تفريز وتوفير التوم للسنة كلها من مطبخى

لتخزين الثوم:

مالموضوع منقول للعضوة:

ام ادهم 

بشترى 5 ك بس للسنة كلها والله
اقشره وافرمه فى المفرمة او الكبة ناعم اهو

وبعدين اجيب فلفل احمر رومى عشان ميبقاش حامى عشان ولادى
لو عايزاه حامى براحتك

افرمه فى الكبة خشن شوية وممكن ناعم براحتك
واخلط نص فلفل على ربع توم مفروم يبقى عندى يجى كيلو الا ربع خلطة من دى لونها احمر رائع
واتبلها بالملح والكمون وااقسم على برطمنات برطمان للبتنجان المخلل والطماطم والبابا غنوج وده بازود عليه ليمون وخل واظبته وبيبقى مفرز جميل طول السنة وبرطمان للتتبيل الاسماك كلها وبرطمان لتتبيل الفراخ للشوى وغيره مع خلطة الشوى طبعا
ومقولكوش على الطريقة دى بتوفر اد ايه فى التوم والوقت والجهد وبيبقى جاهز عندى فى التلاجة طول السنة
كل ما تخلص الكمية اشترى فلفل احمر وممكن اخضر على فكرة بردو زى ما تحبى واعمل 3 برطمنات تانى وبيقعدوا كتير لانى باخد منهم بالمعلقة ومع الوقت بينزل ميه حمرا روعة وباحط منها على المخللات كمان معلقة
وادى طبق بتنجان مخلل من الخلطة دى كمان شوفوا منظره يفتح النفس هنا مطحون خشن للبتنجان بيبقى روعة


شوية ملاحظات
لو هاتخلى البرطمان فى التلاجة زودى على وشه زيت عشان يفضل فترة اطول
كمية التوم اقل من الفلفل لكن الفلفل كله بيتشرب بطعم التوم والله بتبقى خلطة عسل

وباحمر منه للملوخية والصلصة عادى جدا بالعكس بيزيد لون الصلصة احمر وللفتة واى اكل عادى انا بافرم التوم كله وافرزه بس فى علب محكمة الغلق لو اكياس بيخلى التلاجة كلها ريحتها توم خلى باللك من النقطة دى
بس اهم حاجة تفرزى تومك كله لان بره فى الجو هاينشف وبعدين يفضى وخسارة اللى اتدفع فيه
اتمنى الموضوع يعجبكم وتستفيدوا منه 

طريقة أخرى:

 بعد تقشيرالثوم اضعه في زيت مغلي وياريت يكون زيت زيتون

ثواني على النار وانزله من على النار

وبعد مايبرد اضربه بلخلاط ضربا مبرحا

واضعه في برطمان يعلوه الزيت واضعه في الثلاجة

والله يستمر معك اشهر