0 كيكة سهلة وبسيطة فى الخلاط

المقادير:

3 كوب دقيق
كوب سكر وممكن تزودي نصف كوب
كوب لبن وممكن تكملي بعصير برتقال
3/4 كوب زيت على سمنه
4 بيضات
باكوبكنج بودر او كيك شيف
بشر برتقال او فانيليا وممكن الاتنين

 

الطريقه

 
ولعى الفرن اولا
وفي الخلاط الزيت والسكر والبيض والفانيليا وبشر البرتقال
واللبن وعصير البرتقال اضربيهم 5 دقايق

 
وضيفيهم على الدقيق المنخول والمضاف له البكنج بودر
وقلبي بملعقه خشب عريضه من فوق لتحت حتى يختفي الدقيق تماما
صبي الخليط في صينيه مدهونه زيت ومبطنه بالدقيق
ودخليها الفرن على حراره متوسطه على الرف الاوسط
وبلاش تفتحي الفرن ال 20 دقيقه الاولى
بعد 25 دقيقه اختبري الكيكه بسكينه او خله لو طلع فيها عجين اتركيها
حتى تنضج وتاخد لون دهبي جميل
وبالف صحه

تابع القراءة

0 الدجاج بالليمون طريقة روعة

الدجاج بالليمون

منقول من فتكات:

[quote=لحظات صمت;131164885]

السلام عليكم ورحمة الله تعالى وبركااته


 الدجاج بالليمون

طعمه روعه ما شاء الله
حامض شوية و حاجة جديدة هتعجبكم باذن الله







المكونات

قطع دجاج
اعشاب جافة بودر ( اكليل و زعتر )
بصلة مبشورة بالمية بتاعتها
ملح
فلفل اسود
كركم
و اكيد ليمون
( اناا هنا استعملت قطعتين دجاج عشان بس حبيت اجرب الوصفة ومكنتش متاكده من انها هتكون روعه و استعملت معاهم ليمونتين )





الطريقة


اول حاجة هنسلق الدجاج مع ملعقة من خليط الاعشاب

في صحن نخلط البصل + الملح + الفلفل الاسود + كركم + ملعقة صغيرة من الاعشاب



في حلة نصب شوية زيت + خليط البصل و التوابل الي عملناه
نخليها ع النار شوية




بعدين هنضيف الدجاج و نقلبه في المزيج
بعدين هنضيف عصير الليمونتين + شوية بشر الليمون




و نخليه لحد ماا يغلي
بعدين هنضيف كاس ماء و نغطي الحلة




لماا المية تنشف نزود كاس ماء كمان
بس هالمرة منخليهوش لحد مااا ينشف لا
اول ما يغلي شوية نطفي و كل حاجة هتكون مستوية كده

في كيس الفرن هنحط الدجاج و الصوص الي عندنااا مع خضار مقطعه حسب الرغبة ( اناا هنا عملت بطاطس + فلفل + جزر )

ونقفل و ندخلها الفرن نصف ساعه لحد ما الخضار تستوي و يتحمر الدجاج
بس كده
و لو معندكيش كيس الفرن ممكن ورق الاليمينيوم





و دي النتيجة

تابع القراءة

0 طريقة عمل العزيزية زى المحلات بالظبط وعلى ضمانتى

 منقول من فتكات

المقادير
100 جرام مكرونه سباجيتى
كوب نشا متدوبه فى كوب ماء فاتر مش من التلاجه
كيلو لبن حليب طااااازه
كوب ونص سكر
فانيليا معلقه صغيره
معلقة سمنه او زبده

الطريقه
غليت اللبن مع السكر وسبته يبرد على ما سلقت المكرونه
ورحت واخده شوية لبن ضربت بيهم المكرونه فى الخلاط لانى سويتها اوى فميتها نشفت
وبعدين حطيت المكرونه المضروبه فى الخلاط على اللبن وقلبت كويس وحطيتها على النار ولما بدءت تغلى وطيت النار وحطيت كوب النشا المتدوب فى الميه لحد ما تقل الخليط
طفيت النار وحطيت الفانيليا وجوز الهند وقلبت وبعدين معلقة الزبده وقلبت كويس تانى
وجبت صينيه دهنتها زبده او زيت طبعا ورشيت دقيق بسيط عشان ما تلزقشى واعرف اقطعها
وصبيت الخليط فى الصينيه وحطيت على الوش معلقة زبدك كمان او سمنه عشان الوش يتحمر
وولعت الفرن وحطيتها فى النص لان فرنى مش مضبوط وولعت من تحت بس لمدة نص ساعه
وبعدين طفيت تحت وولعت الوش يتحمر

وبعدين لازم تتحط فى التلاجه كمان نص ساعه عشان تمسك كويس ونعرف نقطعها
وتقطعيها وتقدميها وكلى احلى عزيزيه

ودى الصور عشان تتشجعوا وتعملوها احسن من اللى بيتحط فيها بيض ميت مره

طبعا المفروض الوش بيكون احسن من كده بس انا فرنى مش مظبوط

تابع القراءة

0 طريقة عمل الكوارع بالصور وبالتفصيل

اليكم هذة الوصفة لأحلى أكلة شعبية ( البلدى يوكل )

نجيب الكوارع ونغسلها أحلى غسيل يعنى مرة بالملح ومرة تانية بالدقيق وطبعا مع النقع والشطف هتبقى فله

 

 مع مراعاة فى حالة وجود بعض الشعر بها أما ان تحرقه بالنار أو اننا نستخدم ماكينة الحلاقة الخاصة بالرجال 

وصدقينى دى طريقة مضمونة لأزالة الشعر منها

 

 

نجيب عدد 2 حلة كبيرة ونغلى المياه ثم نضع الكوارع بأحدى الحلتين ونتركها على النار أول ما تغلى نطفى فورا ونصفيها فى مصفاة ثم نشطف الكوارع مرة أخرى طبعا هتسألونى ليه !!!!

لأن الكوارع بيطلع ليها ريم بيخلى الشوربة لونها أسود أحنا كده بنمنع وجود الريم فى الطبخة كلها ( ملحوظة : هذا لا ينقص من قيمتها الغذائية )

 

 

بعد كدة نشوحها بمعلقة سمنة ومستكة وحبهان وورق لوري وبعد كدة نكب عليها مية سخنة ولما تغلي نحط بصل وفلفل اسود خفيف ونوطي عليها لغية ما تدخل في السوا نحط الملح وبالف هنا

 

 

 ممكن بعد أن تستوى الكوارع نحضر عدد 10 فصوص ثوم وندقهم كويس ونحمرهم فى شوية زيت ( يمكن تحميرهم فى سمن بس بصراحة الكوارع تقيلة مش ناقصة سمن كمان ) أول لما الثوم يصفر نضعه على الشوربة ونترك الشورية تغلى لمدة 10 دقائق حتى تتشرب الكوراع نكهة الثوم ثم نغرفها مع وضع بعض الكرفس المقطع فى طبق التقديم وبالهناء

تابع القراءة

0 شوية تكات هتخلى أكلك روعة ان شاء الله

الموضوع للعضوة

om gmal

من فتكات

اتمني موضوعي ده كمان يعجبكم ويفيدكم دي شويه حاجات بعملها في الاكل بتخلي الكل ( ما شاء الله تبارك الله ) بيحب طعم اكلي والحمد لله
1 لما تعملي رز بشعريه حطي شويه بهار مشكل صغيرين في الشعريه بعد ما تتحمر وحطي ملح الرز والمايه ( بس مش تكتري عشان تعرفي تظبطيه ) وسيبيهم يغلو غلوه مع الشعريه وبعدين حطي الرز هيديكي طعم مميز كانك عملاه بمرقه

2 لما تعملي ملوخيه مثلا او فول بالطماطم ابشري الطماطم او قطعيها مكعبات صغيره واضغطي عليها كويس في طبق وبلاش تعصريها في الخلاط

3 لما يكون عندك شيت وكسبره وبقدونس خضر مش تغسليهم وجيبي علبه تلاجه وحطي فيها منديل وحطيهم مفرودين وفوقهم منديل هيفضلوا طاز وقت طويل

4 لما تسلقي فراخ بيضا شيلي جلدها ودهونها لانهم سبب الريحه الوحشه
( الزفاره ) واصلا كلوسترول في الفاضي وقطعيها اربع قطع عشان تستوي بسرعه وشوحيها في بصله و مستكه وحبهان وورقه لوري وقرنفلايه واحده ههههه وسيبيها معاهم علي نار هاديه كام دقيقه والحله متغطيه وبعدين حطي فلفل اسود و شويه بهار مشكل ( فلفل اسود وكمون وكسبره و قرفه وشطه وببريكا و معلقه جنزبيل )

5 لما تعملي عجينه بتزا زودي الكميه واحتفظي بقطعه او اتنين في الفريزر عشان لما تحبي تجهزي عشا سريع تكوني جاهزه

6 لو عاوزه تخلي فراخك المسلوقه بطعم المشويه بعد ما تسلقيها اعملي تتبيله عباره عن بصله متوسطه وفصين توم وطماطميتين وشويه كسبره خضرا وملح وبهار واضربيهم في الكبه وتبلي بيهم الفراخ المسلوقه وفي الطاسه نقطتين زيت وحمري علي نار هاديه لحد ما التتبيله تستوي عليهم وتديهم طعم

7 لو عندك سمك مشوي بارد حطي نقطتين زيت في الطاسه وسخنيهم علي نار هاديه بيكون طعمهم جميل جدا

8 لو عندك فراوله اغسليها واقطعي القمع بتاعها ونظفيها وسيبيها زي ما هي وفي علبه الثلاجه في الرف اللي فوق في الثلاجه وخدي للعصير علي طول

9 لما تعملي مرقه لحم او فراخ حطي فص توم ني بعد ما تستوي وقبل الغرف وصفي المرق ديما قبل التقديم

10 لو عندك بسله في الفريزر عشان طعمها يكون طاز شوحيها في بصله صغيره وبهار وورقه لوري واعملي تسبيكه وحطيها عليها و بعد ما تستوي حطي قطعه فلفل اخضر وفص توم صغير فيها وسيبيها تغلي غلوه هتديها نكهه جميله

11 لما تقلي سمك اقطعي الراس بتاعته واعملي منها احلي رز صياديه مع السمك جيبي شويه زيت و بصله وحمريها جاااااامد وشويه فلفل اسود وحطي روس السمك و سيبيهم لحد ما لونهم يكون بني غامق وحطي الميه ومش تكتري وسيبيهم يعملوا مرقه وصفيها وجيبي الرز الابيض المغسول وحطي المرقه دي عليه مع الملح وسويه عادي 

12- وفى تكه غيرت خالص طعم المعجنات
انى بقيت اعجنها بزبادى بس بدل السؤال بتطلع هشه وتحففففه

13- لما باعمل تسبية الماحشى باحط الرز وابش عليه جزر واهدى النار عليه دقيقتين
فى عجينة البيتزا بخرمها بالشوكة وبعدين ادخلها خمس دقايق الفرن وبعدين اطلعها واحط عليها الحبشتكنات

14- -الفراخ قبل ما أسلقها بكون بشره بصله واحط عليها فلفل اسمر وشوية ملح صغيرين خالص وبحشي الفرخه بس من تحت الجلد يعني بين الجلد واللحم بس مش حشو كتير لا بسيط جدا مجرد نكهه وتحاولي تنشري التتبيله في كل الفرخه.. دي بتخلي الفراخ ريحتها عالنار تحفه وطعمها مختلف وخصوصا للملوخيه
وقبل ماتستوي بشويه بحط باقي البصل المبشور في الشوربه وعليه معلقه صغيره كسبرة ناشفه وممكن فص توم

15- - البسله بحط لها معلقه سكر وهي عالنار بتخليها معسله وحلوه اوي وساعات بحط نص معلقة سكر علي صلصة المكرونه وهي عالنار
- الباميه بعد ماتستوي حطي لها معلقة سمنه بلدي وشوية كسبره ناشفه وتقفلي غطا الحله عليها شويه

16- - المحشي لو هتعمليه بالسمنه البلدي يبقي بعد ما الصلصه تتسبك تحطي السمنه لانك لو حطتيها من الاول مش هيبان الطعم في الاكل
وبعد ماتدوبي السمنه في الصلصه حطي الرز عالنار وقلبيه تقلبتين في صلصه المحشي عشان يشرب من الصلصه بيكون حلو اوي

تابع القراءة

0 طريقة تخليل الزيتون

السلام عليكم ورحمة الله وبركاته

وقت تخليل الزيتون السنوي

الزيتون هذه الايام اكثر من رائع
وكل الانواع نزلت السوق

طريقة تخليل الزيتون

الزيتون العزيزي
شققت الزيتون 3 شقوق لانى عاوزاه يتخلل بسرعه
لو عاوزه تخزنيه اعملي شق واحد او من غير شقوق
نقعت الزيتون 3 ايام مع تغيير الميه لا يقل عن 4 مرات يوميا

وقبل التخليل بليله بيت مية التخليل علشان الكلور يخرج وما يهريش او يطري الزيتون
وبدات اخلل دوبت ملح خشن في ميه ولكل 3 كوب ميه كوب ليمون معصور

 وربع كوب خل
الملح كتير انا عاوزه الملح يدخل في الزيتون ويقلل المراره
وفي برطمان صغير وباعمل اكتر من برطمان الصغير افضل بكتير
نزلت الزيتون مع فلفل طويل اخضر سليم وعلى الوش حشرت قشر الليمون كويس جدا حتى عنق البرطمان
وزودت الميه لقبل انتهاء الزيتون ب 5 سم لان الزيتون هينزل ميه
وقفلت البرطمان وتحته طبق علشان لو نزل ميه وتركته
وبعد 3 اسابيع لو في العمر باقيه هاغير الميه بنفس الميه الي خللته فيها
وحفظتها في زجاجه ميه وموجوده الصوره بتاعتها
وهيكون قرب يتخلل هاغير الميه المره واضيف الميه وبعد 10 ايام هيكون اتخلل
وممكن تزودى او تقللي الملح براحتك بعد ما يتخلل بانك تغيري الميه وبلمون وملح وخل

وبنفس الطريفه

الزيتون التفاحي

بادق على الزيتونه جوه كيس بالشاكوش دقه واحد قويه فبيتفتح وممكن البذره تخرج
ولازم جوه كيس علشان الميه المشبعه بالزيت بتطير في الجو وممكن تبوظ ملابسك او المطبخ
وبانقعه وبنفس الخطوات النقع وتغيير الميه
وفي برطمان وفي القاع بانزل كرفس مقطع وعليه جزر وتوم سليم ومشرط وليمون مقطع رفيع وعشوائي
وبعدين زيتون وهكدذا طبقات واحشر قشر الليمون
وبنفس الخطوات السابقه
وبيتخلل اسرع لان نسبة المراره فيه اقل بكتير من العزيزي
لو عاوزه تخزنيه خليليه في ملح كتير وليمون واتركيه شهور والمهم في مكان ما يكنش سخن

تكه مهمه جدا في تخليل الزيتون بعد الزيتون ما يبطل ينزل ميه ضيفي على الوش زيت سبق غليه
علشان الميه ما تتبخرش ويعفن وينشف وضيغي كميه مش قليله غطي الوش تماما

ويارب ما اكنش نسيت حاجه وعلى العموم لو افتكرت حاجه هاضيفها
على نفس التعليق

وبالف صحه وعافيه يارب
وكل سنه وحضراتكم طيبين

تابع القراءة

0 مشكلة التبول اللاإرادى عند الاطفال وعلاجه

مفهومه:
لا يعتبر التبوُّل في الفراشِ من حينٍ لآخر معضلةً في حدِّ ذاته، فالمتبوِّلون يفعلون ذلك عدَّة مرات في الأسبوع أو في كل ليلة أحيانًا، وهناك نوعان للتبول: التبول المستمر منذ الولادة، والتبول المتقطِّع الذي يحدث في فترات متقطعة (ثلاثة أشهر ثم انقطاع، ثم ثلاثة أخرى)، وأكثر الحالات من النوع الأول (المستمر).

وهي منتشرة بين الأولاد أكثرُ منها ما بين البنات، وبعض الأطفال يتبوَّلون في النهار خاصة إن انشغلوا في أمرٍ ما، والذين يتبوَّلون أثناء اللعبيجب أن يؤخذوا إلى المِرْحَاض قبل خروجهم للعب، أو اللعب على مقربة من المنزل، وتنبيه الوالدين لطفلهما أن يدخل المنزل ويذهب للمرحاض.

الأسباب:
إن الأسباب الكامنة وراء التبول في الفراش لدى الطفل الذي انقطع عنه التبول فترة جيدة ثم عاد هي:
1- أن تكون عنده أزمةٌ عاطفية أو توتر؛ مثل إنجاب طفل جديد في الأسرة.
2- المرض.
3- الانتقال إلى بيت جديد.

أما السبب الغالب في حالات الأطفال الذين لا ينقطعون أبدًاعن هذه الحالة، فهو: عدم النضوج، وعدم النمو الكافي لميكانيكية السيطرة على المثانة، وهذا السبب يكون وراثيًّا، ويعتقد آخرون أن هنالك سببًا آخرَ، وهو سوءُ أوضاعِ المراحيض، وهناك أسباب عضوية مثل العَدْوَى في القناة البولية، وهنا يجب عرضُه على الطبيب المختص، ولسوء الحظ حتى بعد معالجة الطفل، فإنه عادة لا ينقطع عن تلك العادة.

طرق الوقاية:
• عند تدريب الطفل على استخدام المرحاض، يجب تجنب القسوة الشديدة، أو التوبيخ، أو إشعار الطفل بالخزي؛ لأن ذلك يَجعَلُه يحسُّ بالذنب، وأنه أقل من غيره، فيتولَّد لديه شعورٌ بالقلق؛ فلا يتعلَّم أن يسيطر على المثانة.

• ويجب أن يتخلَّص الطفل أولاً من عادة التبول نهارًا، ثم يتخلَّص من هذه المشكلة ليلاً.

• وعلى الآباء والأمهات عدمُ الضغط على الطفل في موضوع التبول قبل نضوجه العقلي؛ فقد يُفقِده ذلك الثقة بالنفس، ويصعب عليه التحكم في مثانته، وتجاهُلُ الآباء للأمر يخلص الطفلَ من عادته هذه عند بلوغه سن السابعة من عمره؛ مثلما يعتقد بعض العلماء، ولكن ينفعل ويضطرب معظم الآباء من التبول على الفراش؛ مما يُقلق الطفلَ، ويثبط من همّته؛ فتسوء حالته.

العلاج:
إن مهاجمة الآباء لأطفالهم بالنقد عند التبول في الفراش، أو اتهامهم وتوعُّدهم بالعقوبة، وإبداء البعض الآخر برودًا عاطفيًّا نحو الطفل، والابتعاد عنه - كل هذه الأشياء تؤثر عكسيًّا في هذه الحالة.

فيَجِبُ أن ينظر الأبوان لهذا النقص بهدوء وواقعية، وطمأنة الطفل أنه سيتخلَّص من هذه العادة السيئة؛ لأن الطفل القَلِق الخجل يصعب السير به إلى الخلاص.

1- تقليلُ كميةِ السوائل قبل النوم:
ويمكن من خلال هذه الطريقة تحقيقُ بعض النجاح، وأيضًا الطلب من الطفل التبوُّل قبل الذَّهاب إلى فراشه، وقد تُجدِي بعض العقاقير نفعًا لتخفِّف من التبول في الفراش، لكن عند التوقف عن العلاج يعود الأمر إلى سابق عهده.

2- لوحة النجوم:
اصنعْ لوحةَ نجومٍ لطفلك، ودَعْهُ يسجِّل الليالي "الجافة"، والأخرى "المبلَّلة"، بأن يُعطِي نجومًا ذهبيةً لليالي الجافة، وأن يُكَافِئ الأبوان الطفلَ على الليالي الجافة، ويتجاهلا الليالي المبلَّلة، فالمكافأة تضع أمام الطفل هدفًا يسعى لتحقيقه، فيتقدم نحو الأمام، وهذه اللوحات أثبتتْ جَدْوَاها.

3- الإقلال من التوتر:
إذا اختفتْ هذه العادة عن الطفل فترة ثم عادتْ، فينبغي للوالدين أن يبحثا عن السبب، فلا بدَّ أن يكون هناك طارئٌ سبَّب العودةَ إلى التبول؛ مثل: ولادة طفل جديد في الأسرة، أو الانتقال إلى بيت جديد، أو خصام عائلي، أو غياب لأحد الوالدين، وعندها يعمل الوالدان على تقليل أثر هذا الطارئ، ويعطون الطفل المزيد من الاهتمام.

4- الجلوس مع الطفل وقت النوم:
والتحدُّث معه؛ لأن ذلك يُسعده، فينام مسترخيًا، ويحس بمحبتك له ودعمك له، ومن المستحسَن أن تَقضِي مع طفلِك وقتًا من النهار على انفرادٍ؛ لتكشف عن خبايا نفسه وصراعاته النفسية.

5- العفوية:
بعض الآباء يبدِّلون الشَّراشِف بعد تبول الطفل، ويقومون بغسل كل شيء، وهذا نتيجة منطقية، ولا يجوز أن يوبَّخ الطفل أثناء هذه العملية، كما يمنع الطفل من تناول السوائل بعد السادسة مساءً إلى أن تمر 14 ليلة جافَّة، وقد نجح هذا؛ لأن الطعام والشراب قد يكونان أحدَ الأسباب المسؤولة عن التبول.

6- تخزين البول:
معظم المتبوِّلين في فراشِهم لا يَستَطِيعون الاحتفاظ ببولِهم في مثانتِهم، فينبغي تدريب الطفل على اختزان كميات من البول يومًا بعد يوم، ويحاول الطفل أن يحتفظ بالبول في مثانته إلى أقصى حد يَسْتَطِيعه، وعندما يستطيع الطفل أن يختزن من 350 إلى 400 سم، فإن ذلك يدلُّ على أن الطفلَ أصبح قادرًا على السيطرة على مثانتِه؛ مما يقلِّل فرصةَ تبولِه في الفراش.

إن تمرين الطفل على وقف نزول البول وإطلاقه أثناء تبوله في النهار عدَّة مرات - يُسَاعِد على تقوية عضلة صمامِ المثانة، ويجب أن يتم هذا التمرين تحت رعاية واهتمام الوالدين.

7- الإيقاظ أثناء النوم:
هذا الأسلوب تكون الخطوة الأولى فيه هي معرفةَ الساعة التي يتبوَّل فيها الطفل، يتمكن من خلال ذلك توقيت ساعة المنبِّه على الساعة المحدَّدة، وعندما ترن الساعة يستيقظ الطفل ويتبوَّل في المرحاض، وبعد سبعِ ليالٍ متواليات يقلل الزمن، إلى أن يتعوَّد الطفل الذهاب إلى المرحاض دون جرس ليلة بعد ليلة.

8- طريقة الجرس والوسادة:
ذكر المختصون أن أسلوب الجرس والوسادة أعطى نتائجَ جيدة في معظم الأحوال، والإجراء هو عبارة عن وسادة خاصة تُوضَع على الفراش، وعندما تبتل في الليل تغلق دائرة كهربية في داخلِها ويرن جرس ويضيء مصباح؛ مما يُوقِظ الطفل، ويوقف التبول، وبمجرد تدريب الطفل على التحكم في المثانة، ترفع الوسائد والجرس.

تابع القراءة