تجربتى فى عنايتى ببشرتى وكريماتى بالصور

النهارده هاتكلم معاكوا على ادوات ومنتجات بشرتى والعنايه بنضفتها
االخطوه ديه مهمه جداا قبل ما تبتدى تحطى كريمات ترطيب ومعالجه

وقصدى هنا بالنضافه سكرب البشره - الطمى المغربى - التونر لان كل ده بيشيل الجلد الميت اللى بيخلى البشره دبلانه ومش بيبان عليها الترطيب لانك لما تشيلى الجلد الميت البشره بتتنفس هوا زى البشر بالظبط ..
نجى بقه للادوات


المجموعه هنا فيها منضفات البشره ( الغسول)
التونر - الطمى المغربى( الشرفاء) - غاسول العكر الفاسى- سكرب لخلايا الجلد الميته


ديه يا بنات صابونه بزبده الشيا روعه ارشحها ليكوا انكوا تجربوها بجد جميله بتنضف الوش وبتنوره وبتبيضه كنت شارياها من شركه نفرتارى وفرعها فى الدقى - القاهره كانت ب 40 جنيه بس كبيره جدا بس هنا قربت تخلص لانى جايباها من فتره لازم تجربوها


هنا بقى الطمى المغربى وده نوعين عندى
الطمى المغربى الشرفاء اللى هو فى الكيس الاخضر وده بضيف عليه نص ليمونه ومعلقتين ماء ورد ومعلقه لبن سائل بيعمل تنظيف للبشره هايل وبيشيل النقط السودا اللى بتتكون على الانف وبيخلى بشرتك بيضا من النضافه بعملوه مره فى الشهر لانه بيكون حامى على البشره جدااا وبتشوفى بشرتك بقت لونها احمر بعد الغسيل كأنك عامله نتواياج فالاحسن مره وحده فى الشهر

النوع التانى الغسول بالعكر الفاسى وده متكون من عناصر مفيده جدااا لببشره مكتوب على العلبه وده منتج مغربى
بيشد البشره جدااا جدااا وبيديها لون احمر فاتح ( بينك) بردو بيضاف عليه نصف ليمونه + ماء ورد بس بجد رائع جدااا
متكون من المرجان البحرى- عضام الحوت - طحالب بحريه - اعشاب ده بعمله مرتين فى الشهر ( ملحوظه) بيتحط على الشفايف وبيعمل تكبير خفيف + لون


سكرب البشره
هنا عندى 3 انواع بحبهم جدااا سكرب ستيفز- هميلايا - شجره الشاى بودى شوب
سكرب بعمله مره فى الاسبوع عشان لازم تتخلصى من الجلد والخلايا الميته عشان بشرتك تتنفس
احلى نوع بالنسبه ليه شجره الشاى بودى شوب لان بشرتى دهنيه وده اكتر واحد مناسب للبشره الدهنيه وبيزيل اثار الحبوب وريحته بحبها اوى منعشه بيخلى البشره صافيه جدااا ونضيفه ده لازم كل اسبوع مره


التونر

الخطوه ديه مهمه جدااا بعد السكرب وغسل البشره لانها بتشيل انار الصابون والسكرب
جربت انواع كتير احلاهم بايو درما الاخضر والبينك - اسكينول الخيار وده مش فى اى وقت بس للحبوب- مافالا للبشره الدهنيه
انا حاطه مع التونر مزيل الميكب بتاع اوريفلام ده بردو لطيف جدا على البشره وبيزيل اثار الميكب بسهوله


هنا انواع الغاسول للبشره
احلى نوع بايودرما - مافالا يمكن لانهم للبشره الدهنيه فحباهم بس بجد هما 10 على 10

وفى نوع تانى صينى بماء الارز للتفتيح بصراحه جميل جدا وفعلا بيبيض
كلين اند كلير وقت الحبوب بحب استخدمه جدااا بينعش البشره وبينضفها
وصابونه زبده الشيا اللى اتكلمت عليها قبل كده هما كاتبين مناسبه للشعر بس انا لما جربتها لشعرى ما عجبتنيش هى حلوه جداا للوجه


ادوات مستخدمه لتدليك البشره

1- اداة التدليك من اوريفلام ظريفه بتعمل تدليك خفيف للبشره باستخدمها من اسفل لاعلى كل خد 10 مرات لو عملتيها يوميا هاتحسى بفرق
2- اسفنجه الفونديشن طريه جدااا وجربتها اعمل بيها تدليك بالفوم هلى البشره وهى مبلوله لقيت تأثير هايل فقررت اعملها علطول يوميا لانها كمان رقيقه جدا هلى بشره الوجه.

منقول