اعملى بيض بالبسطرمة من غير بسطرمة خالص

اه والله وجوزي لما اتعشي دلوقتي مكنش مصدق خااااااااااالص بجد
وكان عمال يسألني انتي جبتي بسطرمه منين
وانا اشتغلته وقولتله بعت جبت وصدق
وقالي انتي فتفتيها خالص شكلها مش باين بس طعمها قوي


شوفي هتعملي ايه بقي
هتحطي في الطاسه حبه زيت وتفقشي بيضتين او اكتر
حسب عدد الافراد اللي هتاكل
وتهرسي كويس فص توم محترم وترميه فوق البيض
ونص معلقه صغيره حلبه مطحونه
دول لبيضتين لو عملتي 4 بيضات مثلا ضاعفي الكميه
(حلبه عاديه خالص بغسلها واسيبها تنشف وبطحنها في الكبه واشيلها في علبه للاستخدام)
وملح

وتسويه عادي وتقلبي لحد ما يستوي
واغرفوه



وكلوا بقي
والله العظيم والله العظيم طعمه زي البيض بالبسطرمه بالظبططططططط
ومكلنفناش غير بيضتين بس
وكمان صحي اكتر من البيض بالبسطرمه الحقيقي
لان البسطرمه مضره جدا علي فكره
وكمان مفيد ومغذي لان الحلبه اصلا مغذيه جدا
وموفر كمان هما تمن البيضتين بس
وبحد في الطعم متقدريش تفرقيه عن طعم البسطرمه الاصلي
وممكن تستخدمي الخلطه دي في حشو جلاش
كأنه جلاش بالبيض والبسطرمه يعني  وطماطم وفلفل بقي وعيشي
وممكن تعملي بالخلطه دي الكيش او البيض

 

الموضوع ل
doda admm