طريقة سهلة للتخلص من الهالات السوداء وغير مكلفة

انا من فترة كدة سمعت دكتورة جلديه مشهورة بتقول
ان الهالات دى اسبابها كتير
منها الوراثى ودة مش بيروح 100 فى 100 انما بالعلاج بيروح بنسبه 80
والهالات الناتجه عن الارهاق والذى منه
بيبقى سببه نقص فى فيتامين k
ونقصه بيعمل الهالات اللى بضايقنا كلنا

انا طبعا مبسكتش
لازم اقعد ادور واتفحص واتمحص
ولقيت ان فيتامين k موجود فى الخضروات الخضرا اوى
زى السبانخ الاسبريجوز البروكلى

وهو دة موضوعنا بقى
البروكلى بسبب اللون الاخضر اللى فيه بيحتوى على نسبه عاليه جدا
ب فيتامين k وايضا نسبه كبيرة من الكولاجين

نزلت جرى اشتريت واحدة بروكلى
ودخلت المعمل قصدى المطبخ وابتديت الشغل

الاول هنقطع البروكلى كدة


ونحطه علشان يتسلق يادوب الميه تغطيه بس ونغطيه ونسيبه يغلى
وهو متغطى ونسيبه لما الميه تقل خالص وتتركز

بعدين هناخد البروكلى من تالميه على جنب وناخد الميه بتاع السلق اللى هيبقى لونها اخضر على جنب

هناخد البروكلى نهرسه جامد اوى مع رشه بيكربونات صوديوم ونعمله ماسك لوشنا
بعيد عن العين علشان البيكربونات


امال هنعالج الهالات ازاى
هقولكم بميه السلق

هناخد الميه ونحطها فى علبه محكمه او برطمان فى التلاجه
بس قبل ما نحطها فى التلاجه وهى دافيه هنضيف كبسوله فيتامين e


ونعمل منها كمادات للعين بالقطن دة كل يوم الصبح او بالليل او الصبح وبالليل

والحمد لله النتيجه رائعه بالاستمرار طبعا مش من اول ولاتانى ولا حتى تالت يوم
لازم الاستمرار
انا كنت حاسه بارهاق وهالات فوق العين من الجفن العلوى
وعملت ميه البروكلى والحمد لله خفت كتيييييير

انا كدة خلصت يارب يكون الموضوع عجبكم وتستفادو منه
والاهم تجربوا



الموضوع من فتكات

للعضوة
دودو ام زينه