مكرونة بشاميل بالصور الكتير

للعضوة: ريمو المصرية

من فتكات





نبدأ باسم الله


نبدأ بالمكرونه و دي طبعا مش عليها كلام كتير

هانسلق كيس المكرونه في ميه و نحط عليها شويه زيت و مل و فلفل بس



و لما تستوي هانصفيها



وكده تبقي خلصت المكرونه

تاني حاجه هي العصاج

مقاديره :
ربع كيلو او نص كيو حسب كميه المكرونه
2 بصله مبشوره
بهارات
سمن
الطريقه :

هانبشر بصلتين و هانحطهم في حله فيها شويه سمن بعد ماتسخن طبعا




هانشوح البصله لحد ماتصفر و ننزل باللحمه هانقلبها مع البصل و بعدين نوطي خاااااالص و نسبها تطلع ميتها و تسوي نفسها و ماننساش نغطيها طبعا و نقلبها كل شويه لحد ماتستوي بجد طعمها بيكون خرافه احلي من انك تشوحيها و تحطي ميه بكتييييييييير




وفي نص سواها نضيف التوابل بقي و الملح و انا بحط ( فلفل اسود و كبابه صيني و توابل لحمه و بابريكا و قرفه و طبعا ملح ) يعني ربع معلقه كده من كل نوع او طبعا ي بهارات تاني عندك تنفع
وهنا بعد مانشفت ميتها خلاص




وبعد ماتستوي هانضفلها عصير طماطم حوالي 4 طمات كده معصورين ونعلي عليها لحد ماتتسبك




وكده خلصنا العصاج



البشاميل

طبعا و ده اهم حاجه
مقاديره

2 كوب دقيق
سمن
نصف لتر لبن
شوربه او ميه
2 قطعه جبنه نستو
مكعب مرقه
ملح و فلفل
بيضه لدهان الوش
طريقته :

هانحط شويه سمن محترمين كدده و اول ماتسخن ننزل بالدقيق حوالي كوبايتين لو هاتعملي كيسين مكرونه مثلا




هانوطي النار و نقلبه لحد مايصفر مانضفش اللبن علي طول خدي بالك



نحط بقي نص لتر لبن و ممكن نكمل بشربه او ميه
وخدي بالك يبقي مضرب السلك في ايدك اول ماتضيفي اللبن و تقلبي بيه عشان مايكلكعش منك دي اهم حاجه



وهانضيف 2 جبنه نستو و مكعب مرقه و ملح و فلفل
وخدي بالك نخليها خفيفه شويه عن ماحنا عاوزين عشان هي لما بتبرد بتتقل



وكده خلص البشاميل


هانجيب الطاجن بقي او لو صينيه اي حاجه
بس الطاجن بيبقي طعم المكرونه فيه ووووووهم
المهم هانجيب الطاجن و ندهنه زيت او سمن

هانخلط شويه من البشاميل علي المكرونه و نقلبهم



و نحط لحد ثلث الطاجن مكرونه



وبعدين طبقه لحمه



بعدين التلت التاني مكرونه

 و نضيف بقي البشاميل



هاندهن وشها بيض علي خفيف و ممكن لا بردو هايطلع لونه حلو
وممكن نحط مبشور جبنه رومي بتدي طعم حلو


وهوووب لي الفرن لسخنه علي 200 مثلا لحد ماتصف من الجناب و نولع لشوايه تاخد لون و كده نكون خلصناااااا
وده شكلها