فراخ مشوية بالصور

تعالوا معايا شوفوا غدانا اانهاردة ويارب يعجبكم المنيو كان عبارة عن (فراخ مشوية +بطاطس فى الفرن+رز مفلفل +)
اولا : الفراخ المشوية
(2 فرخة +4 بصلات وسط مبشور ناعم+كزبرة خضرا مفروم ناعم+3 معالق زبدة+عصير طماطماية مبشورة+بهارات (ملح وفلفل اسمروكزبرة ناشفة وزعتر)
الطريقة :هنغسل الفراخ كويس جداا ونقطعها
نجهز خلطة التتبيلة (بصل المفروم والزبدة الكزبرة والبهارات ونقلبهم فى بعض
وبعدين نجيب الفراخ ونبتدى نحشى تحت الجلد من التتبيلة ونحشى كويس وبعدين نرصها فى صينية ونجيب عصير الطمطماية وشويا ميه بصل وبهارات ومعلقة كبيرة زيت ونقلبهم فى بعض ونرشهم من فوق ع الصينية

وبعدين نغطيها بورق المونيوم
وندخلها الفرن ونسيبها حوالى ساعة وبعدين نشيل ورق الالمونيوم ونحطها تحت الشواية تاخد اللون واتفضلوا بالهنا والشفا



ثانيااا((صينية البطاطس فى الفرن ))
المقادير:كيلو بطاطس+4 طماطم +4 بصلة وسط+كزبرة خضرا+توم +عصير طماطم +معلقة صلصة+فلفل(حسب الرغبة بس اانا ماحطيتش)
ا
هنقطع الخضار شرائح ونجيب صينية ندهنها زيت او سمنة ونبتدى نرص الخضار البصل وبعدين الطماطم وبعدين الكزبرة الخضرة وقطع التوم ونرص البطاطس وبعدين الطماطم وكسبرة خضرا وتوم اخر حاجة البصل
طبعا هنجهز الشوربة لان ماكانش عندى شوربة (مكعب مرقة +وعصير طماطم +معلقة صلصة+بهارات+2حبهان +ورق لورا+توم+سمنة)
جبت حلة حطيتت السمنة حوالى معلقتين وبعدين التوم ولما بقا لونه دهبى نزلت بالطماطم والصلصة وبعدين حطيتت مكعب المرقة وبعدين الميه والحبهان وورق اللورا والبهارات وسيبتها تاخد غلوة وكدا تمام

وبعدين حطيتتها ع الصينية غطيتها بيها وبعد كدا رشى شويا زيت او معلقة سمنة ع الوش
ا
وخليها شويا تغلى ع النار وبعد كدا دخليها الفرن وكدا تمااام

وكمان عملت رز مفلفل ودا هتلاقوا طريقته بالتفصيل فى مواضيعى


وياريت بقا احلى تقييم وتسلمولى كلكم
منقول من فتكات