ماسك صنفرة بياض ازالة شعر وشد بشرة وازالة للرؤوس السوداء

ضيفنا انهردة فى ماسكنا هو الجيلاتين
وده بيتجاب من العطـار او السوبر ماركتــ
تجيبى بجنيه من العطار شوية حلوين اوى وتاخدى معلقتين صغيرين ممليين جيلاتين

وبياض بيضا واحدة صغيرة

ومعلقة ونص لبن طازة

معلقة خميرة بيرة او كيس خميرة فورية


الطريقه ~

نضرب بياض البيض لما يعمل رغوة كدة بيضا شبه بتاعة الكابتشينو

وبعدين اعملى للجيلاتين حمام مائى مع اللبن ودوبيهم مع بعض
متزودوش عملية التقليب
عشان ميجمدش معاكم والصور بتتكلم
وبعدين اما يبقى فاتر ضيفوا عليه الخميرة ودبوها كويس
شوفوا شوفوا التصوير تصفيييق حااااد متعرفوش اللقطة دى جت ازاى

ولما يبقى الجيلاتين فاتر مش سخن خدوا بالكم عشان منسلقش بياض البيض
ويبقى وشكـ فطيرة
اما يبقى الجيلاتين فاتر نروح لبياض البيض وننزله عليه

وبعدين يافتوكة انتى وهى نحطة فى التلاجة 10دقايق نكون ظبطنا وشنا وغسلناه وهيئناه انه يتحط عليه ماسكـ
وكمان لنتيجة احلى واحلى واحلى تعملى بخار بالنعناع او الزعتر ونص لمونة مقصوصة لوشك قبل الماسكـ

وخلى بالكم الماسكـ يتحط على كل وشكم ماعدا منطقة الحواجب والعيون والشفايفـ
وبعد نص ساعة بالتمام والكمال تروحى يافتوكة شايلاه زى السويت
عكس اتجاه الشعر واتفرجى على اللى هيطلع ومتتخضيش

وبعدين تغسلى وشكـ بمية فاترة وبعدين تمررى تلجة بمية ورد او تلجة عادية على وشكـ
وشوفى بأة الجمال والحلاوة


وبكدة انا خلصت ماسكـ انهردة

واما تجربوه هتشوفوا
كأنكم عاملين مليون نتوياج 

منقول