اكتر من كيكة موفرة جدا بالصور

السلام عليكم ورحمة الله وبركاته
هاوريكم النهاردة تورتاتى وكيكاتى الموفرة الجامدة اخر حاجة بجد

وطريقتها اسهل منها مفيش


2 كوب دقيق

كوب سكر
كوب لبن

نص كوب زيت

باكو بيكنج بودر
باكو فانيليا

معلقة خل
وبس الخل بدل البيض
مش بيبان نهائى

الطريقة تحطى كل المقادير فى الخلاط ماعدا الدقيق
وتضربيها كويس لحد ما تبقى تمام
وبعدين تصبيها فى حاجة عميقة زى حلة مثلا وتنزلى بالدقيق شوية شوية
وايدك بتضرب زى العجان عشان الهوا
لحد ماتبقى جاهزة ومخلوطة تمام وتخبزيها فى فرن متوسط فى صنية مدهونة
وبس هاتطلعلك كيكة هشة وجميلة وممكن تزودى المقادير براحتك
وباقل امكانيات فى البيت متوفرة وتزوقيها
التورتة اللى فوق دى عملتلها صوص شيكولاتة كاكاو وزبدة وسكر بودرة على النار وصبيتها عليها
وزوقتها بالشيكولاتة البيضا وبس


ودى بقى استبدلت كوب اللبن بكوب عصير برتقال فريسش او تانج ممكن بردو تعملوه
وعملتلها كمان صوص برتقال كيس تانج بنص ج وعلية السكر البودرة والزيت نص كوب وعلى النار ادتنى صوص روعة
وصبيته عليها وده خوخ كمبوت كنت عملاه فى البيت زوقتها بيه والله كانت تجنن



ودى وكانت فى موضوع ليا قبل كدة يا بنات بعد ما الكيكة استوت صبيت عليها الجيلى وجمدتها وبعدين زوقتها بالكريم شانيه
وجوز الهند بالقرفة من الجوانب والنص




ودى كمان نفس الكيكة بنفس الطريقة بس غطيتها بالدانيت الشيكولاتة
وبشرت عليها شيكولاتة وزوقتها بالكريم شانيه





وهنا دى رشيت عليها فارمسيه كمان الوان

اتمنى تجربوها

للعضوة ام ادهم

منتدى فتكات