رز بلبن بطريقة جديدة ونكهات مختلفة كمان

نبدأ بسم الله ده نصف كوب رز نقعته نصف ساعه وصفيته

هاحطه ع النار مع 2كوب ماء

لحدما يستوي ويشرب ميته اضيف له كوب لبن ومعلقه كبيره لبن بودره بتخلي الطعم كريمي

لما يبدا يغلي انزل بالسكر اللي تحبيه انا حطيت كوب وكمان ادوب معلقه نشا كبيره في نصف كوب حليب وانزل بيها يربط اطفي النار

ده الابيض بتاعنا مفيش اسهل من كده المهم وهو سخن اكون مجهزه حاجتي اصب شويه رز في كل طبق وفي كل طبق هاضيف نكههه مختلف
واحد ضيفت معلقه جيلي ماتخافيش هاتدوب وهو سخن وواحد ضيفت معلقه بودره كريم كرامل وواحد ضيفت معلقه بودره ايس كريم مانجا وواحد معلقه كاكاو المهم كله وهو الرز لسه سخن مولع

واقلب مافيش اسهل من كده

واقدم كل نوع في طبق واسيبه شويه في التلاجه ورشه فارمسيل وجوز هند

بموت في الحجات السهله بس تكون في نفس الوقت الطعم رووووعه


نقرب عشان اللي يحب يجرب ♥

ده الأبيض وما احلاه بنقطتين عسل اسود ورشه جوز هند

وده اللي بالشوكلت وبالكريم كرامل

ودول اللي بالجيلي وبأيس كريم المانجا

كل طبق طعمه مختلف تماما عن التاني ولو مش عندك ايس كريم بودره ممكن تضيفي الجاهز باي طعم عادي جدا

منقول