0 من بواقي العيش الفينو اعملي عيش صاج

النهاردة  معايا خبز الصاج

بس من بواقي العيش الفينو

طبعا مفيش مقادير ثابتة لاني عملته من بواقي الفينو البايت عندي...

المكونات

(عيش فينو مطحون +ماء دافئ +دقيق)

الطريقة:

1-نطحن العيش في كبة

2-نبلل العيش المطحون بماء دافئ


3-نقلب العيش بمعلقة

4- يضاف الدقيق بالتدريج

5- بعد اضافة الدقيق بالتدريج نجمع عجينة ناعمة
ونستمر بعجنها 5 دقائق حتي تصبح طرية كما بالصورة

6- تترك العجينة ترتاح في مكان دافئ 1 ساعة وتغطي بكيس بلاستيك

7- تقطع الي كرات صغيرة حجم البيضة

8- تفرد بالنشابة فرد رفيع ورقيق مع رش قليل من الدقيق

9- نسخن طاسة ونضع الخبز ومجرد ما انتفخ نقلبه علي الوجه الآخر
10-مجرد ما يستوي نضعه في فوطة ويغطي حتي ننتهي من كل الكمية والصور توضح انه خفيف ومنتفخ من الداخل بعد التسوية

والطاسة مش بندهنها زيت ولا سمنة
 العيش الصاج طبيعي مش بيلزق بشرط سخني الطاسة اولا قبل تسويته ومش بياخد غير دقيقة علي كل ناحية

تقدروا طبعا تخزنوه في كيس بلاستيك في الفريزر

ووقت ما تحبي خرجيه يفك بس في كيس بلاستيك

شوفوا بقي كان طعمه جميل والصراحة عملت لي

ساندوتش جبنة وخيار وطماطم
والباقي خزنته في كيس في الفريزر


ويوم تاني عملت شاورما فراخ وقدمته في العيش






للعضوة:فريدة فى كل شىء

من فتكات

تابع القراءة

3 تجاربي الناجحة في التنظيف

اولا بالنسبة للملابس البيضاء انقعها بملح الليمون نص ساعة ثم اضع مسحوق الغسيل على نفس ماء النقع واغسلها
احتاج هذه الطريقة للجوارب البيضاء اجدها افضل من المسحوق لوحده


بالنسبة لياقات القمصان التي لاتنضف حتى بالغسالة الاوتوماتيك  الحل اني بفركها بصابون نابلسي قبل وضعها بالغسالة والنتيجة رااائعة
وممكن اى صابون وجه






اذا انحرق معي قدر اضع به خل تفاح









واعيد غليه وافركه بالسلكة فيزول الحرق


لا ارمي قشور الليمون









بل انظف بها الصحون لانها تقضي على رائحة الزفرة وبنفس الوقت تنظف الدهون وتبقي ليقة الجلي نظيفة


لازالة الزيت عن الملابس اضع عليها فيري ونقطة ماء وافركها ثم بالغسالة فتختفي


لازالة رائحة الملفوف من القدر اضع به القليل من الكربونة

منقول من بيت حواء

تابع القراءة

0 بيتزا نفس طعم عجينة بيتزا هت واجمل

بجد نفس طعم عجينة بيتزا هت واجمل
وانا متأكدة اللي هتجربها هتصدق كلامي


اولاً:مقادير العجينه
6 كوب دقيق
علبة زبادي
2 كوب حليب سايل دافئ
5 معلقه كبيرة زيت زيتون
1/4 كوب سكر
2 م ك خميرة
م ص بيكنج بودر
رشة ملح
والمكون البسيط اللي أضفته هو
1/4 م ص ثوم بودر او ممكن تحطي 1/2 م ص
صدقوني بتطلع العجينه روووعه نفس المطاعم
الطريقه
نخلط الحليب الدافئ والزيت والزبادي في خلاط الطعام
ثم نضيف له كوب دقيق والخميرة والسكر
ونخلط حوالي ثلاث دقائق
ثم يصب الخليط في وعاء ويضاف لباقي كمية الدقيق بعد ما أضفنا الدقيق البيكنج بودر والملح
يعني مش بحط ب ب والملح في الخلاط
لا بخليه مع الدقيق
ونعجن كويس جداً
لو في واحدة فيكم مضايقه من حاجه تحط همها في العجين
والصراحه أنا بحب اعجنها علي الرخامه.
المهم دي الصور توضح


العجينه تختمر نكون جهزنا الصلصه
نقطع بصل ونشوحه مع شوية زيت
ثم نشوح معاه فلفل اخضر مقطع " و ممكن فلفل حامى للى بيحب الشطة "

 أنا بحب اشوحهم ع النار شويه أحسن لانها بتدي طعم حلو
ثم نضيف الطماطم المقطعه
ونغطي حوالي خمس دقائق لغاية ما كل حاجه تلين
ثم نفرمها في المفرمه ونرجع نحطها ع النار تاني
ونضيف لها صلصة طماطم ومعلقة كاتشب
وملح وفلفل اسود وكسبرة ناشفه وشوية شطه للي يحب
ومعلقه صغيرة سكر عشان يدي توازن وماتكونش حامضه
ونسيبها تتسبك ع النار لغاية ما تنشف من المايه وتكون الصلصه متماسكه ومفيش فيها ولانقطة مايه
والصور توضح





ملحوظه مهمه جداً جداً

لازم ولابد الصلصة تكون باردة
بمعني ممنوع تحطيها علي العجينه وهي ساخنه
دا بيفسد العجينه ومش هاترتفع وتنفش معاكي
يعني أنا بجهز منها كميه وبحطها ف الفريزر
ولما احب اعمل بيتزا بطلعها واخليها تفك او احطها فك الميكرويف
يارب تكون النقطه دي وضحت

نيجي لتشكيل البيتزا
نقطع العجينه كور كبيرة ع حسب حجم الصينيه
وبفردها الاول بالنشابه
وبعدين احطها في صينيه مدهونه
وافردها كويس وأحاول اعمل لها حواف يعني تكون الأطراف مرتفعه شويه عن الوسط
ثم نضع الصلصه


أنا قطعت كور صغيرة من العجين وحشيت كل قطعه نقانق
وحطيتها ع الأطراف
وبعد ما حطينا الصوص
ترش عليه جبن موزاريلا
وساعات بعمل خليط من الموزاريلا والشيدر
تقريبا تكفى 3 او 4 بيتزات

وبالهنا و الشفا
وكمان انا حشيت الاطراف سوسيس متقطع بالطول كانت فظيعة

 

 ranosh88

فتكات

تابع القراءة

4 طريقة عمل كيكة الهوهوز الناجحة

مقادير كيك الهوهوز :
 
1كوب لبن
1كوب سكر
1كوب زيت
4معالق كبيرة كاكاو خام 

3بيض وفانيليا  

2كوب دقيق وكيس بيكنج بودر

الطريقة:

نجيب

 كوب لبن
1كوب سكر
1كوب زيت
4معالق كبيرة كاكاو خام

نضرب المكونات كويس ف الخلاط

وبعدين نشيل كوب من الصوص ده ندخله التلاجه
ونحط على الباقى اللى فى الخلاط 3بيض وفانيليا ونضرب كويس

ونكبهم فى طبق غويط بره وعليهم  ونقلب بالوسك فى اتجاه واحد علشان الكيك

مايهبطش
وندخله الفرن على 180 درجة لمده 25 دقيقه

ولما تخلص نسبها تهدى مش تبرد ونكب عليها الصوص اللى فى التلاجه
وبعدين نعمل خطوط باللبن المكثف 

  الللبن المكثف :
 
1/2 كوب لبن بودرة
1/2كوب سكر
1/4كوب ماء مغلى
معلقة زبده
واضربيه في الخلاط كويس اوى وبعدين دخليه التلاجة شويه وهيبقى عندك احلى لبن مكثف

ملاحظات:

1 /انا معملتهاش بكيك شيف لانى اكتشفت مؤخرا انه بيكتم الكيكة بجد والاحلى تعملوها باى نوع تانى انا عملتها بتاح الملوك طلعت تحفه وعاليه وفيها فراغات من جوه وكده احلى بكتير

2/عملت حليب مكثف وحطيته عليها بعد ماحطيت صوص الشيكولاته الاول ولما بردت عملت على الوش خطوط بالحليب المكثف خلتها بجد روووووووووووووعه وعمرك ماهتعمليها بعد كده من غير حليب مكثف ........الاختراع ده من عندى

3/حطى الشيكولاته على الكيك وهى دافيه وكمان قسميها مثلثات وهى فى الصينيه علشان تشرب الصوص والكيك يبقى طرى وروعه






هقولك افتكاسة تانية
لما تطلعي الكيكة من الفرن خرميها وحطي اللبن المكثف وبعدين استني شوية وحطي عليها صوص الشيكولاتة وبعدين حطيها في التلاجة شوية وبعدين طلعيها حطي عليها طبقة كريم شانتية وبعدين فتفتي عليها بوريو من فوق وهتكون جاااااااااااااااااااااااااااااامدة 

 بس كده

تابع القراءة

0 طريقة القرنبيط المقلى المقرمش الكرسبي

 

 

 

تابع القراءة

0 طريقة عمل بيتزا هات والبيتزا العادية بالتفصيل

اليوم باذن الله تعالى هنعمل البيتزا

اهم شئ يابنات فى البيتزا سمكها شوفى انتى عاوزاها رفيعة ولا تخينة براحتك
بس متنسيش انك بعد فردها العجينة هتتخن لان فيها خميرة وبيكنج بودر اعملى حساب المعلومة دى

 
بيتزا هت

المقادير :
- 3 أكواب دقيق
- كوب ماء دافئ
- ملعقة وربع صغيرة ملح
- 2 ملعقة صغيرة سكر
- 2 ملعقة كبيرة زيت زيتون (او زيت عادى)
- 2 ملعقة كبيرة دقيق ذرة
- 6 ملاعق كبيرة لبن بودرة
- ملعقة صغيرة بيكنج باودر
- 1 ملعقة كبيرة خميرة فورية
- ربع ملعقة صغيرة ثوم بودرة
- ربع ملعقة صغيرة بصل بودرة
اما مقادير البيتزا العادية
2 كوب دقيق 5 ملاعق كبيرة زيت
1 ملعقة كبيرة خميرة فورية
1 معلقة صغيرة بيكنج بودر
2 معلقة كبيرة سكر
3 معلقة لبن بودر
1\2 معلقة صغيرة ملح
ماء دافئ للعجن




1\مكونات صلصة البيتزا:
علبة صلصة
1/4 كوب ماء
1 ملعقة صغيرة سكر
1/4 ملعقة صغيرة اوراق ريحان( انا حطيت رشة نعناع )
1/4 ملعقة صغيرة زعتر
1/4 ملعقة صغيرة ثوم بودر
1/4 ملعقة صغيرة ملح
1/8 ملعقة صغيرة فلفل اسود
ورقة لورى
1/2 ملعقة صغيرة عصير ليمون

طريقة عمل صلصة البيتزا:

 
1. اخلطي جميع المكونات في مقلاة.
2. ضعيها على نار متوسطة حتى تبدأ الصلصة بالغليان.
3. خفضي الحرارة وحركيها ثم تغطى لمدة 30 - 45 دقيقة حتى تصبح كثيفة بالدرجة التي تريديها.
4. هذه الكمية تكفي لعمل عدد 2 بيتزا.

2\مقادير صلصة البيتزا :

• 1كيلو طماطم
• 4 ، حبات فلفل اخضر مقطع مكعبات صغيرة جدا جدا.
• بصلة كبيرة مبشورة.
• نصف كوب زيت زيتون(او ذرة)
• 6 حبات ثوم متوسط مهروس
  
• 1 معلقة صغيرة زعتر
  
• نصف ملعقة ملح .
• ملعقة صغيرة فلفل اسود .
• 1 معلقة صغيرة من الشطة (اختيارى)
  

طريقة تحضير صلصة البيتزا :

• يوضع الوعاء على النار ونقوم بوضع الزيت والبصل المفروم لحد لما ندبل البصلة
  
• ثم نضيف الثوم المفروم والملح ونقلبها قليلا ثم نضيف الفلفل الاخضر
• ثم نقوم باضافة الطماطم المضروبة بالخلاط مع اضافة الزعتر
• نترك هذه الخلطة على النار الهادئة حتى تصبح الطماطم ثقيلة
• نقوم باضافة الفلفل الاسود والشطة
• نسيبها على النار حتى تنضج بعد ذلك توضع بوعاء حتى تبرد وبذلك تكون جاهزة لتضاف للبيتزا

الطريقة للنوعين


الطريقة باذن الله

اولا انا بعجن بايدى بحس انوا افضل عشان اتحكم بالعجينة


اول شئ 4 ملاعق ماء دافئ (نعرف ان درجة حرارة الماء مناسبة ازاى اقولك نجيب الماء وبصباع ايدنا الصغير نحطة فى الماء وعدى لحد 10 لو ايدك اتحملت درجة الحررة دى لحد 10 ثوانى يبقى الحرارة مناسبة لانها لو ساخنة هتموت الخميرة تماما)

ونحط فى ال 4 ملاعق ماء الخميرة والسكر ونغطى الكوب كويس ونتركة 10 دقائق الى ربع ساعة لحد لما يختمر وترتفع


ثانيا نقوم بنخل الدقيق والملح واللبن البودر




ونعمل حفرة صغيرة فى النص كدةعشان نحط فيها باقى المقادير



وبعد ذلك نضيف الزيت ثم الخميرة





وبعدين بقلبهم ثوانى بالمعلقة



ونتخلص من الملعقة ونبداء بالعجن بايدينا
نضيف الماء الدافئ واحدة واحدة مش كلة طبعا لان كل دقيق بيختلف
يعنى ضيفى مثلا نصف كمية الماءوبعدين الباقى حبة حبة لحد لما تحصلى على عجينة متماسكة مش سايلة ومش بتلتصق بايدك
لانك متنسيش ماء الخميره وكمان الزيت وكل دي سوائل يعنى حطى الماية زى ما قلت واحدة واحدة

اوعى تزودى الماء لانوا هيطلع حاجة تانية غير بيتزا ههههههه

دى الصورة بعد لما قعدت اعجن والت فيها اول 10 دقائق



اهم شئ انا بفضل اعجن فيها ييجى 20 دقيقة
يعنى الاول بعجن 10 دقائق وبعدين بغطيها ترتاح ربع ساعة وبعدين ارجع لها اعجنها تانى عشر دقائق
هتلاقى بسم الله ما شاء الله فرق معاكى جدا عجن الاعجينة المدة دى
عن تجربه فعلا افضل النتائج من العجن لمدةطويلة
والصورة دى اول لما غطيتها بعد اول 10 دقائق عجن
انا بغطيها بقماشة الاول ثم غطاء الطبق



ودى فى 10 دقائق عجن للمرة التانية



ودة شكل العجينة قبل التخمير لمدة ساعة لساعة ونصف
انا بغطى الطبق اللى فية العجينة بقماشة ثم بغطاء الطبق وبحط الطبق دة تحت بطانية


قبل


وبعد التخمير ما شاء الله تبارك الله لازم تترك للتتضاعف 3 اضعاف حجمها وتحسى كدة انها شفافة اتمنى تكون المعلومة وصلت



معلومة هااااااااااااااااامة
بعد التخمير انا مبعجنش العجينة انا بس بهبط العجينة بصوابعى والمها مش اعجنها اوعى تعجنيها تضيعى كل اللى احنا عملنااااااة


وهنا لما لميتها بايدى معجنتهاااااااااااش




بعد ذلك نبداء فى الفرد بالطريقة اللى نشوفها سواء مستطيلة او فى صوانى مدورة
اهم شئ يكون سمك الفرد يعنى 1\2 سم تقريبا لانها هتنتفخ فى الفرن
ونبداء باضافة ما نريد على العجينة
هنا انا كنت عملت كذا شكل
عملت شكل النجمة وكنت حشياها جمبرى



الموضوع لأم مريومة ومعاذ

تابع القراءة

0 طريقة هتخلى البقدونس يفضل مدة اطول من غير مايصفر

بصوا انا عملتها ونجحت معايا بفضل الله
والبقدونس فضل مدة كبيرة من غير مايصفر
لو واحدة ماعجبهاش كلامى او مانجش معها بلاش تدعى عليا
  الطريقة دى نفعت معايا جدا

بصوا اول حاجة ننقع البقدونس فى مايه وخل
لان قبل كده لقيت فى حزمة بقدونس قوقعة فيها دودة بتتحرك

اه والله



المهم نغسله كويس وبعدين نسيبه ينشف فى مصفاة
أهم حاجة نسيبه ينشف ومايبقاش فيه نقطة ماية
او تعينيه من غير غسيل وتبقى تغسليه بعد كده
الفكرة انه لازم يحفظ وهو ناشف





اهم حاجة انه ينشف مايبقاش مبلول

وبعدين نقطعه




ونجيب علبة بلاستيك ونحط فيها مناديل ورق






وبعدين نحط البقدونس





وبعدين نحط طبقة مناديل ورق فوقها





ونقفل العلبة ونسيبها فى التلاجة على اول رف تحت الفريزر

ممكن كمان نستبدل المناديل بورق كراسة
ولو لقيتى المناديل الورق اتبله وانتى بتاخدى منه غيريها على طول بواحد ناشفة


وهتوفر لك وقت تقطيع البقدونس كمان


اللى يعجبها الموضوع تدعى لى بحسن الخاتمة 

 ماتنسوش تدعوا لوالدتى لانها اللى شافتها فى التلفزيون وقالت لى عليها

تابع القراءة

0 كيك خفيف وطرى وهش جدا بأبسط المكونات

طيب دى صوره مبدئيه للكيك يارب يعجبكم



المقادير 2 كوب دقيق
3 بيض
كوبايه لبن
معلقه بيكنج بودر
ونص معلقه بيكنج صودا او كربوناتو
كوبايه سكر
نص كوبايه زيت
فانيليا


الطريقه انا ضربت البيض والفانيليا والسكر سوا الاول كويس وبعدين ضيفت الزيت وشويه لبن
وحطيتهم فى بوله وقومت جايه ضايفه عليهم المكونات الجافه بالراحه
وبعدين ضيفت لبن تانى وكترته شويه عن كل مره
لحد ما بقى الخليط بالشكل ده
وبعدها صبيته فى صينيه متبطنه بورق زبده اهه



وبعدين دخلتها على فرن مسبق التسخين على درجه 180
قعدت حوالى ساعه لانها طبعا سايله اوى



وبعدين خرجتها لاقيتها طريه جداااااااااااا وهشه جدا جدا زى ما انتوا هتشوفوها دلوقتى









اسيبكم مع الصور بقى بعد ما قطعتها
يارب تعجبكم







شوفوا المسام بتاعه الكيك باينه اوى ازاى


للعضوة سنوات الضايع 2

من فتكات

تابع القراءة