فطاير الوردات بحشوة الجبنة المميزة بالصور

وده هنشوفه سوا 



هنبدأ الاول بمقادير العجينة 




3 كوب ونص دقيق 

بيضة 

نص كوب علبة زبادي كبيرة 

ربع كوب زيت ذرة

نص كوب ماء دافئ 

معلقة كبيرة خميرة بودر

3 معالق كبيرة سكر 

3 معالق كبيرة لبن بودر وده اختياري يمكن الاستغناء عنه

معلقة صغيرة بيكنج بودر 

ومعلقة صغيرة ممسوحة محسن خبز برضه اختياري



هنخلط المكونات الجافة كلها كويس 



بعدين نصيف الزيت والمية والزبادي والبيضة 

ونحط شوية خل بسيط ورشة فانيلا عشان ريحة البيض 



نبدا في العجن ده هيكون شكل العجينة معاكي في الاول 



هنا بدات العجينة تلم معانا وتنعم اكتر 



ونستمر في العجن علي قد ما نقدر 

كل ما زودنا وقت العجن كل ما حصلنا علي عجينة طرية وملساء وهشة 

وبعدين هنلم العجينة بادينا ونغلفها بالزيت ونغطيها بالسترتش 



ونسيبها تختمر لمدة ساعة تقريبا او حسب درجة حرارة المطبخ بتاعك

وده هيكون شكلها بعد الاختمار تضاعف حجمها زي ما انتوا شايفين




دلوقت بقي هنجهز الحشوة بتاعتنا

انا بصراحة اكتر حشوة بحبها لاي فطاير هي الجبنة 

وكل مرة اغير يعني مرة بالزعتر مرة بالنعناع مرة بقدونس 

حاجات كتير المرة دي جايبة لكم حشوة خطيرة

نكهتها قوية ومختلفة جدا هنشوف سوا 



المكونات بسيطة جدا عبارة عن 

بصلة متوسطة مبشورة ناعم جدا

وجزتين مبشورين ناعم واي نوع جبنة بيضا

انا استخدمت الاسطنبولي الصفرا

نخش بقي علي الطريقة

هنجيب حلة وفيها شوية زيت دة عالنار

وبعدين نضيف البصل 



يدوب يدبل شوية بالشكل ده 



وبعدين هنضيف الجزر 



ونقلبهم تقلبتين عالنار ونضيف حبة البركة 




وبعدين نقلبهم شوية عالنار حوالي خمس دقايق

كل المكونات تاخد من نكهه بعض 



وبعدين نسيبها حرارتها تهدي ده شكلها

لونها خطير بصراحة 



وبعدين هنضيفها علي الجبنة ونقلبهم كويس 

وده هيبقي شكل الحشوة بتاعتنا

دلوقت بقي هنبتدي نشكل العجينة بتاعتنا 

انا عشان اعمل شكل الوردة ده استخدمت قوالب الكب كيك الكبيرة 

حبيت تكون الفطاير كبيرة شوية 


لو عندك القوالب الصغيرة اللي فيها 12 يبقي تستخدمي اداه تقطيع صغيرة واللي مش عندها 

ممكن تستخدم غطا ازازة بتاعة عصير او غطا علبة دوا مثلا 

هتكون اختمرت تمام هنفضي منها الهوا ونعملها كورة ونبتدي الشغل





طبعا التشكيل ده متروك ليكي وانا المرة دي حبيت اجدد واعمل شكل مختلف زي مهنشوف سوا

هنفرد العجينة كلها بالنشابة وتكون سمكها حوالي نص سم 



وهنقطع العجينة بقطاعة علي شكل مدور او بكوباية

بس هنحدد حجم الدايرة علي حسب القالب المستخدم في التشكيل 



هنجيب القالب بتاعنا عشان نشكل فيه الوردة وانا استخدمت 6 دوائر في عمل الوردة 

دايرة للقاعدة وخمس دوائر لورق الوردة زي ما هنشوف 

اول دايرة هنحطها بتاعة القاعدة 



وبعدين هنبدا نحط اوراق الوردة 

هنجيب اول دايرة ونحطها بالشكل ده ونثبتها في القاعدة بالضغط عليها بسيط



ونجيب الدايرة الانية نثبت طرفها علي الدايرة الاولي وبرضه نثبتها من تحت في القاعدة 

والصورة هتوضح اكتر



ونفس الموضوع في الورقة التالتة بالشكل ده 



وهكزا لحد ما نحصل علي الوردة زي اللي في الصورة كده 



هنسيب القالب يرتاح شويه قبل ما نحط الحشوة 

ده شكل الوردة بعد ما ارتاحت حجما زاد شوية وبقت شكلها جميل 



ودي صورة مجمعة للوردات الحلوات 



هنجيب الحشوة بتاعة الجبنة وناخد منها حتة ونعملها كورة صغيرة عشان هنحشي بيها الوردات 

وهتبقي هي قلب الوردة اللي هتكمل شكلها 




ودي صورة للحلوات مع بعض 



حبيت اخلي الشكل احلي قومت رشيت حبة البركة علي الحشو بالشكل ده 



ودي صورة للقالب كله بالوردات الجميلة 




واخر خطوة بقي هنجهز سائل التلميع بتاعنا 

عبارة عن بيضة وشوية لبن ورشة فانيلا ورشة نسكافيه 

وندهن بيه الوردات بالفرشة بالراحة عشان ما تهبطش وشكلها يبوظ 



ونكون مسخنين الفرن بتاعنا كويس اوي وندخل فيه القالب

علي درجة حرارة 180 لحد ما تتخبز كويس وتحمر 

وهنا الوردة لوحدها وقت التقديم 

منقول من فتكات