تورتــة مـوس الشوكولاتة بدون جيلاتين المغلفة بكريمة الشوكولاتة

طريقة تورتة شوكولاتة



وبما اننا بنعشق الشوكولاتة حبيت اعملها كلها شوكولاتة * شوكولاتة
الكيك شوكولاتة ومحشية بموس شوكولاتة بدون جيلاتين
ومتغطية بكريمة الشوكولاتة
والمرة دي هكتب طريقة الكيك بالتفصييل بعد اذنكم حبيباتي
عشان احيانا بنعمل الوصفة ومش نكون عارفين مدة الخفق اد ايييه
او امتى نبطل خفق وامتى نحط السائل وامتى نفتح عالكيك الفرن
وبشكركم كتييير لاني بتعلم منكم حبيباتي بفضل الله

وبسم الله نبدأ مقادير كيك الشوكولاتة الهش

كوب ونص دقيق منخول مع نص كوب كاكاو
ومعلقتين كبار بكينج بودر و3 ملاعق كبيرة نشا
4 بيضات كبيرة - 1 كوب سكر - 3/4 كوب زيت
نص كوب حليب - فانيلا - ربع ملعقة صغيرة ملح

الطريقة بالتفصييل ان شاء الله
وتنفع بنفس الطريقة بدل المضرب نعملها بالخلاااط بتاع العصير



اول شيء نسمي الله ونصلي على رسول الله عليه الصلاة والسلام
وننخل الدقيق والكاكاو والنشا والبكينج بودر وبعد النخل نقلب المكونات
بمضرب يدوي في اتجااه واااحد ده بيخلي الدقيق خفيف اووي
وبيدخله هواااا كتيييير جدااا وبيبقى هش لما يتخبز بفضل الله






نسمي الله ونذكره ونحط في بولة البيض والملح والفانيلا
ونخفق بالمضرب في اتجاااه وااحد عشان يتقلب كله مع بعضه ويعمل رغاااوي
زي الصورة يعني نخفق دقيقة كافية اووووي





ننزل بكوباية السكر على 3 مرااااات نقسمهم
ودي اول مرة نحط فيها السكر عالبيض




ونخفق بالمضرب دقيقتين بسسسس



ونحط تاني دفعة من السكر على بركة الله ونخفق دقيقتين برده





وتالت مرة برده نحط اخر كمية من السكر ونخفق ونلاحظ ماشاء الله
ان البيض انتفخ ونفشش لان السكر بيتحط
على دفعااات ونخفق وعشان بنخفق في اتجاه وااحد




وده قوااااام البيض نفش بفضل الله وبقى سميييك جدااا
وعامل زي الكريمة لما حطينا كل كوباية السكر




نحط الــ 3/4 كوباية زيت كلها عالبيض ونخفق 4 ثواني بس نعدهم في سرنا
وده السر بفضل الله اللي مش هيخلي البيض يهبط بعد مانحط الزيت او اي مادة دهنية



وده شكل قوام البيض لسة هش ونااافش وسميييك حتى بعد ماحطينا الزيت بمشيئة الله
لاننا ماخفقناااش كتيييير هما يااادوب 4 ثواني بسس عشان يتقلب



ونبدأ ننحط الدقيق مع الكاكاو على 3 مرااحل بالتبااادل مع الحليب
ودي اول مرة نحط دقيق وشوية حليب
والسر في نفشان الكيك بعد فضل الله اننا مش نخفق كتيييير لما نضيف الدقيق
يعني يااادوب يتقلب بسسس



ونخفق بالمضرب 3 لفات بسس يعني نعد 3 ثواني ونطفي المضرب
وحتى لو الدقيق لسسة مااتقلبش من اول مرة
نطفي المضرب لانه لسة هيتقلب ان شاء الله




ونحط تااااني دفعة من الدقيق مع شوية حليب



ونخفق بالمضرب برده 3 ثوااني يتقلبوا بسس
والخليط تلون بلون الشوكولاتة اللذيييييذ




الحمد لله خلصت الكيكة المشكلتة
ودلوقتي نحط اخر دفعة من الدقيق مع اخر كمية من الحليب
ونخفق آخر مرة عشان يتقلب يعني نص دقيقة كده بسسس
ونحاول نجيب كل اللي عالجوانب من الدقيق اللي لسة مااتخفقش
ننزله بمعلقة ونخفق بالمضرب وكده الكيك كله اتخفق بفضل الله
وماعادش فيه اي ذرة دقيق وكل بقى مليااان شوكولاتة





ونصب خليط الكيك في صينية مقااااس 26 مدهونة بالزيت او الزبدة
وندخلها فرن ساخن على حرارة 160 لــــ 170 درجة
وندخلها على الرف الاوسط ونقفل باب الفرن برفق ومش نفتح عليها
قبل 25 الى 30 دقيقة ان شاء الله




وده شكلها لما استوت على خيرة الله نخليها في الفرن مدفية
ودي صورة من قلب الحدث الفرن وهيا جوووه
والباب موااارب لمدة عشر دقايق عشان مش تهبط ان شاء الله
وعشان نعودها عالهواااااا الجديد اللي هتطلع له بعد شوية
لان اختلاف الحرارة جوه الفرن ونطلعها فجآآآة بره الفرن بيخلي الكيك
يهبط




وبعد 10 دقااايق في الفرن وبابه مواارب مش مقفول ااوووي
نقلبها ونسمي الله وده شكلها نسيبها برده تبرد والمطبخ مقفول
وبعييد عن اي تياااار هوااا ونهيأ لها كل الاجوااء المناسبة
عشان تنااام بسلاااام على بال مانجهز ليها حشوة موس الشوكولاتة
وكريمة الشوكولاتة

موس الشوكولاتة بدون جيلاتين
المقادير

كوب شوكولاتة مفرومة - 2 صفارة بيض - 4 ملاعق كبيرة زبدة
ربع كوب مية - تلت كوب سكر يعني 5 ملاعق كبيرة سكر
معلقة كبيرة نشا - رشة ملح - فانيلا


3 مغلفات دريم ويب
يعني 15 معلقة كبيرة كريم شانتيه ساااايب
مخفوقة مع كوب ونص مية متلجة او حليب
و 3 ملاعق كبيرة سكر بودرة للتحلية او حسب ذوقك



الطريقة



نجيب شوكولاتة سويفاكس الجميييييلة جداا ربع كيلو بسس
بــ 5 جنيه

نكسر منه 6 مكعبااات يعني كوب شوكولاتة زي كده
ونتسلى واحنا بنقطع في كام حتة شوكولاتة مشكلتة هههههههه




في كسرولة نحط الشوكولاتة والصفار والزبدة والسكر والنشا والمية



وعالناااار نقلبهم بمضرب سلك زي مابنعمل مهلبية بالضبط
وده شكلهم في البدااااية غير عاطفي وهما لسة بيدوبوا



ولما يغلوا زي كده بيكون شكلهم لذييييذ وتحول لبحر شوكولاتة
نطفي عليهم لما تغلي وتعمل فقاقيع زي كأننا بنعمل مهلبية بالضبط

وده شكلها لما بردت بحر من الشوكولاتة النااعمة اللذييييذة
دلوقتي موس الشوكولاتة خلص والله بفضل الله
باقي بسس نخفق الكريم شانتيه ونقلب عليه الشوكولاتة اللي بردت فووق وبسسس




في بولة نفرغ 3 اكيااس دريم ويب يعني 15 معلقة كبيرة كريم شانتيه
بس في الصورة الكيس التالت مش باين




ونحط عليهم كوب وتلات ارباع مية متلجة او حليب ونخفق كويس اوووي
لمدة 5 دقايق ان شاء الله



وآخر لمسة ننزل عليها بالشوكولاتة البااااردة ونخفق




وده شكل الموووس بفضل الله


نرجع لكيكتنا الجميييييلة اللي بردت وارتااحت ونقسمها 3 اقساام على خيرة الله
والموس اهو جنبهم بعييييد بيقول انا اهو هههههههه




ونحط اول طبقة من الموووس على كيكتنا الاميرة



وتااااني طبقة ونحط موووس شوكولاتة
ونغطيها بالكيك اخر شيء

وباقي بس نغطي اميرتنا بكريمة الشوكولاتة باسهل طريقة
نص كوب زيت - نص كوب حليب - كوب سكر او 1 و 1/4 كوب سكر
حسب ذوووقك وحبك للطعم الحلو
و4 ملاعق كبيييرة كاكاو -نص كوب مية - معلقتين كبيرة نشا
رشة ملح وفانيلا
معلقتين شوكولاتة اختياااري او نسكاافيه برده اختياااري





في الخلااااط بتااع العصصير نحط الكاكاو والزيت والحليب والسكر
ونخفقهم دقيقتين هيبقوا كريمة راااائعة زي الصورة كده




ننزلهم في كسرولة صغننة ونحط عليهم نص كوباية مية ومعلقتين كبااار نشا
المهم نقلب المكوناات كلها عالنااار زي المهلبية بالضبططط
ولما تتقل وتغلي نطفي عليها



وده شكلها لما طفيت عليها كريمة شوكولاتة سميكة باوفر المكونات بكرم الله





ولو حبينا نضيف اختيااااري معلقتين شوكولاتة عشان زيادة طعم الشكولاتة
وبعد ماتبرد كريمة الشوكولاتة وتهدى حرارتها ربع ساااعة بسس




نغطي بقى للكيكة
عشان تتغطي بكريمة الشوكولاتة
وطبعا كريمة الشوكولاتة بتتفرد بالمعلقة عالكيكة زي الصورة
وبسم الله نبدأ بصور التقديم




بفضل الله اول صورة وممكن نزينها حسب ذوقنا باي شكل

منقول