عندك بسكوت سادة تعالى اعملى منه حاجة حلوة

الموضوع للعضوة:امواج دافئة

من فتكات

النهارده قلت انزل حلي سريع ولذيذ اوي اوي
وكل الي داقه عجبه بصراحه
وهوه مبياخدش وقت خالص وسريع ان شاء الله
نبدا بسم بالله


((المقادير ))

3ورقات ونص بسكوت صغير
كاستر جاهز (عملته ب 3 معالق كاستر وكوب ونص لبن )
شوكولاته خام سيحتها مع معلقه زبده ومعلقتين لبن
نص كوب لبن دافي


جهزنا كل المقادير نبدا بسم الله
((الطريقه ))


سهله جدا
اول حاجه هنبل البسكوت في اللبن الدافي ونرصه في القارب وانا عملت في قارب صغير خالص


ونعمل طبقه واحده بسكوت وطبقه كاستر


وتاني طبقه نعمل 2 بسكوت وواحده كاستر



واخر طبقه واحده بسكوت والشوكولاته الي سيحناها



ونسيبها في التلاجه حوالي ساعه ونقطعها ونقدمها
وممكن نزينها باي حاجه فوق الشوكولاته بندق، لوز ، سوداني ، ممكن جوز هند ، ممكن شوكولاته بيضه ، اي شئ حسب الرغبه بس انا كنت مستعجله بصراحه
وتعالو نشوف صور التقديم