقديم الفواكه والخضروات والحبوب الكاملة التي تحتوي على ألياف كثيرة. أما بالنسبة للرضع الصغار فاستشيري طبيبك.

أسود

• مع هذا اللون، والطفل ليس حديث الولادة، على الأم أن تتصل بالطبيب على الفور فربما تكون هذه ميلينا والتي تحتوي على الدم في الأمعاء. 

بقع أو شرائط حمراء 

• البقع الحمراء على براز غليظ القوام قد يعني وجود بعذ التمزقات حول فتحة الشرج. بالرغم من أن الأمر بسيط، لا يجب أن تنتظري إذا استمرت هذه البقع في الظهور. عليك استشارة الطبيب فورا.

أبيض

• هذا اللون معناه نقص في المادة الهاضمة التي يفرزها الكبد وتخزن في المرارة وهي المسئولة عن اللون البني الطبيعي في البراز. لون البراز الأبيض نادر الحدوث، ويستدعي الاتصال بالطبيب على الفور.

تابع القراءة

0 متى يستطيع الطفل حديث الولادة شرب المياه؟

رزقت بعمر فى فصل الشتاء، فلم أشغل بالى بهذا الأمر، ولكنى اكتشفت أن هذا الأمر محير ومقلق لكل أم، وبخاصة التى تلد طفلها فى فصل الصيف، فتجد من حولها من تقول لابد من إعطاء رضيعك المياه، فالجو حار، وأخرى تقول لها لا تعطيه المياه إلا بعد الأربعين، وأخرى تقول اللبن كافى فلا تعطيه المياه إلا بعد إدخال الطعام الصلب إليه، فإذا كنتِ فى حيرة من أمرك فـ«سوبر ماما» ستسهل عليكِ الأمر، وتبين لكِ الوقت المناسب لإعطاء رضيعك المياه، والكم المناسب الذى ينبغى أن تبدأى به، وستوضح لكِ بعض المشاكل التى يمكن أن يتعرض لها رضيعك عند شرب المياه فى الوقت غير المناسب له.. فقط تابعينا.

• متى يستطيع طفلك الرضيع شرب المياه؟

• ينصح أطباء الأطفال بإعطاء طفلك الرضيع المياه عند عمر 4 أو 6 أشهر عندما تقومي بإدخال بعض الأطعمة الصلبة إليه، فيفضل عدم إعطاء الرُضع المياه قبل عمر 4 أو 6 أشهر، لأن هذه المرحلة هى مرحلة الرضاعة الطبيعية أو اللبن الصناعى، وكلاهما كافى للطفل، كما أنكِ لست فى حاجة لأن تملئي معدة طفلك بالمياه، والتى ربما تقلل من شهيته للرضاعة.
• حتى فى الجو الحار أو اثناء مرض طفلك بالإسهال أو القئ، فإن طفلك لا يحتاج للمياه فى ذلك العمر لتجنبيه الجفاف، ولكن فقط عليكِ بزيادة عدد مرات الرضاعة، وهى كافية له، أو إذا استدعى الأمر فسيحتاج طفلك إلى محلول معالجة الجفاف، لأنه بحاجة إلى الأملاح والمعادن وليس للمياه فقط.
• يوجد استثناء.. ففى حالة واحدة فقط ينصحك الطبيب بإعطاء طفلك القليل من المياه، حوالى ربع كوب فى اليوم إذا كان طفلك يعانى من الإمساك لتحسين حالته.

• ما هى كمية المياه المسموح بإعطائها لطفلك بعد عمر 4 أو 6 أشهر؟

عند بداية إدخال الطعام الصلب لطفلك، يمكنك إعطائه كمية بسيطة من المياه مع الطعام حوالى ربع كوب مياه أو أربع ملاعق كبيرة من المياه مع كل وجبة طعام.

• ما هى المشاكل المعرض لها الرضيع عند شرب المياه قبل عمر  4 أو 6 أشهر؟

1.  فقدان الوزن أو زيادة وزن الرضيع بشكل غير كافى، نظراً لأن شرب الرضيع للمياه فى هذا العمر يملئ معدته ويقلل من شهيته للرضاعة، فلا يستطيع أن يزيد فى وزنه كما ينبغى.
2.  قلة لبن الأم نظراً لقلة رضاعة الطفل، حيث أن معدته ممتلئة بالمياه، فيؤثر ذلك على رضاعته، فيؤثر ذلك على كم لبن الأم.
3.  توجد بعض الأبحاث التى تربط بين شرب المياه لحديثى الولادة وزيادة خطر الإصابة بالصفراء.
4.  إصابة الرضيع بما يعرف بتسمم المياه، وهى حالة غير شائعة ولكنها ربما تحدث عند شرب الرضيع لكثير من المياه بسرعة، فيسبب ذلك طرد كلية الرضيع للصوديوم ولأملاح الجسم، فيصبح دم الرضيع مخفف، ويمكن أن يسبب ذلك - لا قدر الله - تشنجات للطفل أو غيبوبة.

تابع القراءة

1 طريقتى المبتكرة فى عمل الكوردن بلو الفراخ

طريقتى المبتكرة فى عمل الكوردن بلو الفراخ بحشوة الرومى المدخن الوصفة بجد طعمها اكثر من رائع ..

المقادير:

2صدر فراخ مخلية من العظم
2 شريحة رومى مدخن
1\2 كوب موتزريلا
1\2كوب دقيق
1\2 كوب بقسماط ناعم
فنجال صغير لبن
بيضة
ملح وفلفل
زيت للقلى
اعواد اسنان

الطريقة:
نحضر الفراخ ويجب ان تكون مغسولة جيدا بالخل والليمون ثم نشق كل صدر نصفين
نأخذ شريحة من الصدر وندقها بالمدق فى ورق زبدة حتى تصبح الشريحة رقيقة
نتبل الفراخ بملح وفلفل ونبدأ نحشيها بالرومى المدخن والجبن الموتزريلا ونلفها رول ونغلها بعود الاسنان من كل جانب ونغمسها فى الدقيق ثم البيض واللبن ثم البقسماط وندخلها الفريزر لمدة نصف ساعة حتى تتماسك ويمكن حفظها فى الفريزر لاى وقت تحبى تقلية
نخرجها من الفريزر وتقلى مباشرة على نار عالية فالاول حتى تحمر الوجة ودة عشان الطبقة الخارجية متفكش لو النار هادية
وبعدين نهدى النار عليها حتى تمام السوا وبالف صحة وهنا 

داليا شبانة

تابع القراءة

0 فطيرة الفراولة بالباف باسترى بالصور وبطريقة سهلة

فطيرة الفراولة بالباف باسترى..

 
  نأخذ مربع من عجينة الباف باستر الجاهزة وفردتة كما بالصورة وحطيت فراولة شرائح

 

حطيت على الفراولة لكل باى (فطيرة واحدة) 1 م ك سكر عادى
بعدين قفلت الجزء الاخر عليها بالشوكة كما بالصورة
ووضعتها فى صينية مدهونة زيت

 

خفقت بيضة بقليل من اللبن وفانيلا بيسط جدا
ودهنت الوجه ورشيت سكر مرة اخرى
ودخلتها الفرن على حرارة 180 ومسخن مسبقا وتترك حتى تنتفخ وتنضج وتوضع على الشواية حتى تحمر وتصبح ذهبية اللون

 

ودة شكلها النهائى بعد خروجها من الفرن وسهلة جدا ومغذية ... اتمنى تنال اعجابكم وتجربوها ويمكن استبدال الفراولة بأى نوع من الفواكة حسب الموسم ممكن تفاح وتبقى apple pie ممكن كمان برقوق او مشمش او حتى ا نوع من المربى المفضلة ليكى ولا ولادك ممكن ياخدوها معاهم المدرسة كحلو خفيف بعد الفطار.. داليا شبانة

الوصفه منقولة من داليا محمد

تابع القراءة

1 صور لمطبخ قبل وبعد التعديل

طبعا ده مطبخ من بيت عادي و صاحبته غيرت لونه و اضافت لمسات ديكور بسيطه ليه غيرت شكله 180 درجه
الموضوع ده للافكار ده مش مطبخ من موقع ديكور يبهرك و تقوللي ده جميل و تقفلي الصفحه .. ده مطبخ فعلا موجود زي مطابخنا و فكره ممكن اي حد فينا ينفذها
مش عايزه اقولكم تغيير لون المطابخ في امريكا كل الصفحات اللي اتفرجت عليها اصحاب المطابخ يعني سكان البيت هما اللي بيغيروا شكله و لونه بنفسهم من غير ما يروحوا حد يعمله ليهم فا انتى ممكن تسالي عن التفاصيل و روحي لمحلات بويه و دهانات خشب و اسالي ايه الخطوات و المواد اللي حتحتاجيها و شوفي فيديوهات على اليوتيوب  وممكن تنفذيها بنفسك باقل التكاليف و بدل ما تجيبي مطبخ جديد غيريه من غير ما تبوظي ميزانيتيك و زي ما انتى بتحبي يكون
دي الصوره قبل

و دي الصور بعد التغيير اهم حاجه اللمسات كمان بعد ما اللون اتغير اضافه الستاير و الزهور و الديكور البسيط
 

عاجباني الصينيه دي اوي
 

منقول

تابع القراءة