قالب آيس كريم البوظة العربية بالسحلب والمستكة من مطبخى بالصور الكتير

حبيت اشارككم قالب ايس كريم
سهل اووي وبيتعمل في ربع ساعة بس
وندخله الفريزر يتجمد في قالب
وهز بنكهة عربية قالب البوظة العربية
بالسحلب والمستكة بدون بيض
وهو طبعا مشهور اووي من زمان
وكان في الاساس بيتعمل بالسحلب الاصيل التركي
اللي دلوقتي غالي اوووي لدرجة
ممكن يوصل سعر الكيلو منه
الى 400 جنيه
وهو مش متوفر بسهولة طبعا
عشان كده السحلب العادي يغني ان شاء الله
وكل وصفات البوظة العربية دلوقتي بالسحلب
العادي اللي متوفر في كل مكان
وبجد قالب البوظة العربية من ارووع الايس كريمات
عشان فيه مطة كده من الجلوكوز
وسبحانك يارب فيه اصالة لان كل مكوناته عربية
قشطة وسحلب ومستكة

بسم الله المقادير والطريقة

4 كوب حليب
( نصهم حليب طبيعي والنص التاااني مية وندوب فيها حليب بودرة )
4 ملاعق كبيرة قشطة - 4 ملاعق كبيرة سحلب
معلقتين كبااار جلوكوز او عسل ابيض
ملعقة كبيرة مية ورد - كوب وربع سكر
4 فصوص مستكة مطحونة في مطحنة الخلاط مع معلقة كبيرة سكر

الطريقة سهلة اووووي بفضل الله






نحط الحليب والسكر والسحلب والجلوكوز او العسل الابيض في حلة على النار





ونقلب بمضرب سلك لغاية اما يغلي زي كده
نطفي عليه النااااااار




ونضيف الاربع ملاعق قشطة والمستكة المطحونة مع السكر



وده شكل المستكة صورة من النت
لان الصورة اللي كنت مصوراها ضاعت للاسف
وطبعا المستكة عربية اصيلة بفضل الله
وريحتها جميييلة اوووي
وبنطحنها مع السكر عشان مش تلزق في المطحنة



وآخر حاجة نحط ماء الورد بريحته العطرة اللي تشرح القلب
وياااارب يعطر ايامكم باريج الزهور يااحلى اخوااات ان شاء الله





وبس كده خلاااااص خلصت البوظة العربية نحطها في قالب توست مغلف بكلينج فيلم شفاااااف
او كيس بلاستيك ونصبه في القالب وندخله الفريزر لمدة 6 ساعات بس بامر الله
وممكن اي قالب عندنا او قوالب سيلكون كمااااااان

وبسم الله ندخل على صور التقديم على خيرة الله







ونزينه بمكسرااات من فووووق وكام حبة كريز
او ممكن كريم شانتيه معاه نعمله وردات بيبقى حلو اوووووي في الطعم ان شاء الله



ومن الجنب ناعم وجمييييييل



وبدأ يسيح






منقول من فتكات