0 مكرونة بشاميل من مطبخر خطوة خطوة وبالصور الكتير

الطريقة:

بسلق المكرونه فى مايه وزيت وملح

 بعصج اللحمه شوية زيت وبصل مفروم وانزل باللحمه وبحطلها كوب عصير طماطم وملح وفلفل واسيبها تستوى

 
انا بستخدم بشاميل جاهز لانى بحس بجد انه اخف جدا جدا من البيتى
ممكن تعمليها بالبشاميل البيتى حسب ما تحبى

 
بدوب الاكياس مع اللبن
فى اكياس بتحتاج لكل كيس نصف لتر وفى اكياس بتحتاج لتر كامل
حسب اللى بتستخدميه طبعا

ده سماكه البشاميل بتاعى

 

ادى المكرونه والبشاميل والعصاج

صينيتى



 بحط شوية بشاميل تحت


وبعدين مكرونه مع معلقتين بشاميل


وبعدين العصا


 


وباقى المكرونة وابدأ احط البشاميل كله 






بالشكل ده واحط زبده فوق الوش بتدى لون جميل
وممكن تبشرى جبنه رومى او تحطى اى نوع جبنه بتحبيه
حسب المتوفر عندك

 


 وده لونها بعد ما دخلتها الفرن قعدت ساعه تقريبا

منقول

تابع القراءة

4 اسهل طريقة لكيكة الشكولاتة

• 2ك ونصف دقيق
  ك ونص سكر
  ك زيت
  ك لبن
  3 او 4 بيضات
  فانيليا
  بيكنج بودر
  2 ملعقة كبيرة شيكولاتة خام
  جوز هند ومبشور شيكولاتة للزينة
  
  مقادير :صوص الشيكولاتة
  نص كوب سكر نص كوب لبن نص كوب زيت وملعقة سمنة بلدى
  وكاكاو خام
  
  الطريقة
  اشعلى الفرن على درجة حرارة 180
  فى الخلاط يوضع البيض مع الفانيليا ويضرب جيدا
  يضاف اليه السكر ثم الزيت ثم اللبن
  فى طبق يوضع الخليط ثم يضاف الدقيق تدريجيا والبيكنج بودر مع الخفق
  (قريت فى منتدى ان كثرة الخفق تؤدى الى هبوط الكيك )

  
  و يمكن الاستغناء عن النص كوب حسب الدقيق بس عموما 2 كوب ونص بتظبط معايا بس قللى الدقيق معلقتين لانك هتحطى كاكاو
  ودخليه الفرن 

  
  حضرى الصوص اضربى مقاديره فى الخلاط واضيفى الكاكاو معلقة معلقة حتى تصلى للقوام الكريمى 

  
  بعد خروج الصينية من الفرن اقلبيه على منخل سلك او صينية اخرى ثم افردى الصوص فوقها حتى تبرد وادخليها التلاجة ساعة 

  
  رشى الوجه بجوز هند مبشور او شيكولاته خام مبشورة
   

  وقدميها وبالهنا والشفا 

  
  *الفرن يسخن قبل البدء فى الكيكة
  ولايفتح الابعد مرور نصف ساعة
  يجرب الكيك بسكين توضع فى المنتصف اذا خرجت ناشفة فهى مستوية واذا خرج بها بقايا عجين ادخليها 5 دقائق اخرى
  الافران الصغيرة فى المتوسط تاخذ نصف ساعة الافران الكبيرة تاخذ من 40 ل 45 دقيقة

  

  
  
• 
  

تابع القراءة

0 تجهيز مطبخ العروسة من الالف الى الياء

اولا طقم الحلل وياريت طبعا منجبش المونيوم لانها اخطر انوع الحلل ونستبدلها بالاستانلس لانه صحى جدا ومتتخدعيش باى طقم استانلس هاتى طقم يكون اصلى وياريت تخلى معاكى مغناطيس وانتى بتشترى لان لو المغناطيس لزق فى الاستانلس اعرفى انه مغشوش ولو طقم الاسنانلس كان غالى عليكى هاتى المونيا بس تكون عاليه الجودة


تانى حاجة طقم الطاسات ودى لازم يبقى منها طاسة كبيرة للقلى وطاسات صغيرة للتحمير السريع او عمل البيض المقلى

صوانى الفرن ودى تقسميها نوع للاكل فى الفرن زى صوانى الباشميل والرقاق وهاتى صينية خاصة بالكيك وكمان فى صوانى للبسبوسة ودى ممتازة لعمل البيتزا

طقم الصينى وده على قد متقدرى جيبيه شيك ومودرن لان معظمنا كمصريين بنحطه فى النيش وبرضه طقم بيركس للاكل وهاتى منه ياريت الفرنساوى او التركى لانه بيستحمل

بالنسبة لطقم المعالق وده بيكون عبارة عن 12 معلقة كبيرة وصغيرة وشوك وسكاكين هاتى برده فردانى للمطبخ وولاستعمال اليومى علشان التانين ميتبهدلوش من كتر الاستخدام

طقم التوزيع على قد متقدرى هاتيه عملى علشان يفيدك فى الغرف والتقديم ولو عندك طقم حلل تيفال يبقى هاتى طقم خشب

صوانى التقديم راعى انه يكون فى منهم استانلس للضيوف ويكون احجام كبير ووسط وصغير وهاتى منهم ميلامين للبيت

هاتى طقم كنك للشاى وبراد كبير وطقم تانى للقهوة وغلاية للبن

دوارق الميا هاتى منها بلاستيك للبيت وللمطبخ وهاتى منهم زجاج

طقم البهارات راعى على قد متقدرى يكون عملى ولو انتى من النوع اللى بيحب الحاجات الانتيكة هاتى واحد للرخامة لكن لباقى البهارات هاتى حاجة عمليه

الكوبايات هاتى منهم للميا ووللعصير وهاتى كاسات خاصة للتقديم للضيوف وطقم مجات صينى وقزاز وفناجين للقهوة

بالنسبة للحلويات هاتى طباق للارز بلبن والايس كريم والفروت سلات

السكاكين هاتى منهم كذا حجم صغير وكبير ورفيع ومشرشر علشان يفيدك للتقطيع سواء لحوم او خضار او فاكهة وبرضه متنسيش مقص للمطبخ وساطور صغير ينفع للفراخ او البط ....ومقورة للكوسة ومقشرة للبطاطس

الهون بتاع المطبخ هاتيه المونيوم او خشبه يكون عالى

هاتى مساكات للمطبخ تفيدك لما تمسكى حاجة سخنة وجوانتى لغسيل المواعين ومريلة مطبخ وفوط للمطبخ

بالنسبة للبلاستيكات هاتى طباق لغسيل الفاكهة والارز وطشت صغير ينفعك لنقع الحاجة ومقشة ومساحة وجاروف وباسكيت للمطبخ
وهاتى مفارش بلاستيك لفرش دواليب المطبخ

******ونصيحة منى من واحدة متجوزة اقلهن مؤنة اكثرهن بركة كما اخبر الحبيب المصطفى
فلاداعى للفشخرة والتباهى قدام الناس والتفاخر بعدد الاطقم وانواعها وماركاتها واحمدى الله على نعمة الزواج لان انتى اللى خسرانه لانك هتدفعى كتير فى حاجات ملهاش لازمة وهتحتارى بعد الجواز تحطيهم فين ...وكمان الفشخرة دى ممكن تصيبك بعين حاسد ربنا يعافينا ويعافيكى ..

تابع القراءة

0 كيف تحضرين زيت معالج للشعر التالف والمتقصف فى المنزل بنفسك

كيف تحضرين زيت معالج للشعر التالف والمتقصف فى المنزل بنفسك؟؟؟

الشعر الجاف والمتقصف مشكلات تواجه الكثير من السيدات ويحاولن تجربة الكثير من مستحضرات التجميل دون جدوى .

لذلك نقدم لكم اليوم كيف تصنعين زيت معالج للشعر في المنزل ولن يكلف الكثير كما أن نتيجته مضمونة:

المكونات:

زيت زيتون - زيت جوز الهند أو زيت الجرجير

طريقة التحضير:
1-. قومى بوضع كمية من زيت الزيتون في كوب ثم تقوم بمزجه مع زيت الجرجير أو زيت الجوز الهند بكمية تتناسب مع طول وكثافة شعرك

2. قومى بوضع الكوب داخل إناء به مياه وضع المياه على النار بحيث تتم تدفئة الزيت بطريقة غير مباشرة أو يمكن إستخدام الميكرويف لتدفئته ويجب أن تحرص على ألا يتم تسخين الزيت بشكل زائد مجرد تدفئته فقط

طريقة الإستخدام:
1. من الأفضل أن تقومى بقص الأطراف المقصفة من شعرك أولًا .

2. اسكبى بعض من الزيت الدافئ في راحة يديكِ ودلكي به فروة الرأس وكرري ذلك حتى تتم تغطية شعرك بالكامل بالزيت “من الأفضل أن تقومِ بذلك في حمام دافئ ملئ بالبخار

3. مشطِى شعرك بأصابعك أو بالمشط كيفما تحبي بحيث تتأكدي من تخلل الزيت لشعرك جيدًا ويجب أن تنتبهِ إلى أن أطراف الشعر تكون متضررة بشكل أكبر من الأجزاء الأقرب إلى فروة الرأس فمن الأفضل التركيز عليها .

4. قومى بتغطية شعرك بكيس نظيف أو أي غطاء بلاستيك بحيث تحافظي على شعرك دافئ ومحتفظ بالزيت خلاله .

5. اتركى الزيت على شعرك لمدة ساعة مع تدليك فروة رأسك مرة كل نصف ساعة .

6. استخدمي الشامبو لإزالة الزيت عن شعرك ويمكنك أن تضطري لغسله مرتين لإزالة الزيت بشكل نهائي مع إستخدام أي بلسم تفضلين بعدها .

7. كرري هذه الخطوات مرتين شهريًا وسوف تلاحظين الفرق في قوة ونعومة شعرك .

تابع القراءة

0 شعر أحمركستنائى بالحنة وبدون اى مواد مضرة

المطلوب

هام جدا : قبل ان نحنى الشعر ينبغى ان يكون شعرك نظيفا وجافا ..ز يعنى لو كنت بتستعملى كريم او زيت للشعر فيجب ازالة اثاره من على الشعر حتى نزود من صبغ الشعر.

والان اليكم خلطتى :

اذاكنتى مثلى من عشاق  اللون الاحمر البنى :

1. حنة خمس خمسات
2. فنجان خل عادى
3. كركدية من عن العطار(بجنية واحد بس )
4. زبدية متوسطة
5. تفتة(من عند العطار ودى مادة لونها احمر بيحطوها عشان تلون المخلل)
6. حبات قرنفل
7. بيضة

الطريقة:

1. نغلى الكركدية فى حبة ميه مش كتير عشان يبقى مركز يعنى وبعد مايغلى ناخده نصفيه ونسيبه يبرد(يبقى دافى)
2. نحط التفته على الحنة فى طبق العجن
3. نجيب الكركدية ونحط نصه على الحنة والخل والزبادى ونعجن ولو احاتجت نحط بقت الكركدية ولو لسه محتاجة نحط خل
4. متحطوش ميه
5. نحط الحنة من 4 الى 6ساعات ولو اكتر مفيش مشكلة
6. الوصفة دى كرريها مرة (3اسابيع او شهر) من(3 الى ست مرات) 

ونلاحظ ان البيض والزبادى لتطرية الشعر ومنعه من الجفاف والقرنفل لتقوية الشعر وزيادة سمكها

ونعجن الحناء بالمكونات السابقة ونتركها تخمر يومين على الاقل

ثم نوزعها على الشعر من الجذور وحبذا لو وضعناها كمان على فروة الرأس فهى تمنع القشرة

ونرتدى بعد ذلك كيس بلاستيك او بونيه الحمام البلاستيكى ونتركها على الاقل على شعرنا 4 ساعات

نصيحة بعد الغسيل

كلنا عارفين ان الحنة بتنشف الشعر شوية وبتاخد وقت عقبال ماتتغسل............

ثم نشطف الشعر جيدا بالماء فقط وبدون استخدام شامبو وطبعا هانلاحظ انه لسه فيه اثار للحناء على الشعر ... مش مهم المهم اننا ندهن شعرنا بعدها كويس بأى زيت للشعر مثل زيت الزيتون او زيت جوز الهند او اى نوع تفضليه

وثانى يوم نغسل الشعر بالشامبو ونضع حمام كريم عليه لتطريته

 وبعدين حمام كريم (انا استخدمت حمام كريم بوناويل وهوه رائع)

واتفرجى على جماله وجمال لونه 

تابع القراءة

0 جدول أكلات الاسبوع.. مش هتحتارى تطبخى ايه بعد كده

جدول أكلات الاسبوع.. مش هتحتارى تطبخى ايه بعد كده 

 

 انا عاملة جدول بدل ما كل شوية اسأل جوزى هناكل ايه بكره

وبيوفرى لى وقت انى اكون عارفة هطبخ ايه بكره فلو هطبخ لحمة او فراخ بسلقهم من بالليل

ولو خضار عايز يتسلق كمان بسلقه بالليل

اتمنى كل بنوتة تشارك معايا ولو عندها جدول تكتبه

ولو عندها اكلات مختلفة تقول لنا عليها

المهم ده الجدول

1. الجمعة: لحمة او فراخ
2. السبت: الأكل اللى باقى من الجمعة أو أى بواقى أكل عندى
3. الأحد: سمك
4. الاثنين: لحمة أو فراخ
5. الثلاثاء: أكلة منوعة
6. الأربعاء: سمك
7. الخميس: عيش

طيب افسرلكو بقى الجدول


الجمــعة:

فـراخ
فراخ صينية -محمرة -بانيه -شيش طاووق- شاورما -فراخ بالثوم -كفتة فراخ






أو
---------------------------
لـحمـة

لحمة فى صينية بطاطس- لحمة وأى خضار (بامية -بسلة -كوسة -لوبيا-فاصوليا.....)
-لحمة وبصل وطماطم فى الفرن بقول عليها كـوسـتيليتا -بفتيك
لحمة بيكاتا اى طريقة لحمة يعنى




طبعا ممكن بدل اللحمة والفراخ يبقى سمان او أرانب



السبت:

انا بطلع اى خضار فايض عندى او فراخ او لحمة لانى مش برمى حاجة بعين كله فى الفريز
ولو مفيش فراخ او لحمة بسلق بيض جنب الخضار




الأحــد:

سمــك
مشوى -مقلى-فيليه مقلى -فيليه صينية -سمك صينية -سمك صيادية _سمك سنجارى مع بطاطس...




الاثنين:

فراخ أو لحمة





الثلاثاء :

أكـلة منـو عة:

جمبرى صينية _جمبرى كفتة او بالصلصة _جمبرى مسلوق جكبرى مدفون فى الرز

كفتة _مكرونة وكبدة _ مسقعة باللحمة المفرومة _مكرونة بشاميل باللحمة او الفراخ

مكرونة وبيض مسلوق

مكرونة اسباجتى وعليها صلصة باللحمة المفرومة

رز وعدس _رز وفول _ كشرى

بطاطس مدفونة فى الرز

رز وبطاطس محمرة وبيض مسلوق ومعهم سلطة

رز بالكبد والقوانص _ بشاميل بالكبد والقوانص _محشى

بطاطس بالكبد والقوانص كان فى فتوكة عملاها هنا حلوة اوى



أى أكلة لقيتيها فى فتكات وعجبتك وعايزة تجربيها وهكذا يعنى

انا فعلا استفدت من قسم الطبخ هنا اوى وعملت منه اكلات حلوة


الأربعاء:

سمك



الخميس :

عيش وأى حاجة بقى

عيش وباذنجان مقلى وبابا غنوج وبطاطس محمرة

عيش وشوربة عدس

عيش وكبدة اسكندرانى

عيش وتونة ومخلل
عيش وسوسيس مسلوق

انا بجيب السوسيس واسلقه مع طماطم وزتون وكاتشب ومعلقة صلصة وبصلة ترانشات
وسيبهم على النار شوية بيطلع تحفة
وممكن تستبدلى السوسيس باى حاجة تانية وتعمليه بنفس الطريقة
عيش وبطاطس محمرة وبيض وسلطة طحينة وسلطة خضراء




وهكذا

اللى تحب تزود حاجة او تعدل حاجة ياريت

اتمنى نفيد بعض

انا والله تعبت فى الموضوع ده وقصدى افيدكم

فياريت تدعو لى دعوة حلوة ان ربنا يبارك فى جوزى واولادكى ويحميهم

تابع القراءة

0 اتعلمى ازاى تشترى العطور عشان محدش يضحك عليكي

البعض منا يشتري عطر وبعدها يشتكى ويقول هذا العطر ليس ثابت و سرعان ما تزول رائحته لقد تعرضنا للغش من قبل البائع ، و يرجع السبب في هذا إلى جهلنا بالأنواع الثابته والغير ثابته و أيضا الأنواع المركزة و الغير مركزة .



عندما تذهب لشراء عطر جديد يجب عليك أن تقلب العبوه ثم تقرأ المكتوب على هذه العبوه من الأسفل و لكى تكتسب خبرة التميز بين الأنواع الجيدة التي تدوم فتره أطول عن غيرها من الأنواع الأخرى إليك الحل .

النوع الأول Perfume
إذا وجدت المكتوب على العبوة من الأسفل هو كلمة Perfume فهو عطر مركز جداً ويدوم إلى أكثر من 6 ساعات تقريباً و يمكن استعماله للسهرات لأن النقطه الواحده منه تدوم طويلاً و تُنشر العطر في جميع الأجواء المحيطة بك .

النوع الثاني Eau de perfume
إذا وجدت المكتوب على العبوة من الأسفل كلمة Eau de perfume فهو عطر متوسط التركيز ويدوم تقريباً إلى 5 ساعات و يمكن أستخدامه إذا كانت خروجتك لن تدوم طيلة اليوم و أيضا إذا كنت ذاهب للعمل أو نزهه خفيفه مع اصدقائك فهو الأكثر ملائمة وقتها .

النوع الثالث Eau de toilette
و هو النوع الأخير فإذا وجدت كلمة Eau de toilette هي المكتوبة على أسفل العبوه فهذا النوع خفيف ويدوم إلى 4 ساعات ومناسب للاستعمال اليومي

اما النوع الرابع Eau de cologne
و هو نوع خفيف خفيف جداً وغالباً نجده في قسم عطور الأطفال لأنه أكثر ملائمة لبشرتم و يدوم ساعتين بحد أقصى .

المشكله هنا أنك قد تصادف الكثير من المحلات الكبيرة وتجدهم يبيعونك نوع
Eau de perfume بسعر Perfume لذلك كُن أكثر حذراً و أنت تشتري هذا المنتج .

تابع القراءة

0 نظمى بيتك بحاجات بسيطة ومتوفرة الجزء 1

العلاقات 
منقول من فتكات

ايا كان اسمها ايه حتعرفيها من الصور
وطبعاً دي حتلاقيها في اماكن كتير
بس تاخدي بالك من الحمل اللي عليها اد ايه
وبلاش بتاعت محلات 2ونص لأنها بتكون تعبانة اوي واللزق بتاعها خفيف اوي

تابعوا معايا كل صورة والتعليق عليها
وياريت ندردش سوا
ايه اللي ممكن تنفذيه وازاي
ويا سلام لو تصوريها وتفرجينا ابداعك وشطارتك

نبدأ بسم الله

(( 1 ))



ممكن تستخدميها عشان تعلقي الجاروف والمقشة بتاعته جوة ضرفة التنضيف او على اي ضرفة من الجنب
بدل ما تترمي في اي ركن

(( 2 ))



ممكن تعلقي الماسكات الحرارية بشكل نضيف
وممكن كمان تعلقيها ع التلاجة كشكل ديكوري

(( 3 ))



ممكن تستخدميها لتعليق أرفف داخلية خفيفة عشان تشيلي فيها حاجات زي العلب البلاستيك والغطيان بتاعتها
وبكده حتوفري درج كامل او المساحة اللي بيتشالوا فيها

(( 4 ))



هنا استخدمنا العلاقات دي ومعاها مشبك الورق
وعلقنا بيها جوانتيهات التنظيف

(( 5 ))





بدل ما الادوات بتاعت المطبخ تبقى مكركبة الادراج
او تكوني حاطاهم في علبة ع الرخامة
ممكن تثبتي مجموعة منهم في جنب التلاجة او المطبخ نفسه
وحتلاقي استخدامهم اسهل واريح كتير

(( 6 ))



لو انت زي حالاتي متعودة تحطي الدقيق والرز والكورن فليكس والمكرونات في علب
يبقى الفكرة دي حتسهل عليكي بدل ما كل مرة تستخدمي كوباية شكل

(( 7 ))



وبدل ما تحطي المنظفات في الحمام
اعملي رف حلو كده حطيهم فيه
وكمان علقي معاهم فوط التنظيف

(( 8 ))



دي كمان عجبتني اوي عشان ترتبي المقشات والمساحات

(( 9 ))



دي خطيرة للناس اللي عندها مشكلة مع غطيان الحلل
علاقتين وكام دبوس مكتب واستك

واتحلت المشكلة

(( 10 ))



ممكن تستخدمي لوح خشب وتدهنيه
وتثبتي عليه خطافات
وبكده بقى عندك مكان جديد للمجات بتاعتك

(( 11 ))



ممكن في الحمام لتعليق فرش الاسنان

(( 12 ))



وعشان فرشة التواليت تبقى ناشفة
وقريبة كمان من ايدك
ثبتيها بالشكل ده

(( 13 ))



ودي كمان جميلة اوي لتعليق الـ toilet seat
اللي هو زي البوتي بس بيتحط ع التواليت
لو عندك اولاد صغيرين

(( 14 ))



لو عايزة تغيري ديكور اوضة نومك
الستارة دي هي الحل
لأنها مش محتاجة تكسير في الحيطة
برضه نفس العلاقات دي
واستمتعي باوضتك القديمة


(( 15 ))



او تعلقي بيهم الفرش والامشاط في جنب التسريحة

تابع القراءة

0 استخدامات كثيرة للبيكنج بودر

البيكنج بودر: البودرة السحرية!



للبيكنج بودر إستخدامات كثيرة فيما يتعلق بالتنظيف و إزالة البقع:

١) لإزالة البقع من علي الحائط إخلطي البيكنج بودربالماء حتي تحصلي علي معجون, قومي بوضع المعجون علي البقعة, بعد آن يجف المعجون قومي بفركة و ستختفي البقعة.

٢) لإزالة الدهون من علي اسطح دواليب المطبخ قومي بوضع البيكنج بودرعلي آسفنجة التنظيف المبللة و آمسحي بها البقع الدهنية.

٣) لإزالة البقع والاوساخ من علي السيراميك في الحمامات قومي بوضع البيكنج بودرعلي آسفنجة التنظيف المبللة و آمسحي بها اسطح السيراميك.

٤) لتسليك الانسداد البسيط في الحوض: قومي بتفريغ محتوي كيسين من البيكنج بودرفي فتحة الحوض و يليهم نصف كوب خل ثم قومي بتغطية الفتحة و دعي الخليط يعمل قليلا (ستسمعين صوت مثل الفوران), بعد ذلك قومي بسكب قليل من الماء الساخن في فتحة الحوض

٥) لإزالة الصفار من الستائر البيضاء فقط اضيفي محتوي كيس بيكنج بودر في الغسالة مع الستائر(نع استخدام مسحوق الغسيل طبعا!).

٦) لإزالة السواد من علي ياقة القميص الابيض: قومي بنثر البيكنج بودر عليها و اتركيه قليلا ثم آفركيه بفرشاه.

٧) لتنظيف الفضه : قومي بوضع البيكنج بودر علي القطعة المراد تنظيفها ثم آفريكيها قليلا بفرشاه مبلله و اتريكي المزيج ليعمل بعض دقائق. بعد ذلك قومي بشطف القطعة بالماء.

تابع القراءة

0 نصائح بسيطة لنضافة حمامك

نصائح بسيطة لنضافة حمامك | مدونة مصريين

* خللى دايما ادوات النضافة فى باسكيت ملون فى الحمام علشان يبقوا تحت ايديكى على طول

*فى مساحات مطاطية هايلة لمسح الميا وتنشيف الارض هاتى واحدة منها علشان اى حد يستحمى على طول يمسح الارض بيها علشان الرطوبة والميا بتعمل عفونة وبكتريا

*قبل ماتنضفى حمامك شغلى الدوش فى الحمام 5 دقايق لحد مايبقى الحمام كله بخار بعدين هاتى ليفة استانلس ومنظف وادعكى حوائط الحمام اوعى تستخدمى سلم المونيم لانه هيعمل صدا على السيراميك

*فوق الحوض جنب غغسول الوجه والمعجون هاتى اى علبه منظف وجه قديمة وحطى فيها منظف للحمام وخليها فوق الحوض ولما تلاقى الحوض متوسخ علطول تنضفيه اول باول

*التواليت ادعكيه كويس بالفرشاة بتعته مع مطهر قوى وياريت كل ماتلاقى اتوسخ علطول تنضفيه وبكده هتستغنى عن الدعك الكتير والمنظفات القوية

*لمفتاح النور هاتى منديل ورشى عليه برفان وامسحى بيه المفتاح هيرجع يبرق

*متخليش هدوم وراكى فى الحمام اول باول شيليها او تجيبى سبت بغطا فى الحمام علشان الهدوم

*فى ستات كتير بتغسل ملابسها الداخلية وتحطها على منشر مخصص ليها فى الحمام ممكن تعملى كده لو مفيش حمام تانى للضيوف لكن لو حمام واحد متعمليش كده خالص

*التواليت والبانيو ممكن تخليهم يبرقوا حطى الكلور فى بخاخة ورشى بيه عليهم وسيبيهم فترة كده وبعدين اشطفيهم

* الحنفيات بنص لمونة وبريل وخل ادعكيهم هتلاقيهم رجعوا يلمعوا زى الاول

*الباسكيت بتاع الحمام فضيه يوميا واغسليه بديتول او اى مطهر

*دوسات الحمام حافظى عليهم ناشفين ومفيهمش اى رطوبة علشان الريحة والبكتريا

تابع القراءة

0 السبب فى الهالات السوداء وعدم توحد لون البشرة | مدونة مصريين

السبب فى الهالات السوداء وعدم توحد لون البشرة | مدونة مصريين

ليه ناس بشرتها صافيه وناس لا؟؟
اليد لون
والرجل لون
والبطن لون
والهالات السودا تحت العيون
و الجروح القديمه مو راضيه تختفي
والجسم صاير حالته صعبه
ومهما تعمل حمام مغربي او خلطه صابونيه ومقشرات مافي فايدة

لازم تعرفوا ان الكبد هو المسؤل الرئيسي عن التصبغات بالجسم
ولمن يكون الكبد تعبان ومايشتغل تمـّ♡̨̐ـّآمّ يفرز صبغات قاتمه بالجسم
(هذا الكلام علمي )
وهو السبب الرئيسي لهذي المشكله
ونلاقي معظم النساء يعانون من مشكله التصبغات
وعدم توحد لون الجسم
بسبب النظام الغذائي السيء
والذي يعمل على ارهاق الكبد
وتكون دهون حول الكبد مما يعرقل وظائف الكبد

�� المشكله
غذاء سيئ ونوم بعد الاكل =
دهون حول الكبد + ارهاق للكبد =
افراز صبغات قاتمه بالجسم=
هالات سوداء + عدم توحد لون الجسم + بقع ملونه بالجسم

: العلاج
اول شي لازم نعرف ان الغذاء الصحي اهم شي بالموضوع
يعني اثناء فتره العلاج لازم نقلل من الدهون خصوصا الغير صحيه والمقليات
والاكل الدسم عموما ونكثر من الفواكة والسلطات
عدم النوم بعد الاكل

طرق لتنظيف الكبد

اول طريقه :
- خليط من عصير الليمون وفصان من الثوم والزنجبيل
وملعقة من زيت الزيتون النقي يعتبر خليط ممتاز لتنظيف الكبد ،
حيث يؤخذ هذا الكوب من الخليط على الريق قبل الافطار بساعة ....
وينصح باستعمال هذه العملية مرة كل ستة شهور ..

الطريقه الثانيه:
شرب ماء دافيء عالريق + عصره نصف ليمونه
وهذا العصير تشربيه عالريق قبل الاكل بساعه
( الوصفه من برنامج اوبرا وينفري
وجربتها على ناس بشرتهم تعبانه وبعد شهرين
تغيرت 180 درجه واختفت الهالات وصارت نضره وصحيه )

الخلطه الثالثه:
للي معدتهم حساسه وما تتحمل الليمون
كوب ماء دافيء عالريق + ملعقه كبيره عسل طبيعي
كمان نفس الشي تشرب عالريق قبل الاكل بنصف ساعه

الخلطه الرابعة
ملعقه كبيره زيت زيتون عليها عصرة نصف ليمونه
واشربي وراها كوب ماء دافي
وتمتعي ببشره نظره وكبداً صحيحه..

تابع القراءة

0 مجموعة من البدائل في المطبخ

مجموعة من البدائل في المطبخ


_ بديل الفانيليا بشر الليمون او البرتقال

_ بديل محسن الكيك او الخبز الخل

_ بديل الزبادى كوب حليب عليه ملعقه خل

_ بديل النشابه او الشوبك لفرد العجين اى زجاجه اسطوانيه الشكل مصنوعه من الزجاج

_ بديل صلصه البيتزا استخدام الكاتشب

_ بديل البنجر فى اللفت لاعطاؤه اللون الاحمر ورق الكركديه

_ بديل التونك للبشره ماء الورد

_ بديل قلى البانيه دهن صينيه تيفال ويوضع فيها ويرش زيت عالوجه مجرب صحى ورائع وموفر فى الزيت

_ بديل قلى الباذنجان والبطاطس الصوابع وضعها فى صينيه تيفال مدهونه بالزيت ورش زيت فوقها مجربه

_ بديل الشوكولاته لتغطيه الكيكات معلقتين سمن+نصف كوب سكر+معلقتين كبار حليب بودر+ثلث كوب ماء+4 معالق كبيره كاكاو بودر+فانيليا وتوضع كل المقادير على النار وتبعد عندما تغلى وخلاص كدة

_ بديل اشكال تزيين التورتوالجاتوهات استخدام سكاكر الاطفال(البونبون والشوكولا الملونه)

_ بديل تقطيع الخضروات الورقيه بالسكينه استخدام المقص اسهل واسرع واضمن من غدر السكاكين

_ بديل البطاطس الشيبسى بطاطس مقطعه عيدان رفيعه مثل عيدان الكبريت وبتكون اكتر قرمشة

_ بديل الفول المدشوش للطعميه الحمص

_ بديل السكرب (سنفره البشره) ليمون وسكر ويفرك به المكان المرغوب/او ترمس مطحون يعجن بماء الورد

_ بديل قلى السمبوسه ادهنيها زيت ودخليها الفرن

_ بديل الجبنه الموتزاريلا للبيتزا هاتى اى نوع جبنه عندك واخفقيه فى الخلاط مع بيضه وملح وفلفل وعلى وش البيزا حطيه وعالفرن

_ بديل لرخامه المطبخ القديمه جلديها بالتجليد اللاصق اللى شكله رخامى ولا اسهل فى التنظيف ولا اروع فى الشكل

_ بديل الجيلى الجاهز عصير فاكهه مع جيلاتين

_ بديل الكريمه اللبانى فى الحلويات كريم شانتيه بودر او حليب+زبده

_بديل الكاكاو فى عمل البسكويت اوالبيتيفور استخدمى قهوه خام مضاف لها قليل من الماء

_ بديل البقسماط اي عيش فينو ناشف اطحنيه ,, او مخبوزات او كورن فليكس

 

 

 

تابع القراءة

0 قراقيش الشاي وبأسهل طريقة وبالصور

المقادير

نص كيلو دقيق
كوب ماء دافيء للعجن
كيس لبن نيدو الصغير ابو جنية ده
معلقتين خميرة فورية صغيرة
كوب زبدة صفرااا
معلقة صغيرة ملح
3 ملاعق كبار سكر (اختياري )ممكن تقلليهم لو مش عايزاه مسكر بس انا بحبه مسكر شوية
معلقتين سمسم
معلقتين ينسون ( اختياري) اصل بحب طعمه بيدي نكهه حلوة
معلقة كبيرة بكنج بودر



ندخل بقي علي الطريقة

نحط كل المكونات الجافة علي بعض
(الدقيق السمسم الينسون الملح البكنج بودر والللبن البودر)


وفي كوب ماء دافيء نضع الخميرة والسكر وندوبهم ونترك الخميرة تعمل
وهتعلي ويكون ده شكلها




نضع الخميرة والزبدة تكون مش مقدوحة تكون سايحة فقط
نضعهم علي الدقيق ونعجن كويس


هتلاقي العجينة مش بتلزق في ايديك
وهقولك علي تكتين جامدين جدااا
لو لقيتي العجينة بتلزق في ايديك زودي دقيق
لو لقيتيها ناشفة زودي زبدة او شوية مية دافين

انا بحب استخدم العجين عالطول بيكون اسهل في تشكيلة من لما يخمر
كنت دايما بعمل القراقيش الطويلة المرة دي حبيت اغير وعملت الشكل النص دايرة


اعمل دايرة واقسمها من النص
وارص في الصينية


ده شكلهم لما اترصو وابدأ بالشوكة انقشه بسيط
دي صينية صغيرة لباقي العجينة



اسيبهم يخمرو في مكان دافيء ساعتين
ده شكلهم بعد ماخمروا


ادخلهم الفرن علي درجة 200 لمدة نص ساعة علي حسب فرنك
اول ميحمر من تحت اطفي علية واشغل الشواية
بس انا مشغلتش الشواية هنا لان حبيت المرة دي اخليه فاتح ابني كان طالبة كدة

دي صورة من جوة الفرن شوفوا عشان خاطر عيونكم
من قلب الحدث مباشرة




وده لما خرج من الفرن

شوفوا شكلها من تحت لونها جميل ازاي



وده شكلها من جوة مقرمشة وبتدوب في الاكل دوب



منقول

تابع القراءة