صنفرة لجسمك هتديكى بياض + نعومة + ريحة تحفــــــة

الصنفرة دية بقى بجد من الاخر

ومستمرة عليها بقالى فترة وبجد تحفة

والله كان عندى بقع فى رجلى من اثر الحساسية تقريبا كلها اختفت بجد

وبتدى نعومة وبياض وريحة تحفة


هندخل ع الخطوات بالصور


(دية مش صورة رجلى طبعا دية صورة من النت )
الاول بحط فى طبق كمية سكر اللى هتكفى جسمى وعليها رز مطحون





وبضيف كيس لبن نيدو



وبعدها بضيف ليمون

وشبة مطحونة مخلوطة بمسك مشترياها من العطار

هى لونها بمبى بس مش واضحة فى الصورة






وبعد كدة بضيف زيت زيتون ومياة ورد لحد ما توصل للشكل دة




وبس كدة بقت جاهزة

الطريقة بقى بشغل مياة سخنة فى الحمام عشان يتملى بخار

والاول بغسل جسمى بمياة سخنة عشان المسام تفتح

وباخد الصنفرة دية بحطها على الجسم كلة

وبدعك الجسم بحركات دائرية بليفة عادية او مغربية

وبعد كدة بشطف جسمى

وبحط بعدة زيت جونسون بيبى اويل مخلوط مع زيت ورد

وبس كدة

وممكن اى زيت عطرى تانى مع بيبى اويل او حتى لوحدة


وبس كدة يا فتوكاتى والاستمرار عليها بيدى نتيجة تحفة