0 كيكه اسفنجيه باقل التكاليف

باقل التكاليف
والوصفه دى من شيف اسامه السيد وانا مجرباها وتملى بعملها
نبتدى ونقول المقادير

2ك دقيق
1/2ك زبده درجه حراره المطبخ
1 ك سكر
2 بيضه حجم كبير او 3 صغيرين
3/4 ك لبن
م ص فانيليا
م ك بكنج بودر
1/4 م ص ملح

الطريقه

يسخن الفرن قبل مانبتدى العمل على درجه 180 م

ننخل الدقيق ونضيف له الملح والبكنج
ونحضر صينيه الفرن اللى حنعمل فيها الكيكه وندهنها بالزبده ونرشها بشويه دقيق بسيط
وخلى بالك نرش القاع والجوانب
الصينيه مقاس 24

اخفقى الزبده الاول شويه لوحدها بالخلاط وبعدين ضيفى عليها السكر واخفقى مده ربع ساعه
لحد ما تصبح المقدار كريمى

وبعدين ضيفى البيض عليهم بالتدريج ولازم البيض يكون بره التلاجه يعنى مش ساقع
واستمرى فى الخفق لحد مايختفى البيض بالمقدار وضيفى عليه الفانيليا وقلبى كويس

ابعدى الخلاط لاننا مش حنعوزه وحنخلط بالملعقه الخشب واحنا بنضيف الدقيق
ضيفى الدقيق بالتدريج للمقدار والتبادل مع مقدار اللبن وبرضه اللبن فى درجه حراره المطبخ
وقلبى من تحت لفوق كويس

هاتى الصينيه اللى حضرتيها قبل كده وصبى فيها الكيك ودخليها الفرن المولع قبل كده
وسويها بالفرن 35 دقيقه او لحد ما يحمر الوش 
واوعى تفتحى عليها قبل 1/4 ساعه احسن تهبط منك

وده شكلها بعد ماخرجت من الفرن

منقول من فتكات

تابع القراءة

0 اعملى كيكة اسفنجية هشة بالسفن أب

* 4 بيضات

* 3 كوب دقيق طبعا لازم تنخليه

* 1 كوب سفن اب

* 3\4 كوب زيت

* كوب ونص سكر

* ملعقة طعام بيكنج باودر

* فانيليا

الطريقة

* نضرب البيض والفانيليا خمس دقائق 
* ثم نضيف السكر ونستمر بالخفق 
* ثم نضيف الزيت ونستمر بالخفق *

 وبعدها نضيف الدقيق و البيكنج باودر بالتدريج ونبقى مستمرين بالخفق لكن نخففالسرعة نخليها على اقل شي 

* الخطوة الاخيرة

 وهي اضافت السفن اب راح تلاحظي انك لما تضيفية الخليط يتنفش وهذا بسبب الغازات الموجودة في السفن اب ونستمر بالخفق شوية يعني نص دقيقة
* اكيد بتكوني محضره الصنية اللي بتحطي فيها الكيكة 

 ودهنتيها بزيت ورشيتي عليها شوية دقيق

الحين دخليها الفرن على درجة حرارة متوسطة انا احطها دائما على 160 درجة واخليها تنجح بالراحة تاخد لها ساعة تقريبا 
وطبعا اول نص ساعة ممنوووووووووووووووووووع انك تفتحي الفرن عشان ماتهبط عليك الكيكة

وبعدها راح تطلع لك رووعة

ها ايه رايكم يارب تعجبكم الوصفة

مع السلامة اشوفكم بوصفة ثانية

بس امانة اللي تجربها تعطيني النتيجة اللي طلعت معها

منقول من فتكات 

تابع القراءة

0 كيكة الميرندا اللذيذة بالصور

3 بيضات 

كوبين دقيق متقلب عليهم نص كيس بيكنج باودر

 نص كوب زيت ذره 

فانيليا

 كوب ميرندا برتقال 

كوب سكر


فى الخلاط البيض والفانيليا ونقطتين خل

ولما يمتزجو نضيف السكر شويه بشويه والخلاط داير

وبعدين الزيت ونخلط كويس

نفضى الخليط فى طبق واسع او بوله
ونضيف الدقيق شويه بشويه بالتتابع مع الميرندا لحد ما المقدار يخلص كده

وطبعا نصبها فى قالب وعلى الفرن
وده شكلها لما استوت خفيف وهشه وعاليه ماشاء الله وطعمها روعه

منقول

تابع القراءة

0 اعملى لانشون من غير لحمة خالص وصحى اكتر

المقادير

5بيضة
5قطع جبنه مثلثات
5معالق دقيق
نص كوب زيت (نوع كويس)
3 فص ثوم
3 حبات حبهان
2 مكعب مرقه دجاج
ملعقه صغيرة فلفل اسود صحيح

دم الغزال(لون من العطار) تضعي كمية قليلة في حجم رأس عود الكبريت

وممكن تحطى بدل دم الغزال بابريكا تدى نفس اللون

الطريقة

تحطي كل المكونات في كاس الخلاط وتضرب

هم جيدا علشان تتاكدي ان المرقه اتفتت والمكونات امتزجه ببعض
بعدها تحطي الخليط في كيس طويل زي الكيس الي بيكون فيه الجلاش او الاكياس الي بتكون فيها التوابل
نتاكد ان الكيس مفهوش هواء خالص يعني نخلي الكيس حول الخليط وماتسبيش فرغات علشان ما يفرقعش
احتياطي ان بحطه في كيس او 3 واقفل كل واحد كويس
وفي دلوقتي كبايات مخصوص في السوق للانشون لو عندك يكون افضل
نحط الخليط في حله مليانه ماء مغلي علي النار ونسيبها لمدة ساعة ونص
بعدها نطلعها نسيبها تبرد ونحطها في الثلاجه 

منقول

تابع القراءة

0 افكار حلوة هتسهل عليكي فى مطبخك

حبيباتى اسمحولى اقدملكم 10 افكار للمطبخ
ويارب تستفيدوا منها


1- خلى دايما عندك فى التلاجة شربات جاهز للحلويات اعمليه واحفظيه فى برطمانات نضيفة وتاخدى منها حسب الطلب




2-شيلى فى الفريزر كام كيس عصير طماطم ينفعوا وقت الزنقة وخصوصا لو الكهربا مقطوعة كالعادة

2-اى طماطم تتوفر عندك خصوصا وهى رخيصة اغسليها ونضفيها وشيليها فى الفريزر بتنفع وقت الزنقات والعزومات



4- لسهولة تقشير التوم انقعيه فى شوية مية لمدة ربع ساعة هيتقشر بكل سهولة


5- لتحمير اللحوم المسلوقة بطريقة جديدة وصحية ابشرى واحدة طماطم وشوية فلفل اسود وبهارات لحمة وكبشة شوربة واغليهم مع اللحمة المسلوقة على البوتجاز غلوتين وبعدين دخليها الفرن 5دقايق تحت الشواية ودوقى الذ واخف لحمة محمرة









6- ونفس الخطوات اعمليها مع لحمة الفراخ المسلوقة بس تقطعيها الاول


7- لو عندك شوربة بط او وز هتلاقى على وشها طبقة سمنة كتيرة شيليها بالمعلقة فى طبق وحطيها فى التلاجة
وحطى منها معلقة على المحاشى بتديها طعم وريحة جميلة (لو طولت عندك احفظيها فى الفريزر احسن تبوظ)

شوفى شكلها ولا السمنة البلدى وطبعا هى افضل كتير واقل ضررا من السمن النباتى المهدرج


8-لما تعملى كباب فى البيت افرشى تحته حبتين بطاطس متقطعة طرنشات رقيقة هتشرب من اللحمة وتكون افضل كتير من الشيبسى الجاهز





9- لتجنب فوران اللبن حطى معلقة الشاى او اى معلقة معدن فى قعر الحلة ومعلقة خشب فوق الحلة بالشكل ده (بتمتص الحرارة الزيادة وتخلى اللبن ياخد كفايته من الغليان بدون فوران) بس اوعى تسيبه وتخرجى من المطبخ وتعتمدى على المعلقة
المعلقة بتهدى الحرارة شوية وتخليكى تقدرى تقلبى فيه براحتك من غير مايفور منك

10- لو عاوزة تعملى حاجة سريعة جنب الاكل ومفيش طماطم هاتى 2حبة بطاطس وقطعيها طرنشان رقيقة وعليها بصلة حلقات رفيعة ومعلقة سمن وفلفل وملح ورشة مية صغيرة واغليها على البوتجاز غلوة ودخليها الفرن وبعد 10 دقايق دوقى احلى صنية بطاطس بيضا


منقول من فتكات

تابع القراءة

0 بطاطس بيوريه بالبيض المقلى والبقدونس

المقادير:
======
نصف كيلو بطاطس - ملعقة زبدة - حزمة بقدونس مفرومة - فصين ثوم مفرومين - 4 بيضات - ملح وفلفل

التحضير:
======
- اغسلى البطاطس واسلقيها وقشريها

- فى طاسة كبيرة أو حلة اهرسى البطاطس مع الزبدة والثوم والبقدونس

- حطى الحلة على النار وضيفى البيض على البطاطس مع التقليب المستمر لغاية 

مالبيض يستوى وبالهنا والشفا 

* تقدم مع السلطة الخضراء *

تابع القراءة

0 المكرونة بصوص الجبنة

النهاردة جايبالكم وصفة للأكلة الأشهر والأفضل للأطفال في بلاد كتير قوي علشان فيها 

عناصر مهمة بتزود من طاقة الطفل، الماك أند تشيز او المكرونة بصوص الجبنة 

وجبة سهلة وسريعة ومليانة كالسيوم وكمان تنفع للأطفال من سن سنة 

المقادير: 

=====

- نصف باكو مكرونة مرمرية (أصغر حجم) أو خواتم، على حسب سن الطفل وقدرته على المضغ.

- نصف ملعقة كبيرة زبدة أو زت زيتون (زيت الزيتون صحي اكتر)

- ثلث كوب جبنة شيدر مبشورة أو متقطعة صغير.

- مثلثين جبنه (اهريسيها بالشوكة) أو ملعقتين كبيرتين جبنة كوبايات (كريمة سبريد ).

- نصف كوب لبن.

- ملعقتين صغيرتين دقيق.

- ممكن تضيفى: ملح، فلفل، خلطة بهارات حسب الرغبة وعمر طفلك. كل ما تقللي الملح لولادك كل ما يكون احسن لصحتهم.

التحضير :

=====

المكرونة:

- هتحطى المكرونه فى مياه مغليه و تسلقيها

صوص الجبنة:

- هتخلطى نصف كمية الدقيق مع اللبن و تقلبيهم كويس.

- في طاسة سخني الزبدة/الزيت وضيفي باقي الدقيق وقلبي لحد ما يبدأ لونهم يصفر،

 ضيفي خليط اللبن بالدقيق

واحدة واحدة وأنتى بتقلبي لمدة خمس دقائق

- هتزودي الجبنة الشيدر و المثلثات وتقلبى لمدة دقيقتين وبعدين تطفي عليه.

دلوقتي اخلطي صوص المكرونة والجبنه في طبق بايركس أو طاجن (أو أي طبق ينفع تدخليه الفرن).

هتدخليه الفرن لمدة 20 دقيقة.

تابع القراءة

0 كيكة الزبادى سهلة ولذيذة

المقادير:

=====

كوب ونصف دقيق - ملعقتين بيكنج باودر - ربع ملعقة ملح - كوب سكر - ملعقة عصير ليمون - كوب زبادي - نصف كوب زيت او ربع كوب سمن وربع كوب زيت - بيضتين - نصف ملعقة فانيليا

التحضير:

======

قبل ما تبدأي حتولعي الفرن على درجة حرارة 180 درجة وتسيبيه يسخن.

- حنخلط الدقيق والبيكنج باودر والملح.

- في وعاء أخر حنخلط الليمون بالسكر ثم نضيف عليهم الزبادي والزيت والبيض والفانيليا ونقلبهم كويس.

- ثم نضيف عليهم الدقيق والبيكنج باودر والملح ونخلط المزيجيين ببعض.

- حندهن قالب الكيك سمن ونرش عليها دقيق ثم نصب الخليط فيها

- تدخليها الفرن و تسيبيها لمدة نصف ساعة.

*تقدري تتأكدي ان الكيكة استوت بانك تغرزي فيها سكينة أو خلة أسنان، لو خرجت فيها عجينة يبقى الكيكة لسة محتاجة تدخل الفرن، لو خرجت نضيفة، يبقى الكيكة جاهزة.

- تخرجيها وتسقيها وهى ساخنه بالشربات البارد.

- ممكن ترشى على الوش جوز هند للتزيين وبالهنا والشفا على قلوبكم يا حبايبي 

تابع القراءة

1 طريقة الكيكة الاسفنجية واسرار نجاحها

 من الاسرار العامه لنجاح الكيكه الاسفنجيه:

• ضرب البيض و السكر جيدا  و لفتره كافيه على سرعه عاليه
• الفرن يكون حار و عند ادخال الكيكه نخفض الحراره ل 180
• الكيكه تحتاج صينيه سميكه اذا كانت صينيك رقيقه ضعي اي صينيه تحتها حتى لا تحترق
• عدم فتح الفرن قبل مرور 40 دقيقه على وضع الكيكه
• لا تخرجي الكيكه من الصينيه الا عندما تبرد تماما

السر الاخير انا سمعته من زمان في برنامج لمنال العالم و جربت الطريقه و فعلا طلعت كيكه رائعه و هي انها ضربت البيض على حمام ماء ساخن لماذا؟ علشان البيض يكون نص سوا ( بس مش تقليه على حمام البخار مجرد انك تقيسي الحراره بصبعك لو حسيتيه دافىء يبقى خلاص كفايه عليه حمام البخار الساخن ) بالطريقه دي عمر الكيكه ما حتهبط منك ان شاء الله 

مقادير كيكه الشيف اسامه :

• 5 بيضات
• 3/4 كوب سكر
• كوب و نصف دقيق
• معلقه صغيره فانيليا
• معلقه كبيره بيكنج باودر

مقادير كيكتى الاسفنجيه : 

 المقادير دي اللي انا باعمل بيها كيكتى الاسفنجيه مقادير مختلفه قليلا  لكن برضه نتيجتها حلوه

• 6 بيضات
• كوب سكر
• كوب دقيق
• فانيليا
• معلقه كبيره بيكنج باودر
  منقول من مدونة شيري

تابع القراءة

0 استخدامات قشر الجمبرى

وانت بتنظفي الروبيان “القريدس، الجمبري،الكروفيت” …حاولي تحتفظي بالقشر وماترميه .

نصيحة آسيا …ممكن تعملي حاجتين اثنين ومهمين كثير وحيغيروا مجرى أطباقك ويزيدوها نكهة ولذة :

- اصنعي شوربة مركزة من قشور الروبيان…واحتفظي بيها بالفريزر واستخدميها لتمريق الرز وايدامات ويخنات الاسماك بدل المياه العادية …فقط اغلي القشر مع كمية كبيرة من الماء، قشور الليمون، جزرة ،بصلة مقطعة ارباع ، اوراق زعتر و رشة بابريكا.

- الشئ الثاني والمهم اصنعي بهارك الخاص (الابزار، الخلطة، العطرية) ..فقط ماعليك سوى وضع القشور بصينية فرن وضعي فوقها قشور ليمونتين حامضتين ودخليهم للفرن يتحمصوا مدة 35 دقيقة …طلعيهم من الفرن وهما مقرمشين ولما يبردوا اطحنيهم كويس في مطحنة البهارات …انخليهم واحتفظي بيهم ببرطمان بمطبخك .

هذه الخلطة ممتازة كإضافة لكل يخنات، طواجن، تتبيلات الاسماك والشوربات البحرية ….وفعلا نكهتها قوية ومميزة .

لو عجبتك المعلومة شاركي أصحابك وأفراد أسرتك بيها

 

منقول

تابع القراءة

0 احلى واسهل واطرى كرواسون بالجبنة

دى عجينة سهلة وطرية وتشبه جدا جدا المخبوزات اللى بنجيبها من برا

وان شاء الله هتعجبكم جدا وهتتفجؤا هى قد ايه طرية وناعمة وهشة .

عموما هى طريقة بسيطة جدا وسهلة ودى طريقه سهله فى عمايل الكرواسون ممكن يكون الكرواسون يكون بيتعمل بطريقة مختلفة بس انا جربت دى وظبطت معايا يلا نبدأ.

2ونص كوب دقيق
تلات اربع كوب لبن دافى
ملعقة كبيرة خميرة
نصف كيس بيكنج باودر
رشة ملح
ثلاث ملاعق صغيرة سكر
بيضة مضروبة
ثلاث معالق زيت زيتون
هنحوط الدقيق وعليه اللبن الدافى بالتدريج والخميرة والبيضة وجميع المكونات ونسيبها تخمر حوالى ساعة ونص او ساعتين هتفردى العجين على شكل دايرة كبيرة وتعملى دايرة تانية وتحوطيها فوق الدايرة الاولى وتفردى بالنشابة وتقطعيها بالشكل ده


وتحشيها جبنه او اى حشو انتى عايزاه وتلمعيها ببيض على الوش وتروشى حبة البركة وتدخل الفرن عشر دقايق وتفتحى الشواية تاخد لون وتطلعيها بالشكل ده وبالهنا والشفا

منقول من فتكات

تابع القراءة

0 طريقة الانجلش كيك بالتفصيل

المقادير

عدد 4 بيضات
1 كوب سكر ناعم حبيبات
2 كوب دقيق
2 كيس فانيلا
كيس بيكنج باودر
2 ملعقة كبيرة سمنة او زبدة
2 ملعقة كبيرة زيت

كوب زبادى

الطريقة

أول حاجة نضرب السمنة والزيت مع السكر فى الخلاط
لحد مايكون كريمي

بعد كده نضيف البيض والفانيلا وبعد كده وبعد كده الزبادى وبعد كده الدقيق والبود

بعد كده بحط نصف الخليط في القالب
وبعدين باخد الباقى من العجينة وبضيف ليه كاكاو نسكويك
حوالى 3 ملاعق كبار
وبقلبهم كويس جداااااااا
وبصبها في القالب على الخليط السابق
وبحطها في الفرن لمدة
ساعة الا ربع في السوا

منقول من فتكات

يمكنك أيضا زيارة:

اسهل طريقه لعمل تورتة لاعياد الميلاد

اعملى كيكة على البوتجاز مش فى الفرن

 

تابع القراءة