0 القرص الطريه

القرص الطريه بطريقة loula shouman

المقادير

1 كيلو دقيق

نصف كيلو زبادي موجود في السوبر ماركت

قطعة خميره بيره في حجم عين الجمل

او 2 ملعقه كبيرة خميره فوريه

نصف كيس بكنج بودر

كوب الا ربع سمنه وربع كوب زيت

ملعقتين سمنه كبار بالم بهم العجينه بعد العجن

ملعقة سكر لاذابة الخميره

رشة ملح

الطريقه

حهزي الخميره باذابتها في ماء دافي وملعقة السكر

في اناء العجن ضعي الزبادي والزيت وكوب الا ربع سمنه وقلبي كويس جدا

حتى تتفكك حبيبات الزبادي

ضيفي الدقيق المنخول المضاف اليه البكنج بودر والملح 

واعجنى كويس وضيفي الخميره

وبعد العجن ضيفي ملعقتين السمنه لمي بهم العجينه

اتركيها في مكان دافي لتتخمر

وبعد التخمر قطعى العجينه بشكل اقراص ورصيها في على صاج او صينية فرن

واتركيها ترتفع مره اخرى وابدأي التسويه في فرن متوسط الحراره

واما تبرد تماما ممكن تحفظيها في الفريزر

وبالف صحه وعافيه يارب

تابع القراءة

0 طريقة عمل الاكلير بسهولة

الأكلير من الحلويات اللذيذه والسهله وولادك يحبوا ياكلوه وهما بيذاكروا

المكونات:

1/4 1كوب دقيق

1/3 كوب زيت 

كوب ماء 

5 بيضات 

معلقه سكر

فانيليا 

ذرةملح 

التغطيه

شيكولاته 

الحشوة

كريمة او كاستر

الطريقه:

1-علي النار حطي الزيت +الماء+الملح

2- أول ما يغلي أطفي النار وضيفي الدقيق وقلبي كويس وسيبيه يبرد

3-ضيفي بيضه وقلبي لحد ما تختفي فالعجينه وهكذا لحد ما البيض يخلص مع أضافه الفانيليا

4-شكلي العجينه بكيس حلواني

وسخني الفرن علي 200لمده10 دقايق قبلها ودخلي الأكلير 

وسيبيه لحد ما ينفش تقريبا هياخد ربع ساعه

وبعدين هدي النار علي 160 مثلا علشان ينضج من جوه ولما 

تحسيه خلاص أستوي بعد تقريبا ربع ساعه زودي النار علي 220 

علشان ياخد لون بني فاتح جميل وده لون الأكلير المظبوط.

"أنا بفضل أخبز المخبوزات علي ورق زبده "وهو كده كده أصلا مش 

هيلزق..ولازم تكون صينيه ألومنيوم لأن توزيع الحراره فيها أفضل...

..وطبعا للتغطيه بالنسبه للأكلير شيكولاته والحشو كريمه او كاسترد

الاكلير نخليهم يبردو بعد ما خرجناهم من الفرن

-نفتحهم بسكين على جنب نعمل فتحة صغيرة و نحشيهم بالكاسترد ويزين بالشيكولاته

وبالهنا والشفا

تابع القراءة

0 مكرونة البيتزا

ودا صنف جديد من أصناف البيتزا
مكرونة البيتزا

***********

المكونات:

كيس مكرونة اسباجيتي مسلوقة

3 م ك جبنة سايلة

- 2 م ك قشطة وتخلط مع المكرونة بعد سلقها

ثم نضعها في صينية فرن مدهونه سمنه ونتركها على جنب حتى

 نحضر الصلصة

لعمل الصلصة:

نضع في الخلاط (3 حبات طماطم - 2 فلفل اخضر - بصلة متوسطة - 

3 فصوص ثوم - 2 م ك صلصة طماطم - م ك كاتشاب - ملح - فلفل 

اسود )

ثم نضع 2 م ك زيت في قدر على النار ونصب عليه خليط الصلصة 

اللي حضرناها ونتركها على النار حتى تثقل وتشرب مائها

ثم نضعها على المكرونة في الصينية

حشوة الوجه

نقطع طماطم وفلفل اخضر واصفر واحمروزيتون اسود واخضر 

وبقدونس مفروم وقطع لانشون او بسطرمه قطع صغيرة ممكن 

نضيف قطع مشروم كمان ونخلطهم ونضعهم على الخليط المكرونه

 بالصلصه

ثم نضع كوب جبنة شيدر وموتزاريلا مبشورة

ندخل الصينية الفرن وهي مش بتاخد وقت كتيير .نصف ساعة

ولا تحمروا وجه الصينية كتير حتى لا تجف الجبنة

تابع القراءة

0 تعالى اقولك تخزنى ايه فى الفريزر بالتفصيل

ناس كتير بتسال ايه اللى ممكن يتخزن فى الفريزر 

هقولكم انا بخزن ايه 

التوم   انا جربت انى افرمه اولا طبعا كفايه ريحة التوم اللى بتملى البيت يوم ماتفكرى تعمليه غير بقى ريحة الفريزر اللى بتبقى كلها توم 

بس جربت انى اشتريه اخضر وافصصه واحطه فى برطمان واشيله فى الفريزر 

حلو جداااااااااااااااااااااا مفيش ريحة وكمان بفتح البرطمان اخد العدد اللى محتجاه 

وكمان ميزته مبيلزقش فى بعضه وريحته بتبقى افوح 

البطاطس   جربت طريقة انى اسلقها دقيقتين واشيلها فى الفريزر وكانت النتيجة سيئة 

طلعت ملزقة ومستوتش وحالتها حاله 

احسن حاجة تتقلى نص قليه وتتشال فى اكياس على قد الاكله 

الطماطم   جربت اشيلها زى ماهى وجربت اعصرها بس افضل نتيجة على الاطلاق

 انى اجيب حلة احط فيها الطماطم بعد ماقسمها بالنص واحط معلقة ملح واوطى 

خااااااالص هى هتنزل ميتها وهتتسبك والقشرة هدوب اطلعها اضربها فى الخلاط واشيلها تحفففففففففة 

الحمص   كنت فى الاول بنقعه واسلقه واحطه فى كيس كبير واخد على قد ماحتاج بس 

الكيس بقى يكرف من ريحة التلاجة وطبعا مبيتاكلش فاحسن حاجة بقيت اجيب اكياس

 وعلى قد احتياجى كيس كيس افضل 

البسلة   بفصصها واشيلها زى ماهى 

الجزر   ببشره واحفظه فى كيس

 

البامية   غلوتين مع لمونه واكيسهم على قد الاكله 

الفلفل الرومى  بقطعه مكعبات واشيله بينفع للنجرسكو والكبسة والبيتزا 

الجبنة الرومى والشيدر   ببشرهم واشيله فى اكياس للمكرونات والبيتزا 

البقدونس والشبت والكزبرة   جربت انى اغسلهم وانشفهم واقطعهم طلعت ريحتهم 

وحشة ودبلانين ولونهم مسود معرفش ليه

 

الكوسة  بغسلها واقطعها مككعبات للشوربة

 

الفاصوليا البيضا   وام عين سودا والفول بسلقهم وفى اكياس 

ورق العنب جربت احفظه زى ماهو ريحته معجبتنيش 

الملوخية بقطفها واشيلها من غير ما اخرطها وساعة الطبخ اشيلها من الفريزر وعلى الخلاط او الكبة واضربها وفى الشوربة المغلية على طول

ما استناش الكيس يفك 

الفراخ بغسلها بلمون وخل وملح واشيلها على قد الاكله 

الوراك فى كيس والسفاين بخليهم واعملهم بانية واتبلهم واشيلهم فى اطباف فيبر 

وجزء بقطعه صغير للشاورما والبيتزا 

البفتيك بتبله ساعتين واشيله 

الكبدة بغسلها واحفظها زى ماهى هى واللحمة 

السمك اللى بيحتاج يتقلى بقشره واقطعه واشيله واللى للشوى بنضف بطنه وبشيله 

اى شوربة عندى زيادة بخليها للمحشى 

الفرواله بغسلها واكيسها على قد الاحتياج 

هى والجوافه اما المانجا بشيلها زى ماهى حب بعد غسيلها 

انا مش جاى فى بالى حاجة تانية 

قولولنا انتوا بتخزنوا ايه تانى يابنات

تابع القراءة

0 فطاير للعشا والفطار سهلة اوى

السلام عليكم احبتي
كل كوبايه دقيق لها معلقه سكر ومعلقه لبن بودر ومعلقه 

خميره ومعلقه زيت وبيضه واحده ولمي بميه دافيه وضاعفي الكميه لو حابه 

نسيبها تخمر متغطيه ونجهز الزيت للقلي ونفتح الجبنه 

نقسم العجينه كور متساويه الحجم ونا خد الكوره نفرده دايره بس سميكه بتخن سم ونحط الجبنه في النصف نتني الطرف اللي تحت الاول

وبعدين نتني الجوانب هايطلع مثلث نقلبه ونبططه بايدينا شويه وع الزيت السخن واقلي

نطلع ورشه زعتر

شوفوا جمالها من جوه

سهله ومغذيه وبسيطه وعجبت عيالي جدا يارب تعجبكم 

منقول من فتكات

للعضوة صابرين

تابع القراءة

0 عندك عيش كيزر بايت اعمليه بيه بيتزا

لو عندك عيش فينو بايت او ناشف ممكن تعملى به بيتزا !!
ماتستغربيش حقولك
اولا هاتى صنيه تيفال وقطعى العيش قطع صغيرة جداا وجيبى نص كيلو لبن و2 بيضة وضربيهم جامد وحطى عليهم ذرة ملح وفلفل وبعدين حطى الخليط على العيش وتاكدي ان العيش شرب كل الخليط ولوعايز ممكن تزودى ماء او لبن تمام
هاتى اى بواقى لحمة او فراخ او تونة او سجق او بسطرمة زى ماتحبى لو ملقتيش اعملى اللى حقولك عليه هاتى حلة صغيرة وحطى معلقتين زيت كباروبصلتين كبار قطعيهم حلقات وشوحيهم فى الزيت وحلقات فلفل كوبى وبعدين حطى حلقات طماطم وذرة ملح وفلفل وقلبي حوالى 10 دقائق بحيث مش عايزبن الخليط يتسبك عايزين نحس بطعم كل حاجة موجودة ونصب الخليط على العيش الفينو وحطى عليه جبنة موتزاريلا او اى نوع جبنة بتسيح وحطيها فى الفرن لمدة 10 دقائق وطلعيها وقطعيها مثلثات وقدميها فى الاطباق وبالهنا وشفا
وممكن لوعندك عيش كيزر بايت اقسميه نصين ورسيه في صنيه مدهونة زيت وحطى عليها خليط اللبن بالبيض وبعدين حطى الخليط السابق ورشي جبنة موتزاريلا ودخليه الفرن اصبحت كل واحدة بيتزا لوحدها

 

تابع القراءة

0 طريقة عمل الباذنجان المخلل بالصور

باختصار انا جيبلكم طريقة عمل الباذنجان المخلل بالصور
لذيذ جدا وسهل فى نفس الوقت

اولا بنجيب الباذنجان ونشيل العنق بتاعه ونغسله ونحطه فى حلة مع شوية ميه عشان نسلقه
وادى صورته




وبعدين نسيبه حوالى عشر دقايق وهيكون اتسلق وبقى تمام وللى بيحبوه طرى جدا سايح يعنى يزودوا شوية فى السلق وتطلعى واحدة وتظغطى عليها لقيتيها زى ما انتى عايزة اطفى النار وحطي الباذنجان فى مصفاة عشان تبرد زى ما فى الصورة


وبعدين بقى على الباذنجان ما يبرد نجهز الحشو اللى هو عبارة عن ثوم + فلفل احمر بس انا مكنش عندى فلفل احمر جامد كان نصفه اخضر على احمر بس نفع وطلع المخلل جميل

اهو

الخلطة دى هنطحنها فى الكبة وبعد ما تطلع نحط عليها معلقة صغيرة ملح زى الصورة كده




الباذنجان طبعا هيكون برد نجيب واحدة واحدة نفتحها ونبدا نحشى بالخلطة



ودى الكمية كلها بعد ما حشتها



و


بعدها حطيت عليها ميه بملح
الملح يكون زيادة سنة صغيرة
وتسبيها ليلة كاملة برة الثلاجة
وبعدين تانى يوم تحطيها فى الثلاجة
وتستنى عليها شوية انا استنيت اسبوع
بس طلع تحفة

منقول

تابع القراءة