اعرفى ازاى تشترى الخضروات الورقية

الخضروات الورقية
الخضار الورقي
اولا الكرفس
عندك نوعين للكرفس
كرفس بلدي

وده بيستعمل عادة في شوربة خضار وفي بعض الاكلات
تاني نوع
الكرفس الافرنجي او الاجنبي

وده بيستعمل ف حاجات كتير في السلق والطواجن وحاجات كتير
نيجي بقى للي بعده
السبانخ

عبير انا مش عارفة الفرق بين السبانخ والملوخية
طيب بصي السبانخ ورقتها عريضة والعروق بارزة والورقة بطول العرق مش ورق صغير

الملوخية
ديه شكلها

اهيه ديه شكلها ورقها مختلف عن السبانخ طيب انا برضه مش عرفاها هقولك ع سر صغير هتلاقي الفلاحات اللي بيكون ف السوق ماسكينها وهارينها قطف هيا ديه الملوخية

نيجي بقى للاتنين للي معظم الناس مبتفرقهمش
الكزبرة والبقدونس
البقدونس هنلقي ورقتها رفيعة وناعمة شوية

الكزبرة بقي هتلقي ورقتها عريضة شوية اهي شايفين الفرق بين الصورتين
وكمان العروق بالورقة بتكون باينة من الملمس شوية
واطراف الورقة مشرشرة عن ورقة البقدونس
وكمان لونها يدوب افتح شوية من البقدونس
وريحة الكزبرة اقوي من البقدونس

الشبت
معروف وسهل جدا معرفته