ملابس العروسة من الالف الى الياء

نبدأ بسم الله

اولا لبس العروسة

وكلامى مش ملزم كل واحدة تشوف ظروفها ايه وتجيب على حسب ظروفها
انا بس مجرد بحط لك خطوط عريضة وانتى حسب ظروفك
الصـيفي

*5 برمودا بالبادى

*5 بناطيل قماش بالبادى

*4 بيجامات شورت قطن
حلويين جدا فى النوم

*4 بيجامات بنص كم

ودى هتنفعك لما حماتك تزورك او حد من محارمك بس ماتعديش بيها قدام زوجك عشان مايقولش انه قاعد مع اخته ههههههههههه

*2 بيجامة كات وممكن تستغنى عنهم لوعايزة

الشتوى بقى:

*6 بيجامات قطيفة خامة حلوة او ترنجات قطيفة



*3 بيجامات قطن

*2 قمصان قطن قطيفة عليهم رسومات بناتى زى القطة كييتى مثلا
وماتكتريش منهم لانك مش هتلبسيهم قدام جوزك كتير عشان ميقلوش انه مجوز أمه ههههههههه

*3بلوفر طويل على بنطلون استريش حلو كده

*3 كاش مايو شتوى

*روب شتوى

*2 اسدال صلاة

** فى الخريف بقى او الجو لاحر ولاهو برد اوى
ممكن اوى تجيبى 2 بادى كارينا تلبسيه تحت اى بادى كات عندك
وبيبقى شكله حلو وشيك

وربنا يعين اهل كل عروسة ويساعدهم على الجهاز يارب

ماتنسيش وروقة وقلم وتكتبى اللى انتى عايزاه
وتكتبى اللى جبيته بالالوان والورقة تفضل فى شنطتك على طول
عشان ماتكرريش حاجات
منقول