جمبرى مدفونة بطريقتين من مطبخى

 الموضوع للعضوة:المشتاقة الى ابنتها

من فتكات

عبارة عن بصلة حجمها حلو
نحطها على النار تتحمر لحد ما تاخد لون بني
انا بحب اضيفلها حبهان ومستكة
ونضيف شوية مية مش كتير ونهدي النار شوية ونسيب البصلة تستوي حبة وبعدين نزود المية اللي هنسوي فيها الجمبري والرز ونضيف واحدة طماطم
عشان تسحب المرار من البصل المتحمر
ونسيبها تغلي شوية عشان البصل يستوي وبعدين نضيف الجمبري
ومش بياخد وقت يكون الرز مغسول ومتصفي نضيفه للجمبري ونقلبهم مع بعض ونسيبه يستوي زي الرز العادي ودوقي احلى رز صيادية وادعيلي وممكن يتاكل مع سمك صيادية يبقى جميل جدا مع الشوربة وطبق سلطة خضرا

ودي صورة كمان
ندخل بقى على الطريقة التانية
نبدا بسم الله

بصل وفلفل اخضر او الوان وطماطم
نقلب البصلة في الزيت لحد ما تدبل
وبعد كدة نضيف الطماطم

والفلفل ومكعبين مرقة ونسيبها تدبل مع بعضها شوية

وبعدين نحط الجمبري المقشر و المغسول ونقلبه في التتبيلة شوية

ونسيبه يستوي ونحط الملح والبهارات اللي تحبيها ونسيبها تستوي

ونكون مسويين رز أبيض عادي

وقبل ما نطفي عليه نضيف عليه خليط الجمبري ونقلبه ونسيبه على نار هادية دقيقتين

وشوفي لون الرز هيبقى ازاي هيبقى تحفة وطعمه رائع جدا

واسيبكم مع الصور

انا كنت شيلت جزء من الخليط وحطيته على وش الطبق

وبالهنا والشفا