كيكة اسفنجية هشة وسهلة بالصور

بسم الله الرحمن الرحيم



الصورة دى بس علشان اشدكم وتقروا الطريقه وهحطلكم الخطوات بالصور

يلا نبتدى بإسم الله
المقادير

كوبايتين ونص دقيق


كوبايتين سكر + كوباية سمنه + 5 بيضات

معلقتين صغيرين بيكنج باودر + ملعقة صغيرة فانيليا او اقل + اقل من ربع ملعقة بيكربونات الصوديوم + ميراندا برتقال
(لو هتعملوها بالشيكولاته هنستخدم كاكاو + سفن اب )

بشر قشرة برتقاله واحده (يعنى جيبى برتقاله وهاتى المبشرة وابشرى قشرة البرتقاله )
************************************************** *
ندخل دلوقتى على الطريقه
1- نضيف البيض والسكر والسمنه على بعض ونضربهم باليد او المضرب عادى فى اتجاه واحد (ضرورى فى اتجاه واحد علشان ما نخرجش منها الهوا كله)

لحد ما يدوب السمنه والسكر والبيض بالشكل ده


وبعدين نخلط الدقيق والبيكنج باودر والفانيليا والبيكربونات
ونضيفهم للبيض والسمنه والسكر بس شويه بشويه مش كله مره واحده
ونقلب بإتجاه واحد


وبعدين نضيف بشر البرتقال

ونقلب ليصبح بالشكل دة

ونبتدى نضيف الميراندا او السفن شويه بشويه لحد ما تحسى ان العجينه بقت كويسه مش سائله اوى ولا صلبه اوى


نجيب الصينيه اللى هنسوى فيها وندهناها سمنه بسيط خالص مجرد دهان



ونرش على الصينيه رشة دقيق بسيطه علشان الكيكه ما تلزقش


ونحط الكيكه فى الصينيه ونكون مسخنين الفرن من 10 دقايق قبلها على حرارة متوسطه
انا عملتها على درجة حرارة من 190-210


ونحطها فى الفرن واووووووووووعى اوووووووووووووووووووووووعى تفتحى عليها
سيبيها لحد ما تشمى ريحة الكيكه اطفى عليها
والوقت تقريبا من نص ساعه لساعه الا ربع فى درجة حرارة متوسطه
ودى بعد التسويه