أكلة موفرة واقتصادية وطعمها حلو اوى

الموضوع للعضوة:ام مروان وحبيبة وعبودى;

من فتكات

دى طبعا صور تشويقية هههههههههههه
ندخل فى الموضوع دى صينية مكرونة باشميل بس بالخضار رهيييييييييييييييبة وطعمها اقسم بالله تحفففة ومختلفة تماما عن ام عصاج
وحاقولكم تكلفتها كمان
هى عبارة عن مكرونة عقل صغية مسلوقة ومعموله حمره بصصله عادى تمام وطبعا الاكله دى تنفع اوى لاى مكرونة فاضله عندك لاننا اتفقنا مش بنرمى اى بواقى اكل
الباشميل نحمر الدقيق فى معلقتين سمنة وننزل باللبن والمية او لبن وشوربة ونقلب جامد اوى ملح وفلفل واما يبرد بحط بيضة وارجع اقلب جامد
الخضار
بصلاية شرايح وفلفل مكبب وجزر مبشور بدبلهم خالص فى معلقة سمنة كبيرة ونتبلهم ملح وفلفل ورشة بقدونس فى الاخر
نحط طبقة مكرونة ونحط الخضار ونقطع شرايح زيتون ورشة جبنة تركى
نحط باقى المكرونة والباشميل وندخلها تحت الشواية 10 دقايق لان كل حاجة مستوية ويدوب تاخد لون وبرش رشة جبنة تركى تسيح واطلعها وبس
وملحت جنبها طماطم بملح وفلفل وكمون وليمون بتبقى جميله اوى
التكلفه نص مكرونة ب2ج
ربع فلفل بجنيه وجزر بجنيه
وب2ج زيتون
وكان عندى لبن ودقيق للباشميل
يعنى التكلفه حوالى 6 ج صينية معتبرة والله لو جربتوها حتعولى
على فكرة الجبنة التركى اخدت قطعتين من عندى وفركتهم جامد وهى دى الرشة وعملت ريحة وطعم جميل
واليكم الصور بس امانة تدعولى ربنا يفرجها ويوسعها علينا ويهدى لى ولادى ويقوينى عليهم



والله يا جماعة حتعجبكم كدة ومفيدة اوى واهو تغغير وتوفير اتفضلو معانا هههههههههه

[/quote]