تنظيف الفريزر بتاعى بالصور

ده الفريزر بتاعى فعلا محدش يتريق بقى
جبت طبق وحطيت فيه مايه واللهلوبة (اللى من ماى واى عرفينها دى تحفة)
وحبة فيري

وجبت اسكوتش برايت
وبدأت

دى صورة الفريزر قبل

مش عايزة تريقة





وبعدين خرجت كل الرفوف وحطيت عليها حبة من اللهلوبة
بايدي كده بمسحها بيها واسيبها شوية بتبقى فل
وبعمل كده فى مفاتيح البوتجاز بردوا
طبعا مش بعرف افك مفاتيح البوتجاز فبدهنها باللهلوبة وهى فى مكانها واسيبها شوية
وبعدين اغسلها على خفيف تلاقيها فلة شمعة منورة

المهم غسلت الرفوف وسبتها تنشف براحتها
ده قبل




وده بعد





شايفين بقى نضيف



وبعدين الفريزر نفسه طبعا فى حتت صيرة اوى مش بتعرف الليفة توصل لها
فبجيب البادز اللى هما سلاكات الأذن
وبنضف بيها
شوفوا بنفسكم
ده الجزء اللى مش بعرف اوصله بالليفة متوسخ جدا




وده بعد


وهكذا كل حاجة صغيرة فى الفريزر بغسلها بسلكات الأذن دى


وده شكل الفريزر بعد العملية الجراحية









ايه رايكم