مدونة ست مصرية

0 رز بلبن زى المطاعم بالظبط

الأربعاء، 13 نوفمبر 2013 التسميات: حلويات ومعجنات

السلام عليكم ورحمة الله وبركاتة

وصفة النهاردة بقى رز بلبن بطريقتي . بس جميل وبسيط وفيه كذا تكة تخليه يطلع معاكي ناعم وجميل حتى وهو بارد كل مرة وأروع من بتاع بره 100مرة, حتى ماماتي اعتمدة طريقتي دي من زمان .

بإسم الله نبدا:-

ده شكل قوام الرز بلبن

وكدة لما زينا الأطباق بالجوز الهند والزبيب

المقادير دي تعملك 4 كاسات

المقادير:-

ملو ايدك كدة رز مصر او ربع كوباية

ده شكل المقادير كلها مع بعض (صورة عائلية يعني)
الكوب المستخدم في القياس هو كوباية الماية العادية
2 كوباية لبن طازج
ربع كوباية رز
نص كوباية كريمة لباني
ربع كوباية سكر
1 معلقة طعام مليانة نشا ذرة
وفانيليا للنكهة

يا جماعة كتير جدا جدا بيسألوني عن الكريما اللباني بالذات بعد موضوع المهلبية . كريمة الخفق او الكريما اللباني او الduble cream أوالfresh cream هي نفسها الكريم شانتية بس قبل الخفق. وفي نوعين نوع مخصص للحلويات ونوع مخصص للطبخ ممكن تستخدمي أي وحدة فيهم , بس لازم تعرفي اني الي بتبقى مخصصة للحلويات أوقات بتبقى مسكرة يعني مضاف لها سكر بس مش متوفرة كتير بالذات في مصر والي مخصصة للطبخ بتبقى من غير سكر . ممكن تستخدمي اي وحدة فيهم عادي. ده شكل كريمة خفق المراعي الي متوفرة في كل دول الخليج . دي زي ما موضح عليها للحلويات بس النوع الي مخصص للطبخ برضو ممكن تستخدمي في الحلويات لانو كريما لباني من غير سكر.وميزة اضافة الكريما للرز بلبن والمهلبية والعاشوراء بيديها نكهة جميلة جدا جدا ومش بيخليها تعمل وش حتى لما تبات في الثلاجة والميزة الأهم انها بتربط نكهة الرز بنكهة اللبن وبتدي تجانس جميل علماً

مش عارفة ليه مقتنعة اني اللرز باللبن ما يتزينش غير بالجوز الهند والزبيب يمكن علشان ما ساعات ما فتحت عنيا وأنا بلقي ماماتي بتزينه بالجوز الهند والزبيب .

الطريقة:
كتير بيشتكون اني الرز بياخذ وقت طويل عقبال مايستوي يعني بنسيب اللبن بيغلي لفترة لحد ما الرز يستوي .
بصي بقى حنعمل اية . حنجيب كاسارول وحنحط فيها (اللبن والكريما اللباني)

الرز المغسول

ونضيف السكر

كدة عندنا في الكاسرول(اللبن والكريما والسكر والرز)

حنرفعها على النار لحد ما تغلي غلوة واحدة بس او تسخن جداً ونطفي عليها ونسيبها لحوالي ساعة . والسبب اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على شكلة وحجمه . والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن ومن هنا بتيجي نكهة (طبق الرز بلبن). على فكرة كلت رز بلبن عند ناس كتير وأغلبهم يا بيغلو الرز في مية وبعد كدة يضيفو على اللبن فللأسف بتحسي انك بتاكل رز مفلفل ومضاف له مهلبية أو بينقعو الرز في المية لفترة طويلة. علشان كدة بتحسي لما بتاكلي رز بلبن من بتوع المحلات اني الرز مندمج جداً والطعم متكامل كدة

ده شكل الرز اول ما غلي اللبن وقفلت عليه

وده شكله بعد ساعة بالظبط بصي بقى طري والحبة طولت جداً وجاهز اننا نعمله رز بلبن , وعلى فكرة لو دقتيه حتحسية متشبع بنكهة اللبن والكريما

بعد ما كدة حنولع النار على الرز بلبن تاني ونسيبها تغلي كدة حوال ربع ساعة مع التقليب المستمر وحنلاحظ اني الرز استوى نهائي وبقي طري وجميل.

وهنا شكلة بعد ما استوى 100% بصي ناعم ازاي بس محافظ على شكله لسه

حنذوب معلقة النشا في مية عادية

وحنضيفها على الرز بلبن مع التحريك المستمر بالمعلقة الخشب

وده بقى شكلة . نيجي بقى لمواصفات الرز بلبن الصحيح . حيبقى قوامة شبة تقيل بس أقرب للسيولة . والرز متوزع كدة على الوش زي ما خدتي بالك من الصوره دي مش نازل في قعر الكاسرول.

بصي كدة من قريب . واضح جداً اني قوامة شبة سائل بس مش لدرجة الماية

وعلشان توصل الفكرة اكتر بصي بينزل بسهولة ازاي . ليه علشان الرز حيفضل ينزل في نشا وحيخليه يمسك أكتر وأكتر واحنا مش عيزينوة يبقى متماسك وناشف .علشان كدة ما تقلقيش وما تحاوليش تضيفي نشا زيادة لاني دي مقادير مدرسوة 100%

بحب أضيف رشة فانيليا بتدية نكهة جميلة قداً قداً قداً

سبته يهدي شوية وصبيته في الكاسات . بصي الرز متوزع ازاي بشكل صحيح في كل الخليط. وبيتصب بسهولة وشبة كثيف بس مش تقيل.

بصي على الجمال

أخواتي أخدو كوبايتين علشان مش بيحبو عليه اي مكسرات .

والكوبايتين دول زينتهم بجوز الهند والزبيب

أسيبكم مع الصورة النهائية لكاسات الرز بلبن بعد التزين

بصي جميل ازاي من قريب

وهنا سبتها لما بردت خالص وده بيبقى قوامها . ناعمة وزي الزبدة وطعمها ما أقولكيش بقى.

لو حبيتي الرز بلبن بتاعك يبقى جميل الشكل الده التزمي بالمقادير الدقيق والتكات وصدقي مش حتغير الطريقة دي لو جربتيها لانها خلاصة خبرة بحطها بين إديكي.

منقول من فتكات

يمكنك أيضا قراءة:

المقرمشات الطازة تعالى اعملى لولادك الصن باى
جدول أكلات الاسبوع.. مش هتحتارى تطبخى ايه
طريقة عمل الكيك العادية بالفيديو

تابع القراءة

0 احذروا من المراهم الطبية على البشرة

السبت، 9 نوفمبر 2013 التسميات: العناية بالبشرة

هناك خطر كبير تقوم به المرأة وهى ان تضع مراهم على الوجه والمنطقة الحساسة
ومن هذه المراهم:

الدوكوين 2% و4%

اسبوتلس

ديرموفيت

بيتاديرم

فيد اوت

ليكوسيد

تريتوسبوت

وغيرهم كتييييييييييييير....
اولا ياجماعة معظم المراهم دى عبارة عن كورتيزون والكورتيزون عن نفسو بيمثل مع الادرينالين اهم ثنائى فى الحياة لانهم بينظمو عمل جسم الانسان للتفاعل مع الظروف المحيطة وهو يعتبر منقذ اساسى للحياة يعنى مثلا مريض الحساسية لو اتعرض لتفاقم الوضع هنلاقى الدكتور بسرعة شديدة جدا بيديه الكورتيزون عن طريق الحقن وكذلك فى حالات نقل الدم تحسبا لحدوث اعراض حساسية لعدم توافق الفصائل وهكذا.......
يعنى ياجماعة الكورتيزون عن نفسو مفيد ومنقذ للحياة ودا طبعا لازم يحددوا الدكتور وهو على فكرة للاستخدام على الجلد فقط يعنى مابيستعملش على الوجه والمناطق الحساسة (الا فى حالات معينة وبتراكيز معينة) وخصوصا المنطقة الحساسة لانها ممكن تتسرب عن طريق المهبل وتسبب امراض والتهابات نحن فى غنى عنها..
من الامراض الممكن تسببها على سبيل المثال (وانا متأكدة ان اى واحدة استعملتهم حست على الاقل بتلاتة من الاعراض دى على المدى القريب مش البعيد)
حدوث ضعف فى طبقة الجلد
حكة وهرش فى الجلد
حساسية شديدة للضؤ
تلون الجلد (اسمرار اجزاء وابيضاض اجزاء اخرى مثل البهاق)
تقرح وسهولة التجريح فى اماكن كثرة الاستخدام
ظهور شعيرات دموية خاصة فى منطقة الوجه
خطوط حمراء وبيضاء فى الجلد
وردية الوجه (مجموعة من الشعيرات الدموية الرقيقة تشبه الوردة فى تكوينها)
ظهور بعض الشعر الخفيف فى بعض المناطق
حب الشباب نتيجة كثرة الاستعمال

منقول

تابع القراءة

0 القمل عند الأطفال..الوقاية والعلاج

التسميات: تربية الابناء وصحتهم

قمل الرأس عبارة عن طفيليات تتواجد فى رأس الإنسان وتتغذى على دمه، وهى مشكلة تشتكى منها كثير من الأمهات، حيث أنها مشكلة شائعة للأطفال، وخاصة فى مرحلة ما قبل المدرسة أو مرحلة التعليم، فيمكن أن تكون النسبة.. من بين كل عشرة أطفال هناك طفل يصاب بقمل الرأس فى أى وقت ما بين سن 3 إلي 10 سنوات، ونسبة إصابة الإناث بالقمل أكثر من الذكور، ولمعرفة المزيد عن هذه المشكلة، تابعينا فى هذا المقال.

• كيف يمكن أن تصاب طفلتك بعدوى القمل؟

1 - يمكن ذلك عن طريق الاتصال بطفلة أخرى مصابة بالقمل أثناء اللعب أو بالمدرسة.

2 - عن طريق ارتداء ملابس طفلة أخرى مصابة، مثل القبعة والإيشارب وغيرها من الملابس.

3 - عن طريق استخدام مشط أو فرشة طفلة أخرى مصابة.

4 - عن طريق نوم الطفلة مكان طفلة مصابة بالقمل.

• ما هى أعراض عدوى قمل الرأس؟

1 - شعور بشيء يتحرك بالشعر، والإحساس بعدم الراحة.

2 - الحكة كرد فعل طبيعى للدغ الحشرة.

3 - قروح بفروة الرأس نتيجة للهرش.

• كيف يمكن تشخيص إصابة طفلتك بقمل الرأس؟

عن طريق النظر بدقة بفروة رأس طفلتك وشعرها، والبحث عن بيض القمل «الصئبان» أو القمل الصغير أو القمل البالغ، ويصعب ذلك لأن القمل الصغير أو البالغ يتحرك سريعاً، ويختفى ما بين الشعر عند تحريك أصابعك فى شعر ابنتك، لكن من الأسهل البحث عن بيض القمل وهو بيضاوى ولونه أصفر أو أبيض وملتصق بفروة الرأس، وإذا وجد بيض القمل على الشعر بعيد عن الفروة، فهذا دليل على أن العدوى حدثت منذ فترة، وإذا لم تستطيعى الكشف عن وجود عدوى، فعليكِ بالرجوع للطبيب.

• هل توجد وسيلة للتخلص من القمل منزليا؟

1 - بعض الأمهات تحاول إزالة القمل بالتمشيط، وأحيانا بحلق الشعر، ولكن لم يثبت أن هذه الطريقة فعالة فى التخلص من القمل، فكما ذكرنا.. فالصبئان تكون ملتصقة بفروة الرأس، وهذه الطريقة تمنع فقط القمل من التكاثر، لكن لا تقضى عليه تماماً، وبالتأكيد لا يفضلها الأطفال.

2 - بعض العلاجات المنزلية التى تلجأ لها الأم تشمل فرك الشعر بالخل أو بالكحول أو وضع فازلين على الشعر والفروة، أو غمر الشعر بالماء لفترات طويلة، لكنها أيضا فشلت فى القضاء على العدوى نهائياً، لأنها لا تقتل كل البيض والقمل.

• كيف يتم علاج العدوى بقمل الرأس؟

لابد من معالجة الشخص المصاب وباقى أفراد أسرته، مع تنظيف البيت جيداً، وتكون خطوات العلاج كالتالى:

1 - إزالة جميع الملابس ومفروشات المنزل وغسلها بالماء الساخن لمدة 20 دقيقة على الأقل.

2 - استخدام دواء لقتل القمل «يباع بالصيدليات»، ويلاحظ عدم وضع أى كريمات أو زيوت على الشعر قبل وضع الدواء، حتى لا يكون عازل ويترك الدواء على الشعر لمدة يوم أو يومين دون غسل الشعر، ثم يمشط الشعر بمشط ضيق لإزالة القمل الميت، وإذا وجد بعض القمل حى ستجديه يتحرك ببطء، يمكن أيضا إزالته بالتمشيط، ويمكنك تكرار وضع العلاج كل ثلاثة أيام لمدة أسبوعين أو ثلاثة.

• ما هى الأدوية التى يمكن استخدامها لعلاج العدوى بالقمل؟

الأدوية التى تحتوى على المادة الفعالة «permethrin ,tetramethrin» وبدائلها والمتواجد منها فى سوق الأدوية المصرى مثل:

Licid lotion, Nolice lotion, Nice lotion, Newcid shampo

وهذه الأدوية آمنة، لكنها يمكن أن تكون غير فعالة بالشكل المطلوب، وتوجد أدوية أخرى أقوى، ولكن لا أفضل كتابتها لأنها لا تستخدم بدون استشارة الطبيب.

• ملحوظة:

1 - إذا كانت طفلتك عمرها أقل من سنتين ولديها عدوى بالقمل، فننصحك بألا تستخدمى أى أدوية لقتل القمل من تلقاء نفسك، ولكن عليكِ الرجوع للطبيب.

2 - عند استخدام أى دواء لقتل القمل، ينبغى عليكِ اتباع الإرشادات المرفقة لاستخدامه.

3 - لا تستخدمى كميات إضافية من أدوية القمل.

4 - لا تخلطى أكثر من دواء لعلاج القمل.

5 - لا تستخدمى الدواء لأكثر من مرة إذا كان لا يأتى بأى نتيجة من استخدامه المرة الأولى، فهذا يكون اختيار غير مناسب لعلاج طفلتك.

تابع القراءة

0 تقصف الشعر لدى الأطفال

التسميات: تربية الابناء وصحتهم

تقصف الشعر لدى الأطفال

تقصف الشعر فى العادة يحدث نتيجة التعرض الزائد للشمس، لمستحضرات الشعر المختلفة، صبغ الشعر المتكرر، وإهمال قص الشعر بصفة دورية، بالإضافة لأسباب أخرى ناتجة عن قلة الاهتمام بالشعر بشكل جيد، لذلك فإنه ليس من الشائع أن تجدى تقصف فى شعر الأطفال، ولكن إن وجد فإليكِ هذه الحلول البسيطة لعلاجه.

قص أطراف الشعر بصورة دورية

قومى بقص أطراف شعر طفلك كل ستة أسابيع بما لا يقل عن ¼ إلى 1 بوصة، وبذلك تحل المشكلة، لاحظى أن الجدول

حماية شعر الأطفال قبل السباحة

استخدمى كريمات الحماية والترطيب المناسبة لشعر طفلك، أو اجعليه يلبس بونيه السباحة لحمايته من الكلور وغيره من المواد الكيميائية المضرة، التى قد تحتوى عليها المياه، اغسلى شعر طفلك مباشرة بعد الانتهاء من السباحة.

مشطى شعر طفلك بلطف

مشطى شعر طفلك بلطف مع مراعاة استخدام فرشاة ومشط مناسبين لنوع شعره، على سبيل المثال اختارى المشط الواسع للشعر الكثيف، وحاولى اختيار الفرشاة والمشط مصنوعين من مواد طبيعية كالخشب مثلاً.

عدم الإفراط فى تمشيط الشعر

الإفراط فى تمشيط الشعر يؤدى إلى ظاهرة التقصف.

إستخدمى اكسسوارات الشعر غير المؤذية

حاولى الابتعاد عن استخدام اكسسوارات الشعر التى تؤدى إلى تقطع وتكسر الشعر، واختارى توك الشعر التى تتماشى مع شعر طفلتك ولا تتشابك معه.

احمى شعر طفلك من الشمس باستخدام قبعة

الشمس قد تؤذى الشعر ولذلك اجعلى طفلك يرتدى القبعة عند الخروج فى الشمس وخصوصاً فى فصل الصيف.

استخدام شامبو الأطفال

لغسل شعر طفلك تأكدى من غسل شعره بشامبو الأطفال لضمان منظف لطيف وغير مؤذى لشعره، تأكدى شطف الشعر بشكل مثالى حتى لا تتسبب رواسب الشامبو فى إيذاء شعر طفلك.

استخدام زيوت طبيعية لتغذية وترطيب الشعر

من أفضل الزيوت الطبيعية لتغذية الشعر هو زيت جوز الهند وزيت الجوجوبا.

منقول

تابع القراءة

0 بالصور تنظيف وترتيب الثلاجة لام جودى

الجمعة، 8 نوفمبر 2013 التسميات: تنظيف وترتيب المنزل

طريقه رائعه بالصور لتنظيف و ترتيب الثلاجه من منتدي عالم حواء ل om janaanno
اترككم مع الموضوع الحماسي لتنظيف و ترتيب ثلاجتك بافكار رائعه :)
هذه المواد المستخدمة ( صابون بريل للأواني ، كلوركس ، ملمع زجاج ، مناديل ، فوطة مسح ، وليف مواعين )