"التربو" ممكن تعملي بيه تنظيم شامل لكل حتة في بيتك

الموضوع منقول من فتكات

جبت لكم النهاردة حاجة ممكن نستخدمها في التنظيم ومتوفرة في معظم بيوتنا وكمان اسعارها معقولة ومتفاوتة

الحاجة دي هي:

التربو
الشانون
وحدة الادراج

ايا كان اسمها بتقوليه ايه
حتفرق في حياتك جداً باذن الله

وأشكاله ومقاساته مختلفة

-الصغير



- الكبير



- الشكل المدلع ده
(( بس ده أسعاره نار ))



نبدأ بسم الله

1- في المطبخ

وطبعاً ده أشهر استخدام ليه
لحفظ الخضراوات والخزين

بس تعالوا نشوف الجديد

- تحت الحوض
ممكن تستخدميه لتنظيم ادوات النضافة
(وعلى فكرة الصورة دي تقريباً من المنتدى هنا، وطبعاً ده بعد اذن صاحبتها)



وممكن تحطي الادراج تحت الحوض بالشكل ده
وتشيلي فيها الحاجات اللي بتحيرك في مكانها






- دولاب خاص لادوات التنظيف والادوية
والفكرة دي تنفع عروسة جديدة او لو عندك مساحة فاضية
اعملي فيها وحدة خشب او الوميتال على حسب شكل مطبخك



- تنفع لتخزين الحلويات والحاجات الخاصة بولادك



2- في اوضة نومك

ودي ممكن تستخدمي فيها الحجم الصغير لترتيب :

-اكسسواراتك
-التوك بتاعتك
-مكياجك



- دي استخدمنا 2 وحدة تربو صغيرة
وصاحبتهم دهنتهم بالبويا السودا
وعملت عليها رسمة استنسل بالاسبراي الدهبي
وكده شكلهم بقى يليق على ديكورات اوضة النوم بتاعتها

((شكلها وهمي الصراحة))



- وممكن لو مش عندك ادراج كفاية
تحطي تربو جوة دولابك
والفكرة دي ريحتني اوي
بالذات في تنظيم الباندانات والبديهات


((بس برضه الصورة دي تقريباً من فتكات))



- وممكن تحطيه برة الدولاب
بس في مكان متداري من الاوضة
عشان ماتبوظيش الديكور
وتحطي فيه كل اللي يخطر على بالك

وهنا صاحبة الصورة حطت الشرابات في درج، البراهات ، البانتيهات، وهكذا



3- اوضة ولادك

وهنا بقى الابداع كله

- ممكن تعملي بيهم مكتب
وتشيلي كلللللللللللل حاجات المدرسة


- او ممكن تعملي بيهم ركن للألعاب ويبقوا عارفين يحطوا كل حاجة فين بعد ما يخلصوا لعب


-ممكن جوة دولابهم تشيلي فيها التوك والرفايع او الشرابات او الغيارات بتاعتهم



- وممكن تشيلي فيهم توك البنات



-لو عندك بيبي صغير وحاجاته منشرة في كل مكان



4- في الحمام

- ممكن تحطيه بلون جميل وتحطي فيه ادواتك


- ممكن تقفلي تحت الحوض
وتحطي التربو جواه





- استخدامات منوعة

-لحفظ الخيوط والابر والزرارير الزيادة



-لحفظ الادوية





ودي أفكار لتجديد شكل التربو
او عشان تخليه قطعة فنية مميزة تناسب ديكورات بيتك
ودي ممكن تنفذيها باستخدام الاستيكر اللي بيتلزق ع الزجاج
او حتى باستيكرات الاطفال العادية