طريقة عمل الفراخ زى كنتاكى بالصور

مدونة مصريين: طريقة عمل الفراخ زى كنتاكى

بسم الله الرحمن الرحيم
انا عملت الكنتاكى بطرق كتير بس ماكانش بيدينى نفس شكل الكنتاكى
لحد ماتوصلت للطريقه دى تحفه ياجماعه وان شاء الله مش هاتندمو لما تجربوها
وموفره جدا والقطعه بتكبر والفرخه بتكفينا وبتفيض والله
نبتدى بسم الله الاول قطعى الفرخه حوالى 10 قطع او تسعه زى ما تعرفى
دا لان القطعه بتكبر اوى وبشيل الجلد وبسلقها وبتقعها فى التتبيله عبارع عن
بصل مبشور لمون وخل وملح فلفل بهارات توم بودر بصل بودر
وده شكلها وهيا منقوعه فى التتبيله شكلها صغير خالص ازاى

ونكون مجهزين دقيق دره اصفر مخلوط مع دقيق عادى ومتبل بالملح والفلفل وتوم بودر وبصل بودر
وده شكله

وطبق تانى فيه دقيق مع ميه ونفس التتبيله توم بودر وبصل بودر وملح وفلفل
ونعمل عجينا سايله وخفيفه خالص بالشكل ده

وده شكل القطعه قبل ما نحطها فى التتبيله شايفين حجمها صغير ازاى

ونبتدى نحطها الاول فى الدقيق المخلوط اللى قولنا عليه

وبعدين فى العجينه السايله

وبعدين فى الدقيق تانى شايفين القطعه كبرت ازاى ماشاء الله

ونقليها

ودى النتيجه ها كنتاكى ولا مش كنتاكى ههههههههههه

منقول من فتكات