0 تكات هتفيدك فى الاكلات

أسرار المطبخ :
-------------
1- للبسله المسبكه - قرب انتهائها وعندما تتسبك اضيفي لها 2 فص ثوم صحاح
2- للكوسه المطبوخه والمحشيه- إضافة النعناع الناشف أو الأخضر يضفي نكهه مميزه جدا
3- لصينية البطاطس - أضيفي الثوم المدقوق والكسبره
4- للباميه اطحني الثوم مع الفلفل الرومي البارد وحمريهم في الزبده واضيفي عصير الطماطم
5- للملوخيه لا تغطيها وهي سخنه اتركيها تبرد بعد إضفة التقليه- حتي لا تسقط ولا تسود
6- للقلقاس - بعد إضافة السلق لا تتركيه يغلي - لونه يصفر
7-الخرشوف - لا تسلقيه كثيرا اذا كنتي ستقومين بتخزينه في الثلاجه- وبصفه عامه الخرشوف يقدم مسلوق افيد واحلي من المطبوخ
8- للفراخ المشويه او الشيش طاووك اضيفي عصير الليمون بكثره في التتبيله
9-للكفته المشويه تتبل بتفل البصل فقط وليس بصل كاملا
10-للفراخ البانيه اضيفي الكاري البودر في التتبيله وفي بقسماط التغطيه
11-لورق العنب لا تكشفي غطائه وهو ساخن حتي لا يسود لونه(عكس الملوخيه) واضيفي الليمون اثناء التسويه
13-للخيار المخلل اضيفي الكرفس وفصوص الثوم
14-للبفتيك -يتبل ويغطي بالبقسماط ويدق ثم يغطي بالدقيق ثم البيض ثم البقسماط ثاني -يترك في الفريزرربع ساعه قبل القلي -ويطلع علي القلي علي طول ومش هاتشتكي تاني انه بيكش او قشرته بتتفك
15-للأرز بالبسله والجزر اسلقي البسله والجزر لوحدهم-سوي االأرز للنهاية وقبل التقديم أضيفي البسله وقلبيها جيدا -لو اضفتيهها في بدايه الطهو ستتهري وتعجن داخل الأرز
16-لعمل حشو للبط او الدجاج(أرز أو فريك )لابد ان يسوي الأرز خارجيا ثلاثة ارباع تسويه ليكمل النضج بداخل الدجاجه او البطه
17- لعمل العصاج افرمي البصل واضيفيه مع اللحم المفروم في مقلايه تيفال قلبي علي نار هادئه وقلبي حتي يتغير لونه اتركيه ينزل مائه -اضيفي التوابل وقلبي جيدا -ياعني بدون اضافه دهون نهائيا -ينفع للدايت ولا يجعل الكبيبه تفك -ويقلل السعرات الحراريه للأطباق مثل المكرونه بالبشاميل
18-لمنع الغازات اضيفي الكرفس لشوربة العدس والكمون لمحشي الكرنب
19-تسلق جميع انواع البقول في ماء وتصفي ويتم تغيير الماء عند التسويه او التسبيكه -وذلك لمنع مغص القولون العصبي
وبالهنا والشفا

تابع القراءة

0 مكرونة بالبشاميل جميلة وبتكة هتحلى طعمها

اول حاجة هنجيب البصل و نخرطه و نحطه مع شوية زيت على النار عشان اللحمة المفرومه




لحد اما بيقى كده





ناخد من البصل ده معلقتين عارفين ليه عشان المكرونه

استني بس هتعرفي كل حاجه

انا بحب اعمل صلصه للمكرونة

و في نفس الوفت نجط ميه على النار تغلي عشان المكرونه مع شوية ملح و زيت

هناخد البصل اللي احنا خدناه و هنحطه على النار مع ىشويه زيت و اتوصي شويه

و هنحط عليه عصير طماطم عشان تبقى صلصه

كله في وفت واحد على النار عشان نخلص




نرجع تاني للبصل نضبف عليه اللحمة المفرومة و الملح و الفلفل لحد اما تستوي اللحمة





المكرونة خلاص قربت تستوي منوره في الحلة اللي وراو اللحمة استوت و الصلصة جهزت

ما شاء الله كله جهز مع بعضه




ناخد اللحمة و نصفيها من الدهون هتعرفوا ليه و دي تكة خطيرة خلوا بالكوا




و دي المكرونة لما استوت







ودي لما حطيت عليها الصلصة خللي بالك متكتريش الصلصة يدوب تغير لونها الى الاحمر الخفيف زي كده

نيجي بقى للبشاميل الخفيف اللذيذ

بصي يا ست الكل نص كيلو المكرونة بياخد 4معالق دقيق +كيلو لبن +2بيض و بس انا حطيت 5معالق دفيق عارفين ليه هقولكوا بعدين

المقادير دي كلها مع بعض على البارد و نقلبها كويس بالمضرب اليدوي و نحط ملح و فلفل

و بعدين نحطه على النار مع التقليب المستمررررررررررررررر





لحد اما يتقل و يبقى كده




فاكرين الدهون اللي صفيناها من اللحمة

هنضبفها للبشاميل و نقلب كويس اوي




هناخد معلقتين من البشاميل و نحطهم عى اللحمة المعصجة




و الخطوة دي مهمة بتدي تماسك للحمة و بتدي طعم كمان و دي التكة التانية






وهناخد باقي البشاميل هنحط جزء منه على المكرونه و نقلب كويس





انا كنت جايبة برمة صغيرة قلت اما اجرب فيها زي المطاعم





حطيت اول طبفة من المكرونة




و بعدين اللحمة المفرومة




و بعدين الطبقة الاخيرة من المكرونة





و دي ايد بنوتي الصغنتوتة كانت بتساعدني

و طبقة البشاميل على الوش





و دهنت الوش زيت

و دخلتها الفرن





و دي لما طلعت


ام البراعم 2013

فتكات 

تابع القراءة

0 اعملى كيكة على البوتجاز مش فى الفرن

من مطبخ  رباب احمد

المقادير

.2كوب دقيق .

كوب ونص سكر .

كوب الا ربع زيت .

كوب حليب 

.3معالق كاكاو .

فانليا 

.كيس بيكنج بودر او معلقتين .

رشه ملح.

 

 

الطريقه

 

 نضع البيض مع الفانليا ونخلطهم بالمضرب لمده دقيقه

 

 ياريت تاخدو بالكو من الوقت اللي بقوله عشان تطلع معاكو حلوه سواء علي البوتجاز من فوق او داخل الفرن تمام كده

 

 ثم نضيف السكر ونخلطهم لمده دقيقه كمان

 

 وبعد كده نضيف الزيت ونخلط دقيق كمان ونقوم حاطين الدقيق فوق الخليط 

 

وجنبنا اللبن ونزود لبن حبه بجبه لحد ما تكون سلسه بالمعلقه كده

 

 واحنا حنستخدم المضرب فقط عشان نخلي الدقيق يدخل في البيض وكده وبعدين نكمل تقليب بالمعلقه 

 

وبعدين ندهن الحله زيت ودقيق ولو عيزنها نص كاكاو زي الصوره كده باخد شويه من الخليط ده واحط عليه كاكاو واقلبه 

 

ولو احتاج لبن احط شويه بشويه لحد ما تكون كويسه نحط بقي في الحله الخليط اللي لونه ابيض وفي النص احط اللي لونه بوني 

 

واحطها علي اصغر عين واوطي علي الاخر

 

 واحط من تحتها الشياطه او صاجه من بتاعه السمنه اللي هي غطا السمنه

 

 واغطيها واحط فوق الغطا حاجه تقيله انا حطيت غطا تاني اتقل زي الصوره كده وبتكون تحفه ومفروله وتسيبها لمده ساعه بالظبظ وبعدين تبداي تشو فيها انا اخدت مني ساعه وعشر دقايق سيبها تاخد وقتها اهم شي وطي علي الاخر وعلي اصغر عين 

 

وطلعت تجنن واحلي من اللي بتتمعل في الفرن يارب تكون استفدوووووويارب

تابع القراءة

0 اسهل طريقه لعمل تورتة لاعياد الميلاد

وانا جايبالكم اسهل طريقه لعمل الكيك ومتوفره ان شاءالله
مقادير الكيكه مقاس28:
نص كيلوا دقيق تورته (جاهز من عند العطار)
6بيضات (بدرجة حرارة الغرفه)
نصف كوب ماء دافئ
معلقة كبيره محسن كيك (جيل)
فانيليا
بسسسسس

الطريقه :
اولا نسخن الفرن على درجه حراره 180
وبعدين نبدأ بخلط المقادير كلها على بعضها
مفيش اسسسهل من كده ومتقلقيش من الطريقه دى والله يابنات بتطلع هشششششه جدااا وخفيفه ماشاءالله ...
نقعد نضرب فيها من ربع ساعه لتلت ساعه ونريح المضرب فى النص طبعا
يعنى تضربى 5 دقايق وتوقفى دقيقتين (متوقفيش كتير)
بس واالصور موضحه مراحل تطورها وفرق اللون بين كل خمس دقايق
لحد ماتبقى كريمى حلوووه قوى كده ويتضاعف حجمها 3 او 4 اضعاف
ونكون مجهزين الصنيه مدهونه زيت ومتغطيه فورق الزبده هايريحك كتير ان شاءالله ومش غالى خالص





















وتخبزيها من 45 :55 دقيقه كل واحده على حسب فرنها
ويفضل ماتفتحيش عليها الا بعد نص ساعه مش قبل كده
وتختبريها بعصاية الشيش طاووق من المنتصف لو طلعت معاكى نضيفه وجافه اطفى عليها
وسيبيها تهدى فى الفرن خمس دقايق وبعدين طلعيها شيلى ورقة الزبده اللى فى القاع وحطيها على منخل وخلى ورق الزبده اللى فى الجناب تديها طرواه لحد تانى يوم ماتشتغلى فيها



افضل حاجه زى مامعروف طبعا انك تخبزيها فى يوم وتشتغلى فيها تانى يوم
نقطعها على تلاته بالسكينه او بالخيط


نسقيها شربات خفيف بارد

ونبدأ نحشيها كريم شانتيه
وانا بفضل استخدام السايب الخااااام .. ومقدار ربع كيلو كريم شانتيه عليه 3معالق سكر بودره ونضيف عليه كوب ونصف ماء مثلج او لبن مثلج اللى تفضليه او اللى متوفر عندك وتضربيه دقيقتين بس هالاتقيه جمد معاكى وبقى جمييل جدا ان شاء الله ولو حسيتى انك محتجاه كريمى اكتر ضيفيله مايه او لبن على حسب الزوق

ولو عايزاه كريم شانتيه بالشيكولاته هاتضيفيله جناش شيكولاته بارد وهاقولك الطريقه فالاخر ان شاءالله



وتغلفيها من بره وتساويها باستخدام الاسباتيول او السكينه على قد ماتقدرى تخليها متساويه



وفكرة التزيين كل واحده وزوقها يافتوكات

فى اللى بتحب بالفاكهه واللى تفضلها شيكولاته واللى تحبها نص ونص

دى هازينها بجناش الشيكولاته
ومقادير الجناش 2كوب شيكولاته غامقه شيبس صغيره او مبشوره وعليها 1كوب كريمه
واللى مش متوفر عندها الكريمه زى حالاتى تستخدم لبن مبستر كامل الدسم زى بخيره هايبقى افضل من اللبن العادى بمراحل وهايديكى نفس نتيجة الكريمه ان شاءالله .. ملحوووظه : لو هاتضيفى لبن مبستر بدل الكريمه .. مش هاتستخدمى كوباية ((هاتقللى شويه يعنى كوب الا ربع)) لانه مش بنفس دسم الكريمه
الطريقه : نغلى اللبن وبعدين نضيفه عالشيكولاته ونقلب هايدوووب بسررعه ويبقى جميل ان شاءالله وممكن تضيفى ليها ملعقتين عسل ابيض لو عايزاها اكثر حلاوه















والجناش ده يابنات بنعمله ونسيبه يهدى 10دقايق وبعدين نشتغل بيه .. بناخد منه مقدار ملعقتين تلاته ولما يبرد تماما بيكون جمد نضيفه عالكريم شانتيه للى عايزه بالشيكولاته ..
والاشكال اللى بيشكولاته دى هاقولكوا الطريقه ان شاءالله بس لما الاقى تشجيع منكوا يافتوكات .. وكمان هانزلكوا طريقة تورت الفاكهه السهله جدااا ان شاءالله

 ..

منقووول

تابع القراءة

0 موسوعة كاملة لورق العنب شرائه/ سلقه/تسويته / حفظه

بسم الله الرحمن الرحيم
ازيكم ياقمرات اناجيبلكم موضوع النهاردة عن ورق العنب بكل تكاته يارب يعجبكم


اولا:ازاى تشترى ورق العنب :
اولا :لازم تدققى فى ورق العنب اللى بتشتريه لانى الغش اعوذ بالله بقى كتير فى ناس بتبيع ورق توت او ورق جوافة وعلشان تفرقى ورق العنب من بنهم تعالي لى يابطة
اولا الورقة يكون لونها اخضر فاتح مش غامق ـ ناعمة مش خشنة ـ اقطفى عنقود ورقة العنب وعضعضية باسنانك اذا لقتيه مزز يبقى ورق عنب بناتى اصلى (مش ولادى) هههه دى معلومة قالتها ليا ست فلاحة
ثانيا:فى ستات بتحب تجيب ورق العنب المربط علشان سهولة السلق ولكن انا مش بحبذه لان ورقه بيكون ناشف خليكى فى السايب لانه اضمن وحقوللك تسلقيه ازاى
اشترينا ورق العنب خلاص نسلقه ازاى بقى ؟؟؟؟؟؟

 

 

 

 ثانيا سلق ورق العنب :
احنا جبنا الورق المفرط تعالى نتسلى فيه واحنا قاعدين جنب التلفزيون مثلا
بصى بقى هاتى الورق وافرديه واقطفى عنقوده ووافرديه الناحية الخشنة فوق والناعمة تحت حطيهم فوق بعض كل مقاس لوحده (ما احنا فضين بقى) وبعد لما تكونى شوية حلوين فوق بعض اركنيهم واعملى غيرهم لغاية لما يتكون عندك كذا صف هاتى فتلة من البكرة بتاعتك ولفى كل صف لوحده كانك بتلفى هدية ودة علشان تملكى الورق وما يفرطش منك فى الحلة
دلوقتى حطية فى الحلة وانتى مطمئنة انه مش حيفك وفى الحلة حطى مع الميه شوية زيت وعصرة لمونة وسلق ورق العنب مابياخدش وقت وترفعيه علشان يفضل محافظ عل نفسه وما يتهريش وتعرفى تلفيه من غير مايتقطع منك ملحوظة احتفظى بالعناقيد

ثالثا :تسوية ورق العنب 

اولا :ازاى المحشى بتاعك يكون مميز 

1ـ البهارات والتتبيلة /علشان يكون مميز وتدعى لى حطى فى الخلطة التالى
بهاراتك المنزلية اللى انتى عملاها) قرفة مطحونة+حبهان +قرنفل ناعم مخلوطين مع بعض وحط ودى التكاية المميزة نعناع ناشف +شطة حمرا

 

 

 رابعا :حفظ ورق العنب 

فى طريقتين الاولى :يا اما زى ماهو متربط كل صف فى كيس فى الفريزر اخضر بدون سلق ولما تطلعيه تسلقيه وتحشية 

الطريقة الثانية :/تبرمى الورق وتدخلية داخل زجاجة بلاستك لما تتملى غطيها وخزنيها فى اى مكان جاف 

 

منقول

تابع القراءة

0 كيكة البرتقال الهشة بالتفصيل

ده شكل الكيكة النهائي بعد التقطيع . هشة وخفيفة وتجنن ....

نبدأ بالمقادير باسم الله الرحمن الرحيم :

2 كوب دقيق فاخر .

2 ملعقة صغيرة باكنج باودر
قشور برتقال
1 ملعقة فانيليا
رشة ملح صغيرين

1 كوب سكر
3/4 كوب زيت
1/4 1 كوب عصير برتقال متصفي
4 بيض حجم كبير ولو الي عندك صغير يبقى حطي 5

وحنحتاج إلى صينية لخبز الكيك . ماماتي عايزاها في صينية مربعة فعملتها في الصينية دي ودهنتها بحبة زيت وبطتنتها بورق الزبدة. وممكن تدهنيها زيت وترشيها بالدقيق برضو. وممكن تستخدمي أي فرمة تحبينها سواء مدورة أو على شكل وردة أو مفتوحة من المنتصف . زي ما تحبي .

طريق عمل الكيكة

في الأول ننخل الدقيق ونحط علية الباكنج باودر ورشة الملح وحنط معاهم الفانيليا ونسيبهم على جنب .

وفي خلاط العصير نحط البيض والسكر ونخلطهم كويس لحد ما السكر يذوب . نحط قشر البرتقال والزيت

ونحط برضو عصير البرتقال . ونخلطهم كويس لحد ما قشر البرتقال تبقى حتت صغيرة مش باينة .

وده شكل الخليط . حنلاحظ اني قشور البرتقال مش باينة خاص . بس ريحتها طالعة بطريقة رهيبة . حنصب الخليط ده على خليط الدقيق والبكنج باودر والملح .

نقلب بالشريط وحيبقى قوام خليط الكيك كثيف بس بينزل بسهولة .

نصبة في الصينية .

طريقة الخبز :

طريقتي في الخبز هي . أولع الفرن على حرارة 190 ولما يسخن أحط الكيكة وأسيبها لمدة 10 دقايق بعدين أوطي النار على 140 وأسبيها 25 دقيقة . حتكون اتحمرت من تحت أولع الفرن من فوق علشان تحمر . وده شكلها بعد ما خرجت من الفرن .

وده شكلها وأنا بقطعها شايفين الجمال . هشة ولذيذة جدا ً.

وده شكل طبق كيك البرتقال الهش . اتفظلوا ألف هنا وشفا ..

منقووول

تابع القراءة