اغسلي الشفاط من غير اى تعب او مجهود بالصور

الشفاط كان ازمة بالنسبة ليا وتنظيفه صعب بجد المهم فى مرة خلعت الشفاط علشان انظفه وكسلت قولت بدل ما اسيبه
انقعه شويه علشان يخف عليا فى التنظيف فنقعته بايه؟!
فى بطاس ما تستغربوش ايوه بطاس والبطاس ده حبيب قلبى بحب استخدمه فى حاجات كتير المهم
حطيت الشفاط فى بطاس وشويه صابون مواعين وممكن تحطوا مسحوق وماء سخن بيغلى ودى اهم حاجة تكون الميه سخنه
ونمت وصحيت الصبح وروحت اشوف الشفاط علشان اغسله وذهلت من النتيجة  لاقيت الشفاط نضيف اه والله مش محتاج دعك ولاغسيل ولا وجع قلب
ومن ساعتها بقيت عايزة اغسله كل يوم تعالوا اوريكم الصور ونشوف والصور ما بتكدبش ده الشفاط قبل ما اغسله





وهنا بعد مانقعته فى ميه سخنه وصابون مواعين وبطاس شايفين اللون الابيض ده الدهون اللى كانت على الشفاط البطاس سيحها
شيفين نضف مجرد انى نقعته ومن غير ما احط ايدى فيه








هنا بعد ما طلعته من الميه ومشيت عليه بسلكة وصابون رغم انه بجد مش محتاج ورشيت عليه معطر خوخ



وهنا بعد ما علقته مكانه



يارب موضوعى يعجبكم واكون قدرت افيدكم بحاجة ولو بسيطة
 الموضوع للعضوة:
gt birt

من فتكات