اعرفى أنواع الخضار وازاى تشتريه

طبعا قولتلكم اننا هنختار اصناف الخضار كلها انا النهاردة هتكلم عن معظم الخضار
 نبدا بسم الله
اولا البصل
البصل ليه 5 انواع ايه ياعبي 5 ايه هما اتنين احمر وابيض لا طيب ركزو بقى وهنفهم كل حاجة ع حدا

زي ماانتم شايفين اللي ع ايدي اليمين بصل اصفر والتاني احمر
الفرق اولا البصل الاصفر اقوى من حيث الطعم وجربو تقشرو بصله من ديه وبصلة من ديه هتعيطي جامد ف البصل الاصفر والاحمر لا
الاحمر شيك ف السلطات وبعض الاكلات الظاهر فيها
الاصفر بيدخل معظم اكلاتنا
تالت نوع من انواع البصل البصل الابيض

النوع ده مش منتشر اوي وكمان ليه موسم بيطلع فيه اهم حاجة انه مش حامي ومسكر تاكليه كده ومتحسيش انه بصل والقشرة بتاعته بيضا اوي وكمان منتشر اوي ف دول الخليج
رابع نوع البصل القاورما

وده بيدخل ف بعض الطواجن وبيكون حجمه صغنتوت حالص وجميل
خامس نوع من البصل
البصل الاخضر


نيجي للي بعده
الثوم
وهما نوعين
ابيض واحمر

لما نيجي ننقي الابيض اختار اللي راس التوم كبيرة وفصها كبير زي الصورة مش صغير اولا عشان ميقرفكيش ف التفصيص وكمان عشان يبقى سهل ف فرمه
الابيض ده في انواع كتييييييييييير بس الاشهر البلدي والصيني الاحسن البلدي عشان ريحته قوية وطعمه ظاهر ف الاكل

الاحمر ده للتخزين يابنات

نيجي للطماطم
عندك 3 انوع
نوع للسلطة

بتكون حمرا اوي وجامدة مش طرية زي الصورة انا بقى مبحبش حد ينقيلي الطماطم ابدا بحب اختار كل وحدة بنفسي


تاني نوع طماطم الطبيخ
اولا بتكون حمرا اووووووووووووووي وكمان طرية بصو بقى ف نقطة طريه في فرق بين طرية ومتماسكة ف الشكل وطرية مفعه ف نفسها
واقولكم ع سر عشان تعرفي الطماطم طرية اضغي بصباعك بالابهام لو فضلت بصمة صباعك ع الطماطمية تبقى الطماطمية تمام التمام
عبير طيب ماهي طريه اوي وممكن تتفعص لا خلي بالك احنا مش عايزينها تتفعص براحه وكمان بلاش الطماطم اللي ف حاجات سودا ومعفصة ديه بتبقى وحشة
تالت نوع
الطماطم الكرزية او طماطم (شيري)

طماطم شيري بتكون صغيرة ومسكرة شوية ديه بتستعمل ف الديكورات الاكل الغالبية العظمى

بعدين
الجزر
في نوعين للجزر
الجزر البرتقاني بتاعنا اللي عرفينه

معلش الجزر عندي بقاله فترة كبيرة ف التلاجه عشان انا بفرزه اول اول
بس نيجي للحجم احنا هنجيب الحجم المتوسط مش الكبير اوي لانه بيبقى من جوه مخشب كده وجواه الياف كتير
ومش صغير اوي
النوع التاني
الجزر الابيض

ده بقى مش موجود ف مصر بس قولت اقولكم في ناس بتجيبه واساسا اللي بيستخدمه اكتر الشيفات مش ربات البيوت يعني

اللي بعده
الخيار

بصو الخيار بيكون حجمه متوسط معرفش طالع صغير ليه ف الصورة المهم بقى بلاش تاخدي الكبير خالص عشان بيكون ممرر بيكون طعمه مر اووووووووي

اللي بعده
الفلفل
الفلفل 3 انواع
الفلفل الاخضر

ومنه نوعين حامي وحلو معقول ياعبير بيكون في حراق اه وحصلت معايا كتير بصو خدو الفلفل اللي بيكون مكبب كده مش طويل من تحت الطويل بيكون بنسبة 80 ف المية حراق
النوع التاني
الفلفل الملون

منه احمر وبرتقاني واصفر وبنستعمله ف الاكل وفي اكلات كتير بتدخل فيها فلفل ملون وسلطات ومحاشي كمان
النوع التالت
الفلفل الحراق
منه نوعين
احمر

وده بيكون حراق اوووووووووووي وده بيتعمل منه هريسة الشطة
وتاني نوع
الاخضر

بيكون حراق بس اخف شوية من الاحمر

 نيجي بعدين للبادجان
عندك 3 انواع بادنجان
اولا البادنجان الكبير
بتاع القلي

هنختار حجمه متوسط مش كبير اوووووووي عشان بيكون من جواه مبذر اوي وطعمه لازع شوية
تاني نوع
البادنجان الاسود والابيض

دول بقى للحشو
النوع التالت
بدنجان المكدوس

بيكون شبه البادنجان العادي بس ع صغير اوي

الكوسه

بصو الاولاني الصغير ناس بتحبها عشان تحشيها وابقي قابليني منك ليها لو عرفتي اصلا تقوريها مقرفة جدا ف تقويرها ومتعبة جدا انا قولت اصورهالكم مخصوص
تاني وحدة ديه الحجم اللي انا بحشية وبيطلع حلو وجميل
تالت وحدة الكبيرة هيا مش كبيرة اوي بس ديه بتتعمل طبيخ وطواجن وصواني ولازم يكون لونها اخضر فاتح ومفيهاش حاجات سودا وسمرا كده عشان بيبقى طعمها وحش

البطاطس
عندك نوعين للبطاطس
بطاطس تحمير وبطاطس صواني
الاحسن تاخدي تحمير عشان تستوي بسرعة لو اخدتي بتاعت الصينية هتلاقي ناشفة جدا ومهما تسوي فيها ناشفة

الصغيرة للحشو والكبيرة للتحمير والصينية والطواجن ديه نوع بطاطس بيكون فيه طينة انا شخصيا مبفضلهوش بحب البطاطس اللي قشرتها ناعمه ومفيهاش طينة او تراب بيكون طعمها احلى وده شكلها

اهوه ده النوع اللي بقولكم عليه لو مش موجود عادي تاخدو التاني

البروكلي

لازم يكون لونه اخضر زاهي اوي ومتجبهوش كميات كبيرة منه لو انتم مش بتتطبخوه لانه لما بيدبل بيقى مش حلو خالص كطعم

منقول من فتكات

يمكنك أيضا قراءة:
اعرفى ازاى تشترى الخضروات الورقية 
.