0 طريقتى فى ترتيب بيتى بالصور

هذه سلتين اشتريتها ووضعت بها الجوارب

واحد لي والاخر لزوجي

هذه العلبة كانت للجزر ههه

بعد ما اكلنا الجزر حولتها كما ترون

هذه سلل واحدة بها جوارب والملابس الداخلية للبنات

السلة الثانية بها حقائب قبعات للبنات

السلة الثالثة بها جوارب طويلة

هذه السلة كانت لعجينة الطينية للاطفال

الان اصبحت لاكسسوارات شعر البنات

كانت عندي مشكلة في طريقة جمع العلب البلاستيكية

ثم فكرت في في صندوق كبير واضع به العلب الصغيرة

الان مع فكرة ترتيت الاكياس البلاستيكية اظن ان هذه الفكرة راح تعجب الكثيرات

انا شفتها في موقع وطبقتها

هي فكرة اكثر من رائعة

تعرفون شكل الاكياس وهي مبعثرة وحجمها يكون كبير

الان مع هذه الطريقة راح تسعدكن

انظرن الى الصورة

جميلة اليس كذلك

تقوم بلف الكيس كما نلف البريوات

هذه علبة من الكرتون غلفتها ووضعت بها بعض ادوات الخياطة

وهذا الصندوق حين قدم الينا اعجبني وقررت تزيينه  

بعد تزيينه بمساعدة ابنتاي عملت به اللعب وخبأته تحت السرير

هذه علبة اجمع بها اكسسوارات الشعر الخاصة بي

 

منقول من اخوات طريق الاسلام

تابع القراءة

0 جهزى اكلك لرمضان من دلوقتى

 الموضوع منقول من فتكات


فكرة حلوة لحفظ اكياس لحفظ الخضار فى الفريزر




وكمان لحفظ اي اكياس في دولاب المطبخ
يعني باقي كيس مكرونة
او سكر او غيره


الفكرة سهههههههلة

الادوات

مكواة



قطعة فويل ( ورق القصدير )
وبس



عند طرف الكيس الي عاوزة تقفليه حطي ورقة الفويل
وشغلي المكواة على درجة متوسطة

و مري بيها على قطعة الفويل على طرف الكيس

هايتقفل الكيس بمنتهى السهووووووووووووولة




وممكن تعملي كميات كبييييييييرة من الاكياس في دقيقة واحدة

لان مجرد ما بتمري بالمكواة الكيس بيتقفل في فيمتو ثانية

وعلى فكرة ممكن كمان نستخدم مكواة بيبي ليس
بتاعة الشعر




استاهل ايه على الفكرة

الحصـــــــــــــــــــــــــــــــــــــــرية

دي


لســــــــــــــــــــــــة
اتفضلــــــــــــــــــــــــــــــــــــــي
للمزيد يمكنك قراءة

طرق حفظ الخضروات للشيف شربيني

تجهيزات كتييييييييييييير لشهر الخيــــــــــــــــــــــــــر
جمعتها من تجهيزات احلى الفتوكات
دي صورهم وده مجهودهم
ربنا يجازيهم كل خير ويكتبه في ميزان حسناتهم يارب

افكار للتفريز وكلها بالصور

ممكن نفرزن ايه
ويساعدنا ويوفرلنا الوقت


الجزر يبشر او يتقطع مكعبات
للشوربات او الكبسة
ويحفظ في الفريزر
ولما يطلع نستخدمه وهو مجمد قبل ما يفك




البصل
ممكن نفرم كمية في الكبة و نشوحها في الزبدة .... صحي عن انك تفرزنيه وهو ني
وبعدين نفردها - نبططها - في كيس من اكياس التلاجة
ونفرزنها
وكل مرة نحتاج فيها نكسر جزء منها ونستخدمه



التوم المفروم الناعم
يتفصص التوم وفي الكبة مع ربع كوب زيت وقليل من الملح
يفرم نااااااعم
وزي ما عملنا مع البصل نفرده في كيس التلاجة
وعلى الفريزر هيوفر لنا وقت كتير




ودي تتبيلة السمك والمخللات جميييييييييلة وبتوفر وقت كبير جدا
وكمان مش بتتغير في الطعم
توم وفلفل وكسبرة وفلفل اخضر حامي وكمون وشطة وملح
يطحن في الكبة و نحتفظ بيه في الفريزر




وده موضوع كمان عن تفريزت رمضان
 

خلصت تجهيزات وتفريزات رمضان بالصور

صوص البيتزا
وممكن نحتفظ بيه في علب صغيرة
وكل علبة تكفي مثلا 2 او 3 من البيتزات





تسبيكة المحشي
ودي بتعمليها عااااااادي جدا
بصل يتشوح وبعدها عصير الطماطم والصالصة ولما تتسبك وتبرد خالص
نحفظها في الفريزر
ونطلعها تفك بسيط ونضيف لها الخضرة والرز
وبتكون جمييييييييييييلة جدا وبتوفر وقت جدا جدا






ودي جميلة وبتوفر في الوقت جدا جدا
انك تحشي القطايف
وعلى الفريزر
والشطارة كمان انك تكوني مجهزة الشربات عندك في باب التلاجة
مجرد تطلعي تقلي وتنزلي في الشربات الجاهز
وفي دقايق تكون احلى قطايف جاهزة وتفرحي اسرتك وتوفري وقتك للعبادة






ممكن كمان تفريز الكفتة او البانية
ولما يطلع من الفريزر يتقلي على طول بدون ما يفك



 
للمزيد يمكنك زيارة:

تفريز البسلة بالصور

 

أفضل طريقة لتفريز الملوخية ويظل لونها أخضر

تابع القراءة

0 طاجن لسان عصفور

لسان عصفور

نحمر لسان العصفور

بطاطس مكعبات

بصلة مقطعه قطع صغيرة عليها التوابل والملح

لحمة مفرومة معصجة مع فصين ثوم أو قطع مسلوقة أو كفتة مشوية

نقلب كل اللي فات

نضيف الشوربة

ندخل البرام الفرن لغاية ما يستوي

بالهنا والشفا

منتدى فتكات

تابع القراءة

0 سمان محشي بالتفصيل الممل

وصفتي اليوم هي {سمااان محشي}

المقاااادير :

سمان
3 بصلة مقطعة صغير في الكبة
ملح - فلفل -كمون
2 معلقة سمن بلدي
مستكة - حبهاااان - ورق لورا

1- ننظف السمان جيدا ويغسل ثم ارش عليه ملح وليمون وخل ويترك قليلا ثم يغسل
وبكده يكون اخد شااااور وسنفرة

انا عموما الفراخ والسمان واي طيور لازم اعمل كده قبل ما افرزها

2- تحضير الحشو نضع في طاسة البصل و ملح وفلفل وكمون وكبد وقوانص السمان ومعلقتين زيت ذرة عليهم ونقلبهم علي النار 5 دقايق حتي يصبح شكلهم هكذا

3- نحشي السماان نقفله من فوق بادخال الرقبة للداااخل

ثم نحشيه بالبصل ويقفل بأعواد خلة ويتبل السمان ايضا بالبصل

4- نشوح السمان في معلقتين سمن بلدي ومستكة وحبهاااان وورق لورا ديه طريقتي في طبخ اي طيور
لازم اشوحها الاول

5- نغطيه بالماء ويترك ليستوي تقريبا ساااعة
ثم نضع الملح في اناء السوي

6- يحمر في زيت ذرة او سمنة بلدي وممكن يشوي في الفرن

ويعطى نتيجة افضل تحت الشواية

 

ام شهد وهيما

فتكات

تابع القراءة

0 اسهل واطعم أرز باللبن زى المحلات بالظبط

السر بتاع المطاعم انهم بيسلقوه فى اللبن وبيحطوا عليه بسحلب
والسحلب اصلا طعمه وريحته جميله
فأنا قلت عشان اضمن سوى الرز
غسلته كويس بميه سخنه من السخان مش بارده وسبت عليه الميه السخنه لحد مابقت الميه صافيه والرز باين وصفيته كويس
وطلعت كيس اللبن من الفريزر

كيلو لبن استخدمت معاه نص كوباية رز المهم سخنت اللبن على نار هاديه

تمام نار هاديه و حطيت عليه الرز وكل شويه اقلب لحد ما اللبن غلى كويس والرز جواه طبعا وبعدين لاقيت الرز ابتدى يستوى فرحت اوى قمت قفلت النار وسيبتهم ساعه قلت عشان اضمن خااااااااالص سوى الرز وبعد ساعه فتحت النار عليه تانى وضيفت عليهم معلقتين او تلاته كبار سحلب مدوبين فى شوية ميه ع البارد مع نص كوب سكر وضفتهم وقلبت لحد ماوصلت للقوام المطلوب وقفلت وحطيت كيس فانيليا وقلبت

ونستمر فى التقليب باستمرار عشان الرز مايلزقش بس واسيبه معتش اقلب عشان يعمل وش حلو كده

وانصحكم بدل كيس الفانيليا استبدلوها بالفانيليا السايله جميييييييييله جدا
وصبى وحطى فى التلاجه ودوقى اجمل ررز بلبن بس يستحسن تغطى عليه فى التلاجه زى الجاهز كده عشان وشه مينشفش ان شاء الله

هقولكم بقى على شوية تكات تخلى الطعم احلى ان شاء الله

1-اخت جوزى كانت محوشه كميه كبيره من وش اللبن ولما عملت الرز بلبن ضافت كميه محترمه منه وطعمه كان رهيب

بس الافضل طبعا انكم تطلعوه قبلها بيوم يفك فى التلاجه وبعد ماتقفلى على الرز بلبن وتحطى الفانيليا تقومى حطه وش اللبن او القشطه وتقلبى حلو وتغرفى طبعا الطعم هيكون اغنى واحلى

2- الزبيب تنقعيه شويه فى ميه 5 دقايق تطريه وتضيفيه اثناء تسوية الرز بلبن قبل ماتحطى السحلب بيكون طعمه اجمل
بس لسه مجربتهاش

بعض الاخطاء اللى ممكن تقعوا فيها:

1- الرز بتضفيه للبن من الاول خااااااااالص يعنى تجيبى اللبن من اللبان وتحطيه ع اللبانه مع الرز
ولو كسلتى وحطتيه فى الفريزر عادى سبيه يفك شويه على النار وحطى معاه الرز

2- من فضلك النار تكون واااااااااطيه كانك بتسوى الرز العادى كده ليه بقى؟
عشان لو عليتى النار لما يجى يغلى للاسف الرز هيكون لسه نى
واحنا عاوزين الرز يستوى براحته خاااااااااالص

3- متقفليش خالص عليهم الا لما اللبن يغلى عشان تضمنى سوي الرز  وانه تمام ساعتها اقفلى وسبيه شويه

4 - ارجعى افتحى النار عليه تانى والاحسن انك تضيفى  سحلب زى ما قلت قبل كده وساعتها على النار براحتك مش لازم توطيها احنا كده خلاص ضمنا ان الرز استوى

وفىناس تحب تحط نشا لو كده ماتكتريش كفاية معلقة


اقول بقى الاضافه الجديده :

طبعا سمعنا كتير عن موضوع الكريمه اللبانى وانها بتدى طعم كريمى وبتعزز من طعم الرز بلبن
طب انا فكرت فى حاجه احسن واوفر وخصوصا ان كريمة الخفق بتكون غاليه
عملت اييييييييييه؟
جبت ربع كوباية كريم شانتيه بودره وضربتهم بالمضرب كويس اوى مع ربع كوباية لبن مثلللللجه لحد ما نفشت وبقت تمام
وبعدها حطيت عليها كام معلقة قشطه كنت محوشاها من وش اللبن بتاع 3 معالق كبار او زى ماتحبى وقلبتهم مع بعض بالمغلقه مش بالمضرب لحسن تتحول لذبده
المهم خلاص قوام الرز بلبن اتضبط
قفلت النار وضفت الفانيليا السايله ومعلقة كبيره مية مورد واللى عرفته من فتوكه ان ماء الزهر بيكون اجمل لسه مجربتوش
وبعدها ضفت الكريمه بتاعتى وصبيت فى الاطباق
وقمت صبيت فى برام صغير كده قصدى طاجن فخار صغنون وحطيت على وشه الباقى من الكريمه وركنته على جمب لحد ما ولعت الشوايه وحطيته تحت الشوايه ياخد لون دهبى جميل
وحطيتهم فى التلاجه لتانى يوم وغطيت عليهم طبعا
وكانت النتيجه زى الجاهز واجممممممممممل ولله الحمد
حبيت اقولكم على اضافتى
وفيه حاجه كمان لسه مجربتهاش
انك تنقعى شوية زبيب فى مية زهر وضيفهم اثناء تسوية الرز بلبن بيقولوا بتطلع جميله لسه مجربتهاش
وناس تانيه بتضيف حتة زبده وبرده مجربتهاش
ياريت اللى جرب يقولنا النتيجه
منقول

تابع القراءة