مينى جاتو شاتو باسهل طريقة حيكون عندك جاتو سواريه

المقادير انا غيرت شوية فى مقادير كيكة الشاتو العادية

بعاير بالمج الزجاج
كوب زيت
كوب سكر
2 ملعقة صغيرة ممتلئتين لبن بودرة
نص كوب ماء او نشيل اللبن البودرة والماء ونستبدلهم بنص كوب حليب
نص كوب كاكاو
2 بيضة
فانليا
كوب دقيق
ملعقة صغيرة بيكنج بودر
نص ملعقة صغيرة نسكافيه ( اختيارى)

الطريقة

نضرب الزيت والسكر واللبن او ( اللبن البودرة والماء) والكاكاو فى الخلاط حتى يعطينا صوص تقيل شوية

نشيل منه نص كوب من هذا الخليط ونضعه فى الفريزر

وباقى الخليط اللى فى الخلاط نضع عليه البيض والفانليا ونضرب ثم نضع الدقيق والبيكنج بودر والنسكافيه ونخلط

 

 ده لو كان خلاطك يستحمل اما لو مايستحملش نفضى الخليط بعد ضرب البيض والفانليا فى وعاء وننزل عليه بالدقيق والبيكنج بودر ونخلط

ثم نصب الخليط فى صينية مقاس 22 مدهونة

 

 وندخلها الفرن الساخن على 180 حتى تستوى

 

 ولما تخرج نضع عليها الصوص اللى شيلناه فى الفريزر

 

 

 ونقطعها لمينى جاتو وندخلها التلاجة لحين التقديم والتزيين حسب الرغبة
واليكم الصور

شكشوكة بالفلفل

فتكات