• احذروا من شامبوهات الاطفال ومعجون الاسنان
  • حركة هتخلى السمنة العادية تبقى بلدى بسهولة جدا وبالصور
  •  ازاى تعرفى تشتري لحمة وتطبخيها
  •  أخطاء يجب ان تحذريها في التعامل مع طفلك
  • كيكه النسكافيه من مطبخى بالصور

المفروشات التى تحتاجيها العروسة بالصور

الأربعاء، 26 يونيو، 2013 التسميات:

المـلايات:



ملابس العروسة والمفروشات من الألف الى الياء
ملاياتك تبقى قطن اوعى تجيبي قماش مخلوط أو صناعى
القطن احسن حاجة

تجيبى 12 ملاية للاوضة الكبيرة و12 لاوضة الاطفال
وبكرر كل واحدة حسب مقدرتها المادية

تجيبى 4 او 5 غاليين عشان لو جالك ضيوف مهمين
والباقى تفرشيهم عادى


طيب تعملى ايه بقى ياشطورة
تروحى تشترى قماش وتفصليه تجيبى قماش مشجر وسادة
هتلاقى المتر ب10 جنيه وفى ب 16

المشجر هتعمليه عادى
طب والسادة بقى

هقولك هتروحى لبتوع الكلف وهتشترى من عندهم اشكال بتتخيط مش بتلزق
هتلاقى هناك كل الاشكال زهور وفروع شجر وقطط وكلاب ودباديب
كل حاجة
يعنى ممكن تعملى ملايات
للاطفال وللاوضة الكبيرة
ملابس العروسة والمفروشات من الألف الى الياء
وعيشى بقى ياستى

اشترى الاشكال دى وخيطيها فى الملاية من الجناب وعلى اكياس المخدة واعملى لنفسك احلى طقم سرير وماكلفتيش نفسك حاجة وخامة قطن نضيفة

وكمان ممكن تجيبى كام متر ستان وتحطيهم على الملاية على طرف الملاية وعلى طرف المخدة اتمنى تكونوا فاهمنى

وممكن كمان تجيبى اوراجنـزا وتخيطيها على طرف الملاية
وهتبان كانها ملاية غالية

وممكن تشتغلى على طرف الملاية بالكنافا للى بيعرفوا يشتغلوا كنافا
تابعى ردى اخر الصفحة وشوفى اشكال الملايات

وممكن تودي الملاية للراجل اللى بيطرز الستاير يطرزهم لك يعملك عليهم وردة او اى شكل تانى

اختى عملت كده فى ملاية عندها وطلعت روعة


ملابس العروسة والمفروشات من الألف الى الياء

طيب نفسك فى ملايات العشق الممنوع
سهلة اشترى ستان ووديه للراجل يفصهولك هتلاقيه ارخص
انا بودى لواحد بيفصلى الملاية ب 10 جنيه

واحنا اتفقنا اننا هنجيب 4 ملايات غالية والباقى هنفصله

واحلى ملايات للاطفال عن تجربة المجد بس طبعا بقوا غاليين جدا دلوقتى


ملابس العروسة والمفروشات من الألف الى الياء



***ماركات الملايات عشان البنات اللى سألت
على حسب علمى كالز -فوربد- العامرية -المجد -القطان


2- المراتب:

ملابس العروسة والمفروشات من الألف الى الياء
بصى اوعى تنجدى الله يخليكي انا ندمت ندم كبير على انى نجدت وغيرت وجبت مراتب جاهزة ولحاف جاهز

احلى مراتب بالترتيب كده

هابيتات

ألدورا التركى

ماستر بيد

دريم ستار اللى عندى ورعة بجد ماشاء الله
انتركوين

فوربد دى اقل منهم

المرتبة الوجهين صيفي وشتوى او وجه قطن وفايبر
احسن حاجة
وتبقى تقلبى المرتبة كل شوية عشان السوست

***بالنسبة للمراتب الجاهزة لازم تشترى كفر للمرتبة
وده بيبدا من 20 جنيه وفى لغاية 200 و150
وده بيبقى كفر مبطن جلد
وده حلو جدا جدا
لانه بيحمي المرتبة من اى حاجة يعنى لو مايه اتكبت عليها بالغلط
او حد من الولاد عمل بيبي عليها والا حاجة
عشان سوست المرتبة ماتبوظش

المهم ان الكفر ده عشان الملاية ماتتزحلقش من على المرتبة يعنى اللى ب20 جنيه
ده موجود فى التوحيد والنور هتلاقيه كفر قطن


وتنسى بقى ان الملاية تتزحلق وكمان عشان يحمي المرتبة



3- اللحاف الفايبر


ملابس العروسة والمفروشات من الألف الى الياء



اللحاف الفيبر تجيبى 2 للنوم و واحد للاطفال

احلى نوع لحاف اطفال المجد عندى وماشاء الله روعة


ركة فوربد حلوة ناس كتير بتشكر فيها انا ماجربتهاش

وممكن لو مفيش ميزانية بقى تروحى التوحيد والنور
وتشترى من هناك كفر لحاف شكله يكون بتاع عرايس
عندك من 25 وطالع وهتلاقى احلى كفر ب 65 تقريبا
وتروحى للمنجد وتشترى الفايبر هو هيقولك اللحاف هيحتاج قد ايه فايبر
كام رول وقد ايه أجرة ايده

ده شكل لحاف فوربد

ملابس العروسة والمفروشات من الألف الى الياء



وبردوا ده فى لحاف الاطفال
تجيبى قماش حلو وتوديه للمنجد
يحشيه فايبر ويقفله

وده عملته بنات خالتى الاتنين وطلع رائع فعلا

بس اختارى قماش سادة او تشجيرة خفيفة عشان يطلع حلو

وممكن ايه كمان
تجيبى قماش الستاير قطن او ستان وتعملى الستاير واللحاف منه وبيطلع روعة
وبيكون احلى فى القماش السادة انا شفت صحبتى عملت كده فى اوضة الاطفال وكان لون اللحاف نبيتى غامق اوى
وقماشته ستان والراجل طرزه وحشاه فايبر واستغنت عن مفرش الزينة بتاع الاطفال



يارب تكونوا فهمتوا الفكرة


**** 4-وفى بقى المفرش القطيفة

ملابس العروسة والمفروشات من الألف الى الياء
فى ناس بتجيب للازضة الكبيرة ولاوضة الاطفال بيبقى عليه رسومات اطفال
وفى ناس مش بتجيبه


ملابس العروسة والمفروشات من الألف الى الياء

***5- وفى الكوفرتة
فى انواع كتير للكوفرتات
يعنى فى كوفرتة بالملاية دى بتبتقى فايبر
وافتكر سعرها كان 270 تقريبا بس مش فاكرة نوعها
وفى كوفرتة السروجي ب 350 جنيه تقريبا

ملابس العروسة والمفروشات من الألف الى الياء
وفى نوع اسمه تابلوه
وفى كوفرتة قطن مش فايبر
ودى افتكر سعرها 300 جنيه

وفى كوفرتة قطن عادية ب 100 جنيه بالمخدة

وفى الكوفرتات العادية اللى احنا عارفينها ودى بردوا انواع فى ب 50 خشنة شوية وفى قطن ب90 تقريبا
ملابس العروسة والمفروشات من الألف الى الياء

كوفرتات الاطفال
بقى زى ماقلت احلى حاجة المجد وبتبقى دبل فيس
ومعاه 2 تكوة و2 مخدة
انا فاكرة من مدة كده كانت ب 280تقريبا
ملابس العروسة والمفروشات من الألف الى الياء


***6- البطاطين بقى كفاية 1
وفى انواع كتيرة احلى نوع مورا الاسباني ما اعرفش سعرها
وفى المجد

وهاتى بطانية الاطفال المجد بيجيوا مع بعض فى علبة واحدة ومش عارفة تمنهم بس افتكر ممكن يبقوا ب 360 مثلا
بس خلى بالك دول بيبقى مقاسهم صغير فاللى مش عايزة ممكن تجيب بدلهم بطاطين عادية
ممكن تجيبى بطانية غالية للاوضة الكبيرة وبطانية اقل شوية لاوضة الاطفال




***مفارش الزينة او الستان انتى وراحتك بقى عشان حسب فرشك مودرن او استيل


يبقى قلنا:


12 ملاية لغرفة النوم
12 ملاية للاطفال
2 لحاف فايبر لنوم
1 لحاف فايبر للاطفال
1كوبرتة للنوم
1كوبرتة للاطفال (ممكن تستغنى عنها)
2مفرش قطيفة للنوم الكبيرة والاطفال
2او 3 بطانية


- الفوط:


ملابس العروسة والمفروشات من الألف الى الياء
تجيبى 30 فوطة او اكتر
اللى عايزة تجيب اقل براحتها بردوا

هاتى كام فوطة غالية من النوع التركى اللى ب 50

وكام واحدة من ال ب30 فيما فوق

وبلاش الفوط اللى فى علبة بتبقى رسمتهم مش حلوة
وهاتى لك 6 فوط استعمال من السادة اللى الواحدة ب 18




**طقم برنس للحمام

او 2 برنس ليكي وله مش شرط طقم كامل


ملابس العروسة والمفروشات من الألف الى الياء

ملابس العروسة والمفروشات من الألف الى الياء

** 2بشكير كبير
وممكن كمان بشكير للاطفال


**وفى ناس بتجيب فوط للطفال 6 تقريبا
لو عايزة ممكن ماتجيبيش مش اساسى

ملابس العروسة والمفروشات من الألف الى الياء

***ماتنسيش فوط العروسة الصغيرين اوى هاتى 12

***وفوط المطبخ هاتى 12 فى ال3 ب10 جنيه
ملابس العروسة والمفروشات من الألف الى الياء
وهاتى 3 فوط حجم صغير اوى على قد ايدك عشان تنشفة فيه الواحدة ب 2ونص والقطيفة ب3ونص





انا كده خلصت
وتعبت فى الموضوع اوى وفى رفع الصور
فياريت تقيموا يابنات
وياريت دعوة حلوة ربنا يحفظ زوجى وبناتى يارب ويسدد ديونا


وربنا يساعد كل عروسة واهلها ويوسع رزقهم لان الجهاز فعلا مكلف
ربنا يوفقكم يارب


منقول

1 التعليقات:

غير معرف يقول...

جزاكم الله خيرا والله يعطيكي ما تطلبي

إرسال تعليق

مدونة ست مصرية

 
مدونة ست مصرية © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates