0 الزبادى البيتي بطريقة سهلة

المكونات

1 كيلو لبن من اللبان سبق غليه ودافي

ملعقه كبير مليانه زبادي الخميره

الي هتحول اللبن الى زبادى

الطريقه

اضربي اللبن مع الخميره في الخلاط

صبي الخليط في اكواب زجاجيه او كل الكميه في بوله او طاجن

وممكن طواجن صغيره الحجم

جهزي صينيه عاليه الجدران بها ميه دافيه او سخنه شويه 

رصي الاكواب في الصينيه بحيث الميه تصل لنهايه كميه اللبن في الاكواب

غطي الصينيه بفويل وبعدين غطا

اتركيها في مكان دافي 5 ساعات او اكثر حسب حرارة مطبخك

وممكن تولعى الفرن 5 دقايق وتطفيه وتدخلي الصينيه فيه

اول الزبادي ما يربط غطي الاكواب بكلنج فيلم ودخليها التلاجه

الزبادي البيتي اطعم وانظف وخالى من المواد الحافظه

وارخص في السعر بكتير جدا

لو عاوزه الزبادي لايت

اغلي اللبن واما يبرد دخليه التلاجه يوم

وشيلي القشطه من على وش اللبن

واتبعى نفس الخطوات السابقه

لو عاوزه الزبادي بالفاكهه

الفاكهه تكون بحررة المطبخ

قبل ما تضربي الخميره مع اللبن الدافي اضربي الفاكهه الي بتحبيها ضرب بسيط خليها واضحه

وفي الحاله دى زودي الخميره يعنى كوب زبادي لكل كيلو لبن مضاف له ربع كيلو فاكهه

وكملي خطوات الزبادي عادى وبعد ما يجمد دخليه التلاجه وقبل الاكل ضيفي قطع فاكهه

على وش الزبادي ومن نفس نوع الفاكهه الي ضفتيها

ملحوظه مهمه جدا

الزبادي بيحفظ في التلاجه 3 ايام فقط

وبالف صحه وعافيه

منقول عمتو لولا شومان

تابع القراءة

0 طريقة عمل البسبوسة فى البيت

السلام عليكم ورحمة الله وبركاته

البسبوسه عمتو لولا loula shouman

اكلات زمان مع لولا شومان 

المقادير

نصف كيلو سيمولينا او سميد (دقيق البسبوسه) ربع ناعم وربع خشن

كوب لبن الا ربع نصف كوب سكر وممكن تزودي حسب رغبتك

ربع كوب سمن بلدي للعجن

ملعقه سمنه بلدي كبيره مع الشربات

ملعقتين كبار سكر جلوكوز 

شعرة بكنج بودر

جوز هند حسب رغبتك

شعرة فانيليا ممكن تزودى حسب رغبتك

انا مش باضيف فانيليا علشان ريحة السمنه تبان

نصف ملعقة صغيره ملح

الشربات كوب ونصف سكر و2 كوب ميه يغلوا كويس ضيفي عصرة ليمون

تغلي 5 دقايق وضيفي ملعقه كبيره ملعقة كبيره عسل جلوكوز

الطريقه

انخلي السيمولينا والملح والبكنج بود

ر 

سخنى اللبن ودوبي السكر فيه وملعقتين الجلوكوز وربع كوب السمنه

ضيفيهم على السيمولينا واعجني كويس وصبيهم في صينيه مدهونه سمنه بلدي

وزينى الوجه بالمتاح عندك مكسرات سودانى زبيب 

لو هتزيني بالكريز ضيفيه بعد التسويه

دخليها فرن متوسط الحراره واتركيها تاخد لون حلو

وبلاش الفاتح قوي خليه لون وسط

اول ما تخرج اسقيها الشربات المضاف له ملعقة سمنه 

ودخليها الفرن دقيقتين واطفي الفرن 

وكلي احلى بسبوسه

رشة البكنج بودر بتخلي البسبوسه تشرب الشربات بسرعه

العسل الجلوكوز بيخلي البسبوسه متماسكه وبتمدغ واكثر من رائعه

الملح بيدى طعم خرافي وهايل وده سر محلات البسبوسه الكبيره

طبعا ممكن تضيفي قشطة لبن عند التقديم

وبالف صحه وعافيه

المصدر

وصفات لولا شومان

تابع القراءة

0 كم حفاضة تحتاجينها للطفل حديث الولادة

كم حفاضة تحتاجينها للطفل حديث الولادة | مدونة مصريين



أم لأول مرة + خروجة طوال اليوم + مولود = موقف لا تحسدين عليه.







لذلك نقدم لكِ دليل سريع للتحضير للتغيير لطفلك من عدد الحفاظات

وعدد مرات التغيير المتوقعة، تابعى معنا هذا الموضوع فى السطور القليلة القادمة.

الطفل حديث الولادة ودخول الحمام فى أى وقت



من المهم تغيير حفاضات طفلك، لأن البول والبراز يمكن أن يهيج جلد طفلك

 ويسبب له طفح بالاحتكاك بالحفاض المتسخ.

قد يفاجئك عدد الحفاضات الذى يستهلكه الأطفال حديثى الولادة خلال اليوم،

 العديد من الأطفال حديثى الولادة الذين يرضعون

رضاعة طبيعية لديهم 5-10 حركة الأمعاء يومياً،

أو على أقل تقدير 1 أو 2 يومياً، بعد أسبوعين

قد تصبح حركة أمعاء الرضع ذوي الرضاعة الطبيعية أقل توتراً،



أما أطفال الرضاعة الصناعية

 فقد يكون لديهم عدد أقل بـ 1 أو 2 حركة أمعاء يومياً من الأطفال الذين يرضعون من الثدى.



قد تمسك حركة الأمعاء لدى الرضع فى بعض الأحيان ليومان أو أكثر، هذه عادة ليست مشكلة،

 طالما يبدو الطفل مستريح وصحيح وينمو، وطالما أن البراز ليس صلباً.

حركة أمعاء المولود الجديد عادة ما سوف يتغير لونها

 من الأسود إلى اللون الأخضر فى الأيام القليلة الأولى،

ثم أنها سوف تتغير إلى الأصفر أو البنى المصفر بحلول نهاية الأسبوع الأول، أطفال الرضاعة الطبيعية

عموماً حركة أمعاءهم أكثر إصفراراً من أطفال الرضاعة الصناعية.

يصعب معرفة بشكل عام عدد حفاضات الأطفال حديثى الولادة، بشكل عام على الأرجح

  أن طفلك سيحتاج تغيير ما لا يقل عن 3 حفاضات فى اليوم، لمدة الأيام القليلة الأولى،

بعد ذلك سوف يكون طفلك بحاجة إلى تغيير من 6 إلى 8 حفاضات على الأقل فى اليوم،

 من خلال رصد عادات حفاضات طفلك، يمكنك الحصول على عدد نسبى استناداً أيضاً

إلى طريقة وكمية الرضاعة

يمكنك أيضا قراءة:

طريقة خفض الحرارة للدكتور هانى صلاح

هل يجب تنظيف أذن الأطفال ؟

مشكلة التبول اللاإرادى عند الاطفال وعلاجه

تابع القراءة

0 مكرونة بشاميل بكل تفاصيلها من مطبخى

اولا بنات الجروب انا اسفة مش عارفة ارفع اى صور

فى الجروب عشان عندى مشكلة فى الفيس

وده لينك الجروب للى بعتوا يسألونى

جروب ست مصرية

الطريقه

اولا باعصج اللحمه المفرومه وفى طريقتين

الطريقه الاولى انك فى وعاء على النار انزلي باللحمه وضيفي فلفل

 اسود وبهار لحم جنزبيل بودر شعرة قرفه شعرة توم بودر

ولما تنشف وتبيض ضيفي البصل المفروم وبدون سمنه لو اللحمه 

ملبسه واتركيها حتى تنضج تماما وبعد كده ضيفي الطماطم المعصوره

واتركيها الا ان يصبح قوامها مناسب ضيفي الملح واطفي عليها

وانا بافضل الطريقه دي

الطريقه التانبه

انك تصفري البصل وتضيفي اللحمه اما تبيض وتجف ماؤها ضيفي التوابل

ونفس الخطوات السابقه وفي الحالتين انا باخرط البصل وباستخدم طماطم فريش

ما باستخدمش الصلصه الجاهزه

وكتير بعملها من غير طماطم

البشاميل

لكل كوب لبن 2 ملعقه كبيره دقيق و2 ملعقة زبده على زيت 

الزبده على الزيت بيخلي لون البشاميل ابيض وخفيف

واما تعملي البشاميل على البارد بعنى تدوبي الدقيق في اللبن 

وفي الحاله دى بتضيفي شوية نشا ملعقه صغيره لسهولة الربط

وترفعيهم على النار وتقلبي اما اللبن يربط ويعمل زي المهلبيه 

ضيفي الزبده والملح والتوابل

او تضيفي الدقيق للزيت والزبده على النار وتقلبي حتى يبيض لونه

 انزلي باللبن دافي وبمضرب السلك قلبي بسرعه حتى يربط 

البشاميل ضيفي ملح وفلفل ابيض او اسمر

وضيفي كريمه لبانى او كريمة طهي واطفي النار وانا بافضل 

الطريقه دي بتدى طعم اجمل 

وانا بحب اعملها بكيلو لبن بتبقى جميلة وطرية

ممكن تضيفي جبنه شيدر مبشوره للبشاميل في الحالتين

هاتى صينيه فرن ادهنيها سمنه وبطنيها بالبقسماط الناعم

واسلقي المكرونه وبلاش في ميه كتير يادوب كمية الميه تسويها 

المهم ما تلزقش منك وطي عليها وقلبي باستمرار

وفي الحاله دي مش هتحتاجي تصفيها ورشي عليها رشة فلفل 

اسود بيدى طعم رائع للمكرونه

ضيفي 3/4كمية البشاميل للمكرونه وقلبيها كويس

وفي

 قاع الصينيه انزلي بكبشة بشاميل ووزعيها فى كل القاع وبحرص 

بلاش تجرحي البطانه

وضيفي نصف كمية خليط المكرونه وبعدين اللحمه المعصجه وشوية 

بشاميل تانى علشان ما تفصلش الطبقات

ورشة جبنه رومي مبشوره وباقي المكرونه وغطي وش الصينيه 

بباقي البشاميل بعد ما تضربي فيه بيضه وفلفل اسود وممكن 

الاستغناء عن البيضه

وضيفي على الوش جبنه رومي مبشوره ودخليها الفرن

اول وشها ما يبقي احمر وردي جميل خرجيها من الفرن

وبالف صحه وعافيه

تابع القراءة

1 ميلك شيك الأوريو

الموضوع للعضوة فتاة المهمات الصعبة

منتدى فتكات

6 بسكوت اوريو

3 بولات ايس كريم شيكولاتة ممكن فانيليا لو تحبى

نصف كوب لبن ساقع

معلقة كاكاو بودرة

سكر حسب الرغبة(انا مش بحط سكر)







تحطى كله على بعضه فى الخلاط

بس متنسيش تكسرى البسكوت علشان سكينة الخلاط متتكسرش 





عند التقديم

باحط بسكوت اوريو وقطعة سنيكرز


واصب الميلك شيك واستمتعى بطعم الشيكولاتة والبسكوت
























يمكنك ايضا قراءة:

طريقة عمل الباذنجان المخلل بالصور

طريقة عمل السحلب فى البيت

طريقة عمل التومية

طريقة تخليل الزيتون

طريقة تخليل الباذنجان الاسود بطريقة نجلاء الشرشابى

عصير المانجو زى بتاع المحلات بالظبط

تابع القراءة

0 كيكة البرتقال من مطبخى سهلة وبسيطة

كيكة البرتقال من مطبخى مضمونة وسهلة ان شاء الله

بنات الجروب انا اسفة مش عارفة ارفع اى صور

فى الجروب عشان عندى مشكلة فى الفيس

بسم الله

المقادير

3 بيضات حمرا كبار

3 كوب دقيق

كوب ونص سكر
كوب زيت أو زبده(بس الزيت بيخليها خفيفه اوى)
كوب عصير برتقال وقشور برتقال

(كوب لبن لو عايزاها كيكة عادية مش بالبرتقال)

ورقه بيكنج بودر

ورقتين فانيليا

الطريقه

فى الخلاط تحطى ال3 بيضات مع الفانيليا وتضربى كويس اوى لحد لما المقدار يتضاعف
وبعدين تحطى السكر على 3 دفعات وتضربى كويس اوى بين كل مره والتانيه
بعد كده تحطى العصيروقشور ابلرتقال وتضربى كويس

وبعدين تضيفى الزيت وعلى فكره انا بستخدم زيت التموين وبصراحه مفيش فرق فى الطعم بينه وبين كريستال

وتضربيهم كويس اوى يعنى حوالى 10 دقايق كده وبعدين تصبى الخليط فى طبق عميق
وتكونى نخلتى الدقيق مع البيكنج بودر

هنا بقى تروحى تشغلى الفرن على 180 درجه
وتبدأى تحطى الدقيق شويه بشويه لحد لما تخلصى الكميه(أنا بحب اشتغل بايديا علشان لو فيه اى تجمعات دقيق افككها)
احط الدقيق بايدى الشمال واخلط باليمين بالراحه على شكل دايره وبعدين نص دايره وفى نفس الاتجاه 

بمعلقة خشب عشان الهواء مايخرجش

تجيبى بقى الصينيه المدهونه زيت ومبطنه دقيق وتصبى الخليط والكيكه دى بتاخد فى الفرن من 45 ل60 دقيقه

تابع القراءة

0 كيكة الجلاش

المقادير:

لفة جلاش

نص كوب سمنة سايحة

كوب لبن

2 معلقة نشا

كوب زبادى

3 بيضات

نص كيس بودر

كيس فانيليا

شربات

لفة جلاش وتكرمشى كل ورقة ورصيها فى الصينية لغاية ما تخلص كل الجلاش ونصف كوب سمنة صيحيها وضعيها على الجلاش وفى الخلاط كوب لبن واتنين معلقة نشا وكوب زبادى وتلاتة بيض ونص كيس بودر وكيس فانليا واضربيهم كويس جدا وضعيهم على الخلاش وادخليها الفرن وتطلع وضعى عليها الشربات اتنين كوب سكر كوب ماء ونص ليمونة وفانيليا وقشر برتقال وبالهنا

تابع القراءة