ايس كريم الفانيلا والشوكولاتة بالصور

بسم الله المقادير

4 كوبايات حليب
( ممكن نعمل نصهم حليب طبيعي ونصهم التاني
حليب بودرة ندوب حليب بودرة على كوباية المية )
3 صفارات بيض - كوب سكر
4 ملاعق كبيرة زبدة - 3 ملاعق كبار قشطة بسس
معلقة صغيرة نشا
فانيلا - رشة ملح

لو عايزينه آيس بالشوكولاتة نقسم نص الخليط لما نعمله
ونحط على نص الكمية
نص كوب شوكولاتة ومعلقتين كبااار كاكاو



الطريقة






نسمي الله ونحط كل المقااااادير في حلة زي كده




ونقلب عالناااار كويس بالمضرب السلك لحد اما يغلي



ولما يغلي نطفي عليه وبسس كده والله خلص الايس كريم الحمد لله
دلوقتي بقى نقدر نشكل ونتخيل اي نكهة نتمنها
ممكن نخليه كله فانيلا او نقسمه ونخلي نص شوكولاتة
ونص فانيلا






وطبعا انا جبت حلة تانية وهو سخن قسمت الخليط نصين
وحطيت على نصه نص كوباية شوكولاتة مفرومة ومعلقتين كباااار كاكاو
وقلبت وهو سخن عشان تسيح الشوكولاتة ويندمج معاهم الكاكاو






ودول جنب بعض بفضل الله حلة بالشوكولاتة وحلة بالفانيلا في غمضة عين
ونسيبهم بره في المطبخ لحد اما تهدى حرارتهم
وبعدها ندخلهم الفريزر في اي علبة او في نفس الحلة لو حابين
ونسيبهم في الفريزر يتجمدوا 6 الى 7 ساعات يعني ليلة بامر الله
ونقدمهم على خيرة الله وبسم الله
وطبعا نقدر نعمل منهم اشكاااال والوااان
ولو عايزينه ايس كريم ستيك
نعمل الاتي
طريقة ايس كريم الفانيلا ستيك
طبعا االاستيك ليه طابع خاااص كده وغير اي ايس كريم
بيبقى لذيييييذ وهو فانيلا ومتغلف بالشوكولاتة
وطبعا مش كلنا عندنا القوالب بتاعة الاستيك
فاااا الحل الاسهل اننا نجيب الكوبايات الورقية اللي بنشتريها في اي مناسبة
او بناخدها عالبحر في الصيف اللي هيا دي



ونملى نصها بس بايس كريم الفانيلا وندخلها الفريزر تجمد
ولما نلاقيها قربت تجمد يعني بعد مرور يجي ساعتين كده وهيا بالفريزر
نغرس فيها سيتك خشب في النص عشان يكمل جمودية مع الايس كريم
وطبعا هو انا جيبته باني جمعته من اي ايس كريم بنشتريه هههههههههه
لما آكله بفضل الله اقوم واخدة العصاية الخشب دي



واغسلها كويس واحتفظ بيها لو حبينا نعمل ايس كريم بالبيت
ان شاء الله





المهم وده شكله لما جمد في الكوباية الورق نقطعها بالمقص من الجنب
ونسيح كوباية شوكولاتة مع معلقة كبيرة زيت ولما تهدى حرارتها
نقلب الايس كريم فيها من كل الجوانب عشان يتغلف بالشوكولاتة





زي كده كله شوكولاتة مشكلتة

وبسم الله نبدأ بصور ستيك ايس كريم الفانيلا






وفي النص غطيتها كلها بالشوكولاتة واللي عالجوانب قلت كفاية من فوق بسس



















وطبعا الشوكولاتة مجرد مابتلمس الايس كريم المتلج بتجمد وتمسك عليه
منقول