تقطيع و تفريز القلقاس ..من مطبخي بالصور

ان شاء الله الطريقه تعجبكم و تكون سهله وواضحه اول حاجه حاولي حجم القلقاسه يكون يااما على قد اكله واحده او تكفي اكلتين و تقسميها على مرتين علشان القلقاس يكون كله سواه واحد تاني حاجه انا باقطع القلقاس و اشيله واحده واحده مش باخلط كل الكميه على بعضها و بعدين افرزها برضه علشان نفس السبب ان لو في واحده ممكن سواها يتأخر ما تبوظ ليش باقي الاكلات .. خطوه احتياطيه مش اكتر اول حاجه هاتي القلقاسه شيلي القطعه اللي فوق اقسميها بالنصف 
 

قطعيها شرحات سمك سنتى او زي ما تحبي

قشري الشرحات دي و قطعيها بالطول و بعدين بالعرض علشان يكون عندك مكعبات و لازم تحاولي يكونو كلهم حجم واحد

اغسلي القلقاس كويس ممكن كمان بمايه دافيه و اغسليه كذا مره و كبي الميه كل مره لغايه ما تلاقي لون الميه بتاعت غسيله اتحولت من اللون ده

للون ده

علشان يكون النشا خرج كله

صفيهم كويس و شيليهم على طول في الفريزر الكيس لاكله واحده

وقت ما تطبخيهم طلعي الكيس بتجميده و حطيه في  الشوربه المغليه و سيبه يفك على النار و يستوي و اطبخيه زي ما تحبي 

منقول

يمكنك ايضا قراءة:

 

تفريزات الطعام لشهر رمضان 

 

ازاى تعرفى تشتري لحمة وتطبخيها

نصايح مهم عند حفظ الطعام بالثلاجة او الفريزر