0 طريقة سهلة للكرواسون البيتي بالصور

الكرواسون الى على طريقتى
انا بعملة بنفس طريقة عجينة البيتزا هى هى 

طريقة عمل الميني بيتزا من مطبخى

بس بعجنها بالبن
هى نفس الطريقة
بعد ما بتخمر
بجيب العجينة وبفردها دائره

وبقطعها مثلثات
وبضع على طرفها المثلث


الجبنة
او الشكولاتة
او المربى
او العصاج
والفها
وبجيب صفار بيضة وبدهنها بيها وارش عليها حبة البركة او سمسم او زعتر
وادخلها الفرن
وبعد ما تستوى وتحمر

منقول

تابع القراءة

0 طريقة عمل الميني بيتزا من مطبخى

المينى بتزا الخطييييرة


منجد المدارس
وعلى السريع كدة
بعمل عجينة البتزا ودى على طريقتى
2 كوب دقيق
نصف كوب لبن او مايا الى موجود
ونصف كوب زيت على سمنة
بيضة
خميرة
بكنج بودر
ذرة ملح وذرة سكر
الطريقة بجيب الدقيق
واضع علية البودر
وذرة الملح
والبيضة
والزيت
ويعجن الخليط
ثم نضع الماء او البن الدافى المذاب فية الخميرة والسكر
وتعجن جيدا
وتترك الى ان تخمر
وتقطع دوائر صغير
وتدهن بالصلصة
وطريقة الصلصة بتاعتى
بجيب فصين توم وطمطميتين وابشرهم بالمبشرة
واسخن الزيت واضع الثوم علية ليصفر لونة ثم اضع الطماطم المبشورة
ثم قليل من الملح وملعقتين سكر صغيرين
وزرة كمون وزرة شطة
وتتركيها على النار حين تتسبك كويس
وبعد ما تبرد تدهنى بيها دوائر البيتزا



ونضع حلقة فلفل اخضر وحلقة طماطم
ودوائر الزيتون
وبشر جبنة
وندخلها الفرن لحين ان تستوى
وبالف هنا وشفا 

منقول

تابع القراءة

12 بالصور منظفاتي اللي مريحاني في حياتي وطرق التنظيف

الموضوع للعضوة: شلت همى بخفة دمى
من فتكات

النهارده يابنات انا جيبالكم رفيو
لمنظفاتي
اللي بستعملها في البيت واللي الكل بيشهد
بنظافه بيتي وغسيلي
وبيتي اللي دايما ريحته تحفه

نبدأ يابنات علي بركه الله

اول حاجه



اولا دي المنظفات اللي بستخدمها في الغسيل
علي اليمين كلوركس للهدوم البيضا
وده امن تماما علي الغسالات الاوتوماتيك
روعه يابنات في التعقيم والتنظيف
طبعا معظمكم عارفه
انا ساعات بجيب الحجم ده تقريبا ب5ج او 6ج
بيقعد معايا شهرين
وساعات بجيب الاصغر منه لتر تقريبا ب3 ونص
بتنقعي الهدوم البيضا من بالليل في مايه سخنه وشويه كلوركس من ده
وشويه برسيل بس كده والصبح تحطيهم في الغساله علي 90درجه وحرف الa
مع شويه برسيل وفانيش روووح قلبي من جوه وده هتكلم عنه بعدين
وشوفي النظافه والبياض الساطع

جمبه علاطول كلوريل للالوان

ده بقي وهم للالون بيخلي الالوان تزهزه علي الحبل
وبيحافظ عليها من البهتان
ده غير انه حلو اووي للبقع
انا بجيبه ب4ونص بيفضل معايا طول الشهر
وساعات بيفضل اكتر من كده علي حسب الاستخدام
بحط منه غطا واحد مع الهدوم الملونه
وشوفي النظافه
بس خلي بالكم في هدوم مينفعش معاها
الكلوريل ده لازم تشوفي تعلميات الغسل كويس
وتقريها من علي الهدوم
وساعات لو فيه بقع بدعكها الاول قبل ماحطها في الغساله
بالكلوريل ده واسيبه شويه وبعدين اغسلها



دي علبه كانت بتاعه كوبايات فاضيه عندي استخسرت ارميها
طلعت مواهبي فيها بقي ههههههه وهقولكم بحط فيها ايه

بحط فيها الفانيش ده هو بودر من جوه
اللي قولتكم عليه فوق اني بحطه مع الهدوم البيضا
ده بقي كلمه وهم قليل عليه
قمه في النظافه ده بقي حبيبي حبيبي حبيبي لو اطول اخده في حضني وانا نايمه
كنت خدته
بس فيه ناس هتزعل
وكمان حلو اووي للبقع والالوان
فيه منه اكياس الكيس ب2ج
انما ده بجيبه ب16ج
بس بيفضل كتير معايا

اما علبه الفانيش دي بقه بتفضي بحط فيها ايه
زهره
وعلبه تانيه كمان ملح ليمون
وهما التلاته بحطهم
في العلبه الحمرا اللي انا عملاها دي
ومعاهم البرسيل العادي بتاع الغساله الهاف

ندخل بقي علي الازازه اللبني دي طبعا
داوني غني عن التعريف
ساعات بجيب دي اللبني دي

وساعات بجيب دي


الاتنين
ريحتهم وهم وبيقعدوا كتير لاني بخففهم شويه
وساعات بحط عليهم معطر من عند بتاع المنظفات
بصوا بقي في طريقتين بستخدمهم في التعطير
الاولي
اللي هي تقليديه اننا بنحط شويه مع مايه الشطف
التانيه بقي اني بجيب بخاخه
واحط فيها شويه داوني واخففهم بمايه
وارش علي الهدوم بعد ماتشطف وانتي بتنشريها
طبعا الطريقه دي موفره
بس عايزه صبر
ودي البخاخه اللي برش بيها ساعات

هي مش بخاخه بمعني كلمه بخاخه دي كانت ازازه
فا كان فيها كلونيا كده منعشه بستخدمها
واما خلصت اعدت استخدمها في كده
منها توفير ومنها شكلها اشيك من البخاخه
وبرضه برش منها علي الستاير والسجاجيد

طبعا البرسيل حبيبي مش بحب اغيره لاني غيرت كتير
ومرتحتش غير في ده




الحلوه دي بقي غساله بس صغغنه شويه ههههههههه
بس مش غساله حقيقيه يعني دي ديكور بس
كنت اشتريتها من بنوته من الفيس
دي بيتحط فيها المسحوق والدرج اللي تحت
بتدخليه لجوه كده وتشدي يطلعلك مسحوق
علي اد الغسله
شكلها شيك اووي ومشرفه قدام اي حد يجيلك من الضيوف



ده برسيل جيل بجيبه للغساله الهاف
جميل اووي وريحته تحفه
اما بغسل بيه مش بحط داوني



ده برسيل للهدوم السمره
كان معاه كيس بريل هديه ههههههههه
اول مره الصراحه يعملوها بس يالا مصلحه
حلو اوي يابنات في المحافظه علي الهدوم السمره والغامقه عموما
خاصه اني منتقبه وهدومي كلها سوده
وبرضه زوجي ليها هدوم غامقه كتير
انا بقي بغسل الهدوم السمره علي ايدي
مش في الغساله
عشان متتبهدلش
وبنشرها في الضل وساعات بحط العبايه علي الشماعه واعلقها علي ماسوره
الستاره بتاعه البانيو تنقط طول الليل بقي وتاني يوم علي اخر النهار بتكون نشفت والطريقه دي
رائعه جدا يابنات وبتحافظ علي سمار العبايه
ولو فيها كمان شغل استرس او خرز يعني


ده بقي يابنات فانيش السائل
زيه زي البودر بالظيط
نفس الفاعليه بتاعته يعني
ساعات بجيب ده وساعات بجيب التاني
هو حاليا انا فضي حطيت فيه
معطر كده بجيبه ب2ج من عند بتاع المنظفات
هو شبه الزيت بخففه لغايه مايملي الازازه
وبعدين امسح بيه الارض
نقطه بس عشان ميرغيش فيه ممنه بالروايح الحريميانا بجيب كاسليا واسكيب وورد بلدي
وشمي بقي ريحه النظافه وكمان لمعان الارض

كمان ساعات بحطه في بخاخه وارش بيه
الستاير والسجاجيد وفي الجو كده وهم يابنات


كده خلصت الغسل

ندخل بقي في المواعين


انا بستخدم فيري يابنات

البرتقال جميل اوي وريحته وااااااو


بحط معاه شويه خل للمعان
بيخلي الكوبايت واوي حاجه ازاز بتلمع
وبستخدم للومنيوم صابون وش او صن لايت
بيخلي المواعين تبرق من النظافه

دي العلبه اللي بحط فيها السلك بتاع المواعين
بقطعه واحطه فيها انا اللي عملاها علي فكره
بازازه بيبسي فاضيه
مواهب بقي هههههههه
معلقاها في المطبخ منها شكل ديكوري ومنها توفير للسلك كمان

جزء التعقيم عندي



دي بخاخه فيها كلور علي ديتول
مخفف برش بيه ارضيه الحمام والمطبخ والقاعده بتاعه الحمام للتعقيم


ندخل بقي علي المسح

الكلور سايب بجيب ب3ج بيفضل طول الشهر
وبخففه وساعات بيقعد اكتر من شهر كمان
لتنظيف الحمام والارضيات
والاحواض

الديتول بجيبه السايب
بجيب ب2ج بيقعد شهرين وبخففه بمايه وحطي شويه صغيرين
علي مايه المسح مطهر ومعقم كمان


انا كمان بجيب هاربيك سايب ب2ج يفضل شهرين
وكمان بجيب بريل سايب ب2ج بيقعد شهرين معايا لغسل الاحواض

اخيرا ندخل علي التلميع



ده مستر ماسل الازازه دي بفضل الله بتقعد معايا سنه
هههههه متستغربوش
هقولكم ازاي
انا بجيبها واقسمها في حاجه تانيه
واخففها بنقطتين فيري وشويه خل ومايه
وكل نص بيقعد معايا 6 شهور

ده بيلدج للخشب لاني مش بحب الجاز في التلميع
بيقعد معايا كتير اوووي
وكمان بيحافظ علي الخشب من التشققات واتقشير

تابع القراءة

2 خطوات العناية بكل نوع بشرة من الألف للياء

لازم كل بنت تعرف نوع بشرتها ايه عشان تعرف تعتنى بها ازاى؟؟ وايه الماسكات التى تناسبها
لان للاسف فى بنات بتجرب اى ماسك جاب نتيجة مثلا مع شخص من غير ما تعرف نوع بشرتها ايه ؟
لازم تستخدمى سواء وصفات طبيعية او منتجات تناسب نوع بشرتك
ومن انهردة حتعرفى مع خبيرة التجميل وئام حسان فقط
ازاى تعتنى بنوع بشرتك من الالف للياء

تعااااااااااالو يالا نبتدى مع بعض

البشرة الدهنيه


الشكوى والحلول

1- المسام الواسعة
وصفة لتضييق المسام الواسعة

فى بنااااااااااات تعانى من المسام الواسعة وسببها :
1) طبيعة بشرتك مسامها واسعة
2) كثرة عمل حمام البخار للبشرة
3) فتح المسام ومش بتقفلى مسامك بتسبيها مفتوحة

المقادير:
ملعقة طعام من كل من: خميرة + لبن فاتر + نشا + ماء ورد+ عصير ليمون
الطريقة:
تخلطيهم جيدا وتضعيهم على بشرتك على بشرة نظيفة وزى الفل لمدة تلت ساعة ولما الماسك يجف ع وجهك تفركى وجهك ببطن اصابع يدك وتشطفى بالماء البارد ثم بمية الورد مرتين بالاسبوع ل3شهور
تستخدميها من شهر الى 3 شهور وبعد الشهر الاول تلاحظى الفرق بين قبل وبعد ولازم تواظبى على اى وصفة ايا كانت لمدة 3 شهور ع الاقل

2- البشرة بتلمع بسبب
ان بها زيوت
استخدام غسول مناسب للبشرة
ويكون خالى من الزيوت
3- الحبوب
عدم اللعب فى الحبوب لانك بكده حتنقلى
الحبوب من مكان لاخر
استخدام صابونة سبوتلس
و
كريم سبوتلس باللبن الرايب والليمون



استخدام ماء مغلى البقدونس او الكاموميل
ببل قطعه قطنة بماء مغلى البقدونس او الكاموميل
ومسح الحبوب بها يوميا بس تصفى ماء البقدونس وتضعى فى زجاجة وفالثلاجة ويستخدم

4- اثار الحبوب

غسول للوجه مخصوص للحبوب عبارة عن تجيبى ماء وتضعى فيه كيس ملح وتضعيه يغلى ع النار لمده نص ساعة ثم تضعيه فى زجاجه زجاج وليس بلاستيك وتضعيه فى الثلاجه ثم تجيبى قطعه قطنه وتضعى عليها هذا الغسول وتمسحى بها الحبوب وتتركيه لغايه ما ينشف ثم تشطفى وجهك بالماء البارد يوميااا وترطبيه بكريم ترطيب الوجهك المناسب لنوع البشرة

5- التقشير للبشرة
وهى السنفرة
مرة كل اسبوعين
ملعقة ملح + ملعقة سكر + نص ليمونه
تخلطيهم وتضعيهم ع البشرة لمدة 3 دقائق ثم تقومى بفرك وجهك ببطن اصابعك وتشطفى وجههك بالماء البارد ثم شطفه بماء الورد الساقع من الثلاجه

6- الرؤؤس السودة
اسباب الرؤؤس السودة انك بتسيبى مسام بشرتك مفتوحة ومش بتقفليها فلما بتخرجى بيبقى الهواء فى تراب فالتراب بيدخل فالمسام وبعد كده لو غسلتى وجهك بماء ساقع المسام بتتقفل والتراب جوة المسام فيكون لديكى رؤؤس سودة هاااام ولازم تقفلى المسام بعد ما اتفتحت بفعل البخار والمية السخنة حتى بعد الشاور او بعد تنظيف بشرتك بعمل حمام بخار للبشرة ولقفل المسام مرور مكعب ثلج او مكعب ثلج ماء الورد ع البشرة او شطفها بماء الورد الساقع

اختارى وصفة واحدة وبعد استخدام اى وصفة تستخدمى وصفة التقليل من الرؤؤس السودة فالبشرة
بس اولا لازم فتح مسام الوجه بعمل حمام البخار لسهولة ازالة الرؤؤس ولازم بعدها مباشرة قفل المسام بمرور مكعب ثلج ع الوجه او شطف الوجه بماء الورد الساقع من الثلاجة

*وصفه لازاله الرؤؤس السودة للبشرة الدهنية
ملعقة ملح ناعم+ نص ليمونة + ملعقةونص زيت زيتون تخلطيهم مع بعض وتضعيهم ع الرؤؤس السودة لمده تلت ساعه ولما تنشف تفركيها ببطن اصابعك وتشطفى وجههك بالماء البارد ثم شطفه بماء ورد ساقع من الثلاجه تستخدميها من شهر الى 3 شهور وبعد 3 شهور تستخدمى الوصفة دى

* للتقليل من الرؤؤس السودة
مرة فى الاسبوع ملعقتين كركم مطحون + ملعقتين زبادى لمده تلت ساعه وتشطفى وجهك بالماء البارد ثم شطفة بماء ورد ساقع فى النهاية
او
*وصفه أخرى لازاله الرؤؤس السودة للبشرة الدهنية
تستخدمى خل النعناع عبارة عن ( خل التفاح وتنقعى فيه نعناع لمده 15 يوم ثم تصفيه فى علبة حيطلع ليكى فى النهاية خل النعناع وتستخدميه طريقته تبلى القطنه بخل النعناع وتمسحى بها الرؤؤس السوده وتتركيه على وجههك لمده تلت ساعه ثم تفركى وجههك وتشطفيه بالماء البارد وفى الاخر تشطفى وجههك بماء الورد الساقعه من الثلاجة او تمررى عليه مكعب ثلج لقفل المسام لازم تقفلى المسام مهم جداااااا مرتين فى الاسبوع لمده 3 شهور والنتيجة بتبتندى تظهر بعد الشهر الاول تلاحظى الفرق بين قبل وبعد

7- الحفر فالبشرة
ابعدى عن اللعب فى الرؤؤس السودة او الحبوب لان
فى بعض بنات بتستخدم لازالة الرؤؤس السودة او الحبوب الدبوس
اواى اداة حادة
وده بيعمل حفر فالبشرة خلى بالك

8- حمام البخار


فوائده :
التخلص من الرؤؤس السودة وتنظيف البشرة بعمق

المكونات :

جهاز بخار او تضعى حلة ع النار وتضعى وجهك فوقها بحيث يطلع البخار على وجهك + تربطى شعرك بايشارب عشان مش يتقصف من البخار + اداة تنظيف البثور + قطن + ماسك لسنفرة البشرة + ماسك لتغذية البشرة + الشيح من عند العطار

الطريقة:

1- تضعى وجهك على جهاز البخار وتضعى بداخل جهاز البخار او الحلة اللى على النار ملعقة كبيرة من الشيح من ربع الى نص ساعة عشان المسام تتفتح

2- تستخدمى أداة تنظيف البثور فيها نحيتين نحية طخينة ونحية رفيعة تستخدمى النحية الرفيعة

3- تمسكى اداه تنظيف البثور بيد واليد الأخرى قطعة قطنة صغيرة

4- تمسكى اداة تنظيف البثور وتنظفى بها الرؤؤس السودة تضعى الحرف الرفيع من الاداة ع الرؤؤس السودة وكأنك بتشيلى وتنتطرى الرؤؤس السودة بالاداه لفوق ولما تطلع الرؤؤس السودة فى اداه التنظيف تمسكى القطنه وتمسحيها وتعملى كده على كل الرؤؤس السودة وتضغطى ع جانب الانف فى النحيتين اليمين والشمال اللى داخلين جوة جانب الانف

5- يجى دور سنفرة البشرة
لازاله الجلد والخلاياالميته تفركى الوجه ممكن بيدكى او بقطعة قطنة توجهى اليد او القطنة وانتى بتنظفى لبرة اى تبدئى من اى جزء تنتهى بقطنة او بيدك لبرة اى للذقن اى من فوق لتحت اى من القورة الى جانب الوجه الى الذقن و من جناب الأنف والخدود لبرة اى لللأذن فى حركات دائرية

*سنفرة للبشرة الجافة والعادية :
ملعقتين لوز مطحون مرمل + ملعقة صغيرة عسل + نص ملعقة صغيرة عصير برتقال تخلطى الخليط جيدا وتضعى ع الوجه لمدةربع ساعة وبعدين تفركى وجهك ببطن اصابع يدك وتشطفيه بالماء الدافىء وللبشرة الحساسة تتركه لمدة 3 دقائق فقط

* سنفرة للبشرة الدهنية والمختلطة :
ملح + سكر بنسب متساوية + ليمون تخلطى الخليط جيدا وتتركيه ع الوجه لمدة ربع ساعة وبعدين تفركى وجهك ببطن اصابع يدك وتشطفيه بالماء الدافىء وبعدين تفركى وجهك ببطن اصابع يدك وتشطفيه بالماء الدافىء

6- يجى دور ماسك لتغذية البشرة
لجميع انواع البشرة
ملعقة عسل أبيض+ ملعقة لبن بودرة او حليب تستخدمى لو نوع بشرتك جافة او عادية لبن كامل الدسم ولو بشرتك دهنيه او مختلطة لبن خالى الدسم ولو بشرتك حساسه اى نوع لبن بودرة مش حتفرق وتضعيها ع الوجه لمدة تلت ساعة وبعدين تفركة ووجهك ببطن اصابع يدك وتشطفى وجهك بالماء البارد


7- مرحلة قفل المسام مهمة جداااااااااااااااااااا
مروووووووور مكعب ثلج ع الوجه كله وياريت لو مكعبات ثلج ماء ورد او شطف الوجه كزا مرة بمية الورد الساقعة


**يجب تعملى تنظيف البشرة مرة بالشهر وتحذير كثرة استخدام تنظيف البشرة بالبخار فى فترات متقاربة تعمل على توسيع المسام للبشرة
الصورة دى أداة تنظيف البثور لازم تكون عندك


البشرة المختلطة
او
المركبة
على شكل T






الشكاوى والحلول

1- تكون قشور فى مناطق معينة
فالبشرة
2- زيادة نسبية افراز الدهون فى مناطق معينة
فالبشرة

البشرة المختلطه اصعب انواع البشرة عشان تعتنى بها عشان هى جافه وفى نفس الوقت دهنيه يعنى جافه من نحية الخدود ودهنية من نحية القورة والأنف والذقن يعنى الحاجات اللى حديها ليكى للبشرة الجافة تضعيها على خدودك الحاجات بتاعه البشرة الدهنية تضعيها على الانف والذقن والقورة يعنى بتستخدمى حاجتين فى وقت واحد لكل حاجة ليها الوصفة بتاعتها للبشرة الجافه والدهنيه

حبدأ دلوقتى بعلاج البشرة الجافة
اولا البشرة الجافة نحية الخدود على طووووووووووول بتقشر يعنى محتاجة حاجة ترطبها وفيها نسبة دهون شوية تستخدمى ليها الفازلين او كريم جليوسيد الاحمر وتضعى عليه ليمونه وتقلبيه كويس وتبدأى تستخدميه لترطبى خدودك يوميا مرتين فى اليوم مرة صباحا ومرة مساءا + حديكى سنفرة للبشرة الجافة تعمليها على خدودك دى بتشيل الخلايا الميته بتتعمل مرة كل اسبوعين السنفرة هى ملعقتين لوز مطحون ويبقى مرمل يعنى يبقى عامل فى ملمس الرملة كده+ ملعقة صغيرة عسل ابيض+ نص ملعقه صغيرة عصير برتقال تضعيها على وجهك لمده تلت ساعه ولما تنشف تقومى بفرك وجهك ببطن اصابع يطيكى وعمل المساج للوجهك بحركات دائرية ثم شطف وجههك بالماء البارد وفى الاخر شطفه بالماء الورد الساقع من الثلاجه
احنا كده عالجنا البشرة الجافه
اللى هى نحية الخدود

نيجى لعلاج الجزء الدهنى فالبشرة المختلطة

نحية الانف والقورة والذقن
عشان البشرة المختلطة على شكل T

يطبق عليها شكاوى وحلول


البشرة الدهنيه





البشرة الجافة



الشكاوى والحلول
1- مشدودة
2- تكون قشور عليها بسبب
نقص كمية الزيوت بها
3- بتحرقك بسبب القشور
4- تكون الخلايا والجلد الميت

عليكى
استخدام غسول مناسب لبشرتك
غنى بالزيوت

الاقلال من استخدام الصابون والغسيل المتكرر
للبشرة لانه بيعمل على جفاف البشرة
وخلوها من الزيوت

عليكى باستخدام كريم من صنع يديكى مناسب
لنوع بشرتك ويعمل على
التفتيح والنعومة والتقليل والخلو من التجاعيد
( ملعقة فازلين+ملعقة مسطحة من
زيت لوز حلو + زيت لوز مر+ زيت جنين القمح +جلسرين
+زيت عطرى اختيارى )
الطريقة
تقومى بتسيح ملعقة الفازلين ع نار هادئة ولما
الفازلين يسيح تشيليه من عالنار وتضعى الزيوت
وتقلبيهم جيدا وتضعيهم فى علبه صغيرة
يتم دهن البشرة يوميا قبل النوم وبعد استخدام الغسول
المناسب لبشرتك

عليكى بعمل سنفرة مرة كل اسبوعين تتكون من
سكر + زيت زيتون
ويوضع عالبشرة لمدة 10 دقائق ثم يفرك الوجه
ويشطف بالماء جيدا ثم وضع كريم مرطب


البشرة الحساسة




الشكاوى والحلول
1- سريعة الالتهاب
2- الاحمرار بسبب الشمس
عليكى
استخدام غسول لتنظيف البشرة مناسب لبشرتك

البعد تماماااااا عن الليمون لانه من احد التهابات البشرة
وضع كريم مناسب لبشرتك

البشرة التى تعانى من التقدم فى العمر
اصحاب هذه البشرة ابتداء من سن
35 فيما فوق




الشكاوى والحلول
ظهور تجاعيد
حول
العين والفم

عليكى القيام


كــــر يم التخلص من التجاعيد
ولشباب ونضارة البشرة

من صنع يديكى يعمل على
الترطيب والتغذية والتفتيح
والتخلص والتقليل من التجاعيد
نهائيا وعدم كرمشة الجلد


المكونات
تومن او ربع كيلو
شمع العسل الموجود بعسل النحل الابيض
او ممكن بيتباع شمع العسل لوحده
فى اماكن منفذ بيع العسل
وصورته كما بالصورة


+
ملعقة مسطحة من
زيت لوز حلو + زيت لوز مر + زيت جوجوبا +
زيت جنين القمح + زيت سمسم
+ جلسرين
+ كبسولة فيتامين أ او A
تستخدم وتوضع عالمكونات
ابتداء من عمر 45 سنة

الطريقة
تقومى بتسيح شمع العسل على نار هادئة اولا
ولما يسيح تشيليه من عالنار
وتضعى الزيوت السابقة مع
كبسولة فيتامين A او أ
وتقلبيهم جيدا وتضعيهم فى علبه
وتستخدميهم
مرة فالصباح
ومرة فالمساء
دوون التعرض للشمس

فوائد المكونات الكريم

شمع العسل يعمل على التغذية
زيت اللوز الحلو والمر يعمل على الترطيب والتفتيح
زيت الجوجوبا يعمل على شباب البشرة ونضارتها
زيت السمسم يحتوى على مضادات للاكسدة قوية
تعمل على حماية الجلد من التجاعيد
زيت جنين القمح يعمل على الحفاظ على مادة الكولاجين
الموجودة تحت البشرة لانها المادة المسئولة عن
مرونة وشد الجلد لانها ابتداء من سن 35 سنه
بتبدى المادة دى تقل تحت البشرة
فزيت جنين القمح يعوض البشرة
بمادة الكولاجين
الجلسرين يعمل على التنعيم
كبسولة فيتامين أ او A
تعمل على عدم كرمشة الجلد وتضعوها فى المكونات
ابتداءا من سن 45 سنة


الخطوات الموحدة للعناية بجميع انواع البشرة

1- استخدام تونر مناسب لقبض المسام
والتونر يستخدم لقفل المسام
ممكن يكون منتج او استخدام لقفل المسام
قطعه ثلج ماء ورد او ماء عادى
او
شطف الوجه بماء الورد الساقع
2- استخدام صن بلوك مناسب لنوع بشرتك ويوضع قبل الماكياج
3- السنفرة او التقشير تستخدم للبشرة
مرة كل اسبوعين سواء منتج او بوصفة طبيعية

افضل منتجات تنظيف البشرة هى كلين اند كلير
فى منها
الغسول وهو يومى


المقشر وهو السنفرة ويحتوى على حبيبات
ناعمة تساعد على ازلة الجلد والخلايا الميته
ويستخدم مرة كل اسبوعين



غسول يومى ويعمل على ازالة الرؤؤس السوداء



سائل لازالة الرؤؤس السوداء


4-الحمام المغربى
للبشرة
احنا عارفين الحمام المغربى للجسم ولكن هو مش للجسم فقط
لأ ده للوجه كمان

فوائده :
1-ازالة الخلايا والجلد الميت
2-ازالة الحبوب واثارها
3-تفتيح البشرة
4-نضارة
5-تنظيف عميق للبشرة

6-التخلص من التجاعيد لبشرة الوجه والجسم

المكونات :
طين مغربى + ماء ورد + حنزود حاجات عليهم لكل نوع بشرة + ماء ساخن

الطريقة :

1-حتجبيى الطمى المغربى المكعبات اللى هو ده كما بالصورة




http://files2.fatakat.com/2013/7/13746495395983.jpg


2- حتذوبيه الطمى ده بشوية ماء ساخن + ماء ورد
زى كده كما بالصورة



3- حضيفى مع الطمى المغربى والماء الساخن وماء الورد بعد ان ذوبتيه الاشياء دى حسب نوع البشرة

للبشرة الدهنيه : ملعقة ليمون
للبشرة الجافة: ملعقة زيت لوز حلو
للبشرة الحساسه: مش حتزودى حاجة حتكتفى بانك ذوبتيه بماء الورد فقط يعنى حتستخدميه زى ما هو تحذير استخدام الليمون للبشرة الحساسة عموما
للبشرة المختلطه : حتقسمى الطمى المغربى فى طبقين صغيرين الطيق الاول حتضعى عليه ملعقةمن الليمون وتضعيه عالاماكن الدهنيه فى بشرتك زى الانف والقورة والذقن لا البشرة الدهنيه على شكل T
والطبق الاخر حتضعى عليه ملعقة من زيت لوز حلو وتضعيه عمنطقة الخدود لان منطقة الخدود جافة و القورة والذقن والانف دهنيه


طريقة الاستخدام :
حتضعى الطين المغربى عالبشرة لمدة تلت ساعة فقط ثم تفركى البشرة ببطن اصابع اليد وتشطفى البشرة بالماء البارد فقط مرة بالاسبوع
وحيكون شكله عالبشرة كده

تابع القراءة

0 فراخ وأرز فى الاكياس الحرارية بطريقة جديدة

المكونات
فرخة مقطعة 8 قطع
رز والكمية حسب الرغبة
بصلتين كبار
ملح وفلفل

احط البصل مع حتة سمنة يتحمرر

هم خمس دقايق لحمد مالون البصلة يتغير

 

 
هنزل بالرز واحط ملح وفلفل واشوحه حوالي عشر دقايق كده واقلب كويس

 

بقيت البصل هتبل بيه الفرخه كويس مع الملح والفلفل وممكن حسب الرغبه احط معاهم فص توم مفروم

دى الاكياس اللى بستخدمها

حطيت الكيس في القالب الي هدخله فيه الفرن وتحت الكيس وحطيت الفراخ وبعدين الرز وقفلت الكيس كويس وقلبته في بعضه علشان يخلطو مع بعض او ممكن تخلطيهم في قالب الاول وتحطيهم في الكيس

 

 

 
اتاكدت ان الكيس مقفول كويس بالشريطة الي بتبقي مع الاكياس علشان الاكل مش يقع وحطيت مية سخنة تحت الكيس حوالي تلت القالب ونغزت الكيس بالسكينة لازم علشان مش يفرقع مني ونزلت في الفتحات برده مية سخنة حوالي نص كوب

 

 
غطيت القالب وحطيته علي الصاجه في الفرن علي 200 وبعد ربع ساعه اوطي علي 180

 

واستوت بعد حوالي ساعه وممكن لحد ساعه ونص ونزلتها في قالب وحمرت الفراخ وده شكلها النهاءي وطعمها خرافه

منقول

تابع القراءة

0 مكرونة بشاميل من مطبخر خطوة خطوة وبالصور الكتير

الطريقة:

بسلق المكرونه فى مايه وزيت وملح

 بعصج اللحمه شوية زيت وبصل مفروم وانزل باللحمه وبحطلها كوب عصير طماطم وملح وفلفل واسيبها تستوى

 
انا بستخدم بشاميل جاهز لانى بحس بجد انه اخف جدا جدا من البيتى
ممكن تعمليها بالبشاميل البيتى حسب ما تحبى

 
بدوب الاكياس مع اللبن
فى اكياس بتحتاج لكل كيس نصف لتر وفى اكياس بتحتاج لتر كامل
حسب اللى بتستخدميه طبعا

ده سماكه البشاميل بتاعى

 

ادى المكرونه والبشاميل والعصاج

صينيتى



 بحط شوية بشاميل تحت


وبعدين مكرونه مع معلقتين بشاميل


وبعدين العصا


 


وباقى المكرونة وابدأ احط البشاميل كله 






بالشكل ده واحط زبده فوق الوش بتدى لون جميل
وممكن تبشرى جبنه رومى او تحطى اى نوع جبنه بتحبيه
حسب المتوفر عندك

 


 وده لونها بعد ما دخلتها الفرن قعدت ساعه تقريبا

منقول

تابع القراءة